Ka Nupepa Kuokoa, Volume XXXVIII, Number 30, 28 July 1899 — Page 4
This text was transcribed by: | Neil Romabiles |
This work is dedicated to: | Veronidia Alibutod Romabiles |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaba Mana Hooko
HOOLAHA HUI I HOOHUIIA.
Ma ka Hana Hoopau i ka Hui Kope o Kanekoa, i kaupalenaia.
Oiai ua waiho mai ka Hui Kope o Kanekoa, i kaupalenaia, he Hui i Hoohuila, kukuluia a e ku ana malalo, a ma o ka mana la o na Kanawai o Ko Hawaii Pae Aina, elike me ke Kanawai no ia hana, ma ke Keena o ke Kuhina Kalaiaina, he noi no ka hoopau ana i ua Hui la, me ka palapala hooia i hoopili pu ia me ia mea, elike me ke Kanawai.
Nolaila, ke hoolahaia aku nei ma keia, i ka mea ame ka poe apau i loaa na kuleana ma kekahi ano iloko o ua Hui la i Hoohuiia, e pono e waiho mai i na kue no ka aeia ana o ua noi la, ma ke Keena o ke Kuhina Kalaiaina, ma ka Poalua, a mamua ae paha, oia ka ia 26 o Sepatemaba, 1899, a o kela ame keia mea e makemake ana e loheia kona manao ma keia mea, e pono e hiki kino mai ma ke Keena Oihana o ka mea nona ka inoa malalo iho nei, ma ka Hale Oihana Hooko, Honolulu, ma ka hora 10 a. m. o ua la ‘la, e hoike mai i kumu, nokeaha la e ae ole ia ai ua noi la.
J. A. KING,
Kuhina Kalaiaina.
Keena Kalaiaina, Iulai 19, 1899.
2764-9t.
HOOLAHA AINA AUPUNI. – KONA AKAU, HAWAII.
Ma ka Poakolu, Augate 23, ma ka hora 10 a. m., ma ke Keena o J. Kaelemakula, Kailua, e kuai ia aku ai ma ke kudala akea:
Apana aina he 304 Eka, oi aku a emi iki mai paha, ma Ooma, aneane 5 ½ mile ma ka Akau o Kailua, ma kahakai, He aina kula aa.
Dala kuike, Dala Gula o Amerika.
Kumukuai oi aku maluna o $152.00.
No ke kii a no na olelo aku paha i koe e nimau ma ke Keena o J. Kaelemakule, Kailua, a i ole, ma ke Keena Aina Aupuni, Honolulu.
J. F. BROWN,
Agena o na Aina Aupuni.
Iulai 20, 1899. 2764-4t.
HOOLAHA AINA AUPUNI.
Ma ka Poakahi, Augate 21, ma ka hora 12 awakea, ma kea lo iho o ka Hale Hookolokolo, Honolulu, e kuai ia aku ai ma ke kudala akea keia mau Apana Aina Aupuni mahope ae nei:
Waimalu, Ewa.
1. Apana e 6 25-100 Eka ma ka Ili o Pohakupu, Awawa o Waimalu, aneane hookah mile mauka o ke Alanui Aupuni.
Kumukuai oi aku maluna o $150.00.
2. Apana o 2 8-10 Eka ma Kahikiea, Awawa o Waimalu, aneane ½ mile mauka o ke Alanui Aupuni.
Kumukuai oi aku maluna o $ 75.00
Aiea, Ewa.
Apana he .212 o ka Eka, he aina kula a wai nohoi, makai o Alanui Aupuni.
Kumukuai oi aku maluna o $10.00.
He kuike ke dala o keia mau kuai ae la maluna. Ma ke Dala Gula o Amerika Huipuia.
No ke kii, ame na mea i koe e ninau ma ke Keena Aina Aupuni, Honolulu.
J. F. BROWN,
Agena Aina Aupuni.
Iulai 20, 1899. 2764-4t.
KUAI O NA HOOLIMALIMA O NA APANA AINA AUPUNI MA ALANUI MULIWAI, HONOLULU, OAHU.
Ma ka POAKAHI, Augate 14, 1899, ma ka hora 12 o ke awakea, ma ke alo iho o ka Hale Mana Hooko, e kuai kudala akea ia aku ai na Hoolimalima o keia mau Apana Aina Aupuni mahope ae nei, e waiho la ma Alanui Muliwai, Oahu:
Apana 1. Manawa 21 makahiki. Uku hoolimalima oi aku maluna o $180 no ka makahiki.
Apana 2. Manawa 21 makahiki. Uku hoolimalima oi aku maluna o $110 no ka makahiki.
Apana 3. Manawa 21 makahiki. Uku hoolimalima oi aku maluna o $80 no ka makahiki.
Apana 4. Manawa 21 makahiki. Uku hoolimalima oi aku maluna o $100 no ka makahiki.
Apana 5. Manawa 21 makahiki. Uku hoolimalima oi aku maluna o $120 no ka makahiki.
E hookaaia ana keia mau hoolimalima maluna ae, ma ka hookaa mua i kela ame keia hapalua makahiki.
E kuaiia aku ana keia mau hoolimalima me ka hoomaopopo pono ia o keia mau kumu aelike, oia hoi, e hoopiha pono ana na poe e lilo aku ai keia mau Apana a loaa ka iliwai o ke alanui (street grade) a e hoomaemae pono i ua mau Apana la a kupono i ke kulana ola maikai, mamua ae o ke kulu ana i kekahi hale a mea e ae paha maluna iho.
A ma ia manawa a ma ia wahi nohoi e kuai kudala akea ia aku ai ka hoouuku ma Alanui Muliwai, e pili pu ana limalima o kekahi wahi Apana Aina me ka Halepule Metodita Epikopale o na Iapana.
Manawa 20 makahiki. Uku hoolimalima oi aku maluna o $60 no ka makahiki
E hookaa mua ia ana i kela ame keia haplua makahiki.
O ke kuaiia ana aku hoi o keia Apana, aia no ia ma ke kumu aelike penei: O ka mea e lilo aku ai ua Apana la, aole oia e hana i na mea ino wale e hoopilikiaia ai ka aina o Halepule Metodita Epikopale o na Iapana e pili pu ana.
E ikeia ana no ka palapala aina o keia mau Apana Aina ma ke Keena Kalaiaina.
J. A. KING.
Kuhina Kalaiaina.
Keena Kalaiaina, Iulai 10, 1899.
2763-3t
HOOLAHA AINA AUPUNI.
OLAA, PUNA, HAWAII.
Ma ke Poaono, Sepatemaba 2, ma ka hora 10 a. m., ma ka Hale Hookolokolo, Hilo, Hawaii, e kuai ia aku ai ma ke Kudala Akea, malalo o na kumu aelike no kahi noho amen a hana hou, a ma na hookaa oluolu ana iloko o ka manawa o Umi makahiki.
Aneane 360 mau Apana Aina o 50 Eka o ka Apana hookah ma Olaa Hou, i ana hou loa ia iho nei.
E hiki ana i ka mea e kuai ana i kekahi Apana ke koho mai i ka lua o ka Apana e pili pu ana me ka Apana mua, koe nae na Apana ma ke alanui nui.
O ka mea e kuai ana i Apana Aina ma ke alanui nui, ua hiki no ke koho i apana kaawale aku, aole hoi e waiho ana ma ua alanui la.
E kuaiina aku ana na Apana Aina no ke kumukuai e oi aku ana mai ka $1.00 aku a ka $20.00 no ka Eke, elike me kea no ame kahi i waiho ka aina.
E loaa no na hoakaka piha no ka mea e pili ana i na kumu aelike no ke kuai ana ma ke noi kino ana mai, a i ole ai, ma ka Eke Leta paha i ke Keena Aina Aupuni, a i ole i kekahi o na Keena Aina maloko o ka Apana.
J. F. BROWN,
Agena o na Aina Aupuni.
Iulai 3, 1899. 2762-8t.
HOOLAHA AINA AUPUNI.
Ma ka la 28 o Iulai, ma ka hora 12 awakea, ma kea lo iho o ka Hale Hookoloko, Honolulu, e kuai kudala akea ia aku ai, ka hoolimalima o ka hapa mauka o na aina o Aliomanu, Papaa ame Moloaa, ma Kauai.
Ili he 2600 Eka, oi aku a emi mai paha.
Uku oi aku maluna o $500 no ka makahiki, e hookaa mua ia i kela ame keia hapaha makahiki.
E kaa ana ka hoolimalima malalo o na kumu aelike e pili ana i ka malama ana i na ululeau, ame na hookaawale aina ana no ka nohona hookuonoono.
No na mea i koe e ninau ma ke Keena Aina, Honolulu.
J. F. BROWN,
Agena o na Aina Aupuni.
Iune 28, 1899. 2761-td.
HOOLAHA HUI I HOOHUIIA.
Ma ka Hana Hoopau i ka Hui Huelo Sugar Mill Company, i kaupalenaia.
Oiai ua waiho mai ka Huelo Sugar Mill Company, i kaupalenaia, he Hui i Hoohuiia, kukuluia a e ku ana malalo, a ma o ka mana la o na Kanawai o Ko Hawaii Pae Aina, elike me e Kanawai no ia hana, ma ke Keena o ke Kuhina Kalaiaina, he noi no ka hoopau ana i ua Hui la, me ka palapala hooia i hoopili pu ia me ia mea, elike me ke Kanawai.
Nolaila, ke holahaia aku nei ma keia, i ka mea ame ka poe apaau i loaa na kuleana ma kekahi ano iloko o ua Hui la i Hoohuiia, e pono e waiho mai i na kue no ka aeia ana o ua noi la, ma ke Keena o ke Kuhina Kalaiaina, ma ka Poaha, a mamua ae paha, oia ka la 24 o Augate, 1899, a o kela ame keia mea e makemake ana e loheia kona manao ma keia mea, e pono e hiki kino mai ma ke Keena Oihana o ka mea nona ka inoa malalo iho nei, ma ka Hale Oihana Hooko, Honolulu, ma ka hora 10 a. m. o ua la ‘la, e hoike mai i kumu, nokeaha la e ae ole ia ai ua noi la.
J. A. KING,
Kuhina Kalaiaina.
Keena Kalaiaina, Iune 19, 1899.
2560-9t.
KA HELU EHA O NA BANAKO O HONOLULU NEI.
Ua manao wale ia, e hoomaka aku ana na lawelawe hana ana a ka Banako Lahui Mua o Hawaii, ka helu eha o na hale Banako Dala o Honolulu nei, ma ka la 10 o ka malama ae nei o Augate. Ma ke ku ana mai hoi a ka mokuahi “Kulanakauhale o Pekina” no Honolulu nei i kahi la iho, e hoea mai ai ka huina o $300,000 ma ke gula, mai Kapalakiko mai, no hana a keia Banako hou.
Banako o Bihopa, ka Banako a Spreckles (Ona Miliona); ka Banako o Hawaii, a o ka Banako Lahui Mua o Hawaii. Aha Banako o kakou o Honolulu nei.
Ke Aloha a kuu Makuahine
KE ALOHA O KA’U MEA I ALOEA AI.
Ka Mana o ke Aloha.
He Moolelo Walohia
MOKUNA XXI.
KE KULANAKAUHALE O PARISA.
Iloko o na la a George i noho ai ma ka home noho waokele o Alice, ua laulaha ae la maloko o na nupepa o Parisa, ka lono e pili ana i ka hakaka pahikaua ana mawaena o George ame ke kumu kaka pahi a na Koa Kiai, a pela pu hoi me ke kaua kaka pahi i hooukaia mawaena o kekahi poe kanaka i maopopo ole ko lakou mau ano amen a inoa, me ua George nei ame kona hoaloha, oia o Robata de Malatere.
Ua lilo keia nuhou i hoolahaia ae ma na nupepa i mea e kamailio nui ia ai e na mea apau o Parisa, mai ka poe kiekie a ka poe haahaa.
O na hoaloha keia o Robata de Malatere, ua hele aku la lakou e ike a e huipu me ia, ma kona home noho a ma ka hale banako nohoi. A e loaa mau ana nohoi iaia na hookui kamailio ana mai e na poe he nui ma ke alanui. Ua lilo oia i mea nui, e ohihia nui loa ia ai e kona poe hoaloha.
Ua nui a lehulehu loa i makemake e huipu me George, aka, mamuli o ko lakou haiia ana aku, ua hala aku o George no kekahi wahi mawaho aku o ke kulanakauhale o Parisa, ua hiki ole ke hookoia na makemake ohohia o ua poe la, e ike i ka noho kaulana o ka makakila, ke kanaka hookai o loko o Parisa i hoohaahaa i ke akamai o ke kanaka akamai loa o Parisa, ma ke kaka pahi.
Mamuli hoi o keia mau hoolaha a na nupepa, i ike iho ai na makua o George no ka anehenehe ana o ka laua keiki e komo aku iloko o kekahi poino nui. A ua hoouna palapala koke aku la laua ia Robata.
I kona hiki ana mai imua o laua, me na waimaka e hiolo ana ma na papalina o ka luaui makuahine o George, i ninaninau pioo aku ai oia imua o ka hoaloha o kana keiki no na mea apau elike me ia i hoolahaia mai ai maloko o na nupepa. Ua hoike aku nohoi o Robata i na mea apau, me ka oialo ame ka pololei, a ma ka ope loa o kana mau olelo hokaka imua o iana, ua olelo aku la ia:
“He kanaka kuu hoaloha oiaio, oia o George, i hiki ke malama iaia iho, ma na ano apau. He kanaka puuwai koa, he maka’u ole, a he hopo ole hoi. He lua ole kona akamai ma nei mea he lawelawe ana i ka pahikaua imua ‘o kona hoa paio. I keia wa, ua haawi maua i na kiaiia ana ame na makaaia ia ana o ko maua mau enemi i kekahi maki kiu akamai loa o loko nei o Parisa.”
“E Robata,” wahia ka luaui makuahine o George i pane mai ai, me ka haka pono ana mai o kona mau maka i pohinaia i na waimaka maluna o Robata, a me ka leo haalulu o ke aloha, hoomau mai la ia i ka olelo ana: “Auhea la o George?” O ka elua keia o na la o kona nalowale ana aku mai a’u aku nei, kona makuahine. E Robata, he mea oiaio, ua hiki io paha ia George ke lanakila maluna o kona enemi, ke ku oia he alo a he alo me ia, aka, aole hiki iaia ke alo ae mai kona ha’ulehia ana aku i luahi poino na ka lima o ke kanaka powa. E hiki ana anei ia oe, e Robata, ke ha’i mai i kona wahi i hele ai?”
Aka ia wa, pane mai la o Lamaberata:
“Aole hiki ia kaua ke hoohuoi i kahi a George i hele aku ai, oiai ua ike no kaua he mea huna pohihihi ia i hunakeleia mai a kaua aku. Hookahi mea maopopo ia kaua, e ka luaui makuahine o ka’u keiki, o keia mea huna i hoike ole ia mai ia kaua, oia no ke kumu nui o ka ulu ana mai o keia hana hoohalua powa maluna o ko keiki.”
I kela wa, huli ae la o Madama Lamaberata a nana pono aku la i kana kane, a liuliu ninau aku la oia:
“Ke hoopahaohao loa mai nei kau olelo ia’u, no ka mea e pili ana i keia ulia poino, i hoohalua mai maluna o ka’u keiki. O keaha ia mea huna pohihihi, au e olelo mai nei, e Papa, oia ka mea nana i hooulu mai i keia popilikia maluna o kuu keiki, ke keiki nohoi au ame a’u i hoomanawanui pu ai i ka luhi ana?”
Nana mai la nohoi kana kane iaia, ame ka mino aka ana iho ma kona papalina, pane mai la ia:
“E,e ae anei oe, e pane mai ia’u i keia wahi ninau, oia hoi, i hewa la hoi ka honua ia wai? Heaha la hoi ke kumu o ka haunaele ana maloko o ka ululaau o Edena?”
E – e – he ninau ano kamalii loa kau e ninau mai nei ia’u. Heaha la ka pili o ia mau ninau i ka poino i hoohalua mai maluna o ka’u keiki?” wahi a Madama Lamabeta i pane aku ai imua o kana kane.
“Ae,” wahi a ke kane, e hai aku au ia oe, a e oluolu hoi oe, e Monsiua Robata, e hoolohe mai i ka’u mau hoakaka ana, a oia keia:
O Eva ke kumu i hewa ai ka honua nei. O ke diabolo, kela mea hoowalewale kahiko loa o kea o nei, ka mea nana i hooulu ae i haunaele maloko o ka mahinaai o Edena. Aka, o ko;u mano maoli, he wahine ke kumu i ulu ai ka poino ma ka mahinaai o Edena; a o keia anoano hookah no, ka mea huna pohipohi nana e hooulu mai i ka popilikia maluna o ke keiki a kaua. He oiaio, ua hai mai no ua keiki la a kaua ia mea, oia hoi, he wahine ka mea nana i hookaawale mau aku iaia mai a oe aku, kona luaui makuahine; aka, he wahine la keia o kea no hea la; i lalama wale mai ai na popilikia elike iho la me keia kea no.
“E noonoo mai kaua, o ke kanaka i lilo i hope no Burebona, ka lua ole o na kanaka akamai o Parisa nei, ma nei mea ke kaka pahi, oia no o Barona Limera. A o keia Barona hoi, he hoalaha oiaio loa oia no Kauna de Berene. Ua ike no kakou, he kanaka wahine ole o Barona Limera, a pela nohoi me kela Burebona, aohe no ana wahine; aka, o Kauna de Berene ka mea wahine o lakou, oia no ka wahine aloha loa a ka kaua keiki. Me he mea la, iwaena o na wahine apau o Parisa nei, a o ko na wahi e ae no paha, aole loa e loaa hookah mawaena o lakou e hiki e hoona-na a e hoomalielie iho i na ulupuni hehena ana a ko George aloha no Alice, oia hoi, aohe wahine e hiki e lawe i ko Alice wahi iloko o na hoomoamoa maikai ana a ko George mau manao. O Alice hookah wale no ka mea hiki e hana i keia hana hoomalielie maluna o George. Aka, o Alice hea la keia nana e punuku maikai nei i na kupaka ahiu ana a George? Alice Kinowailua anei; a i ole, o Alice Kino Ola maoli paha? Ha’I mai o George ia kaua, he wahine io no ka mea nana i hooluolu kona noonoo. He wahine uhane anei ia; he wahine ola anei ia?”
“He oiaio, ua make o Alice a no ia mea, hiki ia kaua ke olelo iho, aole keia wahine a George i hoopili aku ai i kona naau, o Alice. A owai la? Ea, me ko’u nana ole ana i na mea e ae, e pili ana i ke ano’o ka hele ana o ke kumu i hoonee ia ai o Barona Limera, e lilo i hope no Burebona, a hoea ia Kauna de Berene, eia ka’u mea i hoomaopopo, a penei:
Berene + Limera + Burebona, e hakak aku me George = I ke aha? A i ole, nokeaha e hoalaia ai keia hana hoopea wale ana a Limera ame Burebona maluna o George?”
“A i ole e kukulu au i kekahi kulana huli ratio elike me keia: Berene me kana wahine (i make) a o George Lamabeta hoi, me kona wahine (ola). E manao kakou, o ka welau akau ame ka welau hema keia o ka ilihonua i hoohanaia ai o Limera ame Burebona. E kukulu ia Limera ma kahi pili aku i ka welau akau, e loaa ana o Kauna Berene me ka wahine i make, a kukulu hoi ia Burebona ma ka welau hema no ka hakaka ana, loaa o George Lamabeta, me ka wahine ola. A nolaila, aole anei e hiki ia’u ke olelo ae, o ka wahine make aKauna Berene, ka mea ma ka welau akau, oia no ka wahine i ola ae ma ka welau hema, ma kahi a George e ku nei; a no ia mea, i holapu ai ka ino ame ka pilikia i hoouluia e Limera ma o Burebona la, a o laua hoi a i elua, mai a Kauna de Berene mai ia? Aole anei i ike o Kauna de eBrene i keia wa, ua ola hou o Alice, a, aia hoi o Alice i keia wa, malalo o ka malama ana kau-------.”
Aole i pau pono loa ae mau olelo a ua Monsieur Lamabeta nei I ka hoopukaia ae e ia imua o kana wahine, a me Robata e hoolohe aku ana, me ke pihoihoi nui o ka noonoo, no na hoakaka naauao ana i hoike mai ai, aia hoi, komo ana o George Lamabeta iloko o ka rumi hookipa a lakou e noho ana, a ua hoopuiwa loa ia hoi lakou apau no keia komo ana aku o George.
Ia wa i lele mai ai o Madama Lamabeta a puili a uwe iho la. Mahope iho, haawi ae la o George i kona aloha i kona makuakane ame kana hoaloha, oia o Robata.
Hoomapopo koke iho la hoi ia, ma kona ike ana aku ma na helehelena o kona luaui makuahine a pela hoi me kona makuakane, he mea ano nui loa ka lakou i kamailio ai, ma ka wa mamua iho o kona komo ana aku; a wahi ana i noonoo koke iho ai, no na mea no ia e pili ana iaia.
Ua hoopau loa ia nae kona noonoo hoohuoi ana ma keia mea, i kona ike ana aku i na hua poo nunui o kekahi nupepa puka la, e hoike ana i ko ia nei hakaka pahikaua ana me Burebona. Nolaila, hooholo iho la ia, he mea pono iaia ke hoike aku i na mea apau e pili ana ia hana imua o kona mau makua, ma ko laua wa e ninau mai ai iaia.
Mahope iho o ko George kuene pono ana iho maluna o ka noho, ua pane koke mai la no kona makuahine:
“E George, aole i kana mai ko’u kaumaha nou. E kuhi ana au, ua hala aku nei la hoi na la i komo pu ai kaua, iloko o na aumeume ana no kou palekana, mailoko mai o na mea hoopilikia loa ae i kou noonoo, a o ka mea hoi i aneane ai e lilo aku kou kino i moepuu, eia hou no ka hoi, ua pilikia ou, e kuu keiki. Eia ka, ua hakaka oe me Burebona i kekahi la iho ia o keia pule, a pakele hoi kou ola am eke ola o kou hoaloha nei, mai poino, mamuli o ko olua lele powa ia ana mai e kekahi poe kanaka powa? Aole au i lohe i keia mea mai a oe mai, e kuu keiki, aka, ma ka nupepa au i ike mua iho ai, a hooiaio loa ia mai hoi e kou hoaloha nei. Ea, e George, e kuu keiki, heaha ke kumu i hoea mai ai keia pilikia ia oe? He wahine anei? Oia no anei ka wahine au i ha’i mai ai ia’u, ame kou makuakane nei? Owai kela wahine? E ha’i mai oe ia’u i kou makuahine. Ina he aloha oe ia’u, alila, aole no e nele kou hoike mai ia’u, ame kou makuakane nei. A e hai aku nohoi au ia oe, ua koho iho nei no ko makuakane nei, ano iho la no, a komo mai la oe, aohe ka kela he wahine e ae, o Alice de Maraceli no kela. Ina pela io, e kuu keiki, alaila, oiaio no ke kumu i ulu mai ai keia pilikia maluna ou. Nolaila,e hai mai oe ia’u, e kuu keiki.”
Nana aku la o George i kona makuahine, ike aku la oia i na hiona aloha o kona luaui, a ia wa i haloiloi ae ai na waimaka ma kona maka.. Nana ae la nohoi ia i kona kauakane, a hu mai la no kona aloha nona, a ua hiki ole iaia ke uumi iho i na hookikina ana a ke aloha makua iloko ona, e pane aku oia i na mea apau i kona luaui makuahine i koi mai ai iaia e hoike aku. A hala nae kekahi wa, alaila, pane aku la ia:
“E kuu makuahine, he mea oiaio, he aloha au ia oe. O kau mau mea apau i koi mai ai ia’u e hai aku ia oe, ua ae aku no au, koe wale no ka mea huna pohihihi a’u i huna iho ai iloko o’u; aka, ke manao nei au, o ka wa pono paha keia a’u e hiki ole ai ke huna hou aku ia mea mai a olua mai.”
“Ae---ua ha’i aku au ia olua he wahine ka mea i hoohauoli mai ia’u i keia wa. O kona inoa, e ha’i aku au i oe, e kuu mama, oia no Alice, ka’u mea i aloha ai. Ae---o Alice i ka make, a o Alice i ke ola, a ke ola nei oia no’u a no’u wale no.
“O keia, e kuu mama aloha, ke kumu o ka loohia ana mai o keia hoohaluaia ana mai o ko’u ola, a pela hoi me ke ola o kuu hoaloha nei. Ua ike kela Kauna Berene, eia o Alice ke ola nei i keia wa, a ua manaoio loa no hoi ia, eia o Alice malalo o ka’u kiai ame ka’u malama ana, a nolaila, ua makemake loa oia e laweia ko’u ola, i kaawale ai o Alice mai a’u aku a hiki hoi iaia ke kii hou mai iaia, a hoihoi aku iaia me ia; aka, ua hoopahu’aia nae kona manao powa maluna o’u. He oiaio, e kuu mama aloha, ke oia nei Alice, a oia ka malamalama o kuu kii onohi, a oia hoi ka hauoli o ko’u mau la e ola nei.”
“Pehea!” wahi a Madama Lamabeta I hooho ae ai, “Ua ola hou anei o Alice? Ua ala anei oia mailoko mai o ka luakupapau? He kupanaha---he kupanaha lua ole keia. Ua make, a ua ola hou mai kuu kaikamahine hunona, ka mea i kailiia aku mai kuu keiki aloha aku, e na hana lokoino a puuwai eleele hoi a kela Kauna lapuwale. O Alice, my dear Alice, come---come to me. A George, ua lohe anei kona luaui makuahine i keia mea? Aole anei he mea pono ke haiia aku keia lono hauoli iaia? O poor Adel!”
Ua hoopuka ae la ka luaui makuahine o George i keia mau huaolelo me ka walohia nui, e hoike ana i ka mau ana o kona aloha no Alice.
I keia wa i ku mai ai o Lamabeta, a hele mai la ma kahi a kana keiki e noho ana, haawi mai la ia i kona lima iaia, a pane mai la me ka leo kuoo:
“E kuu keiki, ke ike nei au i ka mea huna pohihihi nona i hoanoe i kou kulana, kou nohona ame kou mau ano apau, mahope mai o ke kanu ola ia ana aku o ke Kaunawahine Berene. Ua lilo keia mea kupanaha au i hoike mai nei, i mea hooiaio i ka manaohai a’u i hoike mua iho nei i kou makuahine ame kou hoaloha maikai nei. Ua noonoo koho wale au no kahi i ulu mai ai o kou mau enemi, ma kea no pili ia Kauna de Berene, a ua hooholo au o Alice, ke kumu. Ae, je oiaio ka’u i hoohuoi ai nou e kuu keiki. Nolaila, e kuu keiki, e ae mai ia’u, i kou makuakane nei e haawi aku i ka’u mau hoomaikai ana ia oe no kou lanakila ana maluna o Burebona, kekahi o na kanaka akamai loa o Parisa nei, a ma Farani holookoa nei no paha, ma nei mea he kakele pahikaua ana. A, e George, aole anei he mea pono e hai ia aku ka lohe ia Madama Maraceli no ke ola hou ana mai o kana kaikamahine mai ka make mai, elike me ka manao a kou makuahine i hoopuka mai nei?”
“Aole,” wahi a George i pane aku ai.” “Aole o’u manao o ka wa pono keia e hoikeia aku ai ia mea ia Barona Mareceli, a pela hoi me kana wahine. Manao au, na Alice ponoi no ia hana e hana aku imua o kona mau makua. Ke ole au e kuhihewa, eia no i keia la ke manao nei o Baronawahine Maraceli, eia no kana kaikamahine o Alice ke ola nei i keia wa. O ka’u wale no i makemake ai e hoike aku imua o olua, e o’u mau makua, o’a keia, ua ike iho la olua, he mea io a ke mea koko o Alice e oia nei i keia la, maloko nei o Parisa. Ua ike o Kauna de Berene ia mea, ua ike nohoi kuu hoaloha, o Robata nei ia mea. He elua, a ekolu paha poe e ae mawaho aku o Robata nei i ike, eia io no o Alice ke ola nei i keia wa. Ua haalele aku oia @@@ kupapau koou i waihoia aku @@ na hana aloha ole a kela dia@@@@ wale loa.”
Ma kela manawa hoi i h@@@ Madama Lamabeta a kama@ ia Robata:
“E kala mai oe ia’ia i ka aku ia oe, eia ka hoi ua @ke@@ i keia mau mea apau, @@@@ hoi kou mea i hai mua ol@@@.
“I nonoi aku au I kou @@@@ aneane loa e puka aku @@@ apau, elike me ka George i h@@ imua o olua: ma ko’u wa@@ popo ai, ua oiaio loa ka @@@ a Monsiuer Lamabeta i hoike imua ou, na no welau elua @ akau ame ka welau hema @@@ e pili ana ia Kauna de Berene George nei; a i akeakea ale@@@ no ia hana a’u i makemake @@ aku imua o olua, ma ke kona nei o George.
(Aole i pau.)
NA KAIKAMAHINE NANAN@
Ua kappa na kauka i ka ma@ o ke koko iloko o ke kanaka @ mia, a he ma’i mau loa keia mau o na wahine opio. I kinohi, @ ike maopopo ia ana na ouli o keia a e hele ana keia ano ma i i ka @ ana me ka ike ole ia. O na @@ mua nae e ikeia ana, oia ka @@ ke kino, mahope iho o kekahi ikaika loa ana, he paupauaho @@ a nananakea ka helehelena.
Ma ka ma’i anemia, e ikeia @ lahilahi o ke koko, ano uhahala na ana a ka puuwai, nananakea @ a ano iika. He ma’i pilikia keia @ le loa mai ia i ka nui. Oka hana wale no e hana ai i ke koko. O @ maikai loa ma kea o nei no ka @@@ mae koko, oia ka Dr. William A Akala no ka Poe Nananakea. @ aku na ma’i Anamia i ola i keia mamua o na laau e ae apau ke@.
Penei na olelo a Miss Cordelia M. o Malone, Nu loka, he mea kappa@ kekahi wa ilohi loa, ame ka na wali o ke koko.
“He kulana kupiliki ko’u. Aole @ ia’u ke ai. Ua hele ko’u helehele @ keokeo pu, a ua kokoke e ikeia @@ kahi aoaoa o ko’u mau pulima. Na @ nui o ko’u nawaliwali, ua hiki ol@@@ ke pii aku iluna o ke alapii.
“Halawai nae au me kekahi hoa@ a nana i hai mai ia’u no na H@@ Akala a Dr. Williams no ka poe Nananakea, a olelo mai la oia e hoao@@ ua mau huaale la. Mamua e ka pa ana o na huaale o ke poho mea @@ maka mai la ka ono hou ana a @@@@ puu i ka ai,a ike iho la nohoi @@ ko’u ano maikai ae. Kuai hou au eono poho huaale hou, a ai iho ia. Pii hiki wawe ae la ko’u ikaika, k@ o ko’u kino, a momona mai la au, na ano apau, ua oia ae ia au. Aohe e ae a’u i ike ai i ko’u ola maikai @ me keia, a ua manaoio loa au, @@ au i keia wa. Aole au e kaena @ aku ana no na Huaale Akala a Dr. Williams no na poe Nananakea.
“Aohe laau o keia au hou e @@@ elike me na Huaale Akala a Dr. Williams no na Kanaka Nananakea, @ hoohana koke ana lakou ma ke @@@@ hooponopono hoi i na mea pauhana loaa ka ikaika am eke ola i ka ma@@@ hele a nawaliwali, ma ka ya I puh@@ @@ na lapaau ana a ke kauka.
E kuaiia aku ana keia mau kua@@i ma nap oho, he 50 keneta no ke pohi a he eono poho no $2.50, a e loaa no m@ na halekuai laau lapaau apau, a i o@ e hoounaia aku no ma ka eke leta Dr. Williams Medicine Co.. S@@@adyt, N. Y.
HOTELE HOU MA WAIKIKI
Ua manao wale ia, o kukalu @ @ ana ma Waikiki ae nei, he hotele @@ nona ke kiekie he eono hale, e ku @@ ana maluna iho o kekahi haie, e hoe@ iluna. He 200 ana pha ka nui o kea@ mau rumi apau. A o na lilo i mana@@ no ka hana ana a paa keia hale @@ maikai, he $200.00.
OLA KONA KUNU.
Ua loohia au i kekahi kuua @ makahiki he lehulehu, a ma ke @@ haule lau i hala aku nei loaa no au kunu i oi loa aku ke ikaika i ko ka@@ mamua. Ua lehulehu nohoi ka’a ma laau e lawelawe ai aolo nae he loaa ka oluolu, a ua hai mai la kekahi hoi loha ia’u e hoao au i ka Laau K@@@ Kamalena, a ua haawi mai keia hoaloha ia’u i omole o keia laau, oia, ike oia he wahinekanemake @ au. Ua hono iho la au i ua laau la ua ike au i ka loaa ana o ka maba@ i ka omole mua loaa no ia’u ka ka@ a i ka lua o ka omole, o ko’u ola no ia. Aole i loaa ia’u he ola @ maikai iloko e 20 makahiki i kaa @ ae nei elike me keia. Ke haawi @ i keia hooia ana me ke kono ole@ @ mai, aka, mamuli wale no o ko’a kee ana no ke ola i loaa mai ia’u @ ka mahalo, Mrs. Mary A. Beard, @ remore, N. K. E kuaiia ana e BENSON SMITH & CO., na Agena KU. Kukaa o ko Hawaii Pae Aina, ame @ poe hana laau apau, a kuai laau aohe.
O na uku nupepa no ke Kuokoa hookaa ole ia mai ana mamua @ ma ka le hope o keia mahina e @ nei, e paa ia no na nupepa a ka @ hookaa ole mai.
E kukuluia aku ana oe wahi @ ma kea no he home hooluolu no makou lunahooponopono nei m@ ae nei o Kalihi. Me he mea la @ malama ae nei o Sepatemaba ka @ paa ai.
Ke ole e hoopanaka na hana @ manawa, keia mau mua aku @ e ku aku ana kekahi hotele nui ma@ ho ae nei o Waikiki. Ua oleloia @ eono a ehiku paha hale kona k@@@ mai ka ilihonuaeae.