Ka Nupepa Kuokoa, Volume XXXVIII, Number 39, 29 September 1899 — NA HAINA KALAI AUPUNI. [ARTICLE]

NA HAINA KALAI AUPUNI.

Mai hoohala ko makou poe heluhelu i ka nana ana ae i na pane a kekahi poe o Honolulu nei, no na ninau Kalai Aupuni a ka Nupepa "Cali" i waiho mai ai 1 kekahi poe lehulehu loa o loko nei o ka aina. Eia ma keia mau pane, e ikeia ai na noonoo ana a ke kahi poe i haawi i ko lakou mau hoo- | maopopo ana no ke kulana Aupuni kupono e loaa ai ia kakou mai a Ameri- 1 ka Huipuia mai. Pela pu hoi me ka pono koho balota e loaa mai ai ia kakou —ke ano e hooponoponoia ai ko kakou Oihana Hookolokolo —ka hoopauia ana o ke Kanawai Aelike Paahana, me ka hoopai hoopaahao, oia hoi, ke kanawai i kapaia, ke kanawai "kepa" kanaka. Maloko o na manao o kekahi 'poe, na lakou na pane a makou e hoolaha mua aku nei, e ikeia ana kekahi mau pane maikai loa. O na mamala olelo hope a ka Loio Numana, he kulana "pai ipahanahana" no ia, e hiki ole ai ke hoohewahewaia, aole ia i hoopuka ae ia mau huaolelo me ka uhane hoopalaimaka wale. Pela nohoi ka J. M. Horner mau olelo e pili ana i ka pono koho balota. 0 ka rula gula. a ke Kauoha Hou i hoonaonao mai ai i ko ke ao nei, "Elike me kou makemake e hanaia mai nou e na kanaka, pela oe e hana aku ai no lakou," he ohiu ana ia i na hoomanao no ka hana i kaa hope ae. He nui a lehulehu loa na manao aku i koe a keia poe i hoike ae i ko lakoU mau manao pane no na ninau a kela Nupepa 4, Ca11" i ui mai ai ia nei.