Ka Nupepa Kuokoa, Volume XXXVIII, Number 33, 18 August 1899 — HOU PAHI MA KOOLAUPOKO AE NEI. [ARTICLE]

HOU PAHI MA KOOLAUPOKO AE NEI.

Ua loaa mai he lono awiwi ia makou mai Koolaupoko ae nei, e hai mai ana, ma ka hora 10 a. oi o ka po Poakolu nei, ua hanaia he hana hou pahi manaonao ma laila. Ma Kaneohe kaihi i hanaia ai o keia hana manaonao, pela ka lohe mai. Maloko o kekahi iale, ma ia wahi, i loaa aku ai ia Hope Makai Nui F. Pahia, he lapana e hele a uhi paaaia i ke koko, e moe ana maluna o ka papahele. He elua mau puka pahi e aleale mai ana ma kona kino. O ka inoa o keia lapana poino o Dilao, a he limahana ia no Makapolena, ma Ahuimanu. O kona mea nana i hou i ka pahi, he lapana no ia. nona ka inoa o Laigawa.