Ka Nupepa Kuokoa, Volume XXXVIII, Number 30, 28 July 1899 — UO IA A PAA MA KA MARE. [ARTICLE]

UO IA A PAA MA KA MARE.

Ma ke ahiahi Poaha o kela pul'e aku nei i liikii paa ia ai o Miss Helen Parker, kaikamahine a Hon. Samuel Parker o Waimea, me C. A. Widemann, keiki a ke alii Wilimana i make, ma ka home o ka ohana Wilimana, ma Punahou. Ua lawelaweia ka oihana mare e Rev. Makua Leonora o ka Ekalesia Kajtolika, a he ku i ke anoano ame ka iliilihia na hana i lawelaweia. Ua nui na makamaka ame na hoaloha hanohano o na mea mare i hoea aku ma ia ahiahi. Mahope i!ho o ka mare ana, ua haawiia he ahaaina mare hanohano. Hui ae la ka "Uhiwai" o Kaala, me ka "Uhiwai" o Mana, Waimea, Hawaii, a ua kohu. a kohu ia mau opua, na kahi ame kekahi, aohe olelo ana. lla haua ia e ke anu, Ua oni wale i ke 6ho o ke kupukupū, I na hoa-liko pua Kaunoa, • He nani, he maikai, He lihilihi kuku ia no Aipo, He ipo ia, he aloha. paa ia iho.