Ka Nupepa Kuokoa, Volume XXXVIII, Number 34, 25 August 1899 — HUNAHUNA O NA AINA E. [ARTICLE]

HUNAHUNA O NA AINA E.

Ua hoauheeia na Ilikini kipi ma ke awawa o Yaqui, ma Guaymas, Mekiko, ma kekahi hoouka kaua i malamaia mawaena oia poe Ilikini la ame na koa Aupuni o Mekiko malalo o Kenerala Torres.~ Ma ka la 12 o Augate, ua a'e aku la he 1200 poe kipi o Hayti, ma kela aoao o ka muliwai Yaque, oiai e kipu aku ana na koa Aupuni maluna o lakou. Ma ka wa i hoouka ia ai he kaua mawaena o na koa Aupuni ame ua poe kipi la, ua make he 18 kanaka o ka aoao Aupuni, a, aohe mea make ma ka aoao kipi. E hoike ana kekahi mau lono lauahea. mai Banica mai, ua makaukau na poe kipi o ka mahele aina o Neyba e ala ae, a kokua ia Kenerala Jiminez. Ke manaoia aku nei e hoea mai ana o Kenerala Torribo Garcia mai Cuba mai, a oia ke alakai o ka aoao kipi. Ua makaukan loa he 12,000 poe koa Inia e hoounaia mai Bombay mai, no Aferika Hema. »He nui na moku lawe koa e ku la me ka makaukaA ma na kai o Inia no ka lawe na mai i ua poe koa ia. I hakalia wale no i ka poha ole ae o ke kaua. E hoike ana kekahi lono mai Roma mai, Augate 10, ua make o Kadinela Isidoro Yerga, ka Bihopa o Alhanao. Ua hanauia oia ma ka makāhiki 1832, a ma ka makahiki 1884, hooliloia oia i Kadinela.

E hoike ana kekahi lono mai Ladana mai (Aug. 12) ua paa na aelike mawaena o ke Aupuni o Sepania ame kekahi poe kapili moku kaulana loa o Italia, e kapalaia ona aumokukaua helu ekahi no Sepania. Ua loaa mai ka lono i ke Aupuni o (Lima, JPeru, ma Amei'ika Hema) ua pau i ka hoauheeia na poe kipi e na koa aupuni, ma na wahi apau i nee aku ai na koa Aupuni. E hoike ana kekahi lono mai Trenton, (Mo.) mai, Augate 11, e hoounaia mai ana no Hawaii nei he 200,000 moa ola. Ua laweia mai la e ke kaa moa mua loa i hoounaia mai no Hawaii nei, he 500 moa. Ea kanl ka "ni£" Tahiti ia Hawaii nei la! E ana kekahi lono mai Hongkong mai, ua lil'o ae la ia Parani kahi mokupuni o San Chau, ma ke komohana aku o Moeao. He lono kai loaa mai Sana Peteroboro mai e lioike ana, e liolo ,aku ana ka Effiepera Nicholas ame ka Emepera wahine no Enelani no ka ike ana i ka Moiwahine Vitoria, ma ka hapa hope o keia mahina o Augate nei. Iloko o ka wa kaua kivila iho nei o kakou, a pela nohoi me ke kaua ana iho nei me Sepani&, oka ma'i ! hi, oia kekahi mea i hoopilikia nui loa i ko kakou poe koā. Ma na ma'i he.nui, e lilo ana keia i ma'i kau, a e popilikia ana na poe koa kahiko. O Mr. David Taylor o Wind Ridge, Gre&ve Co., Pa., kekahi mea i pilikia. i keia ano ma'i. Ua inu nae ia i ka Laau Ola a Kamalena no ke nahu, ke kolera ame ka hi, a ua olelo oia, aohe laau ana i ike ai i ke ola hikiwawe o keia ano ma'i, elike me keia. E kuaiia ana ena poe kuai laau lapaau .apau. O Benson Smith & Co., na agena no ko Hawaii Pae Aina.