Ka Nupepa Kuokoa, Volume XXXVIII, Number 37, 15 September 1899 — KA NUPEPA KUOKOA NO KEIA MUA AKU. [ARTICLE]

KA NUPEPA KUOKOA NO KEIA MUA AKU.

I Me ka hauoii mahiehie maikai oko makou noonoo, e puka aku nei makou i keia la imua o ko makou mau kini makamaka heluhelu mai ka la kaohiia ma kumukahi i Hawaii, a ka la opiopi ia ma Kauai, mokupuni kaulana o "Manokalanipo." "Ua po ae nei, aua Ao kakou e!" Ma keia la, e ike ai ko makou poe heluheiu, ua hapai hou ae makou i na ko'iko'i ame na kaumaha, ma nei mea he hoomahuahua ana aku i na kolamu heluhelu o ka makou pepa nel. j I keia la i hoonohoia ai ka hoomaka mua loa ana o ko ke Kuokoa puka ana J me na aoao heiuheiu i hiki aku i ka , eono; a, aole hoi ia no ka manawa wale no; aka, no na wa e ae apau.ma keia mua aku a ke Kuokoa e puka aku ai. A me he mea la', elike me ka nui ana mai o na mea hoohaiki mai i na pomaikai heluhelu o ko makou poe lawe pepa, peia no e unuhi hou aku ai raakou i ka lehulehu o na aoao heluhelu o keia pepa. j Ke ole makou e kuhihewa, oka wa mua loa keia o ka nee ana o ke Kuokoa ma ke alahele o eono aoao heluheiu ma ke kulana kumau, iloko o na makahiki he kanakolukumamawalu o kona kipa kauhale ana ma Hawaii nei. He mea oiaio nae, no kekahi mau manawa i kaa hope ae, ua haawiia he mau aoao manuahi a panai no ke kino o ke Kuokoa, ma na wa.i ikeia ai ka mahuahua o na mea i makemakeia e pau ma ka puka hookahi ana o ka pepa. He mau hoonee kuikawa wale no ia, a no ka manawa nohoi. Aka, o keia puka ana, e hoomau loa ia aku ana ia, a hiki i kona hoomahuahua hou ia ana aku ma keia mua koke aku no. Nolaila, me ka puuwai i papahiia e ka hauoli. ka houpo hoi i iupalupaia e ka hoihoi, ame ka noonoo i wailanaia e ke ake hooholomua i ka pomaikai heluhelu nupepa o na Hawaii, ke hoolele pua-o aku nei makou i Ke Kilohana Pookela no ka Lahui Hawaii imua o ka lahui Hawaii holookoa mai Hawaii a Kauai.