Ka Nupepa Kuokoa, Volume XXXVIII, Number 37, 15 September 1899 — NA LONO KAUA MA AFERIKA. [ARTICLE]

NA LONO KAUA MA AFERIKA.

KE KAUA MA AFERIKA. N I'IOKA, Sept. I,—E hoike ana ke 7 kahi lono mai Ladana mai i ka nupepa La, penei: O ka hoolahaia ana o na palapala i kukaiia ai mawaena o Beritania Nui ame ka Repubalika o Transvaal, elike me i i ikeia ma keia la iho la, ua manaoia, he hoike maopopo keia no ka puhili ana o na hooponopono i "mauaoia mawaena o na Aupuni elua, koe wale no ka ae maoli ana mai o Peresidena Krueger i na mea i waihoia aku imua ona e Chamberlain. Ua hopohopoia nae, ma kahi o kona ae ana mai, e hoohana hou mai ana ia i ke noi no ke kukakuka pu hou ana me Sir Alfred Milner. Ua olelo ae ka nupepa Standard, he uuku loa kahi manawa i koe no Peresidena Krueger no ka noonoo ana no ke kulana i keia wa. Ina aole oia e hooko mai ana no na mea i hoiia aku e Beritania Nui, alaila, hookahi wale no hopena maopopo e hoea mai ana. LADANA, Sept. I.—l keia aMahi, i hoopuka ai ke Kakauolelo no na Panalaau, oia hoi, o Joseph Chamberlain, i na olelo o na palapala pili i ka hana ma Transvaal, oia hoi, na palapala o Augate 19 ame 21, ame ka pane a ke Aupuni Imeperiela ma ka la 28 o Augate. E ukali ana i keia mau palapala he mau olelo hoakaka e hooia ana i ke kupono o ka o keia mau palāpala, i mea e loaa ai i ka lehulehu na mea oiaio maoli, oiai he mau palapala oiaio ole kai hoolahaia ma Pretoria. O ke ano nui o ka palapala mai ke Transvaal mai, Augate 19, ua pili no ia i ka pono koho balota, ma ke ano hoi, e ae aku o Beritania Nui, aole e lilo keia mau a'e ana e hana nei i keia wa, i kumu alakai, a e ae hoi ia (Beritania Nu)i e hoopau i kona manao hoopaa no kona noho mana maluna o Transvaal, a e ht)opauia ia ninau. 0 ka palapala hoi o ka la 21 o Augate ua pili ia i ko Beritania Nui ae ana, aole ia e lioopaakiki aku no kona noho mana ana maluna o laila, a e ae hoi ia Beritania Nui) e hooponoponoia ma ka Aha Uwao na hihia apau e ulu mai ana mawaena o na Aupuni elua. O ka pane hoi a ke Aupuni Imepei'lela ma ka la 28 o Augate, ua manao o Beritania Nui, o na mea i waihoia aku imua o ke Aupuni, ma kahi o na mea i hoikeia aleu ai ma ka la 31 o lulai, oia ka waihoia ana aku o kekahi koi no ka pono koho balota. e hoohaikiia ana kona hoohanaia ana. PRETORIA, Sept. I.—Ua hoopanee ka Ahaolelo i ka noonoo ana no na palapala i kukaiia mawaena o ke Aupuni Imepei'iela ame ke Aupuni o Transvaal a hiki i ka Poakahi, a ma ia wa hoi e noonoo pu ia ai ke noi e pili ana i ka noho kino ana mai o na koa'Beritania ma ka. palena aina o ■Transvaal, aka, ma ke ano nialu loa e noonooia ai koia kumuhana.

Ua hoea mai nei o Herr Fischer, ka elele kuikawa ma ke Aupuni mai o Orange Free State. a eia oia ke kuka pu nei me ke Aupuni. Ua pokole loa ka noho ana o ka Ahaolelo ma ke ahiahi nei, mamuli'o ka makaukau ole o ka pane i ke Aupuni o Beritania Nui. M aka noho ana o ke kau kuka malu o ka Volksraad i keia ahiahi, o Herr Fischer kekahi i noho ma ia halawai, a ua nui launa ole na kanalea i akoakoa mai a puni ka hale e noho ana ka Ahaolelo. Ua noho hoi o Peresidena Kruger nia ka aha hooko a hiki i ke aumoe. Ua hoouna aku keleahi poe koikoi o ka poe AferikanderB he kauoha ma ka waea olelo, ma keia la iho la, ia Herr Hoffnieyer, ke alakaL.o ka aoao Afrikander ma Lae Cololfl e hele koke mai oia i Pretoria. HOOMAKAUKAU KAUA. JOHANNESBURG, Sept. I.—Ke l.oomakaukau nei ke kulanakauhale no ka wa e hoea mai ai ke kaua. O na haumana keia ame na kumu o loko o ka Home o na keiki e hele ana lakou i ' Natal. Eia ka Aha Kuka oke kulanaI kauhale ke hoolako nei i lako ai no ke I kulanakauhale, e lawa ai no ekolu ma« hina. Piha pono na kaa ahi i haalele j iho ia nei i na kanaka, a he lehulehu i loa hoi na kanaka koikoi i haalele iho ia Johannesburg. | LAE TACONA, Sept. I.—Ua loaa mai I ia nei na hoike mai na apana kuwaho lehulehu mai o Transvaal, e olelo ana i ka nui 'o na uluku pihoihoi mawaena o na kanaka. UA MANAOIO LOA IA E KAUA ANA. LADANA, Sept, 2,—E holke ana ka mea kakau nupepa o ka nupepa Pou Kakahiaka, mai Pretoria mai, penei: "Ma ka la i nehinei (Poakolu) i-kal ae ai o Peresidena Krueger i kekahi kanaka Bua koikoi, ua maopopo loa ka hoea ana mai oke kaua. Ua hoolakoia kela ame keia kanaka Bua me ka pu raifela a Mauser, a he 100 owili poka i mea hoomaamaa. Ua maopopo loa ia'u, o ka olelo e i ana, aole na poe Bua i makaukau, ke olelo uhiuhi wale no ia, & e ala mai ana no lakou a hoehu ae i ke kaua ma ka wa i manao mua ole ia." E hoike ana hoi ka mea kakau o ka nupepa Standard, penei: "Ua hoomaopopo laulaha ia, ua ikea ka oni ikaika. ana o ka manao iloko o ka Ahaolelo e hoole i ka noho mana ana mai o Berltania Nul. He hapa nui loa o ka poe Bua i kue i ka aeia ana e loaa ona pono koho balota, mamuli o ka noho ana iloko o ka aina i elima makahiki, a, ma ka hoomaopopo aku, he kulana kupilikii maoli k«Jtu nei i keia wa.

Ua nonoi aku nei ka Hui George W. de Long Post, G. A. R., i ka Papa Hoonaauao Hawaii, e hookaawaie ia i hookahi la iloko o ka makahlki no ka hukiia ana o k& hae Amefika maluna o na halekuia aupuni apau o loko nei o ke Aupuni. Ua ae ka Papa Hoonaauao i keia noi.