Ka Nupepa Kuokoa, Volume XXXVIII, Number 33, 18 August 1899 — HE PALAPALA MAI MAUNA POHAKU MAI. [ARTICLE]

HE PALAPALA MAI MAUNA POHAKU MAI.

Ua loaa mai ia makou he palapala mai ko makou hoaloha, Mr. M. Nakuaau, e noho mai la i ke anu o Mauna Pohaku. aka. o ka mea minainina, he elua wale no apana kanana o ua palapala la i loaa mai ia makou, oia ka aoao 2 ame 3, a leoe ka aoao l. Nolaila ke hoolaha aku nei makou i ua palapala la, ma kahi i hoomaka ai he manao maopopo: ♦ ♦ ♦ ♦ ♦ ♦ ♦ ♦ ♦ ♦ ♦ Ma ka la 3 o lulai, 1876, hiki mai o Miss Likapeka Kaohimaunu i Lokopaakai mai Laie mai. he kaikamahine ia no ka ua kipinipun o Waimea, a ma ka la 10 oia mahina mare laua, (oia ame J. W. Kaulainamoku) he aneane eiwa makahiki ka noho pu ana make aku la ia wahine ma ka la 31 o 18S5. Ma ka la 21 o Aperila. ISBS, koho ia oia he Misanele no Nu Zilani. he 3 makahiki a oi hoi mai oia i Lokopaakai nei. Ma ka M. H. 18S9, kuaiia ke awawa o losepa nei I aina no na Hawaii, o J. W. Kaulainamoku ka paionia mua i hoi mai i keia home hou o na Hawaii, oia ka meia mua i kukulu 1 ka hale laau ma keia aina. Amaka la 11 o Augate, 1890, mare oia me ke 'lii wahine Kapukini Keohokalole o ke paniwai o lao. He kamana a he kalai pohaku no ka Halelaa ma Lokopaakai kana hana nui no kekahi mau makahiki. He kanaka puuwai hamama, he lokomaikai, he hookipa, he oluolu a waipahe mana ano apau; aole he nohoalii 0 ka inaina, ka huhu ame ka manao ino maluna ona. o ka haahaa ame ka hoolohe i ka olelo a na alakai o ka Ek»lesia kana i auamo ai a hiki i kona hele ana'ku la i kona Makua lani. Pomaikai ka poe make. ke make iloko o ka Haku. O kana pule hope loa i alana aku ai 1 kona Makua lani mamua o kona make ana, "E kuu Makua, ke nana aku nei au ia oe, a ke hele aku nei au i ou la, Amene," moe aku la ia a hala aku la. Na ke Akua e hoomama i n'a makamaka, na hoa'loha ame na koko ma ko Hawaii Pae Aina, a pela pu j ka wahine kanemake. MAKE HOU NO. Ma ka la 27 o lulai nei i kii mai ai ka anela o ka make ia Miss Kahihiwai. O Kauai kona ewe hanau, ua hele mai oia me kona kahuhanai George Petero. he lebel<a ka ma'i i make ai. Hookahi mea i koe e ola nei, o ka poe i loaa i ka ma'i lebela o Mrs. Hana N. Mahoe. Eia no i ka Halema'i o losepa nei. He ano maikai kona. Owau iho no, M. NAKUAAU. lulai 31. 1599.