Ka Nupepa Kuokoa, Volume XXXVIII, Number 39, 29 September 1899 — KUHINA DAMON MA WASINETONA [ARTICLE]

KUHINA DAMON MA WASINETONA

WASINETONA, Sept. 19. —Ua hoea aku ke Kuhina Waiwai Hawaii ma ke Keena "Waiwai i keia la e kukakuka pu ai me na luna Aupuni. Ua olelo ae ia, e hele ana ia i Europa no ka loaa ana ona poe eemoku mai laila mai, mai waena mai hoi o ka poe o ka papa maikai ae o na kanaka ma Italia akau ame Suedena no ka hele ana i Hawaii. a ua ninau oia i na luna Aupuni o onei ina paha he mea akeakea kekahi malalo o ke Kanawai Eemoku o Amerika Huipuia. Ua hai mai la o Hope Kakauolelo Taylor iaia, oiai aole i pahola aku ka Ahaolelo e mana ia mau Kanawai ma Hawaii, nolaila, aole hiki i ke Aupuni ke akeakea mai ia hana, a o kekahi nohoi, aohe makemake ke Aupuni e hana pela, ina, nae he maikai ke ano kanaka e loaa mai ana.