Ka Nupepa Kuokoa, Volume XXXVIII, Number 30, 28 July 1899 — PAUAHI MA HONOIPU KOHALA AKAU, HAWAII. [ARTICLE]

PAUAHI MA HONOIPU KOHALA AKAU, HAW AII.

Mamuli o ke komo ana o ka wai, mailuna iho o ke kaupoku o ka hale ukana o Mr. Hind, ma Honoipu, iloko 0 kekahi pahu puna maloo, ua loaa ae la he ahi e hoopoinoia ai ua hale hoahu ukaaa la i kahi wa i hala ae nei, a poino pu me kekahi mau waiwai e ae 1 hoahuia maloko o ua hale ukana la. Ua oleloia, ua hiki aku ka nui o ka poino o na waiwa\ i hoahuia malaila i ke $50,000. He 75 tona lepo hoomomona, 800 eke kopaa me 400 pahu aila mahu i poino. O keia mau waiwai apau, aole i hoopaa poho pauahi ia. Ua oleloia 'hoi, ma ka wa i ike ai ke kanaka kiai o ua hale ukana la i ka uwahi e oili mai ana mailoko mai o ua hale la, ua ninini aku la ia he bakeke wai, a na keia mea i hoomahuahua hou ae i ka nui o ke ahi, oiai ua komo iho la keia wai i nininiia aku ai maloko o kekahi mau pahu puna maloo e ae, a puoho ae la he ahi, a hapala. ae la ka uwahi, na ke ahi ka ai. Ea, kahe ke ailii ma Kohala ea?