Ka Nupepa Kuokoa, Volume XXXVIII, Number 30, 28 July 1899 — KA OIHANA MAHIKO MA KONA AKAU HAWAII. [ARTICLE]

KA OIHANA MAHIKO MA KONA AKAU HAWAII.

i Ua hoike ae kekahi hoa o loko oka Hui Kanu Ko o Kona imua o kekahi mea kakau nupepa o loko nei o ke kulanakauhale, i kekahi mau mea ano nui e pili ana i ke ano o ka lawelaweia ana o ka oihana kanu ko e ia Hui, ma ka apana o Kona Akau, Hawaii. 0 lee kanu a me ka hoōulu ana i ke ko, a hiki i ke oo ana, a komo i ka wili, aole ia malalo o ka lawelaweia,aha e na paahana i kepa maoli ia; aka, aia keia hana, malalo o kekahi poe i hana aelike maoli me ka Hui, e kanu lakou i ke ko, maihi, a hiki i ke oo ana, a komo i ka wili, malalo o ko lakou mau lilo ponoi iho, a e mahele ana hoi i na pomaikai loaa me ka Hui, mahope iho o lea laweia ana o na lilo, ina na ka Hui l hoolako aku i ke kanaka kanu ko me na mea e pono ai kana hana. Ma ka makahiki aku nei i hala, he 80 paha ka nui o na kanaka i komo maloko o na aelike o keia ano; a ma keia makahiki hoi, ua hiki aku ko lakou nui i ka 250. He poe Pukiki, lapana a he poe Pake ka hapa nui loa o na kanaka i komo ma keia ano aelike kanu ko. He poe kanaka Hawaii nohoi kekahi, aka, me he mea la, he kakaikahi loa keia poe. O ke kumuwaiwai o kēia Hui, i hookumuia ai ma ka makahiki i hala, he" $500,000; ahe $180,000 i hookaaia. Ua loaa i ka Hui he 3,000 eka aina, ma k< kulana alodio kekahi, a o ka hapa nui nae, ma ka (hoolimalima loihi. Ua like keia kulana hana, me ka mea i lawelaweia a i hanaia e kekahi poe kanaka Hawail, ma Kohala Akau, no kA Hui Mahiko o Niulli, oia hoi ka Hui o Mr. Hart. Aka, aole paha e hiki ke laweia mai ke kulana holomua ole oia hana i lawelaweia ai e na kanaka Hawaii, a hoopili ae i na Pukiki, lapana a Pake hoi, e hana la ia ano hana hookahi ma Kona Akau.