Ka Nupepa Kuokoa, Volume XXXVIII, Number 33, 18 August 1899 — HANAIO KA ITALIA. [ARTICLE]

HANAIO KA ITALIA.

Ma ke aumoe o ka po Poaono aku nei i loaa mai ai lie lono hoolele hauli i ka Halewai no ke kipu ana o kekahi kanaka Italia i kona hoakanaka oia ano hookahi, malalo ae nei o Moanalua, ma Huluamanu. I ka hoea ana aku o na makai no ia wahi, ua loaa" āku la ka mea i kipuia. Ua komo ka poka ma kahi malalo pono iho o ka puuwai, a hula pu aku la ka poka ma ka aoao hema. Ua holo hoi ka lima koko mai ka hale aku; aka, e loheia aku ana no nae ke kani mai o kana pu mauka o Huluamanu. Ma ka la Sabati mai, ua hēle mai la ia a ka Halewai. haawi pio mai la iaia iho. He ona mai ke kumu o keia kipu ana. '