Ka Nupepa Kuokoa, Volume XXXVIII, Number 36, 8 September 1899 — KA HOOMAHUAHUA HOU ANA I NA LUNA KANAWAI O HONOLULU NEI [ARTICLE]

KA HOOMAHUAHUA HOU ANA I NA LUNA KANAWAI O HONOLULU NEI

He olelo hooholo ano nui loa ka Loio T. McCants Stewart, kela loio "Nu Ioka" e noho nei mawaena o kakou i keia wa, iio ka mea e pili ana i ko liakou Oihana Hookolokolo e ku nei i keia wa, elike hoi me ia i waihoia ae ai e ua Keonimana Loio la imua o ka halawai a ka Papa Loio o Honolulu nei ma kela pule aku nei, a e puka aku nei nohoi ma ko makou pepa o keia la. O na manao nui o ka olelo hooholo, oia ka hoonoho ana i hookahi Aha Hoomalu (Poliee Court) ma Honolulu nei, a o na hihia hewa wale no ka ia Aha e hoolohe ai; ka hoonoho ana i Aha Apana, a o na hihia waiwai wale no ka ia Aha e hoolohe ai, me ka loaa pu ana he mana hookolokolo jure. 0 kekahi oia ka hooponopono hou ana i na hana 0 ka Aha Kaapuni, e mahele ana ma na I kau kuikawa elua (Mahele I 'ame Ma- j hele II). Hookahi o keia mau mahele I oia kau kuikawa, oia hoi, ka Mahele I, no ka hoolohe ana i na noi kumu a pe- j la aku. A o ka lua o ka mahele, no na I hana hooponopono waiwai, na hana ma ke kaulike, ke oki mare ame na hiliia i j kapaeia ai ke jure. A o kekahi e hooponopono ana i na wa e noho ai na Kau Hookolokolo Jure o ka Aha Kaapuni no ka hoolohe ana i na hihia e hoolohe a e e na jure. O keia jvawahi ana, a mahelehele ana i na hana a ko kakou Aha Apana e ku nei i keia wa, a pela hoi me ka Aha Kaapuni, manao no makou, he alahele maikai no ia. Ma keia ano, ua I kaawale ke kino Lunakanawai o ka Aha Apana mai ke kino Lunakanawai | mai o ka Aha Hoomalu. Aole hoi e j mana e kekahi i kekahi, a he mea no hoi ia, e holo pono ai na hana i hoea j aku imua o ka Aha. Aka, o ka ninau e pili ana i keia mahele wawahi Aha Apana ana, oia keia: Ua pilikia anei na hookoia ana o na 1 hana i komo iloko o ka Ah'a Apana e ke kino Lunakanawai oia Aha e noho nei i keia wa? Aole makou i ike ia mea. Aole no i loaa mai na leo hoohalahala no ka holo lea ole o na lawelawe hana kivila ana maloko oia Aha i keia wa. O ka makou mea i hoomaopopo, o na loio ka poe hoololohe ma ka hapa nui o na wa e kaheaia ai ka papa hihia e ka Lunakanawai o ka Aha Hoomalu; a no ka hoea ole mai o na loio na lakou na hihia i kaheaia, ua panee aku la ia mau hihia no kahi wa aku. He oiaio paha, e hele aku ana no na hana Karaima o ka Aha Apana o Honolulu nei a hoea i ka nui loa ana, e kupono ai ka hoolilo holookoaia ana o ka Aha ma ia mau hana wale no; a oia hoi ka wa e aponoia ai ke kukulu ana i Aha Hoomalu. O keia no ke ano hookahi e loaa ana ma ka mahele Kivila o na hihia, a, e kupono ai hoi, e loaa he Aha e hoolilo i kona manawa apau ma ka hoolohe ana ia mau hihia. No keia wa, manao makou he mea pono ke hooponopono hou ia na hoohanaia ana o na hana o ka Aha Kaapuni; a me he mea la, o ke kulana hana i hoikeia ma ka olelo hooholo a Loio T. McCants Stewart oia ke alahele maikai

loa. Ke manao nei makou, o ke kali a Uolo ka Bila Kanawai hoonoho kulana Aupuni a ke Komisina e waiho mai'la i ka Ahaolelo JCui, oia ka wa maikai loa e hoohuihui ai i keia hana. Ua lawa no ko kakou Ahaolelo Kuloko e hooponopono i keia' mau hemahema apau.