Ka Nupepa Kuokoa, Volume XXXVIII, Number 36, 8 September 1899 — Page 3
| This text was transcribed by: | Kamanu Bicoy |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
E 102
G. DIETZ.
HE MEA HANA WATI AKAMAI A PIHA
NOEAU LOA.
Alanui Nuuanu. Helu 417.
Aia ma ke Alanui Nuuanu, mauka iho o ka Halekuai Pipi “Central Meat Market.”
Ka Hu@ Alahao me Aina o Oahu
MAI A M@ HOPE AKU O IUNE 13, 1898
Manawa Holo
WAHI HOO- W n b W I W n W n
LULU a a a a a a a i a
Mai Honolulu i t i i l
aku, a l i a a a l i l
n a l p n a o a
a u a a E
e w a
e, a a, u a a, p
k p k k p k a
a a a a a a u
a u a a u a
h k o o o
u o h h h
i e u u u
k a, a, a
a k n
u, o a
S
a
A.M. A.M. P.M. P.M.
Honolulu 7:10 9:15 3:10 5:10
Manana 8:07 9:48 3:43 5:50
Wili o Ewa 8:37 10:08 4:08 6:10
Waaianae 9:27 10:53 4:43 ….
Waialua …. 12:00 5:38 ….
WAHI HOO- W k W l W n b W l W S
LULU i o a a a a a a a i a
(Mai waho mai l e i a i t i l b
@ @ Honolulu.) i a p a l i. a a i a
o k l a n a l p t
E e u u a u a o i
w S a, e a a u
a a k p E w
k b a k a k w a
a a a a u a a l
a t o a a e
o i h k k
h u l o o a n
u a, i e h a o. a n u u
a i k a, o
k e n h
a a u
u S a,
a-
A.M. A.M. A.M. P.M. P.M.
Waialua …. 6:12 …. 2:39 ….
Waianae …. 7:12 10:@9 3:55 ….
Wili o Ewa 5:50 7:47 10:59 4:32 12:45
Manana 6:15 8:07 11:34 4:52 1:10
Honolulu 6:50 8:40 12:15 5:26 1:45
G.P. @ENISON
Luna. F. C. SMITH,
Luna Kuai Palapala Holo
NU HOU HAWAII
E nana ae i ka makou mau olelo hoolaha e puka aku nei ma ko makou pepa o keia la
E hoemiia iho ana ke kumukuai o ka mahele kuleana o ka mahiko o Kahuku, mai ka $100 a ka $20. He kumukuai emi keia.
Ma ka Poakolu nei i noho ai ke Kau Kiure o ka mokupuni o Kauai. Aole no i kinikini loa na hihia e hooloheia ana ma keia kau.
Ma ka mokuahi Australia o ka Poalua nei i hala aku ai o J. B. Atherton ame kana wahine no Amerika Huipuia. E hoea loa ana laua i Wasinetona.
He hoolaha hooko moraki ka Mr. S. K. Ka-ne e puka aku nei ma ko makou pepa o keia la, no na apana aina o Kamakakaulani (w).
Ua loaa mai nei ia Konela Ruhlen mai Wasinetona mai, ke kuaoha aupuni, e lawe ana i na aina o Kahauiki ame Leilehua i mau aina aupuni, ma @@ ano i mau kahua hoolulu koa.
Oia mau no na huaale ola ame na laau lapaau ola a kakou. Eia mai no no hoolaha oia mau ano laau ma ko makou pepa o keia la. Aohe hewa o ka aoao e ike i ka oiaio, elike hoi me na hoike ola ana a kekahi poe.
Aia ma ka la 4 o Novemaba ae nei e malamaia ai ke kudala o kela ½ eka aina ma Pouhala, (Waikele), Ewa ae nei, aole ma ke la 25 o keia mahina. E nana ae i ka hoolaha e puka aku nei ma ka pepa o keia la.
Ma kekahi hoolaha aina aupuni e puka aku nei ma ka pepa o keia la, ua hoopanee loa ia ke kudala i manaoia e malamaia ana ma ka la 16 o keia mahina. no ka hoolimalima o 58 44-100 eka ma Wailua-Nui, Koolau, Maui.
Ma ka la 7 o Okatoba, A. D. 1899, e noho ai ka Aha Kaapuni o Hawaii, ma ke Keena Hookolokolo ma Kohala Akau, Hawaii, no ka hoolohe ana i ke @oi a Maria J. Fernandes e hoonoho ia @. Alfred Magoon i lunahooponopono @@ka waiwai o kana kane i make.
Ma ka la 5 o Okatoba ae nei e noho @@ ka Aha Hooponopono Waiwai ma Wailuku, Maui, no ka hooponopono ana i ka waiwai o Maria Kaae i make, ka wahine mare a W. F. Kaae. E na-@@ e i ka hoolaha ma ko makou pepa o keia la.
Ma ka la apopo e malamaia ai ka heihei waapa mawaena o na Hui Healani ame. Matala malalo ae nei o ke Awaiau o Puuloa. E nee aku ana na poe makemake ia mau ano lealea no @@ kaiaulu opiopio o ka i`a hamau leo.
Ua lohe mai makou eia kekahi poe kaikamahine Hawaii maoli ke hoolala nei e kukulu i ahahui hoopakele i na kaikamahine Hawaii mai ka haule ana uku iloko o na hana hookamakama, a e malama ana hoi keia hui i na keiki pooole ke haaleleia lakou e ko lakou mau makuahine.
Mai poina i ka nana ae i ke Kaa Hehihehi Wawae lua ole o ka paa, ka maikai ma ka hola ana, i ikeia ma na wahi kuai kaa apau.
Kalivilana Cleve-
land.
HONOLULU BICYCLE COMPANY.
209 Alanui Hotele. Telepona 909.
2753-1m.
OA OLELO HOOHOLO A KE KIURE
KORONERO.
“Ua make o Ane i oleloia, he wahine Hawaii, ma Honolulu, Mokupuni o Oahu, ma ka la 28 o Augate 1899, no ka ma`i numonia (pneumonia); @ ke hooholo nei makou, ua hoohemahema wale ia ka lawelawe Iapaauia ana, a ke hoaiai aku nei e hooia aku ka makaala ia ana o na lawelawe hana ana a ke Kauka ma ka Hale Haawi Laau o ke Aupuni.”
O keia ae la ka olelo hooholo a ke Kiure Koronoro i hoopuka ai no ke kumu i make ai kekahi wahine Hawaii, nona ka inoa o Ane. O na Kiure Koronero na lakou keia olelo hooholo, oia no a S. Kubey, J. H. Schnack, W. E. Bivens, E. R. Bivens, G. Dillingham ame W. F. Love.
Penei ke ano nui o na olelo hoike i puka imua o keia Kiure Koronero.
Ua hoike o Dr. Cooper: Ma ka hora 7:30 p.m. o ke ahiahi Poakahi, ua kaheaia oia e hele aku i ka Haukapila; a i kona hoea ana ilaila, ike iho la ia i kekahi wahine Hawaii ma ke kulana o ka make. Elua paha hora mahope iho, make iho la ia. Ua hoole hoi oia (Dr. Cooper) aole ia e kakauinoa malalo o kekahi palapala hooia make, oiai aole ia i ike i ke kumu o ka make ana o kela wahine.
Penei hoi ka Pa hoike: Ua lapaauia keia wahine e ke Kauka o ka Papa Ola. Aole i hele kino keia wahine i kahi o ke Kauka, a pela nohoi ke Kauka, aole no ia i hele mai e nana i keia wahine. No ka makapo o keia wahine i hiki ole ae iaia ke hele i kahi o ke Kauka; a, aole hoi a lakou wahi dala e loaa ai ona kaa e hiki ai i kahi o ke Kauka. Nana ponoi i hele i kahi o ke Kauka a nonoi aku i mau huaale hoonaha, a ua loaa mai. O ka Poaha keia. Aole ke Kauka i ike i keia wahine a hoea wale i ka hora 5 o ka Poakahi. Elua manawa i kii ai au i ke Kauka. Hai aku ia i ke Kauka, ua pau ka ike ame ka lohe o ka wahine ma`i, a pane mai ke Kauka, aia a mahope, hele mai ia. O ka hora 9 keia o ke kakahiaka, a ma ka hora 5 o ia auina la hoea ke Kauka i kahi o ka mea ma`i.
Ua hoike hoi o Dr. Howard, ke Kauka o ka Hale Haawi Laau, penei: Ua ike oia i ka wahine ma ka hora 5 o ka Poakahi, a ma kekahi la nohoi o ka pule i hala. Aole maopopo ia la. Ua hele mai no ua wahine la i ka hale haawi laau. Aole maopopo iaia he kokoolua paha kona. Nana no oia iaia a haawi iaia i mau huaale ame ka laau hamo. O ka pane a ke Kauka no ka ninau elike me keia: “Ua maopopo no anei ia oe, o ke wahine i hele mai ai ma ke Poaha ma kou keena, oia no ka wahine i ike ai oe ma ka Poakahi?” Pane ua Kauka la: “Aole hiki ia`u ke pane maopopo, o ua wahine la no ia . He nui loa ka poe hele mai i ka hale haawi laau, aole hiki ia`u ke hoomaopopo i ko lakou mau ano apau, a pela hoi ko keia wahine. I kekahi wa, hele mai kekahi poe, a hai mai la i ka inoa me ka hoike pu ana mai i ke ano o ka ma`i. He mea mau nohoi, aole hai maopopo mai kekahi poe, no lakou ponoi iho paha ka laau i makemakeia, a nop hai aku paha.” Ninau nae kekahi Koronero i ke Kauka: “Aole anei hoi o kau hana ia o ka hoomaopopo pono i keia mau mea?” O kau wale no i ike, ua hele mai kekahi wahine ma keia inoa i ka hale haawi laau, a hai mai, aia kona wahi i noho ai me mei wahine. Ninau ke Koronero i ke Kauka; “ O ka wahine i hele mai i kou keena ma ka Poakolu a Poah paha, he wahine makapo paha ia, a i ole, he maka ike no paha?” Pane ka Kauka, he wahine hiki no ia ke ike. Ninau: “Heaha kau oleloao i ke kane a ka mea i make ma ka Poakahi no ka mea e pili ana ia ua wahine la?” O ka pane a ke Kauka: “He elua ana manawa i hele mai ai e ike ia`u ma ia la. Hele mai ia i ke kakahiaka, a olelo mai, aia ka wahine iluna o kahi moe, a makemake ia ia`u e hele aku e ike iaia. Olelo aku au, pono no; eia nae, aole hiki ia`u ke hele aia a pau ka`u hana ma ke keena; a o kona hele no ia. Aole maopopo loa ia`u kana mea i makemake ai: ua inu oia i ka rama, a, aohe hoi ona pane mai ke ninauia aku oia, koe wale no kona olelo ana mai, ua ma`i ka wahine. Ninau akua au iaia, ina paha ua kii oia i kekahi kauka e ae, pane mai oia, ae; ua kii oia ia Dr. Humphris.
Hoohikiia ka wahine i hele pu ai me Pa, i ka hale haawi laau: Olelo oia, aohe ona o Pa i ka hele ana a ike i ke Kauka. Aole ke Kauka i hoi mai i kona wa e hele mai ai, aka, olelo mai nae mahope. Aole oia i olelo aku imua o ke Kauka, oia ka mea mai.
Mamuli o keia mau olelo hoike ae la i puka ai ka olelo hooholo a ke Kirue Koronero, e ahewa ana i na hana hoohemahema a ke Kauka o ka Papa Ola.
S.E. LUCAS,{ Ka Mea Lapaau Maka
mai Parisa mai.
Ke lawelawe nei au i na Maka Aniani kaulana i kapaia “ Isometropes Lenses.”
Mai Parisa pololei mai ka`u mau waiwai apau.
E nana wale ia ana na maka me ka Kaki ole ia.
NA HORA HANA – {9 – 12 A.M.
2 – 5 P.M. LA PULE – 8 a 10.
TESTING FREE 2758-tf
KA LUA GULA MA KAHULUI – KA
LILO ANA O NA LOKO O KA –
NAHA ME MAUONI I
LUA PAAKAI.
E kuu Kuokoa:
Aloha oe me na keiki okioki hua medala.
He mea kupanaha loa ko`u ike ana ua lilo ae nei kekahi hapa o na loko o Kanaha me Mauoni i ka-ha paakai.
I na wai-eha nei au i ka malama o Dekemaba i hala, aole au i ike i ka paakai, i keia hoi hou ana mai nei – aia la! Ke hele nui mai nei na kupa o na Hamakua, ke holo nui mai nei na keiki o ka Ua ukiukiu o Makawao, ke moe kolo mai ia na keike o ka uahi o Kula, e hui pu me na keiki o na Waieha, o kahi e hui ai o Kanaha me na eke huluhulu, hao me na lima, kio`e me na kopala, piha na eke he 30, 40, 50, e@ ke me ka ikaika i loaa i kela me keia kaue a wahine paha, pela ka nui o ka paakai e loaa.
Ina he 25, he 20 nau, a 5 na ka haole nona ka aina.
Ke hoahu nei na kane me na wahine i ka paakai a kohu puu pulemita a Aigupita. Aole he hookaukau elike me ko Kakaako. He hao maoli no keia. Ua lilo ka wai i paakai wale no. O Kealia ma kela aoao e kokoke ana i Kamaalaea kahi hoohaha paakai i ike nui ia, ua nalowale i keia mau makahiki. U komo aku nei ka wai a ka ona Miliona o Kamaomao iloko o Kealia, a nalowale ka paakai.
Eha ana paakai e loaa ana ia oe ke hao ae. 1. Paakai lele wai, oia ka paakai aeae loa elike me ka paakai haole. 2. Paakai walewale, oia ka paakai maluna loa he walewale no ke hao ae a maloo, lilo ae i paakai. 3. Paakai puupuu, oia ka paakai hiki ke kui me ka pohaku a aeae. 4. Paakai lepo, oia ka paakai hui pu me ka lepo. Ke olelo mai nei lakou nei, wahi a na olohe o ke Kula o Kamaomao, ua huhu,no ke ino ana o ka paakai o Kealia i ka haole, ano, hoi nui mai nei i Kanaha e hoohaha ai i paakai i ole e kii ko Maui poe i ka paakai i Honolulu. O ko ka mea kakau manao kaho, he hana keia e hiki mai ana ma hope aku, he maea paha no ke Aupuni, a i ole, he hauna paha na ka lahui. Ua nui hoi ka paakai, he kopi wale no, ua nii ae ana, miko iho ana.
Ua hoike ka Buke Nui, he mea maikai ka paakai, ina pau ka li`u o ka paakai kiola ia paakai. Malia paha ua pau ka li`u o ka lakou ma ae nei paakai ua mananalo hoi ka lakou nei mau olelo i ko Amerika poo Aupuni, He kiola ia ka hope.
NUI KA WELA ME KA MAKANI O
MAUI WAENA NEI.
Ke kuehu mau mai nei na olohe o Kamaomao i ka lepo a lawe ae i na kolamu lepo ula i ka lewa, a pouli pu mawaena o Maui Komohana nei me Maui Hikina. Aole moku koke keia kolamu lepo, e lawe ia ana a Kihei, huli mai ka makani moae, huli hou i Kahului nei, pela mau e ula mau ai ke ea i kela me keia la. Hoomanao ae la ka mea kakau i kela mele.
Ula Kalaeloa i ka lepo a ke makani,
Ke olelo mai nei na olohe o Kamaomao
Ula ka lepo, ula ka maka,
He kaomi lima ma ka lehelehe lalo o ka lihilihi maka.
He ula ka mea loaa,
Kopi ka paakai e hu nei o Kanaha,
Pau ka niniaole o na maka,
Ula ka lepo, ula ke koko.
He koko anei ka mea a na olohe e hoike e mai nei? Aole paha. He ha`o hoi keia kolamu lepo e lawe hele nei i ka lewa, mai Kahului nei aku a kela aoao e pili la i Kihei, Maalaea, a hoi hou i Kahului nei.
He kolamu one ka mea maa mai ko`u wa kamalii mai, e lawe hele ia ana e ka makani mai Kahului aku a kioia i kai o ke kula o Puulima, oia kahi e nana aku ai i kai o Maaleaea, Kealia, Kihei, Kalepolepo.
He kolamu lepo hoi keia! Heaha la na oile e hiki mai ana? Nana aku i mua.
Kou mea kakau,
J. P. IWA.
Nawaieha, Maui, Aug. 28, 1899.
KO KELA AME KO KEIA LA MAU
MEA OIAIO.
Ke hoike mai nei no Honolulu nei i
kona kuleana – Mai Kawai-
ahao mai kela.
Heaha la ka mea e lilo ai kekahi mea i mea oiaio? Aole anei ia he hana, a he olelo paha i ikeia kona oiaio ana? Heaha la ka mea hoike oiaio e pau ai ke kanalua o ko Honolulu nei kamaaina? O ka olelo anei a kahi kanaka i hana aia ma Texas, a ma Kaleponi paha? Aole o makou manao pela; aka, ma ka wa e hoike mai ai kekahi o ko kakou poe kamaaina iho nei, e hooiaioia hoi e ko kakou poe iho nei, aohe mea e kanalua ai no ua olelo la. O keia iho la ka mea a makou e olelo ai, he mau mea oiaio, a he mau mea oiaio ia e ikeia ana i kela ame keia la, oiai e ikeaia ana ia mau mea i na la apau. lo ana aku. Ina kanalua oukou no ka Mai manao oukou i ka makou mau olemakou mau olelo, alaila, aohe hewa ke ninau i ikea ai ka oiaio. Aole e hooia wale ana na kanaka me ka ike ole i ka oiaio oia mau mea.
Penei ka Rev. J. Nua o Kawaiahao hoike mai ia makou: “Ua loohia au i ka ma`i ma na puupaa, a me he mea la, ua loaa mai ia`u keia ma`i, mamuli o ko`u hapai ana i na mea kaumaha i ko`u wa opiopio. O ka eha mawaena ponoi o ko`u mau puhaka, ma ke kua, oia kahi hoailona o ko`u mai. Me he mea la, ua loaa au i keia ma`i i ka 28 o ko`u mau makahiki,a o ke 49 hoi keia o ko`u mau makahiki i keia wa. Iloko o keia manawa apau, e eha mau ana ko`u kua. Ua mau keia eha ia`u, oiai no nae au i kii aku ai i na Kauka lapaau he nui , inu, ai a kau iho nohoi, i na laau he nui. Aole loa he wahi maha i loaa ia`u mai keia poe laau mai, elike la me ka maha ame ka oluolu i loaa ia`u mai na Huaale mai a Doan no ke Kikala Hanenenee ame na Puupaa. Ua maikai loa au, mai ka wa mai a`u i ai ai i keia mau Huaale. Ua ike au, me ka hauoli, i ka hopena maikai i loaa ia`u, mai keia mau Huaale mai, a e malama mau ana au i mau Huaale ma kahi e loaa koke aku ai ia`u, o ka oi aku nae, ma ko`u wa e holo aku ai mai Honolulu nei no ka Oihana Misionari ma ka Pakipiki Hema. Aole laau like me na Huaale a Doan no ke Kikala Hanenenee ame na Puupaa, no na ma`i o na Puupaa a pela aku.
He mea waiwai nui ke kii ana a loaa na Huaale i ola ai o Mr. Nua, oia hoi, na Huaale a Doan no ke Kikala Hanenenee ame na Puupaa. Nolaila, e ninau no na Huaale a Doanno ke Kikala Hanenenee ame na Puupaa.
E kuaiia ana na Huaale a Eoan no ke Kikale Hanenenee ame na Puupaa e na poe kuai laau lapaau apu, ame na poe malama halekuai ma ke 50 keneta no ke puho (eonoe poho no $2.50) a e hoounaia aku nohoi ma ke eke leta e Hollister Drug Co., Honolulu, na agena kuai nui no ke hawaii Pae Aina, ke loaa mai ke kumukuai.
hela ame keia.
Mokupuni o Oahu, }ss.
Kulanakauhale o Honolulu
KE KANAWAI BANAKO O 1884…
Ka Hoike elike ma ka Pauku 14 o ua
Kanawai la.
O Cecil Brown, presidena, ame W. G. Cooper, ka mea hookaa dala, o ka “First American Bank of Hawaii, Kaupalenaia,” ma ke hoohikiia ana, ua olelo a hoike mai, e aneane ana ka Hui i hoohuiia i oleloia ae la, e lawelawe hana, a o ke kumuwaiwai o ka Hui he Hookahi Miliona Dala ia, i maheleia iloko o Umi Tausani Mahele, o Hookahi Haneri Dala no ka mahele hookahi; a o na, mahele i hoopukaia, he Ehiku Tausani me Elima Haneri ia. Ua loaa mai he huina o Kanaonokumamaono ame elua hapakolu pa keneta no ka mahele i auhauia ai. Aohe aie o ka Hui i hoohuiia, oiai aole ia i hoomaka e lawelawe hana.
(Kakauinoaia) CECIL BROWN
Peresidena.
(L. S.) W. G. COOPER,
Mea Hookaa Dala.
Kakauinoaia a hoohikiia imua o`u i keia la 2 o Sapatemaba, 1899.
ALEX. ST. M. MACKINTOSH,
Notare no ka Lehulehu, Mahele Kaapuni Ekahi 2771-3t.
HOOLAHA A KA LUNAHOOPONO-
PONO WAIWAI.
Ua hookohuia ka mea nona ka inoa malalo iho nei i Lunahooponopono no ka Waiwai o Puanaiwi, i make, ma ke kauoha a Hon. A. Perry, Lunakanawai Kaapuni o ka Mahele Kaapuni Ekahi, ma keia, ke hoolaha aku nei i ka poe apau he mau koi ka lakou maluna o ua waiwai la e waiho mai ia mau koi me na palapala hooia iloko o eono mahina mai keia la aku, ma ke Keena Oihana o W. R. Castle, (Kakela), ma Honolulu, a i ole, e hoole mau loa ia aku.
THOMAS. R. MOSSMAN,
Lunahooponopono Waiwai.
Honolulu, Sepatemaba 8 1899. 2771 – 5t.
OLELO HOOLAHA.
U malamaia he halawai o ka Hui Manawalea Ket On Fui Kou (Ket On Fui Kou Eleemosynary Association) ma ka la 1 o Sepatemaba, 1899, a ua kohoia keia poe luna nui, no keia makahiki aku e nee nei, oia hoi, mai ka la 1 aku o Sepatemaba, 1899 a hoea i Sepatemaba 1, 1900.
Peresidena… C. Amana
Hope Peresidena… C. Mui Hing
Kakauolelo… Soyong Chung
Puuku… Ki Chong
Luna Hooia… D. L. Akuai
Ma o Soyong
2771 – 3t Kakauolelo
HOOLAHA I KA POE AIE.
Oiai, ua hookohuia mai ka mea nona ka inoa malalo nei i Lunahooponopono Waiwai no ka Waiwai o Edward Dowsett, ma keia ke hoolahaia aku nei na poe aie apau, e waiho mai i ka lakou mau koi i hooiaio pono ia, me na mea hooia kupono, ke loaa, (ina no hoi ua hoopaaia he moraki maluna o ka waiwai paa) i ka mea nona ka inoa malalo iho nei, ma ke Keena o ka Hawaiian Trust & Investment Company, Alanui Papu, Honolulu, iloko o eono mahina mai ka la aku o keia hoolaha, a i ole, e hoole mau loa ia aku no ia mau koi.
GEORGE R. CARTER,
Lunahooponopono Waiwai o ka Waiwai o Edward Dowsett, i make.
Honolulu, Aug. 25, 1899. 2771 – 5t.
HOOLAHA I NA POE AIE.
Ua hookohuia mai na mea no laua na inoa malalo iho nei i mau Lunahooponopono Waiwai no ka Waiwai o ka Moiwahine-Kanemake Kapiolani, i make, ma keia, ke hoolaha aku nei i ka poe apau a ua Moiwahine-Kanemake Kapiolani nei i ai aku ai e waiho mai i ka lakou mau koi i hooiaio pono ia, ame na hooia kupono, ke loaa (ina no ua hoopaaia ma ke moraki maluna o ka waiwai paa) i na mea no laua na ino malalo iho nei, ma ke Keena Oihana o Ka Waiwai o Kapiolani, i kaupalenaia, (Kapiolani Estate, Limited) ma Alanui Kaahumanu, Honolulu, iloko o Eono Mahina mai keia la aku, a i ole, e hoole mau loa ia aku no.
Honolulu, Augate 25, 1899.
DAVID KAWANANAKOA,
J. KALANIANAOLE.
Na Lunahooponopono Waiwai o ka Waiwai o ka . Moiwahine-kanemake Kapiolani, i make.
HOOLAHA KOMOHEWA
Ma keia, ke papaia aku nei ka poe apau e komohewa ana maluna o kahi wahi o kuu aina, oia o Kahauloa-nui, ma Kona Hema, a e hoopiiia ana lakou ma ke kanawai, ma ke ano kivila, a hoopii karaima nohoi.
Kahauloa, Kona Hema, Hawaii, Augate 22, 1899.
JOHN GASPAR.
2769 -1m (Gaspar. )
HOOLAHA A KA LUNA HOOKOKAUOHA O KA PALAPALA KAUOHA A HAKUOLE,(k) O HONOLULU, OAHU, I MAKE.
Mamuli o ka mana i loaa ia`u ma o ka Palapala Kauoha a Makemake Hope Loa o Hakuole (k) o Kakaako, Honolulu, Mokupuni o Oahu, Ko Hawaii Pae Aina, i aponoia imua o Lunakanawai Antonio Perry, ka Lunakanawai Mua o ka Aha Kaapuni, Apana Ekahi, ma ka Hooko Kauoha. Nolaila, ke hoike ia aku nei ka lohe i na poe apau i aie ia aku e Hakuole (k), ka mea i make i oleloia, e waiho kike mai i ka lakou mau Bila Koi i hooiaioia iloko o Eono Mahina mai keia manawa aku, a i ole pela, e hoole mau loa ia aku no. Ame na poe apau i aie ia Hakuole (k) i oleloia, e hookaa mai i ka mea nona ka inoa malalo ae, i olepela, e hoopii koke ia no imua o na Aha Kanawai.
E waiho i no Bila Koi ame ka hookaa ana ia J. K. Kahookano, ka Loio o ka Waiwai o ka mea i make, ma kona keena oihana, ma Alanui Kaahumanu, Helu 15, Honolulu.
J. PAANIANI,
Luna Hooko Kauoha o ka Palapala Kauoha a Hakuole. 2769 – 5t
HOOLAHA I KA POE AIE.
Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.
Ke hoolahaia aku nei ma keia i ka poe apu e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku a i ole e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo nei.
ROBERT PARKER WAIPA.
Lunahooponopono Waiwai o ka Waiwai o Hana Keoki.
Hanaia Honolulu, Oahu, Maraki 10,
M. H. 1899 5174 – 6m
Hoolaha Hooko Moraki
HOOLAHA HOOKO MORAKI AME
KUAI AKU A KA MEA
PAA MORAKI.
Mamuli o kekahi mana kuai i hoikeia malalo o kekahi Palapala Moraki i hanaia ma ka la 18 o Feberuari, 1896, e Kamakakaulani (w), no Honolulu Mokupuni o Oahu, ia Benj. K. Ka-ne, no ia wahi hookahi no, a ua kopeia ua moraki la ma ka Buke 160, aoao 77 o ke Keena Kope, a ua kuai ia aku ua Moraki ia ia S. K. Ka-ne, ma kekahi palapala i kopeia ma ka Buke 158, aoao 413 o ke Keena Kope; a mamuli o ka uhaiia ana o na kumu aelike o kela moraki, oia hoi ka hookaa ole ia o ke Kumupaa ame ka Ukupanee ma ka wa e hookaa ai; nolaila ke hoolaha ia aku nei e ka mea nana e paa nei ka moraki, e hooko ana oia i ka mana kuai i haawi ia ma ka moraki.
A ke hoolaha hou ia aku nei, aia mahope aku o na pule Ekolu (3) mai keia la aku, alaila e hoolaha ia ahku na Aina i hoikeia ma ia Moraki no ke Kudala ana, ma ke Keena Kudala o James F. Morgan, ma Honolulu, ma ka Poaono, la 7 o Okatoba, 1899, hora 12 o ke awakea oia la.
No na mea i koe e pili ana ia keia e ninau ia
S. K. KA-NE.
Hanaia, Sepatemaba 5, 1899.
HOOLAHA O NA APANA AINA.
O ko Kamakakaulani kuleana apau o kela ano keia ano iloko o kela mau Apana Aina i hoakakaia a i maheleheleia iloko o ka Palapala Kauoha a Naholowaa (w) i make, a o ua Palapala Kauoha la ua hooiaioia e ka Aha Kaapuni Apana Hookolokolo Akahi, o ko Hawaii Pae Aina, ma ka la 26 o Maraki, 1894, penei ka mahelehele ana o ko Kamakakaulani kuleana:
1. O kela mau Loi elua e waiho la ma Manoa, Honolulu, Oahu, he hapa (portion) iloko o ka R. P. 1263, L. C. A. 2209, i hooko ia no Keaulana.
2. Kuleana hookahi-hapakolu i mahele oleia iloko o ka Hale ame kahi e ku la oia Hale ame na wahi apau i koe o ka Aina Kula Mahi-uala e waiho la ma Manoa, Honolulu, Oahu, he hapa (portion) iloko o ka R. P. 1263, L. C. A. 2209, i hookoia no Keaulana.
3. Kuleana hookahi-hapalua i mahele ole ia iloko o kela Apana Aina e waiho la ma Kaulalo, Lahaina, Maui, i hoakakaia ma ka R. P. 4374. L. C. A. 4878, i hooko ia no Makaiwa.
4. Kuleana hookahi-hapalua i mahele ole ia iloko o kela Apana Aina e waiho la ma Kaulalo-uka, Lahaina, Maui, i hoakakaia ma ka R. P. 4376, L.C.A. 6625 i hooko ia no Naholowaa.
Kuike Dala, ma ke Dala Gula o Amerika (U.S. Gold coin). O na lilo palapala i ka mea e lilo ai.
S.K. KA-NE.
2771 – 4t. Mea Paa Moraki.
Hoolaha Mana Hookolokolo.
ILOKO O KA AHA KAAPUNI, APANA HOOKOLOKOLO ELUA O KO HAWAII PAE AINA.
Ma ka hana o ka Waiwai o Maria Kaae (oia no o Mrs. Edwin Jones mamua), o Lahina, Maui, i make kauoha ole.
Mamuli o ka waiho ia ana mai o ka palapala hoopii a W.F. Kaae, ke kane, o Lahaina, e hoike ana ua make kauoha ole o Maria Kaae o Lahaina ma Molokai i ka la 27 th o Augete, 1899, a he waiwai kona e pono e hooponopono ia; nolaila,
Ua kauohaia o ka Poaha, la elima o Okatoba, 1899, i ka hora 10 kakahiaka, ma ka rumi hookolokolo o ua Aha la ma Wailuku, Maui, oia kahi e hoolohe ia`i o ua palapala hoopii la ame ka poe apau i kuleana, a malaila lakou e hoike ma ai i kekahi kumu no keaha la e ae ole ia`i ua noi la.
Kakauia ma Wailuku, Maui, Sepatemaba 2, 1899, ma ke kauoha a ka Lunakanawai Kaapuni o ua Apana Hookolokolo Elua la.
HENRY SMITH,
Kakauolelo o ka Oihana Hookolokolo.
2771 – 3t
AHA KAAPUNI, APANA KAAPUNI
EKOLU O KO HAWAII PAE
AINA.
Ma ka Hooponopono Waiwai. Ma ka hana o ka Waiwai o Antonio Fernandes, o Kona Akau, Hawaii, i make kauoha ole.
Ua waihoia mai ke noi a Maria J. Fernandes, ka wahine kanemake a Antonio Fernandes, e nonoi ana e hoopukaia na palapala lunahooponopono waiwai no ua waiwai la ia J. Alfred Magoon, ma keia, ke hoolahaia aku nei, o ka Poaono, la 7 o Okatoba, A.D. 1899, ma ka hora 10 a.m., oia ka wa e hooloheia ai ua noi nei, maloko o ke keena hookolokolo o keia Aha, ma Kohala Akau, Hawaii, a ma ia manawa, a ma ia wahi e hele mai ai ka poe apau i kuleana ma ia hana, a hoike mai i kumu, ina he kumu ka lakou, nokeaha la e ae ole ia ai ia noi.
Na ka Aha:
DANIEL PORTER,
Kakauolelo.
Hilo, Augate 31, 1899. 2771 – 4t.
AHA KAAPUNI MAHELE KAAPUNI
EKOLU O KA HAWAII PAE
AINA.
Ma ka Hooponopono Waiwai, ma ka hana o ka Waiwai o Luka Maguire (w) o Huehue, Kona Akau, Hawaii, i make.
Ua waihoia mai ke Noi ame ka moohelu waiwai a ka Lunahooponopono Waiwai o ka Waiwai o ka mea make i oleloia, a malaila oia i nonoi mai ai e nanaia kana moohelu waiwai a e aponoia, a e hooholoia ona kauoha hope loa no ka mahelehele ana i ka waiwai e waiho nei ma kona lima, a e hookuu ana iaia mai na koikoi mai apau o ka noho lunahooponopono ana.
Ua kauohaia, o ka Poalua, la 16 o Okatoba, A.D. 1899 ma ka hora 10 A.M., ma ke Keena maloko o ka Hale Hookolokolo, ma Kohala Akau, Hawaii, oia ka wa ame kahi i kauohaia ai no ka hoolohe ana i ua noi la ame ka moohelu waiwai; a malaila, a ma ia wa e hele ae ai ka poe apau i kuleana ma ia hana, a hoike mai i kumu, ina he kumu ka lakou, nokeaha la e ae ole ia ai ke noi.
Hilo, Augate 17, A.D. 1899.
DANIEL PORTER,
2769 – 3t. Kakauolelo.
ILOKO O KA AHA KAAPUNI, APA-
NA HOOKOLOKOLO EKAHI O
HAWAII PAE AINA.
Annie Lackland, mea hopii, kue ia William O. Lackland, mea hoopilia. Hoopii Oki Mare.
Ka Repubalika o Hawaii: I ka Ilamuku o ka Hawaii pae Aina, a i kona hope paha – Me ka mahalo.
Ke kauohaia aku nei oe e kii aku ia William O. Lackland, mea hoopilia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Kaapuni i hoikeia ae la ma ke kau o Augate o ua Aha la, e weheia ana ma Honolulu, Mokupuni o Oahu, i ka Poakahi, la 7 o Augate ae nei, ma ka hora 10 kakahiaka, e hoike mai i kekahi kumu no keaha la e ae ole ia`i ke noi a Annie Lackland, ka mea hoopii, e like me ka mea i hoakakaia maloko o kana palapala hoopii e pili pu nei me keia. A e hoihoi mai oe i keia palapala kii me kau mau hoike piha e pili ana no ia mea. Ikeia ka Mea Hanohano A. Perry, Lunakanawai Ekahi o ua Aha Kaapuni la ma Honolulu, Oahu, i keia la 10 o Iulai, 1899.
(Inoa) J.A. THOMPSON,
(L.S.) Kakauolelo.
Ke hoike ia`ku nei o ka mea maluna ae he kope oiaio no ia o ka palapala kii ma i a hihia, a ua kauoha ua Aha la e hoopaneeia ka hihia a ke kau o Novemaba, 1899, e hiki mai ana.
HENRY SMITH,
Kakauolelo Oihana Hookolokolo.
Honolulu, K.H.P., Augate 8, 1899.
2767 -6t.