Ka Nupepa Kuokoa, Volume XXXVIII, Number 33, 18 August 1899 — Page 3
| This text was transcribed by: | Iasona Ellinwood |
| This work is dedicated to: | Nā hanauna e hiki mai ana |
Ka Nupepa Kuokoa
KE KILOHANA POOKELA NO KA LAHUI HAWAII.
SILVER
E 102
G. DIETZ,
HE MEA HANA WATI AKAMAI A PIHA NOEAU LOA.
Alanui Nuuanu, Helu 417.
@ ma ke Alanui Nuuanu, mauka iho o ka Halekuai Pipi "Central Meat M@"
Ka Hui Alahao me Aina o Oahu
MAI A MAHOPE AKU O IUNE 13, 1898
Manawa Holo
@ HOOLULU
@ Honolulu @
Waianae, kaa huikau, na la apau koe ke Sabati.
Waialua, kaa ohua, na la apau.
Waianae, kaa ohua, na la apau.
Wili o Ewa, kaa ohua na la apau.
A.M. A.M. P.M. P.M.
Honolulu 7:10 9:15 3:10 5:10
Manana . . . 8:07 9:48 3:43 5:50
Wili o Ewa . . . 8:37 10:08 4:08 6:10
Waianae 9:27 10:53 4:43 ....
Waialua . . . .... 12:00 5:38 ....
WAHI HOOLULU.
Mai waho mai @ Honolulu.)
Wili o Ewa, kaa ohua, koe ke Sabati.
Waialua, kaa ohua, na la apau.
Waianae, kaa huikau, na la apau, koe ke Sabati.
Waialua, kaa ohua, na la apau.
Wili o Ewa, kaa ohua, Sabati wale no.
AM. A.M. A.M. P.M. P.M.
Waialua . . . 6:12 .... 2:39 ....
Waianae . . . .... 7:12 10:09 3:55 ....
Wili o Ewa 5:50 7:47 10:59 4:32 12:45
Manana . . . 6:15 8:07 11:34 4:52 1:10
Honolulu . 6:50 8:40 12:15 5:26 1:45
@ P. DENISON,
Luna. F. C. SMITH,
Luna Kuai Palapala Holo
NU HOU HAWAII
Eia mai no kahi Makamu.
Nui ka mahalo o na poe makaikai e hele nei i ka Hotele o "Haleiwa" ma Waialua.
Eia i Honolulu nei o Loio Mattoon @ Hilo, Hawaii. Maikai no ke ola o ke kanaka.
Ua huli hoi mai o Peresidena Dole me kana aliiwahine mai ka mokupuni Kaili-la mai o lalo.
Ke wawaia mai nei, ke makemake nei kekahi poe e kuai i na pono ame na kuleana apau o ka Hui Alahao o Hawaii.
I ka mahina aku nei i hala he nui ka pulapula ko i hoounaia aku mai Waiakea aku no Olaa. Eia ia nei ka hulumamo.
Na ko makou halepai nei e paahana nei i kekahi mau kolamu manao o ka makamaka nupepa "Ka Makaainana," i keia pule iho.
Ma ka mokuahi Moana o ka Poalua nei i huli hoi mai ai ke aliiwahine a ka lunanui o ko mkou hale pa'i nei, oia o Mrs. A. W. Pearson.
Ua huli hoi mai nei o L. A. Kakina (Thuston) ame kana aliiwahine no Honolulu nei, ma ka Poalua nei, maluna mai o ka mokuahi Moana.
Ua hoopaiia o David Kui, kela keiki nana i kipu kekahi keiki mauka o Kapalama mamua aku nei, he eono mahina hoopaahao ma ka hana oolea.
I keia la e kau aku ai na Rev. Kauhane ame Kivini o Hawaii, maluna o ka mokuahi Alameda no ka Ipuka Gula @ Kaleponi, a hala loa aku i ka hikina.
Ua loaa mai he lono i ke Aupuni Hawaii, ei ae he puulu limahana Iapana a hoea mai no onei nei, a e hoea aku ina paha ko lakou nui i ka 6000.
Eia mai no ka puni, e ka makamaka @ hele a haale i ka lau o ka palai. Nau keia, mai huhu @ oe, e mama @ oe hoi e papa, e hoomanawanui @e wa @ mea apau.
@omo wale ia mai nei e kukulu @ o Honolulu nei i @ elike no me ke @ ka wa @ poe h@.
@ ka hoopai maluna @ Iapana i @ ai i kana wahine @
Mai poina i ka nana ae i ke Kaa Hehihei Wawae lua ole o ka paa, ka maikai ma ka holo ana, i ikeia ma na wahi kuai kaa apau.
Kalivilana Cleveland.
HONOLULU BICYCLE COMPANY.
209 Alanui Hotele. Telepona 909.
2753-1m.
ka pahi ma Alanui Pauahi i kahi wa i hala ae nei, me ka manao e lawe i ke ola o ua wahine la, he ehiku makahiki hoopaahao, ma ka hana oolea.
He mau lono maemae kai loaa mai nei ia nei, no ka Papa Himeni "Kawaihau" i hoea aku nei i ke anu o Omaha, a pela no me na Hawaii e ae. Aohe mea hoohihi ole i ka ui lamalama o na leo mele o ua poe puukani Hawaii nei.
O na meeau he mau mea hoopoino i na keiki liilii a i ka poe nunui pu nohoi kekahi. O ka aila hamo a DOAN aole loa ia e pahua. He hoopakele pokole a he hoola hikiwawe. E loaa no ma na halekuai laau apau ke 50 keneta.
Mauka ae nei o Pauoa-kai i hookuu mai ai o Mrs. Kahai Paakonia, i keia ola ana, ma ka pule i hala aku la. Oia kekahi mea hoopii, ma ka hihia Kahai (w) ame Kualii (k) kue ia L. Ahlo ame kahi mea e ae. He wahine opio wale no ia i hala aku.
O ka ono ame ka oluolu o ka inu ana i ka Laau Kunu a Kamalena, oia ke kumu i loaa ai ke ola hikiwawe, a lilo ia i laau punahele loa ia e na kanaka apau, in hoea aku ai ia. E kuaiia ana e na poe kuai laau lapaau apau. O Benson Smith & Co., na agena no ko Hawaii Pae Aina.
HOU PAHI MA KOOLAUPOKO AE NEI.
Ua loaa mai he lono awiwi ia makou mai Koolaupoko ae nei, e mai mai ana, ma ka hora 10 a oi o ka po Poakolu nei, ua hanaia he hana hou pahi manaonao ma laila. Ma Kaneohe kahi i hanaia ai o keia hana manaonao, pela ka lohe mai.
Maloko o kekahi hale, ma ia wahi, i loaa aku ai ia Hope Makai Nui F. Pahia, he Iapana e hele a uhi paaaia i ke koko, e moe ana maluna o ka papahele. He elua mau puka pahi e aleale mai ana ma kona kino. O ka ino o keia Iapana poino o Dilao, a he limahana ia no Makapolena, ma Ahuimanu. O kona mea nana i hou i ka pahi, he Iapana no ia, nona ka inoa o Laigawa.
HANAIO KA ITALIA.
Ma ke aumoe o ka po Poaono aku nei i loaa mai ai he lono hoolele hauli i ka Halewai no ke kipu ana o kekahi kanaka Italia i kona hoakanaka oia ano hookahi, malalo ae nei o Moanalua, ma Huluamanu.
I ka hoea ana aku o na makai no ia wahi, ua loaa aku la ka mea i kipuia. Ua komo ka poka ma kahi malalo pono iho o ka puuwai, a hula pu aku la ka poka ma ka aoao hema.
Ua holo hoi ka lima koko mai ka hale aku; aka, e loheia aku ana no nae ke kani mai o kana pu mauka o Huluamanu. Ma ka la Sabati mai, ua hele mai la ia a ka Halewai, haawi pio mai la iaia iho. He ona mai ke kumu o keia kipu ana.
HOOLAHA PAPA OLA.
Ua hoolaha ae nei ka Papa Ola, maloko o na nupepa haole, no kamea, ua pau loa kanaka Hawaii i ka ike i ka Olelo Haole e papa ana i ka hanai puaa maloko o na wahi i kaa ole aku mawaho o 4 mile mai ka Hale Leta aku, koe wale no ma na wahi i aeia e ka Papa Ola.
HE MEA I MAKEMAKE LOIHI IA.
Ua Loaa Keia Mea i Makemakeia ma Honolulu.
He mea paakiki ka mau ana o ka hauoli.
E mainaina mau ana nohoi ka poe manao oluolu.
Ina e maopopo ana ke kumu, aole no oukou e haohao ana.
Ua loaa anei oe i ka maneo ma ka uha?
He ma'i ia, aole no oe e hoi ana ma kahi moe, aole nohoi oe e ike ana i kou ano oluolu.
Aohe mea uluhua e like me keia.
O ka maneo mau iho la no ia i na wa apau.
He oi ka uluhua, a oi loa aku nohoi ka uluhua no ke ola ole.
E ala mau ana oe i ka po.
Pau ka noonoo maikai a e kohu hehema maoli ana oe.
Nolaila, aole anei o nei mea he ola ana a he oluolu ana ae hoi he mea i makemake nui ia?
E loaa ana keia ma o ka Aila Hamo @
Aole loa e nele ana ke ola o ka ma'i uha-hemo maneo i ka Aila Hamo a @
Pela nohoi ka @ ame kekahi ma'i @ e ae o ka Ili.
Eia ka hooiaio no keia mea ma ka hoike a
Mr. Frank L@ o @ S. Main St. W@ Pa. a penei kana olelo: "@ ka @ e hoike aku nei @ ka waiwai o ka Aila Hamo @
S. E. LUCAS, {Ka Mea Lapaau Maka mai Parisa mai.
Ke lawelawe nei au i na Maka Aniani kaulana i kapaia "Isometropes Lenses."
Mai Parisa pololei mai ka'u mau waiwai apau.
E nana wale ia ana na maka me ke Kaki ole ia.
NA HORA HANA—{ 9-12 A. M. 2-5 P. M. LA PULE—8 a 10.
TESTING FREE 2758-tf
ma na ma'i meeau maneo. Ua loohia iho la au, ma ka makahiki i hala ae nei, me ia ma'i. Ua hoao au i na ano laau lapaau apau i haiia mai ia'u he ola, a pela nohoi me na laau a'u i ike ai, ua hoolahaia ma na nupepa, eia nae, aohe loaa ia'u ke ola. Mahope mai, kuai iho la au i ka Aila Hamo a Doan. Mahope iho o na hamo ana a'u he kakaikahi, ua nui ka oluolu i loaa mai ia'u, a ma ka hoomau ana aku i ka ham oana, ua ola loa ae la au. Aole au i hoouluhua iki hou ia e kela maneo hoonaukiuki nui wale a'u i ike ai mamua, a o keia ka eha mahina o ko'u hooki ana i ka hamo ana i ka Aila Hamo a Doan. O ka olelo ana ae, ua hauoli au no keia ola i loaa mai ia'u, he hoike wale ana ae no ia i ka hapalua o ka nui o ko'u hauoli. E hoike mau aku ana nohoi au i keia laau i ka poe apau e halawai mai ana me a'u. Ua hiki no ia oukou ke hoolaha aku i keia mau olelo i na wa apau, a e loaa mau no au ma 326 S. Main Street, a e hooia aku no au no ka oiaio o ia mea."
E kuaiia ana na Huaale a Doan no na Puupaa e na poe kuai laau apau. Kumukuai he 50 keneta. E hoounaia aku ana no ma ke Eke Leta e Hollister Drug Co., na agena no ko Hawaii Pae Aina.
E hoomanao i ka inoa DOAN, a mai lawe i kahi mea e ae.
HE PALAPALA MAI MAUNA POHAKU MAI.
Ua loaa mai ia makou he palapala mai ko makou hoaloha, Mr. M. Nakuaau, e noho mai la i ke anu o Mauna Pohaku, aka, o ka mea minamina, he elua wale no apana kana o ua palapala la i loaa mai ia makou, oia ka aoao 2 ame 3, a koe ka aoao 1. Nolaila ke hoolaha aku nei makou i ua palapala la, ma kahi i hoomaka ai he manao maopopo:
Ma ka la 3 o Iulai, 1876, hiki mai o Miss Likapeka Kaohimaunu i Lokopaakai mai Laie mai, he kaikamahine ia no ka ua kipuupuu o Waimea, a ma ka la 10 oia mahina mare laua, (oia ame J. W. Kaulainamoku) he aneane eiwa makahiki ka noho pu ana make aku la ia wahine ma ka la 31 o Maraki, 1885. Ma ka la 21 o Aperila, 1885, koho ia oia he Misanele no Nu Zilani, he 3 makahiki a oi hoi mai oia i Lokopaakai nei. Ma ka M. H. 1889, kuaiia ke awawa o Iosepa nei i aina no na Hawaii, o J. W. Kaulainamoku ka paionia mua i hoi mai i keia home hou o na Hawaii, oia ka mea mua i kukulu i ka hale laau ma keia aina. A ma ka la 11 o Augate, 1890, mare oia me ke 'lii wahine Kapukini Keohokalole o ke paniwai o Iao. He kamana a he kalai pohaku no ka Halelaa ma Lokopaakai kana hana nui no kekahi mau makahiki. He kanaka puuwai hamama, he lokomaikai, he hookipa, he oluolu a waipahe ma na ano apau; aole he nohoalii o ka inaina, ka huhu ame ka manao ino maluna ona, o ka haahaa ame ka hoolohe i ka olelo a na alakai o ka Ekalesia kana i auamo ai a hiki i kona hele ana'ku la i kona Makua lani.
Pomaikai ka poe make, ke make iloko o ka Haku.
O kana pule hope loa i alana aku ai i kona Makua lani mamua o kona make ana, "E kuu Makua, ke nana aku nei au ia oe, a ke hele aku nei au i ou la, Amene," moe aku la ia a hala aku la.
Na ke Akua e hoomama i na makamaka, na hoa'loha ame na koko ma ko Hawaii Pae Aina, a pela pu i ka wahine kanemake.
MAKE HOU NO.
Ma ka la 27 o Iulai nei i kii mai ai ka anela o ka make ia Miss Kahihiwai. O Kauai kona ewe hanau, ua hele mai oia me kona kahuhanai George Petero, he lebela ka ma'i i make ai.
Hookahi mea i koe e ola nei, o ka poe i loaa i ka ma'i lebela o Mrs. Hana N. Mahoe. Eia no i ka Halema'i o Iosepa nei. He ano maikai kona.
Owau iho no,
M. NAKUAAU.
Iulai 31, 1899.
HE HOOPII HOONA KULEANA AINA.
Ma ka Poaha o ka pule i hala, i noho ai ka hoopii hoona kuleana aina a W. P. Hopu, D. W. Poinalo ame Kealiimahiai (w) o Waianae, kue ia Kananauli (k) oia wahi hookahi no, imua o na kiure no lakou keia mau inoa: S. Maloi, William Smith, Joseph Richards, John Akina, William Coghall, George Kalopi, Allan Wright, Joseph Oliva, S. S. Mahuka, George W. Macy, S. W. Kaaona ame A. Fitzsimmons.
Ua koi ka aoao hoopii e hookoia ko lakou kuleana, ma ke ano alodio, maloko o kekahi apana aina ma Waianae-uka, a e loaa hoi ia lakou (aoao hoopii) i 5/8 kuleana i mahele ole ia maloko o ka aina i koiia e hooponopono. Ua hoole o Kananauli (k) i keia koi a ka aoao hoopii, a ua olelo oia ma kana pane, ma ka palapala imua o ka Aha, nona ka aina apau loa. He elua (2) eka a hoi ka nui o keia aina.
O ka luna hooponopono o keia pepa ka loio o ka aoao hoopii, a o Hon. Kikila Binanu ko ka aoao i hoopiiia. Ma ka hana ana imua o ke kiure, ma na la i hoikeia ae la, ua ko ka aoao hoopii, elike me ka mea i hoiia ma ka palapala hoopii, ua loaa i ka aoao hoopii he 5/8 iloko o ka aina holookoa. he 1/4 no W. P. Hopu, kekahi mea hoopii, a he 3/8 no D. W. Poinalo, kekahi mea hoopii, a hooneleia o Keliimahiai (w), kekahi mea hoopii, no ka lawa ole o ka olelo hoike no ka wa i make ai kana kane mua, oia o Kaiwiakea. Ua make paha ia mamua o ka make ana o Oleloino (w) ka wahine a ka mea nona ka aina; a i ole ua make paha oia (Kaiwiakea) mahope mai o ka make ana o Oleloino (w), ka mea i pili aku ai ua Kaiwiakea nei, ka mea hoi e loaa ai he kuleana ia Keliimahiai (w), kekahi o na poe hoopii, ina he make hope mai o Kaiwiakea, a he make mua o Oleloino, oiai, aia ma o keia Oleloino la, ko Kaiwiakea kuleana e loaa ai iloko o ka aina, nokamea, he hoahanau ponoi no ia no D. W. Poinalo. Ua haawi ke kiure ia Kananauli (k), mea i hoopiiia, he kuleana 3/8 iloko o ka aina. Ua hoohalahala kona loio i ka olelo hooholo a ke kiure no ke kue i ke kanawai ame ke koikoi o ka olelo hoike.
Kela ame Keia.
E HOOMAKA ANA KE KULA KAIKAMAHINE O KOHALA
Ma ka Poakahi, la 4 o Sepatemaba. O Miss M. L. Gardener ke kumu poo. E ao ia ana ka helehele me ka hookuku lole wahine, ame na hana i ao mua ia, oia hoi ka humuhumu lole, kuke, hana lima akamai, ame ke kula ana, elike no me ka mea mau. Ke kauohaia aku nei na mea apau e manao ana e hookomo mai i ka lakou mau kaikamahine i hele mua, a i ole ia, i mau kaikamahine hou paha, e hoakaka koke mai i ko lakou manao me ka hoopanee ole, a e hookaa koke mai nohoi i ke koena aie o ka makahiki mua.
E kau leta mai no ia Mr. E. C. Bond, a hiki i ka wa e hoomaka ai ke kula.
Kohala, Iulai 28, 1899.
AHA KAAPUNI EKAHI, KO HAWAII PAE AINA.
Ma o ka Waiwai o Mahoe (w), i make.
Ka Hoike o na Lunahooponopono Waiwai i na Poe i Aie Ia.
O ka mea nona ka inoa malalo nei, a mamuli hoi o ka hookohoponoia ana hoi e Hon. H. E. Cooper, ke kokua elua o ka Aha i hai ia ae la maluna, i Lunahooponopono no ka waiwai o Mahoe (w), i make, no Honolulu, Oahu, nolaila ke hoike aku nei au imua o na poe apau i aie ia e ka mea i make, e hoike mai i ko lakou kuleana i aponoia, a me na Palapala e ae ina hoi ua paa ua mau kuleana ala ma ka moraki, a i ole, i ka mea nona ka inoa mlalo, ma ka hale hana o J. A. Magoon ame Silliman, e pili ana me ka Hale Leta, ma Honolulu, iloko o eono mahina mai ka la mua i hoikeia ai keia hoolaha, a i ole, e pale ia ana ia no ka wa mau loa.
F. WUNDERBERG,
Lunahooponopono Waiwai.
August 4, 1899. 2766-3t
HOOLAHA I KA POE AIE.
Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.
Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo.
ROBERT PARKER WAIPA.
Lunahooponopono Waiwai o ka Waiwai o Hana Keoki.
Hanaia Honolulu, Oahu, Maraki 10, M. H. 1899.
5174-6m
Hoolaha Hooko Moraki
HOOLAHA HOOKO MORAKI AME KUAI AKU O KA MEA MORAKI.
Ke hoolahaia aku nei ma keia, mamuli o ka manakuai i paa maloko o kekahi moraki i hanaia ma Dekemaba 9, A. D. 1897, i hanaia e Paiwa ame kana wahine me Pae, o Kohanaiki, Kona Akau, Mokupuni o Hawaii, Ko Hawaii Pae Aina, ia C. K. Ai, o Honolulu, Mokupuni o Oahu, i kopeia ma ke Keena o ka Luna Kakau Kope Palapala, maloko o ka Buke 174, ma na aoao 270-1, a ke makemake nei o C. K. Ai i oleloia, e hooko aku i ua moraki la no ka uhakiia ana o na kumu aelike, oia hoi: Ka uku ole ia ana o ke kumupaa, ma ka wa e hookaa ai.
Ma keia, ke hoolahaia aku nei nohoi, e kuaiia aku ana ma ke kudala akea na aina apau, pela na pono ame na mea apau i pili i ka aina, i paa maloko o ua moraki la, a i hoakakaia ai hoi, ma ke Keena Kudala o Jas. F. Morgan, ma Alanui Moiwahine, ma Honolulu i oleloia, ma ka Poakahi, la 28 o Augate, A. D. 1899, ma ka hora 12 awakea o ua la 'la.
Penei i hoakakaia ai ka waiwai i paa maloko o ua moraki la, oia hoi:
O na pono ame na kuleana apau o ka mea i moraki aku (Mortgagor) maloko o kia mau apana aina mahope ae nei, oia hoi:
1. O kela apana aina apau e waiho la ma Kohanaili, Kona Akau, Mokupuni o Hawaii, i hoike piha ia maloko o kekahi Palapala Kuai a Kaiokoili ia Paiwa i oleloia, i hanaia ma ka la 26 o Okatoba, 1883, a i kopeia maloko o ka Buke 85, ma na aoao 97 ame 8 o ka Buke Kakau Kope.
2. O kela apana aina apau ma Kohanaiki, Kona Akau, Mokupuni o Hawaii, a i hoakaka piha ia hoi ma ka Palapala Sila Helu 4273, Apana Helu 56 (Kuleana Home Hookuonoono) maloko o laila, he Ili o 40 46-100 Eka.
Kuike ke Dala. O na palapala kuai ma ka lilo no ia o ka mea e lilo aku ai ka aina.
No na mea kau i koe e ninau ia
CATHCART & PARKE.
Mau Loio ma ke Kanawai.
C. K. AI,
Mea Moraki mai.
Hanaia ma Honolulu, Iulai 31, 1899.
2678-4t.
HOOLAHA HOOKO MORAKI.
Ke hoolahaia aku nei ma keia, ua makemake ka mea nona ka inoa malalo iho nei, ka mea moraki mai (mortgagee) maloko o kekahi moraki mai a Ahuna mai, a ia Akau & Co. o Kailua, Kona Akau, Mokupuni o Hawaii, no ehiku haneri ($700) Dala, i hanaia ma Sepatemaba 25, 1896, a i kopeia maloko o ke Keena o ka Luna Kakau Kope, Oahu, maloko o na Buke 163, ma na aoao 428 me 429, ma o ka mana kuai la i paa maloko o ua moraki la, e hooko aku i ua moraki la, no ka uhakiia ana o na kumu aelike, oia hoi: ka hookaa ole ia ana o ke kumupaa ame ka uku panee ma ka wa e hookaaia ai.
O ka waiwai i hoakakaia maloko o ka moraki i oleloia, penei no ia:
1. O kela apana aina, oia hoi, na mahele o Kenao ame Nakaula, maloko o ka aina o Kupono i make, e waiho la ma Kalaoa, Kona Akau, Mokupuni o Hawaii, i oleloia, he Iwakaluakumamahiku ame ekolu-hapaha (27 3/4) Eka, oi aku a emi mai paha, i kuaiia mai e Paiwa ame Pae, kana wahine ia Ahuna i oleloia, ma ka Palapala Kuai, i hanaia ma Iune 18 1892, a i kopeia ma Honolulu maloko o ka Buke 146, ma na aoao 165 ame 166.
2. Ka hoolimalima o kekahi apana aina e waiho la ma Hamanamana, Kona Akau, Mokupuni o Hawaii, mai a Kaimu mai, ia Ahuna i oleloia, i hanaia Feberuari 25, 1896, a i kopeia ma ka Buke 161, aoao 259.
I kulike ai me ka hoolaha maluna ae, e kuai kudala akea ia aku no na waiwai i hoikeia ae la ma ke Keena Kudala o James F. Morgan, Alanui Moiwahine, Honolulu, ma ka Poaono, Sepatemaba 9, A. D. 1899, ma ka hora 12 awakea.
C. AKAU & CO.,
Na Mea Moraki mai (Mortgagees.)
KINNEY, BALLOU & McCLANAHAN,
Na Loio o na Mea Moraki mai (Mortgees.)
2768-3t
HOOLAHA HOOKO MORAKI AME KUAI AKU A KA MEA PAA MORAKI.
Ke hoolahaia aku nei ma keia, mamuli o kekahi mana kuai i paa maloko o kekahi moraki i hanaia ma ka la iwakaluakumamawalu o Maraka, A. D. 1892, i hanaia e Miliama Kepe Kahulu (w), Kahikina (k), ame Kahahana (w) o Honolulu, Mokupuni o Oahu, ia H. Dimond o Honolulu, i oleloia, i kopeia maloko o ke Keena o ka Luna Kope Palapala maloko o ka Buke 139, ma na aoao 2 me 3, a ua hooliloia mai hoi ia moraki ia'u, ia Henry Waterhouse, Jr., kahu waiwai, ma ka Palapala Kuai a Henry Waterhouse ame Julia H. Waterhouse, na lunahooko o ka Palapala Kauoha a H. Dimond, i make, i hanaia ma Augate umikumamawalu, A. D. 1896, a i kopeia ma ke Keena o ka Luna Kope Palapala, maloko o ka Buke 163, ma na aoao 275, a ke makemake neo au, o Henry Waterhouse, Jr., kahu waiwai, e hooko aku i ua Moraki la, no ka uhakiia ana o na kumu aelike maloko o ua Moraki la, oia hoi: ka uku ole ia ana o ke kumupaa ame ka uku panee ma ka wa e hookaa ai.
Ke hoolahaia aku nei nohoi ma keia, e kuaiia aku ana ma ke kudala akea, na aina apau, na pono me na pomaikai i paa maloko o ua moraki la, ma ke Keena Kudala o James F. Morgan, ma Alanui Moiwahine, ma Honolulu i oleloia, ma ka Poakahi, ma ka la iwakalukumamawalu o Augate, A. D. 1899, ma ka hora 12 awakea o ua la 'la.
Eia na aina i paa maloko o ua Moraki la, penei:
1. O kela mau apana aina apau e waiho la ma Haleaha, Koolauloa, Mokupuni o Oahu, i hoakakaia na palena ame na mokuna maloko o ka Palapala Sila Nui (Grant) 1310 ia Kaailaau, maloko o laila he Ili o aneane 9.1 Eka.
2. O kela apana aina apau e waiho ana ma Haleaha i oleloia, a i hoakaka ia na palena ame na mokuna maloko o ka Palapala Sila Nui (Grant) 1311 1/2 ia Naihe, maloko o laila he Ili o aneane 3.77 Eka.
3. O kela mau apana aina apau ekolu e waiho ana ma Haleaha i oleloia, a i hoakakaia maloko o ka Palapala Sila Nui 7816, Kuleana 5853 ia Kamano, a i hoikeia nohoi na palena ame na mokuna malaila, a he Ili o aneane 3.77 Eka.
Kuike ke Dala. O ka lilo palapala me ka mea e lilo ai ka aina. No na mea i koe e ninau i ka mea nona ka inoa malalo iho nei.
HENRY WATERHOUSE, JR.,
KAHU WAIWAI,
Mea Paa Moraki.
Honolulu, Augate 4, 1899. 2766-4t.
HOOLAHA HOOKO MORAKI ME KUAI A KA MEA MORAKI.
Ke hoolahaia aku nei ma keia, mamuli o ka mana kuai i paa maloko o kekahi moraki i hanaia Iune 23, A.D. 1898, i hanaia e Loika Napahuekolu ame Hoohuli (k), kana kane mare, o Honolulu, Mokupuni o Oahu, ia Joseph Enos o Honolulu i oleloia, i kopeia ma ke Keena o ka Luna Kakau Kope, maloko o ka Buke 180, ma na Aoao 116-118, ke makemake nei o Joseph Enos, ka Mea Moraki mai (Mortgagee) e hooko aku i ua Moraki la, no ka uhakiia ana o na kumu aeilke i paa maloko o ua Moraki la, oia hoi, ka uku ole ia ana o ka ukupanee ma ka wa no ka hookaa ana. Ke hoolaha ia aku nei nohoi ma keia, e kuaiia aku no ma ke kudala akea na aina apau, na pono ame na mea apau maluna iho a i pili i ua mau aina la, iloko o ua Moraki la, ma ke Keena Kudala o James F. Morgan, ma Alanui Moiwahine, ma Honolulu i oleloia, ma ka Poakahi, la 21 o Augate A. D. 1899, ma ka hora 12 o ke awakea o ua la 'la.
A penei i hoakakaia ai ke ano o na waiwai i paa ma ua Moraki nei oia hoi: O na kuleana apau, ame na pono o ua mau mea haawi moraki nei (mortgagors) maloko o na apana aina, penei:
1. O kela apana aina apau e waiho la ma Waipilopilo, Kapalama, ma ka Mokupuni o Oahu i oleloia, maloko olaila he Ili o 2520 kapuai kuea, a oia ka apana 1 o ke Kuleana Helu 1229 ia Keliinui.
2. O kela apana aina apau e waiho la ma Kalanikila, ma Kapalama i oleloia, maloko o laila he Ili o 43-100 o ka Eka, a oia nohoi ka aina i hoikeia maloko o ka Palapala Sila Nui Helu 2077, Kuleana Helu 2201 ia Nakahuna.
3. O kela apana aina apau e waiho la ma Kapalama i oleloia, e pili ana i ke Kuleana o Nakahuna i hoikeia ae nei maluna, a maloko o laila he Ili o 28-100 o ka Eka, a oia ka apana 2 o ka Palapala Sila Nui Helu 2082, Kuleana Helu 2222 ia Kapalu.
4. O kela apana aina apau e waiho la ma Kealia, maKapalama i oleloia, he apana hoi ia noloko o ka Palapala Sila Nui Helu 2078, Kuleana Helu 553 ia Kuula, a i hoikeia na palena, penei:
E hoomaka ana ma ke kihi Hem. Hik. pili me Konohiki a e holo ana Ak. 22 1/2° Kom. 1.22 Kaul. ma ko Konohiki Hem. 62 1/2° Kom. 0.81 Kaul. ma ka lihi i koe ia Hale ma, Ak. 22° Kom. 3.54 Kaul. ma kahi i koe ia Hale ma, Hem. 66° Kom. 1.26 Kaul. ma ke alanui, Hem. 9 1/2° Hik. 0.60 Kaul. ma ka Konohiki, Hem 25 1/2° Hik. 2.77 Kaul. ma ke Konohiki, Hem. 6 1/2° Hik. .82 Kaul. ma ke Konohiki, Hem 6 1/2° Hik. .83 Kaul. ma ke konohiki Ak. 81° Hik. .74 Kaul. ma ke Konohiki, Ak. 77° Kom. .70 Kaul. ma ke Konohiki Ak. 77° Hik. .60 Kaul. ma ke Konohiki, Hem. 39° Hik. .77 Kaul. ma ke Konohiki, Ak. 71° Hik. .78 Kaul. ma ke Konohiki. Ili 64-100 Eka.
Kuike ke Dala. Na lilo palapala i ka mea e lilo aku ai.
No na mea i koe, e ninau ia
J. M. MONSARRAT,
Loio o ka mea Moraki Mai.
JOSEPH ENOS,
Mea Moraki. (Mortgagee.)
Hanaia, Iulai 28, 1899. 2765-4t.
Hoolaha Mana Hookolokolo.
AHA KAAPUNI, MAHELE KAAPUNI EKAHI O KO HAWAII PAE AINA.
Ma ka hana o ka Waiwai o Edward Vivian, Thomas Everest ame Lucy Kawaialohia Richardson, poe keiki oo ole.
Ma ka heluhelu ana ame ka waihoia ana mai o ke noi a William O. Smith, Kahu, e nonoi ana i kauoha a ka Aha, no ke kuai ana i kekahi waiwai paa o na keiki oo ole i oleloia, a e hoakaka pu ana i kekahi mau kumu ma ke kanawai e hiki ai e kuaiia aku ua waiwai paa la.
Ke kauohaia aku nei ma keia, o na poe apau i kuleana ma ua waiwai paa la, e hele mai imua o keia Aha ma ka Poakolu, la 30 o Augate, A. D. 1899, ma ka hora 10 a. m., ma ka Hale Hookolokolo o keia Aha, ma Honolulu, Oahu, ma ia wa a malaila e hoike mai ai i kumu, nokeaha la e ae ole ia ai kela noi.
Na ka Aha:
GEORGE LUCAS,
Kakauolelo.
Honolulu, K. H. P. Aina, Augate 10, 1899.
2767-3t.
ILOKO O KA AHA KAAPUNI, APANA HOOKOLOKOLO EKAHI O HAWAII PAE AINA.
Annie Lackland, mea hopii, kue ia William O. Lackland, mea hoopiiia. Hoopii Oki Mare.
Ka Repubalika o Hawaii: I ka Ilamuku o ko Hawaii Pae Aina, a i kona hope paha—Me ka mahalo.
Ke kauohaia aku nei oe e kii aku ia William O. Lackland, mea hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Kaapuni i hoikeia ae la ma ke kau o Augate o ua Aha la, e weheia ana ma Honolulu, Mokupuni o Oahu, i ka Poakahi, la 7 o Augate ae nei, ma ka hora 10 kakahiaka, e hoike mai i kekahi kumu no keaha la e ae ole ia'i ke noi a Annie Lackland, ka mea hoopii, e like me ka mea i hoakakaia maloko o kana palapala hoopii e pili pu nei me keia. A e hoihoi mai oe i keia palapala kii me kau mau hoike piha e pili ana no ia mea. Ikeia ka Mea Hanohano A. Perry, Lunakanawai Ekahi o ua Aha Kaapuni la ma Honolulu, Oahu, i keia la 10 o Iulai, 1899.
(Inoa) J. A. THOMPSON,
(L. S.) Kakauolelo.
Ke hoike ia'ku nei o ka mea maluna ae he kope oiaio no ia o ka palapala kii ma ia hihia, a ua kauoha ua Aha la e hoopaneeia ka hihia a ke kau o Novemaba, 1899, e hiki mai ana.
HENRY SMITH,
Kakauolelo Oihana Hookolokolo.
Honolulu, K. H. P., Augate 8, 1899.
2767-6t.
ILOKO O KA AHA KAAPUNI, APANA HOOKOLOKOLO EKAHI O HAWAII PAE AINA.
Ma ka hana o ka Waiwai o Maggie, William ame Annie Widdifield, he mau keiki oo ole.
No ka mea ua waihoia mai he palapala hoopii e ke Kahu Malama Waiwai, William W. Widdifield, e nonoi ana e kuai kudala ia na aina o na keiki oo ole e waiho 'la ma Kalawahine, a ma kahi kokoke i ke kahawai o Nuuanu, a mauka aku o ke Alanui Vineyard, iloko o ka Apana o Honolulu, a me kekahi kuleana mahele oleia, iloko o kekahi apana pa-hale uuku, ma ke Alanui Vineyard i oleloia, i mea e hookaa ai i ka auhau o ua aina 'la.
No laila, ma keia ke haiia aku nei ka lono i na poe apau i kuleana o ka Poalima, la 8 o Sepatemaba, 1899, hora 10 kakahiaka, ma Aliiolani Hale, Honolulu, Oahu, oia kahi ame ka manawa e hoolohe ia ai o ua palapala hoopii la, a e hoike mai lakou no ke aha la e ae ole ia ai ke noi o ka ke Kahu Malama Waiwai.
Na ka Aha:
P. D. KELLETT, JR.,
Kakauolelo.
Honolulu, Augate 8, 1899. 2767-3t.