Ka Nupepa Kuokoa, Volume XXXVIII, Number 39, 29 September 1899 — AOLE MANA O NA KUAI A KE AUPUNI. [ARTICLE]

AOLE MANA O NA KUAI A KE AUPUNI.

Ua loaa mai nei i ke Kuokoa he lono mai Wa?inetona mai. e hoike ana penei: WASINETONA, Sept. 20.—Mawaena 0 na mea i noonooia e ka Aha Kuhina 1 keia la. ua ulu mai ka noonooia ana 0 na mea e pili ana i na Aina Aupuni ma Hawaii. TTa kukakuka iki ia no keia kumuhana, aka, mamuli o ke kaawale ana o Kuhina Hay i kahi e, aole 1 noonoo hou ia. Ua hoomaopopoia, e hoopuka aku ana o Peresidena MaKinile he kauolia e kaohi ana i ke Aupuni Hawaii, aole e hoolilo hou aku i na Aina Aupuni o Hawaii, ma ke kuai maoli, a hoolimalima paha. Ua hoopuka ae nei ka Loio Kuhina Griggs, he olelo hooholo e pili ana i keia mau aina aupuni, a ua puka mai keia olelo hooholo ma o kekahi palapala hoopii la mai kekahi poe kupa Amerika mai i "hookuene" iho maluna o kekahi apana aina nui maloko o ka apana kanu kope, ka aina hoi a ke Aupuni anehe ai e kuai aku. Ua manao ka Loio Kuhina, aohe kuleana ma ke Kanawai e hoolilo aku ai i kekahi lihi o na aina Aupuni o Hawaii. A o kekahi nohoi, ua hooholo oia, o na hoolilo ana apau a ke Aupuni Hawaii i ka .aina o. keia ano, mahope mai o ka hui ana (o na Aupuni elua) ua lilo i mea ole, a ku ole hoi ma ke Kanawai. Ua hoikeia mai hoi i keia la, e kekahi keonimana i pili kokoke aku ia Kuhina Hay, e leauoha aku ana ka o Peresidena MaKinile i na Luna Aupuni o ke Aupuni Hawaii e hoopau i na lioolimaliiiia apau ame na kuai apau i hanaia no ha aina Aupuni, i lianaia ai hoi mahope mai o ka hooholoia ana o ka Olelo Hooholo a Newland. a e hoihoi aku i ke dala a ka poe i leuai mai ai i ua mau aina la. Ua oleloia, ua hooholo ka Aha Kuhina, mamuli o ka Olelo Hooholo a Newland, ua haawiia na aina Aupuni, ina ke ano kaliu malama (in trust) i ke Aupuni Hawaii no ia mau aina, aohe aina e lilki e hooliloia, aia wale no mamuli o kekahi kanawai maoli e kauia ana e ka AUaolelo, elike me ia i hoikeia maloko o ka Olelo Hooliolo a Newland.