Ka Nupepa Kuokoa, Volume XXXVIII, Number 30, 28 July 1899 — HE LAINA MOKUAHI HOU. [ARTICLE]

HE LAINA MOKUAHI HOU.

Ua laulaha ioa ae nei ka oiaio o ka lono, e hoike ana ua hoohui ae nei kekahi poe kamaaina o Honolulu nei ia lakou iho ma kekahi hui hooholomoku ahi hou, nono ka "The Mid-Paci-fic Navigation Company," (Ka Hui Hooholomoku o ka Pakipika Waena). Ua waihoia akti ka palnpala hooliul o keia Hui ma ke Keena Kalaiaina, a ua aponoia hoi e ka Mana Hooko. O ke kumuwaiwai o keia Hui, he $20,000, ma ka hiki no nae e hoomahuahua aku, o. hoea i ka huina o $100,000. Eia na L\ina Nui o keia Hui:

J. H. Wilson, peresidena; L. Ahlo, hope peresidena; Wong Quai, Kaleauolelo a puuku; H. Crane, luna hooia.

0 na mea na laua i hoolala i keia hana, oia no o Keoni Wilesona (J. H. Wilson) kela opio Hawaii, i alakai iho nei i ka hanaia ana o ke alanui pali o Nuuanu, ka hana hoi e ku nei he kia hoomanao poina ole no ka puniu akeakamai o kekahi Hawaii maoli; a oia nohoi ia i liolo aku nei i ka hoikeike nui o Omaha, me ka puali himeni "Kawaiiiau" ame kekahi poe Hawaii e ae. O kona kokoolua ma keia hana holomua, oia no o H. Crane, he Hawaii hoi ma ka hanau ana, a he hoahanau oia 110 kekahi o na luina paahana o ko makou nei hale pai. Ua loheia, e kuai aku ana keia Hui hou i wahi mokuahi no lakou, ma Vanakoua; a e hooholoia aku ana keia walii moku ma na awa o Oahu nei. Ua manaoia, ma ka malama ae nei paha o Augate e hoea mai ai keia wahi mokuahi 110 Hawaii nei. E kauoha hou aku no keia Hui, e kapiliia ona mokuahi hou. a e paa ana ia mamua o ka pau ana o keia makaliiki. 0 ka hana'o keia laina moluiahi hou, oia ka lawe ana i na ohua ame na ukana mawaena o na awa pae o keia mau mokupuni. E hoonmka ana keia Hui ma ke kuiana hele liilii o na hoonee ana i kana mau hana.