Ka Nupepa Kuokoa, Volume XXXVIII, Number 37, 15 September 1899 — David Kaapa ka Makai Kiu Hawaii. [ARTICLE]

David Kaapa ka Makai Kiu Hawaii.

Ma ka la Sabati aku nei, wahi a na lono i haiia mai ia makou i aihueia aku i he hnina o $790.05 mai ka waihona aku o kekahi wahi elemakule maauauwa oka Makeke kuai I ? a ae nei nona ( ka inoa o Nakaikuahine. Iloko hi i waiho ai o ua mau dala nei. Mamua koke ihō o ka lilo ana, ua nana iho la no ka ia i ua mau dala nei ana, a e waiho ana no iloko o ke eke. He wahi manawa iki hoi kona o ke kaawale ana mai ia wahi aku, a i kona hoi, hou ana mai, oia hoi, ua lilo ke eke dala holookoa. Aohe wahi iliili koe iho. Ua hele mai la ia me ka naau luuluu a hoike i ka Halewai no keia poino i loaa iaia. Ua eleu koke ae la o David Kaapa ma ke alahele huli i ka waiwai i aihueia. Ua hekau koke ka hoohuoi ana a kona noonoo i kekahi mau kamalii e naholo mau ana ma ua Makeke la. Nolaila, ma ka uwina la Poakahi nei, ua hoea ia iwaena o keia puulu kamalii e akoakoa ana ma ka hale makeke, a hopu aku la he ekolu mau wahi keiki mai waena mai o ka puulu holookoa, a alakai mai la ia lakou i ka Halewai. A mahope iho o kona ninaninau akahele loa ana, ua kiiia aku la he huina o $313.40 a loaa mai la. He $476.65 ka huina i koe, aole i loaa. He haawina ike lua ole keia i loaa ia David ma ka hana ana ma ke alahele o na mea huna pohihihi. E noho ana ka Aha ma ka Banako ma keia Poakahi ae.