Ka Nupepa Kuokoa, Volume XXXVIII, Number 27, 7 July 1899 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Liona o ka Akau

 

He Mooolelo no ke Au Manawa

 

Gustavus Adolphus

 

Kakauia e G. A. Henty a unuhiia e kekahi mea unuhi mooleloo ke Kuokoa

 

MOKUNA XII

            Iaia e hele ana me ka hoomanawanui, no ka nui o ka eha i loaa i kona kino apau, ua huli mai la ia a nana mai la i ka palapala a ke ahi maluna o ka hale i paa pio ai oia i na luahine a olelo iho oia iaia iho;

            “Pakele maoli ka hoi au mai ai maka ai au e kela poe luahine hehena a piha i ka uhane daimonio.’

            Hoomau aku la ia i ka hele ana a hoea i ke alanui, a i kona huli hou ana mai i hope , ike mai la ia ha lehulehu loa na hale e a ia aku ana e ke ahi. A ma keia wa ana i hoea aku ai i ke alanui, ike iho la ia , aole hiki iaia ke hoomau loa aku i ka hele ana, oiai ua hele mai la oia a nawaliwali.

He iwakalua kumamaha hora i komo wahi ai ole ai ia, a hui pu hoi me na palapu ma’u wale a na naawe kaula, a na wahi luahine i hauhoa ai ma kona mau lima ame ka nawaliwali ikau iho maluna ona, aka, hooikaika aku la no nae ia i ka hele ana a hala paha hookahi  mile,  ia wa haalele iho la ia i ke alanui ana i hele mai ai, ua kamoe ae la kana kauo hele ana aku iaia i kekahi mau wahi okumukumu laau e ku ana ma kahi mamao iki aku mai ke alanui aku. I kona hoea ana aku ma keia wahi, haule iho la ia hoomaha maloko o kekahi opu laalaau.

Mamuli hoi o ke anu e noke ana ma ia wa o ke ahiahi molehulehu, ka wa hoi ana i hoea aku ai ma ia wahi, ua loa’a  iho la iaia ka oluolu, a hoomaaaliliia iho la ka eha o na palapu i kau iho maluna iho o na wahi i hauhoaia ai kona mau lima ame na wawae  a paa i ke kaula. Lalau iho la no hoi keia i ka hau (snow) e halii ana maluna o ka honua a mahope iho o kona hoea ana aku ma ia wahi, lohe ae la ia i na kapuai o kekahi poe e holo mama ana. I kona nana mai hoi, lohe ae la ia i na kapuai o kekahi poe kanaka e holo mama ana. I kona nana ana mai hoi mai kahi ana e pee ana, ike mai la ia he puulu kanaka lehulehu maoli lakou, a hoomaopopo iho la ia e hele huli ana ua poe kanaka la i ke kulanakauhale, mahope iho o ko ia nei i hana ia na wahi luahine a lakou i ke ahi, a lohe iho i na wahi luahine a lakou, na ia nei i hana ia hana, a pela pu hoi ma ko ia nei pakele ana, ua hae loa ko lakou inaina no ia nei, a no ia mea ua hahai mai la lakou ma ko ia nei meheu.
            Hala aku la ua poe kanaka nei, a eia no keia ke moe malie nei me ka oni ole, a i ka hala ana o hookahi hora o kona moe malie ana, ua loaa iho la iaia he oluolu nui, nolaila, haalele iho la ia ia wahi, a hele aku la ia i hookahi mile mai ia wahi aku. Ua manao iho la ia, maila ma keia hele ana a na kanaka o ke kulanakauhale e huli iaia a hiki i kona loaa ole ana, alaila, ma ka wa a lakou wa a lakou e huli hoi mai ai, oia ko lakou wa e noke ai i ka huli maloko o na ulunahele apau e kokoke ana i ke alanui, a nolaila, wahi ana i noonoo iho ai, ina oia e hoomau ana i ka noho ana ma ia wahi, aole auanei e ola kona loaa ia lakou.

Hele aku la keia a hiki i kona hoea ana aku i kekahi wahi papai hale uuku. Wehe aku la keia i ka puka, aia hoi, hemo aku la, oiai, aole no ia i paa i ke ki ia, ike iho la ia aohekanaka oloko, aole no hoi he mea e ae,hoomaopopoiho la nae ia, he wahi hale ia no kahoomalumalu ana i ka pipi.Ike aku la ia i kekahi wahi alapii e ku ana ma kahi kokoke i ka paia aku o ua wahi alapii la a hoea iluna.

Hoea aku la ia ma kekahi wahi keena i hoahuai me ka mauu maloo, a ma keia wahi haule iho la keia hooluolu.Uhi mai la ia i ka mauu maluna ona. Aole hoi i liuliu iho ka ia nei pupue ana i ke anu, hoomaka mai la kona kino e ike i ka mehena. Ike iho la nohoi ia i ka eeu  hou ana mai o ka eha iloko ona, a hoomaopopo iho la ia, ua loaa mai ia mau eha iaia mamuli o ka holo poai ana o ke koko iloko o kona mau aa koko.

I kona ala ana ae, ua aui ka la, a ia wa hoi oia i lohe ae ia i na loe hauwalaau o kekahi puulu kanaka, a pela hoi me na leo huro o kekahi poe o lakou. ia wa. ala ino ae la ia iluna, nana aku la ia ma ka hakahaka o ke keena ana i moe ai, ike aku la ia he puulu kanaka i hiki aku ko lakou nui i ke kanaka a kanalima paha. E paa ana kekahi poe o lakou i na koi-lipi, ka kekahi poe hoi he mau pahi kakiwiliilii, a he mau laau ihe liilii hoi ka kekahi poe.

Aia mawaena pomo o ua poe kanaka nei ike aku la ia he elua mau koa Suedena, a hookahi koa Sekotia. Ua hele ko lakou mau helehelena a ku i ka manaonao, ua oki loa ko lakou mau aahu i ke koko, a ua aneane hoi e hiki ole ia lakou ke hele no ka nui o ka nawaliwali. Aka e noke aku ana nae keia poe kanaka i ka houhou ia lakou me na laau ihe, a e noke aku ana nohoi i ke kui ia lakou.

 Aole i kana mai ka ukiuki ame ka inaina i ulu ae i kela wa iloko o ko Makamu houpo, a ua piha  iho la nohoi oia i ke aloha no kona mau hoa i alo pu mai i na poino ame na pupilikia a ke kaua. Manao iho la ia e holo aku a e hoao ehoopakele i ua poe hoa nei ona, aka, ike iho la ia, he hana makehewa wale no ia ana e hana ai, oiai, aole hiki iaia ke lanakila maluna o na kanaka he 40 a 50 ka nui ; a o kona hana ana pela, wahi ana i noonoo hou iho ai, he uhao wale ana aku no ia iaia iho iloko o kekahi make ana i ike mua ai e kau mai ana maluna ona, a he hoomahuahua ana aku noho ia i ka lehulehu o na kanaka o loko o ko lakou pualikaua i lilo i poe luahi poino na kela poe kanaka piha diamonio.

“Mamua aku nei,” wahi ana i olelo iho ai iaia iho, “ua kauamau aku au i ko’u poe kanakamai i hana ino ana aku i nei poe kanaka kuaaina, a us hana nohoi au i na mea apau e loaa ai ia lakou ka palekana mai ka inaina aku o ko’u mau koa; aka nae, ke ike nei au, i ka makehewa loa oia mau hanaana a’u; nolaila, oiai makou e noho ana ma Bavaria nei, aole loa au e papa ana i ko’u poe kanaka, aole lakou e kau aku i hoopai kupono maluna o keia poe Bavaria pupule. I keia wa, ua mamao loa au mai ko’u pualikoa mai. Me he mea la, aia paha ka pualikoa holookoa mamua pono mai o ka kulanakauhale o Ingolstadt. He elua la o ko’u noho ai ole ana i ka ai, a ke hoomaopopo nai au aole e loaa wahi ai ana ia’u a hiki wale i ko’u hui hou ana aku ma ko’u puali. He mea oiaio nae, aia mawaena o’u ame ko’u puali he lehulehu o keia poe kanaka Bavaria omo-koko, nolaila, he hana nui na’u ka imi hele ana aku i alahele e hui hou aku ai ua me ko’u poe kanaka.”

Noho hoomanawanui iho la keia a hiki ka napoo ana o ka la, a ma ka wa i halii pono loa mai ai ka pouli o ka po, oia kona wa i haalele iho ai i kahi pupupu hale, a hele iho ai oia paha ke alanui e hoea aku ai oia i kahi i hoomoana ai ka pualikaua Suedena.

Oiai keia e hele ana, e noke mau ana ia i ka hoomalo i kona kino. E hoonioni mau ana nohoi ia i kona mau manamana lima i loaa ai ia lakou ka hiki ana ke oni me ka maikai, i hiki ai hoi iaia ke paa pono i ke kumu o kana paahikaua. Pela nohoi kona mau wawae, e noke ana no ia i ke kikookoo. He mea oiaio, o keia mau hana ana apau ana, ua hanaia e ia me ka hoomanawanui i na eha he nui i hoouluia mai iloko o kona kino e na palapu i loaa iaia, aka ,ma keia hana ana nae ana, ua loaa nui iaia ka ikaika o kona kino.

Aole i loihi loa kana wahi i hele aku ai, aia hoi, ike aku la ia i ka wena ana mai a kekahi malamalama mamua pono aku o kahi ana e hele aku ana. Hoomau aku la no ia i ka hele ana, a hiki i kona ike ana aku i kekahi wahi kauhale mamuli o ka malamala o ke ahi ana i ke aku ai. O ke ahi hoi ana i ke aku ai, e hoopuniia ana ia e kekahi puulukanaka.

 

“E, he hana hoi ka kela ahi e a mai la,” wahi ana i pane ae ai, “ke ole au e kuhihewa, he ahi kela mo kekahi, poe o makou. E hele aku ana au e nana i ka hana a kela poe. Eia nae, aku ana au iloko o kekahi hale o kela poe e huli ai i wahi mea ai na’u.”

Hele aku la keia a ma ke kua o ka hale mua loa i hoea aku ai ia, komo mai la ia iloko.nHe meha pu wale no o loko. He meha pu wale no o loko. Paa pono iho la ia i kana pahikaua ma kona lima a hele pololei aku la ia ma kono lima a hele pololei aku la ia ma kahi e ku ana kekahi kapuahi. Huli ae la ia komo aku la iloko o kekahi rumi, a ike aku la ia e ku mai ana kekahi pakaukau, a maluna iho o ua pakaukau la e waiho ana he pa ma kakahi mau omoomo palaua hou loa, me he mea la o ka mo’a ana ae no ia a waihoia iho maluna o ua pa la. O ko ia nei wa no ia i lalau aku ia i kekahi o ua mau omoomo palaoa la, a noke iho la ia i ka ai ma ka hilaai nui. Ike ae la ia e kau ana ma ka paia o ua rumi la he hue ili waina, elike me ka mea maa mau maloko o na hale o na kanaka i kuaaina ma ia hahi, lalau aku la keia i ua hue ili la, a inu ae la i ka waina. Maona iho la keia, a ike iho la keia i ke konikoni maikai ana ae o ka ikaika iloko ona, a mohala mai la hoi na manaolana mahiehie iloko o kona noonoo apau. Lalau hou aku la keiai kekahi popo palaoa, uhai ae la a hooiho la iloko o kona kuka, alaila, puka aku la ia iwaho. Hele aku la ia mahope aku o na hale, a hiki i kona kokoke ana aku ma kahi a hiki pono ai iaia ke ike aku i na mea apau e hanaia ana ma kahi o ke ahi a e ana. Ike aku ia ia me ka manaonao nui i kekahi hiohiona i hoala ae i ke okakala i koa kino apau.

Ike aku la ia ha ewalu a he um i paha poe kane, a he kanaha a oi aku poe wahine ana i ka uwauwa. Aia hoi ma kekahi pou e ku ana mamua iho o kahi a ke ahi e a ana, ua nakiikiiia kakahi kanaka. Ua olohelohe kona kino apua, a he ku i ka manaonao kona mau ano apau.  He aha hoi poe kanaka e ae i paa i ke kupeeia a muu mokaki ana ma kahi kokoke i ke ahi. Mamuli hoi o ka malamalama o ke ahi e a ana ia wa ike aku la ia i na kahei silika omaomao, a hoomaopopo iho la ia he poe kanaka Sekotia lakou, a ia wa i hooholo iho ai oia i kona manao e hoao ana oia ma kona ikaika apau e hoopakele i keai mau hoa kanaka ona.

Kokolo malie loa aku la ia, a hoea i ke kae o ke alanui, alaila kaikai ae la ia i kana pupanapana, kau pololei aku la ia imua o kekahi o na kane e anehe iho ana e hou i kekahi o na kanaka Sekotia me ka ihe, a ia wa oia i ki aku ai i kana pupanapana. Ku aku la ua kanaka la a haule iho la oia ilalo. I ka helu elua nohoi o ka ia nei ki ana aku i kana pu, haule aku la he kanaka hou, a ia wa i pioo ae ai na mea apua o ua puulu kanaka Bavaria nei, a o ko ia nei wa hoi ia i hooho ae ia ma ka olelo Geremania:

“E pepehi-e pepehi i kela poe. Aole hookoe i kakahi mea hookahi o lakou.”

Ia wa nohoi keia  i holo aku ai me ka ikaika ma kahi e ku ana ua poe nei me ka pioo, a no ka hikiwawe loa o keia kapalulu ana aku ai me ka ikaika ma kahi e ku ana ua poe nei me ka pioo, a no ka hikiwawe loa o keia kapalulu ana aku a ia nei, ua manao iho la ua puulu kanaka Bavaria nei he nui ai lakou ma na wahi he nui.

I ko Makamu hiki ana aku ma kahi e waiho ana kona mau hoa Sekotia, o kona wa no ia i okioki iho ai i na kaula i hoopaaia ai lakou ma ka olelo ana iho hoi me ka awiwi nui:

“E awiwi kakou. E haalele kakou i keia wahi. Mai kali hou aku kakou i wa hou aku, o loaa mai auanei ka kou i kela poe omokoko”

Me ka hooikaika nui ala ae la ua poe nei, ua hele nohoi ko lakou mau au a opili i ka ua mea o ka maeele mamuli o ka paa ana i ke kaula i hauhoaia ai lakou. Alaila, pane hou iho la o makmu:

“E kolo ae oukou a ka hale mua loa e loaa ana ia kakau, a o ko kakou wahi ia e hoomaha iki ai. Manao au e hiki ana no ia kakou ka noho ma ia wahi a hiki i ka wa e pau ai ka opili o ko oukou mau wawae ame na lima.”

(Aole i pau.)

 

OLA KONA KUNU

 

Ua loohia au i kekahi kunu no na makahiki he lehulehu, a ma ke kau haule lau i hala aku nei loaa no au i ke kunu i oi loa aku ke ikaika i ko ka wa mamua. Ua lehulehu nohoi ka’u mau laau e lawelawe ai, aole nae he loaa o ka oluolu, a ua hai mai la kekahi hoaaloha ia’u i omole o keia laau, oiai ua ike oia he wahinekanemake ilihune au. Ua hoao iho la au i ua laau la, a ua ike au i ka loaa ana o ka maha ia’u. I ka omole mua loaa no ia’u ka maha, a i ka lua o ka omole, o ko’u ola loa no ia. Aole i loaa ia’u he ola kino maikai iloko o 20 makahiki i kaa hope ae nei elike me keia. Ke haawi nei au i keia hooia ana me ke kono oleia ana mai, aka mamuli wale no o ko’u makee ana no ke ola i loaa mai ia’u. Me ka mahalo. Mrs. Mary A Beard, Claremore, N. K. E kuaiia ana e BENSON SMITH & CO., na Agena Kuai Kukaa o ko Hawaii Pae Aina, ame na poe hana laau apau, a kuai laau nohoi.

 

Ke Aloha o kuu Makuahine

 

 

KE ALOHA O KA”U MEA I ALOHA AI

 

 

Ka Mana o ke Aloha

 

He Moolelo Walohia

 

KA PAIO KAKA PAHI AKAMAI LUA OLE. HOIKEIA KA MEA HUNA MA KA OI O KA MAKAKILA.

I ko George hoomaopopo ana i keia kuia pu ana ona me kekahi o na hana ahele akamai loa a ke Kuana Berene i hoolala ai, elike me ka mea i hoikaia ma ka mokuna i hala ae nei, ua pelu hou mai la ia i hope a hele hou mai la ia i hope a hele hou aku la na ka Banako,  no ka halawai ana ma kona hoaaloha, a e hoike aku hoi imua ona no kona ae ana e paio kakapahi me Monsiu Burebona.

            I kona hoea ana aku i ka Bamko e noho mau ana nohoi kona hoaloha, a ua haohao loa oia no keia hoea koke ana aku o George, oiai ua manao loa oia aia oia i ka hale o kona mau makua kahi i noho ai.

            “Ea, heaha keia au i hoi hou mai nei. Ua halawai anei oe me kekahi hana ano nui loa i pelu hou mai nei oe i hope nei? Manao loa iho nei au aia oe i ka hale kahi i noho ai. E kuu hoaloha, ke ike nei au ma ka hoike a kou mau helehelena, ua halawai oe me kekahi mea ano nui loa. E hai mai oe ia’u.

            “Ae, e kuu Robata maikai, ua halawai au me kekahi mea ano nui loa, a e hoike aku ana au ia oe i ua mea la i halawai pu aku nei au. Ua haawi aku nai au i ka’u ae no ke komo ana aku e paio kakapahi me Burebona, kekahi o na kanaka akamai loa o Perisa nei ma ia hana. Ua maopopo ia’u, mamuli o kona olelo ana mai ia’u, ma ka wa a maua i kamailio pu ai, mahope iho o kona hookui pu ana mai me au ma ke alanui, o Barona Limera ka mea nana e kamailio me ko’u kokua, ina he kokua kekahi o’u, no na mea apau e pili ana i ke ano o ko maua kakapahi ana, he hana keia i hoouluia mai e Berene. Mai ae ole no au e ana pahikaua pu me ia, ina mamuli wale iho no o ko’u hookui pu ana aku me ia ke kumu i ulu mai ai o kana aa paio me au, aka, o kona hoike ana mai i ka inoa o barona Limera, ike iho la au o kela Berene puuwai eleele ma ke kumu o keia hana, a no ia mea, ua makemake loa au e hoike aku i ua Kauna Diobolo nei, ua hiki ia’u i kona enemi ke hoopuhili aku i kana mau hoolala manaoino ana o keia ano; a i mea hoiehoomaamaama aku ai i kona noonoo eleele, ua ae au e hoomaka i ka paio ana me ia ma na ano apau ana i makemake ai. Nolaila, i hoi hou mai la au e hoike aku ai oe, e kuu hoaloha maikai, o oe ko’u hope ma keia hana. E hana aku oe i ka aelike hakaka pahikaua mawaena o’u ame Burebona, me he mea la nau ponoi iho ia aelike. Malia, aole e liuliu ana mahope iho o ko’u haalele ana ia oe, a hoea mai no ka Barona limera ia nei. A o kekahi, e hai aku au ia oe, mai hopohopo oe no ka hiki ole ana ia’u ke ana pahikaua pu me keia kanaka kaulana loa o loko o ka puali Imeperiela ma ke kakapahi. Manao au, aole i poina ia’u na oniu pahi makaukau loa a kela kanaka Tureke i noho ai i Parisa nei i kekahi mau makahiki loihi i hala ae nei. O ua kanaka Tureke la ka mea nana i hoohaahaa ke kanaka kakapahi kaulana o Sepania i hoea mai ai i Perisa nei ma ka wa nohoi e noho ana ua kanaka Tureke la ia nei. Manao au e hoike koke ae ana oe i ka hopena o ka olua mea au ia oe.”

            “Aole au i manao penei iho la ka hikiwaweloa o ka hoea ana mai o ka hookoia ana o na a Darana i hai mai nei ia kaua ma kana wahi palapala. He mea oiaio loa, he hoaloha pili paa o Barona Limera no ke Kauna Berene, a o keia Burebona hoi, ua hoolimalima ia oia e laua e hana i keia hana, aka, ke paulele loa nei au maluna o kou makaukau ohiu pahikaua, e kuu hoaloha,” wahi a Robota i pane mai ai i kona hoaloha.

            I kela wa ku ae la o George iluna haawi aku la i kona lima no ke aloha ana i kona hoa, a huli hoi mai la ia no ka home o kona mau makua. I kona wa nohoi i hala mai ai, hoea aku la o Barona Limera i ka hale Banako. Huipu iho la laua a kamailio iho la no na mea apau e pili ana i ke ano o ke kaka pahi ana mawaena o na moho a laua, a ua holo na mea apau.

            Ua hooholoia ma kahi ululaau mahope iho o ka luakini o Notre Dame du Piax e malamaia ai ka  hakaka-pau ke ola oia ka hopena o ka manao ana o kekahi o na hoa paio, oia hoi ka mea  i loaa iaia ka lanakila, e kapae i keia hopena maluna o kona hoa paio i hoonawaliwali, a hoeha wale ia no paha. Hora 5 oia ahiahi a malamaia ai ia hana.

            Ua hoike mai la ka Barona Limera i kona manao minamina loa o ka ili ana maluna iho o kona hokua ka koikoi o ka hoolala ana i kekahi hana e komo aku ai ko George ola iloko o ka poino ame ka pilikia, oiai ua hoomaopopo ioa mamuli o na lono i hoea aku imua ona mai na alii moku aku o ka mokukaua ana i holo ana i Kone Kina, he kanaka opio oia i piha me ka haawina o ka maemae ame ka maikai, a, aia hoi mamua ona he alahele malaelae o ka hehi ana aku ma kekahi kulana kiekie loa maloko o na koamoana, a aina paha.

            Ua pane aku la hoi o Robata imua o ua Barona la:

            “Owau nohoi kekahi i hookaumaha loa ia no keia komo ana aku o Goerge ma keia hana, oiai ua oi loa aku ka poino e loaa ana ma kona aoao, ina oia e pilikia ana ma keia hana, mamua o ka pilikia e loaa ana i kona hoa paio. Ua hoomaopopo au, he kanaka ohana ole o Monsiu Burebona, a he  kanaka nohoi ia i loaa ole ke kuonoono a kona poino ana, aole ia he mea e kau ai he pilikia a kaumaha maluna o ka ohana, a maluna paha o ka waiwai, elike la me ka poino ana o George. Eia nohoi kekahi, aole hiki iki ia’u ke ike, pehea la i loaa ai he kumu nui ma ka aoao o Burebona e aa e paio me George, ina o kela wahi hookui wale ana no ia George ke kumu e hoea mai ai he aa paio nona ka hopena he make. He kanaka o Burebona i kamaaina ia’u. He nui no kona mau wa a’u i ike ai e hookui pu ana me kekahi poe e ae, elike me iho la no me keia hookui ana iho la ona me George, aole nae oia i haawi i ka aa paio ana elike iho la me keia. Ma ko’u manao, aia he mea okoa aku ma ke kua o keia hana ke kumu oiaio maoli o ak ulu ana mai o keia aa paio kakapahi ana. Ke lana nei nae ko’u manao, e hoikeia mai ana keia e ka oi o ma makakila a na moho a kaua.”

            Ma ka wa i haalele iho ai ka Barona Limera ia Robata o ka hora ekolu ia ia wa. Ku ae la o Robata ahele aku la no ka hale o kona hoaloha.

            E kuu makamaka lehulehu, maanei e huli ae kaua a nana aku ia George ma kona wa i hoea aku ai i ka hale. Aole oia i hele e ike i kona makuahine elike me ka mea maa mau iaia ma na wa apau ana e hiki aku ai i ka hale, aka, ua komo koke aku la ia iloko o kona keena kakau palapala, a kakau iho la ia i kekahi palapala ma ka inoa o kona makuahine. O  ke ano nui o ua palapala la, oia no kona i hoike ana i na mea apau e pili ana i kona hoopakele ana ia Alice mailoko mai o ka luakupapau, ko laua hui pu ana ka makuahine bapatema o Alice, ko laua holo ana i Italia, ame na mea no apau e pili ana ia laua ame ko laua noho huna ana ia laua iho, a e hoike ana nohoi, o kekahi kanaka kiai o ka pailina mamua, nona ka inoa o Rikeke, ame kekahi wahine opio e noho ana ma kahi kauhale o Brunoy, a o Susana ka inoa o ua wahine la; o laua na mea kino ola uhane mawaho ae ona i ike ia Alice, a pela nohoi kona hoaaloha o Robota, oiai, ua hoike oia iaia i na mea apau e pili ana ia Alice. Aole nohoi oia i poina i ka hoike ana ae no Loio Durana, oia kekahi mea i hoomaopopo ua ola hou o Alice.

            U akakau iho la nohoi oia he palapala kauoha e hooili o kona makuahine ina oia e poino ana ma ka huakai ana e hele aku ana ma ia mua kokoke iho, a e hoonoho ana hoi i kona hoaloha, ia Robota i lunahooponopono waiwai no kona mau waiwai apau.

            Mahope iho o ka paa ana o keia mau palapala, hookomo iho la ia iloko o kekahi wahi i hana maiau ia, a hoo iho la iloko o ka pakeke o kona kuka. I kela wa i komo aku ai kona hoaloha o Robata. Noho iho la laua a kamailio iho la no na mea e pili ana i ka aelike i hanaia e ia ame ka Barona Limera. Aia ma ka hora 5 e malamaia ia ka paio mawaena o laua. Nana ae la o George i ka wati, a ike ae la o ka hora 4 ponoi ia ma ia wa. O ko laua wa no ia i hoomakaukau iho ai no ka hele aku.

            I ka makaukau pono ana o George no kana misiona oia ahiahi, a hoomaka mai la laua e puka iwaho, ia wa i olelo ae ai o George i kona hoaloha i ka i ana:

            “Aole au e hele aku ana e ike i kuu mama aloha i keia wa. E lilo auanei kona mau helehelena oluolu i mea e hoanoeia ai ko’u mau aa koko. Aka, e kuu Robata maikai, ina nae e haule pio ana au malalo o ka makakila a Monsiu Barebona, alaila, e oluolu oe e lalau iho i kekahi palapala maloko o kuu makuahine. Aia maloko o keia palapala ka hoike ana o kekahi mea huna pohihihi loa a oia mea huna hoi ka mea nana au, kou hoaaloha nei, e onou aku nei iloko o ka poino. He oiaio, o ka paio pahikaua ka’u e lawelawe nei noke pale ana ia’u iho, a he manaolana ko’u e loaa ana ia’u ka lanakila ma keia paio ana.”

            Haalele iho la laua i ka hale. Hele aku la laua a hiki i ke alanui, a kau aku la maluna o kekahi kaa, a holo aku la no kahi ululaau o Notre Dame, elike me ka mea i aelike ia mawaena o na paa lalo o kela ame keia moho. He hapaha hora paha koe hiki ae ka hora 5, hoea aku la laua nei ma ke kahua hakoko. Ua hiki ae malaila o Burebona ame kona paa-lalo, aka, o ka mea kupaianaha nae ma ka Robata homaopopo ana aku ia Barona Limera, oia kona alawa pinepine ana aku ma kekahi wahi o ka ululaau, a lele e lawe iho la no kona hauli no ke ano o keia hana a kona hoa. Manao wale iho la no ia, aia he poe kanaka e ae i hoakoakoa ia ma ia wahi o ka ululaau i poe paha e lele powa mai maluna o laua, ina e lanakila ana kona hoa maluna o kona hoa paio.

            I kela wa ua hoomakaukauia iho la ka rina e hoouka ai na moho kakapahi oia ahiahi. Mahope iho o ka makaukau ana o na mea apau, ua kokoke loa ae la i ka manawa i hooholoia no ko laua wa e ulele ai. Ua ku ae la ua mau moho nei o na makakila ma ko laua mau kulana kakele pahikaua ana, ma ke ano o ka laua paa ana i ka laua mau pahi, he like loa no , me he mea la, hookahi no a laua kumu kakapahi.

                        I kela wa i hoomaka ae ai laua i ka hoopa ana i ka laua mau pahikaua, a lilo ae la na Burebona ke kiina pahi mua. He mea oiaio, ua akamai maoli kana mau kiina pahi apau i hoolele mai maluna o kona hoa paio, ioa hoi o George, a me ke akamai no hoi o George i pale aku ai i na hauna pahi a pau a kona hoa i hahau mai ai maluna ona. He oolea nae i loaa mai i na pale pahi akamai ana a George ua lilo ae la ia mau mea i mau mea ole wale no ia George.

            Ua ike iho la o Burebona ia wa, aole kona hoa paio he kanaka makaukau ole ma ia hana elike me kana i manao mua ai, a mo ia mea ua kakela hou mai la ia i kana pahi maluna o George, me ka oi aku o ka elau ame ke akamai i ko ka wa mamua, aka, ua hoopahua hou ia no oia e na pale akamai ma ole a George i hoike aku ai imua ona.

            Ua ike mai la ko ka Barona Limera i keia akamai e hikeikeia aku ana e George. A o Robata hoi i awa, ua hoomaalili loa ia ke kapalili hopohopo o kona houpo no kona hoa, oiai, ua manao loa oia me ka makau nui, e lilo ana kona hoa i mea ole loa imua o na hauna pahi akamai loa a Burebona, ke pookela loa o na kanaka akamai o loko o ke kulanakauhale o Parisa i lohe ai oia. I kela wa, hoomaha iho la ua mau moho nei a hala kekahi mau minute elima, ia wa hoala hou ae la laua i ka hoonee ana i ka laua hanai aelike ia. I keia wa hoi i lilo ae ai ia George ka hahau ana. Ua ikeia aku la ia, e oi pono ae ana i kona kulana paio imua o kona hoa me ka maikai,a ma ia wa i kakele aku ai oia i kana pahi maluna o kona hoa paio me ke akamai. U huila ae la kana pahi maloko o kona lima alike me ka oni ana a na kukuna la iluna o ka ili o ka wai.

            Ikeia aku la hoi ka lele ana o Burebona i o a ia nei i mea e hiki ai iaia ke alo ae i kekahi mau hauna pahi pololai a George i hoolele aku ai maluna ona, a ia wa i loheia aku ai oGeorge e olalo ae ana:

            “E ke kanaka i hoolimalimaia e kauna Berene no ka lawe ana i kuu ola, ano ka wa e haawi aku ai au ia oe i hoopai nou, a koe nae kou ola ma ka poho o kuu lima.”

            Me ka hikiwawe loa i hoopukaia ae ai keia mau huaolelo, ame ka hikiwawe nohoi i uhau aku ai o George i kana pahikaua maluna o kona hoa, a oia hoi kakahi o na hauna pahi akamai loa a kana kumu Tureke i paka ai iaia a ailolo.

(Aole i pau)

 

  HOOKAHI NO HAMO ANA A O KA OLUOLU NO IA KA EHA

           

            Olelo o Mr. P. Ketcham o ke Kulanakauhale o Pike, Kaleponi: “Ma ka wa i ma’i ai kuu hoahanau i make aku nei, a he rumatika kona, o ka Laau Hamo a Kamalena, oia wale no ka laau e loaa ai iaia ka oluolu.” He lehulehu nohoi ka poe i hoike mai no ka laau e loaa ana o ke ola hikiwawe loa ana o ka eha, mai keia laau hamo mai. E kuaiia ana e BENSON SMITH & CO., na Agena Kuai Kukaa o ko Hawaii Pae Aina, ame na poe hana laau apau, a kuai laau nohoi.

 

 

Holaha hou

 

Koko Maemae

 

OIA KE KUMU O KE OLA KINO MAIKAI . . . .

 

KA AYER SASAPARILA

          Ka mea e maemae ai ke koko, ikaika na aa-lolo, ono ka ai, pau ka poluluhi a maikai maoli ke ola. He mau ? o na kanaka i hoike no ke oia o ka Laau Sasaparila a Ayer. Ke hoea mau mai nei ka lakou mau pulapula ma keia ame keia ake leia. Aohe keia ? laau no ka hoao wale ana. Ke hooia mai nai kela poe leta apau. “? ola au i ka Laau Sasaparila a Ayer” O kekahi

 

WAHINE NAWALIWALI

 

i hele a pili mau i ka ili ka kela moa i loohia i ka ma’i pau ahu ai ia, i hele hoi a wiwi, a pela hoi me ka ma’i i loohia mau ai lakou na wahine kakau mai la oia no kona ola loa ana. Ina makemake oe e hoopomaikaiia oe e ka pomaikai i ikeia a kela poe a loaa ia oe ke ola kino maikai a ikaika alaila, e inu oe ka laau hoomaemae koko a hooikaika kino hoi.

 

Ka Laau Sasaparila a Ayer.

 

            E makaala loa no na laau hoohalikelike kumukuai emi. Ka inoa o keia laau, oia ka AYER SASAPARILA. E ikeia ana keia inoa mawaho o ka wa-hi, a maloko nohoi o ke ? o kela ame keia omole.

 

KA HUAALE A AYER

 

No Keaha

I HOOKAWELEWELE LOA AKU AI OE I KELA

 

AME ANU, KUNU PUU EHA?

 

            Ua kaulana loa ka LAAU KUNU A AYER (Ayers Cherry Pectoral) iloko o na makahiki he aneane 60, ma ka hoola ana i na Ma’i o ka Puu ame ke Akemama, ke Anu, ke Kunu, ka Ma’i La Grippe, ame ka Ma’i Mala o ka pale Akemama. He ono Keia laau ma ka inu ana, a he oiaio ke ola.

 

AYER’S CHERRY PECTORAL

 

Na medala Guia mai ua Hoikeike Mai o ke ao

 

Mai lawe i na Laau Emi i Hoiohalikeia me keia

 

  Hollister Drug Co. Lt.

 

Na Agena ma ka Pauaina Hawaii

 

KAKELA ME KUKE

(Kaupalenaia)

 

Poe Kalepa ma ke Komisina,

 

A HE

 

Poe Lawelawe Kopaa.

 

AGENA.

 

2736-tf

 

 

Metropolitan Meat Co.

 

(Hui Kuai Pipi Metropolitan)

 

G. J. WALLER, (Wala) - Luna Nui

 

108 Lanui Mai.

 

 

Poe Kuai a Hoolako i na Moku

 

ME

 

Na Io Pipi, Hipa a pela’ku.

 

 

E loaa mau ana na Manu ame na ka mano i hoohu’ihu’iia iloko o ka Hau.

 

Makepono ke Kuai i na I’e Pipi maanai.

 

TELEPONA HELU      .      .      . 46

 

            E hoola koke ia ana me ka hikiwawe ka Ecxema, Ke poo kepia, meeau ame ka meneo o ka ili, o keia ame keia ano Laau Hamo a DOAN. Aia no ma kahi o ka mea pa-ipa-i laau. 50 kekona.