Ka Nupepa Kuokoa, Volume XXXVIII, Number 37, 15 September 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

 BUKE XXXVIII.--HELU 37          HONOLULU, POALIMA, SEPATEMABA 15, 1899.       NA HELU APAU 277@

--

PAPA KUHIKUHI.

--

Moolelo:                                                      Aoao

            Ka Liona o ka Akau . .                        4

            Ke Aloha o Kuu Makuahine . .           1

            Keia Ao, Aela Ao . .                           6

            Na Mea Huna Pohihihi Ekolu . .        3

Manao Pepa:

            Armstrong, W. N. . .                           2

            He Punawai Ola Anei ma Iapa-

                        na? . .                                      2

            Ka Nupepa Kuokoa . .                                    2

Ka Manao Ano Nui:

            David Kaapa me $700 i aihueia . .      6

            Heihei Moku Pea . .                            5

            Heihei Waapa, Puuloa . .                    5

            Hoopiiia no ka Lahilahi i ka Lu-

                        nakanawai Kiekie . .               5

            Hui Kaa Uwila . .                               2

            Huikala ka Papa Ola i ke Kau-

                        ka Aupuni o ka hale haawi

                        laau . .                                                 5

            Hunahuna o na Aina E . .                   5

            Kaua ma Aferika . .                            2

            Ke Anu o Omaha . .                           2

            Na Elele Hawaii no Bostona . .          4

            Na Kuhikuhi Hoolaha . .                    2

            Nahou Hawaii . .                                5

            Papa Hoike Manawa . .                      2

            Punawai Ola ma Iapana--He

                        Leta mai a Miss Maria mai .    2

--

Ke Aloha o kuu Makuahine

--

KE ALOHA O KA'U MEA I ALOHA AI.

--

Ka Mana o ke Aloha.

--

He Moolelo Walohia

--

            "He elua mau wahine e noho nei ma keia hale.  Hookahi nae a laua, he wahine i kapaia e ko onei poe o ka Lede o ka Pale-uhi maka; a o ka lua hoi o na wahine, me he mea la he kauwa lawelawe nona."

            I kela wa i nana ae ai o Laplace ia Kuini a imo lihi ae la kona maka, oiai noi ia i pane ae ai, me ke ano ho-oioi:

            "Ea wela ka hoi keia la?"

            "Aole wela keia la, He keu keia o ka la oluolu," wahi a kahi keiki i pane mai ai:

            "He okoa no ka'u mea e olelo nei no ka wela o keia la; aka, ua okila.  I mai nei oe, he elua mau wahine o loko nei o keia hale; owai keia wahine a @kou i papa ai, o ka Lede o ka Pale-uhi maka?"

            "Aole au i ike.  Aole kamailio keia mau wahine i kekahi poe o waho nei, me he mea la, no ka hiki ole paha ia @ana ke kamailio ma ke olelo Farani."

            "He wahine ui anei keia wahine o ka pale-uhi maka?"

            "Aole maopopo ia'u.  Aole au i ike @i i kona mau maka.  E paa mau ana kona helehelena i ka uhi maka i na wa apau."

            Ike iho la o Laplace, aohe mea hou aku i koe ana i makemake ai i ua wa@ keiki la e hai mai, ua haawi aku la @ i ua wahi keiki la i ka hapaha Farani.

            "E," wahi a Laplace i pane ae ai i kona kokoolua, "ua maikai no na olelo @ o ia wahi keiki; aka, o ka kaua mea @ i makemake loa ai e loaa, oia ka @ o ka on a nona nei wahi."

            Maila, pane mai la o Kuini:  Hele@ kaua i ka hale leta e ninau no ka @a o ka mea nana na leta ame na nupepa e hoounaia nei i keia wahi."

            He wahi noonoo maikai no keia au, @ kuu hoa, i hoike mai la; aka, o ka pilikia, e akaaka pahenehenia mai @a ana kaua e ka poe o ka hale leta no ko kaua mahaoi.  Heaha auanei ko kona bikaneiki no na owili nupepa ame na leta a koonei poe, e hele ai kaua e ninau.  Aole o kaua waiwai ma ia ha@.  Aka, eia ka mea maopopo, aole loa @ hiki ia kaua ke hoi aku i Parisa, me ka loaa ole o ka inoa o ka wahine e noho nei ma keia hale?"

            Nolaila, ma kahi o ko laua nei hele @ aku i ka hale leta elike me ka Ku@i i manao ai, ua hele aku la laua nei i ka pahe puhi palaoa, e hooninau ai i ka mea nona ka hale a George i komo ai.  Ua hoi mai la hoi ka mea puhi palaoa, o Rikeke ka mea nona ia hale.

            Haalele iho la laua nei i ka hale puhi paloa, a hele aku la laua nei ma ke alanui, me ka ike ole nae i ka laua mea e hana ai.  Aka, ia laua e hele ana ike aku la laua nei he wahi kanaka kuai nupepa, e hele ana no ka puka pa o ka hale a George i komo ai.  Ia wa, awiwi aku la ka laua nei hele ana, a loaa ua wahi kanaka nei, o Laplace no nae ka mua o ka halawai ana aku me ia a kamailio aku la hoi.  O kana ninau mua loa o ka hoopa ana aku i ua wahi kanaka nei, oia keia:

            "He kuai nupepa ka kau hana?"

            "Ae," wahi a kahi kanaka kalewa nupepa i pane mai ai.

            Alaila, uhaele pu aku la laua nei no ka puka pa o ka hale o ua wahi Laplace nei i ake loa ai e ike i ka inoa o ka mea nona ia hale  I ka hiki ana ma ka puka pa, huli mai ia ke kanaka kuai nupepa, a olelo mai la ia Laplace:         

            "E komo ana au iloko nei e kuai ai i ka'u mau nupepa nei.  Nolaila, e kala mai oe ia'u."

            "Alia hoi!" wahi a Laplace i olelo aku ai, "e hai mai oe ia'u, o ke aha la ka nupepa kuai nui ia e ka poe o loko o keia hale?"

            "Elua no nupepa maa mau a ka poe o loko o keia hale, e lawe ai.  O ka Petit Journal ame ka Figaro."

            "Ea, e oluolu anei oe, e hai mai ia'u, owai la ka inoa o ka haku wahine maikai o keia wahi?"

            "Ua lohe au i ka oleloia e na kauwa a ua lede nei, o Madame de Prado kona inoa."

            Ia wa lulu lima aloha iho ia o Laplace me ua wahi kanaka kalwea nupepa nei, a komo aku la ia no loko o ka pa, oiai hoi, ua wahi Laplace nei i huli mai ai ihope a hui mai la me Kuini, kona kokoolua.  Me ka hauoli hoi aku la laua nei no kahi hoolulu kaa ahi, a, ma ke kaa mua loa i loaa aku ai ia laua e holo ana no Parisa, i kau aku ai laua a hoi aku la me kahi puolo imua o ko laua haku.

            I kekahi kakahiaka ae, lohe mai la kahi Rikeke hoopono i na mea apau e pili ana i ka huakai a Mademoasela Clara i hoea aku ai i kahi o Kauna de Berene, mai kahi kanaka kahu kaa mai o ua Kauna la.  Ua lilo keia ahi kahu kaa i hoaloha oiaio loa no ua wahi Rikeke nei.

            Mahope iho o ko laua nei kamailio ana, ua ku ae la ua wahi Rikeke nei a hele aku la e hui me Robata de Malatere ame George nohoi; a e hoike aku hoi imua o laua i na mea ana i lohe ai mai kahi kahu kaa mai.

            Iaia e hele ana no kani o Robata, ua halawai pu aku la ia me George, o kona hoea ana mai no ia i Parisa mai Villeneuve mai, a uhaele pu aku la laua no kahi o Robata.

            I ko lakou nei akoakoa ana, ua hoomaopopoia na mea apau e pili ana i ka nui o ka ale o ua Kauna nei.  Ma ia wa hoi, i hoike mai ai o Robata imua o kona hoa, oia o George, ame ka laua wahi kauwa hoolohe a hoomanawanui i kana mau mea apau i hoolala ai, oia hoi, ua huipu oia me Mademoasela Clara, a ua haawi aku iaia i ke kauoha e kii ae oia i bila kikoo dala banako ma ko laua hale banako no ka huina i like ka nui, me ka huina ale apau o ke Kauna de Berene e ku ana ia wa, maloko o ka banako.  Ma ka wa e hookaa ole mai ai ke Kauna Mafia ia huina ale ma ka hora 10 kakahiaka o ka la hope oia mahina, alaila, oia ka wa, e panikula ai na ipuka o ka hale o Kauna de Berene.

            Ua lilo keia i mea maikai i kahi Rikeke, a, na hauoli loa hoi kona noonoo.

MOKUNA XXII.

            I ka huipu ana hoi o Laplace me kona haku, ua hoike aku la ia imua on a i ka inoa o ka wahine nona ka hale ana i ike ai ia George e komo ana ma Villeneuve, a o ua inoa la, oia o Madame de Prado.

            Me ka hauoli, kakau iho la ua Kauna de Berene nei i ua inoa la mawaho o ka wahi leta i hookomoia iho ai ka palapala i kakauia ai e Susana, a haawi mai la ia i ua palapala la i ua wahi Leplace nei e hookomo iloko o ka hale leta.  O keia wahi leta nae, ua kuniia me ke poo leta mai Brunoy mai, keahi a Susana i noho ai me Edemona.

            Ma ka hora 3 ponoi o ka auina la oia la no i hookomoia ai ua palapala la iloko o ka hale leta e Laplace, i loaa aku ai ia ia Alice, ma ka inoa, Madame de Prado.  I kona heluhelu ana i ua palapala la mai ka mua a ka hope, ua kulu iho la kona mau waimaka ma kona mu papalina, a kau mai la ke aloha o kana keiki imua o kona mau onohi maka.

            O ka manao mua i ala ae iloko on a, oia kona haalele koke ana iho ia Villeneuve, a e hele aku oia me ka awiwi loa e ike i kana keiki; aka, hookahi mea nana i kaohi mai iaia, oia kona ae ana imua o George, aole oia e hele hou i Brunoy me kona ae ole.  Ua hai mai hoi o George iaia, ma ka hora 6 oia ahiahi e hoea hou aku ai oia i ka hale, nolaila, ua noho iho la ia me ka pilikia loa o kona noonoo no kana keiki, a he ekolu hora okoa ana i kali ai me ke kupilikii.

            I ka huli hoi ana aku o George, a i lawa nohoi a komo aku ia i ka hale, ua hoike koke mai la o Alice i ka palapala i loaa aku ai iaia ma ka hora 3 oia la, me ka pane ana mai hoi:

            "Mai hele koke aku nei no au, aka, ua kali au a hoi mai oe, oiai, ua haawi aku hoi au i ka'u olelo paa ia oe, aole au e hele hou aku i Brunoy, aia wale no a ae laelae mai oe ia'u.

            "Ua hauoli loa au no kou kali ana, a hoi mai au," wahi a George i pane aku ai, oiai hoi ia i nana pono iho ai i na mea i kakauia maloko o ua palapala 'la, me ke kuekue nui ana iho o kona mau kuekue maka.

            "Heaha la kou manao, e kuu George, no keia palapala?" wahi a Alice i ninau mai ai, oiai ua ike mai la ia i ka pupuku o na kue maka o George, a ua ekolu hoi manawa ana i heluhelu iho ai i ua palapala la.

            "Ua maopopo no anei ia oe o ka lima kakau keia o Susana?" wahi a Geroge i nanau ae ai ia Alice.

            "Ae! O kona lima kakau no keia.  Ua maopopo loa ia'u, o kona lima kakau no keia.  O ko'u mea i hooomaopopo loa ai o kona lima kakau maoli no keia, mamuli o ko'u maa i ka ike ana i kona lima kakau maloko o kuu wahi buke bakeke, oiai nana e kakau i ka'u mau mea e hoolilo ai."

            "He oiaio paha o kona lima kakau io no keia; aka, o ka'u mea nae e haohao nei, he ano e na hua palapala me kekahi mau wahi.  Ua haaluluia ka lima ma kekahi wau wahi; aole hoi elike ke ano o na huaolelo me ka mea i kakauia me ka manao maikai a pihoihoi ole," wahi a George i kamailio aku ai la  Alice.

            "Malia paha, ua ano e kana kakau ana mamuli o ke ano e o kona noonoo no ka ma'i o bebe?"

            "O ko wai inoa mawaho o ka wa-hi?" i ninau aku ai o George ia Alice.

            "Ua kakauia mai nei ma o Rikeke la," wahi a Alice.

            "Auhea ka wahi leta?"

            "Eia iho no paha maanei.  Maanei no auanei au i wehe iho nei i keia palapala."

            Nana iho la o George iloko o ka hinai pepa, a loaa iho la ua wahi wa-hi leta nei, ua lumilumiia a opahapaha, alaila, nana iho la ia i ka lima kakau mwaho o ua wa-hi leta la, a pane aku la ia ia Alice."

            "Aia hoi paha la.  Elike me ka'u i manao loa ai, he palapala apuhi keia.  He okoa ka lima kakau mawaho o keia wa-hi leta, a he okoa maloko.  O kekahi nohoi, aole i ike o Susana eia oe ke noho nei ma Villeneuve nei, a i ole, ia ua ike oia o Madame de Prado kou inoa."

            He oiaio hoi kau i kamailio mai la, e kuu George.  Aole no au i nana popno loa iho nei i ka lima kakau ana mai no ia'u o ka palapala, o ko'u awiwi ae nei ia'u o ka  palapala, o ko'u awiwi ae nei no ia i ka wehe, oiai ua ike iho la au, mai Bronoy mai ke poo leta.  Ina pela, ua ikeia ko kaua wahi e noho nei?"

            "O ka mea maopopo loa ia?"

            "Eia nae, o ko Susana lima kakau no keia."

            "Ke kooiaio mai nei keia kakaulima, e kuu Alice aloha, he wahi wahine hookamani o Susana, a e kumakaia ana oia ia oe, ke loaa iaia i hookahi poho lima i piha i ke dala gula."

            "Aole ka hoi i kana mai o ua pilikia, e George," i hooho ae ai o Alice me ka leo kaumaha.  "Pehea kaua e hana ai?"  Aole anei e pono ia kaua ke haalele iho i keia wahi i nei po no, a huli hoi hou aku kaua i Italia?"

            "Aole, e kuu Alice aloha.  E hai akuau ia oe, ua hoomaka ka hoouka kaua mawaena o'u ame ko kane."

            "O! O! George, mai hoopuka mai oe ia huaolelo me ke aloha ole imua o'u.  He oiaio, he kane ia na'u ma ke kanawai o ka aina, o oe no e George, ka lei aloha a kuu puuwai i lei mau ai.  Ae, e George, o ka mea a'u i aloha ai, me kuu puuwai ame kuu uhane apau.  Aole au e ae e ike ia oe e mauna ana i kou ola no'u nei.  Eia au he wahine i paa i na kaulahao a ke kanawai o ka aina.  Ua paa kuu kino mamuli oia mau kanawai na keia kanaka puuwai aloha oe.  Ma ia ano, ua ku mamao oe mai a'u aku, a pela hoi au mai a oe mai.  Ma ke kino, kaawale kaua; aka, ma ka uhane, ua no ia kaua a paa.  Ke paa nei oe, e George, i ka nene ihi kapu o na kanawai o ka aina ame na kanawai o ke Akua; a pela nohoi au; nolaila, aole kaua i ha'iha'i i ke kanawai eono a ko kakou Makua Lani i haawi ai ma ka Mauna Iaahia o Sinai.  Aka, e kuu George, e hoomanawanui me ke panaho ole.  He opu lokomaikai ko na Lani i ka poe hoomanawanui iloko o ka pono.  Nolaila, aia no au mamuli ou, ma kahi au e olelo mai ai ia'u, malaila aku no au e hoolohe ai ia oe."

            E kuu makamaka heluhelu e hele ka kaua kamailio ana i keia wa i kahi kauhale o Brunoy.

            Ma ke awakea ponoi o ka la i loaa aku ai ka palapala i noounaia aku ai ia Alice, ua ikeia aku la ka hoea ana o ke Kauna i kahi kauhale o Brunoy, maluna o kekahi kaa nani e kauoia ana e na paa lio elua.  Holo aku la ia a hoea i kekahi hotele.  Kauoha aku la iai ka mea hotele, aole e weheweheia na lio mai ke kaa aku, oiai aole ia e noho loa ana ilaila.  Komo aku la ia iloko o ka rumi i haawi mai iaia, a kali iho la malaila no na mea e hoea mai ana no ka hana i hiki mai ai ia i ua wahi kulanakauhale nei.

            Ma keia huakai hele a ua Kauna de Berene nei, ua hele pu mai la me ia, kana kuene, oia hoi o Laplace ame ekolu mau kanaka hou, no ke kokua ana i ua wahi Laplace nei, ma ka hana a kona haku.

            Aia ua wahi Laplace nei ma kahi hoolulu kaa ahi kahi i kiai ai no ka wa e hoea mai ai o Alice.  A ua kauohaia hoi ia e Kauna de Berene, ma kona wa e ike ai, ua hoea mai o Alice, oia kona wa e hai koke aku ai iaia i ka lohe.

            Hookahi hoi kanaka i hoonohoia ma ke alanui aupuni maoli e holo mai ana mai Villeneuve mai.  Ua manaoia ma keia hana ana, in a e holo mai ana o Alice ma ke kaa lio, alaila, o keia no ke alanui e hele mai ai ia, a e ikeia ana la o keia wahi kanaka i hoonohoia aku ma keia wahi.  He elua hoi mau wahi kanaka i hoonohoia ma ka hale o Susana e kiai ai.

            O kahi Kuini hoi, ua hoouna loa ia oia i Villeneuve, e kiai ai i ka wahine o ka Uhimaka eleele, a e hookolo mai hoi mahope on a a hoea i Brunoy.

            Ua hoolimalimaia keia poe kanaka e Laplace, mamuli hoi o na kauoha a kona haku.

            Ma keia la i hoea aku ai ke Kauna de Berene no Brunoy, me ka ike mua ole ana hoi o Susana, ua lilo ia i la noonoo uluku a pihoihoi na wa wahi Susana nei.  Ua kau e wale mai la no ke ano halialia aloha iloko on a no kona hakuwahine opio.  Ma ia wa hookahi nohoi, ua o maeele mai la ka weli maka'u iloko on a no Kauna de Berene; a ua hoeueue paa loa ia keia makau iloko on a, mamuli o kona ike ana aku i kekahi mau wahi kanaka helehelena inoinoi a maaloalo ae ana mamua o ka hale.

            I ka hoea ana i ka hora 6 oia ahiahi, ho'i mai la kana kane, a olelo aku la oia iaia:

            "Maikai ole maoli ka hoi ko'u noonoo.  Manao au, in a e hoea mai ana ka lede e hele mau mai nei ia nei, e ike ai ia Edemona, i keia ahiahi, alaila, e loaa ana maluna on a kekahi pilikia.  Lele e wale mai la no ko'u hauli hopohopo nona.  Nolaila, e hele aku oe i kahi hoolulu kaa ahi, a in a e ike ana oe iaia, e olelo aku oe, aole make e hele mai ia nei.  E hai aku nohoi oe iaia, he maikai no ko Edemona oia, a, e pono ia e pelu aku i hope, a e hoi aku no kona home.  E hoomaopopo loa oe i keia mau olelo a'u e hai aku nei ia oe.  A o kekahi, e makaala loa oe o ike ole auanei oe iaia."

            "Malia paha, ma ke kaa lio oia e holo mai ai?"

            "Aole o'u manao pela.  Aka, aohe no nae ou hewa, ma ka wa e ku mai ai ke kaa mua a hala aku, ke hoohele wale ae oe ma ke alanui e kiai ai no ua lede la."

            "Pehea ka loihi o ka'u wa e kali ai?"

            "I keia po holookoa no, ke ike ole oe i ua lede la.  E hoomanawanui aku oe."

            "Ua pono."

            Ua kali o Kauna de Berene ame na kauwa ana apau no ka hoea mai o Alice, a ao ia po, he neo ka mea i loaa ia lakou.

            I ke kakahiaka o kekahi la ae, ua loheia na namunamu ana a Kauna de Berene, me ka olelo pu ana ae hoi:

            "Ua poho wale keia palapala iaia; a i ole, owai la hoi ke ino lapuwale nana i hoopuhili i na koi ana a kela palapala?  Aka, aole au ehookaia ana ma keia ano.  E huai, a e hookolo aku ana no au i kela wahine a hiki i kona loaa ana ia'u."

            Hooholo iho la ia, e hele kinoi aku no oia i Villenueve me kona poe kanaka.  Nolaila, i ka hoea ana aku o Laplace imua on a, ua haawi mai la ia i ke kuoha iaia, e hele koke aku oia me kona poe kanaka i Villeneuve, a e kali mai lakou nona ma ke alanui, ma kahi kokoke aku i kahi kauhale.

            Hora 11 oia la, halawai aku la ua Kauna nei me Lapalce ma Villeneuve, a lohe mai ia ia, ua kiaia paa no kahi Kuini ma kahana i haawiia aku ai iaia e hana.  Ua kiai oia ma kahi kokoke i ka pa o ka hale o ka Lede o ka Uhimaka Eleele, a ao ia po, aole oia i ike i ka puka ana mai o ua wahine la.  Ua hai mai nohoi ua wahi Kuini nei, ma ke kaa hora 8 o ke ahiahi i haalele iho ai o George Lamabeta i kahi kauhale o Veilleneuve, a e ukaliaa ana ia e kekahi wahi kanaka poohina poupou.

            "Alaila, aohe mea e ae o loko o ka hale i keia wa, aka, o na kauwa lawelawe wale no," wahi a ke Kauna i pane ae ai.  "Ua pono.  Ma kahi o ko kakou nele i ka po nei, e loaa ana ia kakou ka mea a kakou i nele ai, ma keia la."

            "E kuu haka!" wahi a Laplace i olelo aku ai imua o kona haku.  "Pehea, e lawe aku ana no oe i kela wahine i keia wa no e maamaama piha nei ka la?"

            "Heaha hoi auanei ka pilikia oia.  Ike hoi ka la, ike ka honua i ko kakou hana ana i kahi hana ano nui loa.  Ke ole au e kuhihewa aia he mala pua a he mahinaai laau hua ma ka aoao mahope o ka hale, a he puka komo nohoi ko ka pa ma ia wahi?  A me he mea la, aia kela wahi o ka pa, ma ka huli kanaka ole o keia ululaau?"

            "Oia no."

            "Alaila, ma kela puka pa kakou e komom mai ai."

            "E hiki ana ia ke hanaia me ka holopono.  O Kuini ke kanaka makaukau o makou me na mea paahana wehewehe pani puka.  E halihali mau ana oia i kela mau mea paahana iloko o konea ekeeke."

            "Owau ke komo mua iloko o ka pa.  Ma ka wa hoi e komo loa aku ai au iloko o ka hale, oia ko oukou manawa e komo mai ai a ku iho iloko o ka mahinaai.  A ke lohe oukou i kuu kahea, o ko oukou wa ia e holo mai ai e kokua ia'u.

            Ua olelo aku la o Laplace i kona haku, ma ke ano, aole on a wahi manao iki, he alahele maikai kana e hoolaia nei no ke ano e loaa ai kana mea i makemake ai.  Hoike aku la ia, in a e uwe ana kela wahine ma kona wa e hopu aku ai iaia, he mea ia e lohe ai na kauwa o loko o ka hale, a holo mai lakou e kokua i ko lakou hakuwahine.

            Ia wa pane mai ia ua Kauna de Berene nei:

            "O ka oukou hana e lawelawe mai ai ke lohe oukou i kela poe kauwa e haluku ana, oia ko oukou holo ana mai a kupee i kela poe apau, a hoopiha i ko lakou mau waha me ka welu."

            No keia mau olelo a ua Kauna nei, emi pu wale iho la no ko Laplace manao, aka, aia no nae ke kanalua nui iloko on a no ka holopono o na hana a kona haku i manao ai.

            Hora 2 oia la, e nanea ana no o Alice i ka noho ana ma kekahi puka aniani e huli ana i ka mala pua ame ka ululaau, a e heluhelu buke ana hoi ia @ ia wa.  A ma ia wa hoi, e hana ame kana mau kauwa lawelawe elua ma ka hale maluna.

            Lohe ae la ia i ka owe ana mai o kekahi mau kapuai wawae ma ka puka, a manao ae la no ia o kekahi o na kauwa.  Alaila, hemo mai la ke pani puka o ka rumi hookipa, oia nohoi @e rumi ana e noho ana ma ia wa, a, i @ wa i huli mai ai ia a nana mai la i keia mea no ke komo ana aku, a, ua o koke@ ne la kona leo hooho kapalili.

            Ike mai la ia e ku aku ana ke Kauna de Berene imua on a.

            Hono ae ia ia e eu ae e ku iluna, aole nae e hiki, ua haawe iho la ka mak@ nui maluna o kona kino holook@ apau; a no ia mea, haule hou iho la @ maluna o ka noho ana i noho ai, a kulana aku la i hope.  Aka, haka po@ mai la no nae kona mau maka maula o ke Kauna.

            "Mai makau oe, a pihoihoi hoi no@ nei," wahi a ua Kauna de Berene nei i pane malie aku ai.  "Aole au i hoea mai la ia nei, ma ke ano he enemi @ nou--aole; aka, ma ke ano he hoaloha au nou.  E kahi hoomanawanui @ kou noonoo, a pau pono ka'u mau mea e hoike aku ai ia oe.  He mea olelo nae, ua ike au i nae mea apau e pili ana nou; aka, ua kala ae au ia mau mea apau o ka wa i hala.  Aohe a kaua noonoo hou ana aku ia mau mea.  O ka mea i hala, ua hala ia.  E hai aku au ia oe, he mea pono i ke Kaunawahine de Berene ke ikea hou ia me kona nam@ apau e na poai hanohano o loko o Parisa.  O oe ke aliiwahine i kukuli mai ai na poe kiekie apau o ke kulanakauhale alii o Farani nei.  Mamuli auanei o kou hoi hou ana mai me a'u, e hoo@oli hou ia ai kou mau makua aloha; a e hoihoi aku nohoi au i kau keiki, ka hua o kou puhaka, iloko o kou mau lima.  Aohe a'u mea e kamilio aku ai imua ou no'u iho, koe wale no keia, o ka'u mau hana hewa apau, in ahe hana hewa kekahi i hanaia e a'u imua oe, alaila, i nonoi aku au ia oe, e kala mai oe ia'u mai ia mau hana hewa mai.  A ke hooia aku nei hoi au imua ou, e like no au i mea kiai aloha no kou mau pomaikai, ka oluolu, ka palekana ame ka hauoli o kou ola ana ma keia hope aku.  O ka'u wale no e olelo aku nei ia oe, oia ko'u kii ana mai nei ia oe e hoihoi hou aku ia oe ma ke kulana hanohano i ikeia ai oe e ko Parisa apau."

            A i ka pane ole ana mai o Alice, hoomau aku la no ua Kauna nei i ke kamailio ana:

            "O keia nohona huna au e noho nei, aole ia o ka nohona i ku i kou kulana ame ka hanohano i loaa ia oe; a ua ike maopopo no oe ia mea.  O kahi a ka wahine e hoomaha ai, a e kekau ai i kona palekana, aia no ia maluna o na lima aloha o kana kane.  O kau kane, oia wale no ka mea kuleana hookahi ma ka honua nei e lilo i mea kiai ia oe.  Nolaila, e Alice de Maraceli, e ku hou oe imua o ko ke ao nei, malalo o na hoomalu ikaika ana a kau kane, no kou hanohano.  No ka mea e  pi@ ana i keia wahi anuu o kou ola ana, aohe ia he mea nui.  Nolaila, e Alice, i kii mai nei au ia oe, e hoi kaua."

            Hoomaha iho la ua Kauna nei i kana olelo ana, a kakali aku la o ka pane mai hoi o Alice; aka, a hala kekahi wa loihi, aole oia i pane mai, ia wa kamailio hou aku la ua Kauna nei iaia:

            "Aole hiki iki ia'u ke hoomaopopo i ke kumu nui o kou kuihe ana.  O ka'u e haawi aku nei ia oe ma keia kii ana mai la a'u ia oe, oia ke ola, ka hanohano, ka hauoli, ame ka mahaioia e na poe hanohano apau.  E hoomaopopo oe, ua hiki ia'u ke poloai aku i ka mana o ke kanawai i mea e hooni paa hou ia ai ko'u mau pono ame ko'u kuleana, kane mare maluna ou; a he mea nohoi ia e hoohilahilaia ai ko kaua mau ohan@ ame na hoaloha o kaua.  He nui launa ole ko'u aloha no kou mau kaua, a pela nohoi me ka kaua keiki aloha.  Ke hooia aku nei au imua ou me ka oiaio loa, owau kou hoaloha oiaio loa.  O ka hauoli ka'u mea e haawi aku nei ia oe, a, ua oi ae hoi ia mamua o ka mea a kau ipo aloha e hana mai ai nou."

            I keia pule ae uuina na wai o Namalikama.

(Aole i pau.)