Ka Nupepa Kuokoa, Volume XXXVIII, Number 35, 1 September 1899 — KA HOOULU KAUA MA TRANSVAAL. [ARTICLE]

KA HOOULU KAUA MA TRANSVAAL.

O ke paonioni ame ke aumeume e hoouluia mai nei, a e hukihukiia mai nei hoi, mawaena o Beritania Nui ame na Bua o kahi Repubalika o Transvaal, ma Aferika Hema, he hoololi wale ana no ia i ke kulana aumeume i ikeia iho nei, mawaena o Amerika Huipuia, ka Repubalika nui, ame Sepania, he Monakia pananaiki no, a, oia hoi keia, ke kue nei kahi Repubalika panaiki o Transvaal ia Beritania, he Aupuni Monakia i oi aku ia Sepania, elike la me ka oi ana o Amerika Huipuia, mamua o Transvaal Repubalika. . O ka hiohiona, a o ka helehelena iho la keia o ke ku ana o na kulana hookuku a hoohalikelike mawaena o keia mau aupuni ae la. Ke pahola nei na kokoia o ka ma•nawa i ouli hoopahaohao maluna o j na aupuni o ke ao nei. He mea oiaio, o ke kumu nui o ka ulu ana mai o keia pioo mawaena o ka ulu nui ame ka ulu iki, a i ole, mawaena hoi o ka hau nui me ka hau iki, • oia no nei mea he pono koho balota o ke kanaka ma kekahi aupuni. 0 keia pono no, ka mea i hookahulihuli i ko Hawaii nei kumukanawai, a hiki i kona kakaa loa ana a Iilo i Amerika oia ma kona mau ano apua, koe nae kahi ola kino maoli ana o na kanaka oiwi o ka aina. Ke olelo nei ka poe "Bua" o loko o kela Repubalika, he mau pono leo lakou. A ke olelo nei hoi ka poe "Uitlanders" o ua aina la\ he mau pono nohoi ko lakou, a he pono e loaa ia lakou ke kuleana e komo pu ai e hooponopono i na hana kuloko o ke Aupuni; a eia mahope o keia poe i ku ai o Enelani me kona ikaika apau. Ua olelo na poe "Bua" o lakou na kamaalna o ka aina, o lakou na oiwi ponoi o ka aina, no lakou ka aina, a nolilila, o lakou na haku maluna o na mea apau o ka aina, a ua kue lakou me ka ikaika, i na koi a ka poe "Uit]anders;" a no ia mea, ua ala mai la keia kumumanao, "Na ka mea ikaika ka waiwai pio." Lele ae la ka Enelani kokua ana mahope o na poe Uitlanders, a kue aku la i ka poe "Bua." Aia mahope o kela poe "Uitlanders" ka mana holookoa apau o Enelani, mai Inia Hikina mai, hoea i Canada ma Amerika, ma Auseteralia ma ka Hema o kakou aku nei, a ma na Panalaau o Aferika. Mahope o ka Repubalika o Transvaal, oia hoi, ka lahui "Bua," aole he Aupuni ipana nul o ke ao nei e kokua aku ana ia lakou. 0 Qeremania anei? 0 kela poe "Bua," ua oleloia he poe Olelo E lakou, oia hoi, he poe Geremania. He mea miopopo loa nae i keia wa,