Ka Nupepa Kuokoa, Volume XXXVIII, Number 31, 4 August 1899 — KA HOTELE O WAIALUA. [ARTICLE]

KA HOTELE O WAIALUA.

I keia la e wehe hamamaia ai na ipuka 'hookipa o ka Hotele o Waialua, ke pookela o ka nani mawaena o na hale oia ano' i kukuluia ma ka Pae Aina o Hawaii nei. He mea maopopo loa, i keia la e ikea ai kona mau aoao apau mawaho, ame kona mau paia ame na kuono nani maloko, e ka poe e hoea aku ana ilaila, i keia la, mai Honolulu aku nei, a mai na wahi e ae hoi o Oahu nei. Aole o makou kanalua iki i ka olelo ana āe, e loaa ana i kela ame keia malihini kipa aku ilaila, he mau hookipa oluolu loa ia ana mai e Mr. ame Mrs. C. P. laukea. He mau Hawaii laua i ike a i kamaaina i ka !hea ana i ke kanaka e kip mloko, e hanai ai, a, o ka uku, o ka leo o-ke Aloha. Ua konoia na kakau nupepa apau o loko nei o ke kulanakauhale e Mr. F. C. Emilli o ke Alaihao o Oahu nei e holo aku no. o Puaena" ma keia le, no ka ike ku-maka ana hoi i na ulumahiehie o ua Hotele nei i keia la. 0 ka luna nui, 'Mr. C. P. laukea nohoi kekahi i pahola mai i na poloai aiia i kona mau hoaloha he nui o Honolulu nei.