Ka Nupepa Kuokoa, Volume XXXVIII, Number 39, 29 September 1899 — KA BUKE MELE A CHAS A. K. HOPKING [ARTICLE]

KA BUKE MELE A CHAS A. K. HOPKING

Ua haawi makana mai o Mr. Charles A. K. Hopkins ia makou i hookahi kope o kana buke mele Hawaii nona ka inoa "Aloha Collection of Hawaiian Songs." Ua hanaia keia buke me na hua mele. Olea poe ike himeni ma na hua mele e paheehee koke ana ka lakou mau hookaunu ana ma na mele o loko o ka buke i maalo mua ole i ko lakou mau kileo houhene melodia. He kanaha ka nui o na himeni o loko o keia buke. O ka olelo hoakaka. mua a ka mea nana i hoonohonoho i keia mau mele, aia no ia ma ka Olelo Beritania, a he ku i ka ii na hookaau ana a ka Opio ma ka alana ana i kana buke waiwai nui, imua o ka lahui puni mele o ka honua nei. Eia kekahi mau mapuna olelo o loko o ua hoakaka nei a makou i unuhi mai ai: "Aia maloko o na mele ame na ka-

naenae ana a kekahi lahui kanaka e ikeia ai na mahiehie manao ame na ano maoli o na kanaka. 0 ko lakou mau. kani kaulike ana. aia co ia mailoko mai o na kaula melodia o ka puuwai. l T a ikeia keia ma na Mele aka Lahui Hawaii. ka lahui hoi e milikaaia nei e na lima o ke au o ka manawa, e hookikina ana iaia e hoolialiu aku i ko lakou makaukau himeni ma na mele o na lahui e ae." Eia na mele i komo ma keia buke me na hua mele: Aloha oe, Ua like no a like, Ke aloha i hiki mai, Forgei-rae-not, (Mai poina oe ia'u), Maui, Kalakaua's Serenade, Makalapua Awaiaulu, Lei Poni Moi, Violeta, He Lei no Kaiulani, Ainahau, Nu'a o ka Palai, Nuuanu Waipuna, Wai o Punalau, Sweet Violet, Maikai Waipio, Poli Pumehana. Ka Inu Wai, Sweet Lei Lehua, Na'i Aupimi, Kapilina, Remember be sure and be there, Pua o ka He-i, Pua Sardinia, Akahi Hoi, Oi hoi ha, Adios ke Aloha, Waipio, Paahana, Na Molokama, Haili po i ka Lehua, Sunny Manoa, Maunawili, Hone Sakala, Moani ke Aia, Tomi, Tomi, Lei Ohaoha, Wiliwili Wai ame Sweet Lei Mamo. Ke haawi nei makou i ko makou n%ahalo ia Mr. Charles A. K. Hopkins, ka Haku Mele Opio o Hawaii, a ke lana nei ko makou manao, e kuai nui i\na na Hawaii puni himeni apau i keia buke himeni. He ?3.00 wale no ke kumukuai. E loaa no ma ka hale kuai mea kani o Bergstrom, ma Progress Block, kihi o alanui Papu ame Beritania, ma ka aoao ma Ewa aku nei o ka Pa Luakini Katolika.