Ka Nupepa Kuokoa, Volume XXXVIII, Number 39, 29 September 1899 — KA HEIHEI MOKU. GLADYS KUE IA LA PALOMA. [ARTICLE]

KA HEIHEI MOKU.

GLADYS KUE IA LA PALOMA.

Ma ka auwina la Poaono aku nei i liolo heihel aku ai na moku "Gladys" ame "La Paloma" mai Honolulu aku nei, a hoea i ka nalu ha'i o Uo, ma ka "Malu-ulu-o-Lele" i Lahaina. a hoea hou i Honolulu nei. 0 kahi moku mua, he wahi waa kiakahi ia; a o ka moku hope, he waa kia-lua ia, a he akeukeu ae nohoi ka puipui o kona wahi kjfio i ko ka mua. Me he mea la, o ka olelo kupono e "pana" ae ai no laua—"he hau iki kekahi, a h& hau nui kekahi." i j Aia maluna oka waa mua o kapena j T. W. Hobron, i kaheaia i keia wa o "Kapena Nimo" o ka moku Nautilo, me E. O. White, G. H. Gere, C. H. Smith, H. A. Giles ame kekahi kanaka Hawaii maoli. Maluna hoi o ka "malau" La Paloma, o Kapena Clarence Macfarlane, J. 0. Carter, Ji\, Fred C. Smith, Harry Swinton, ekolu mau luina kanaka Hawaii a hookahi wahi keiki haole. Hora 2 ponoi paha o ka auwina la, liaaiele like iho la laua ia loko nei o ke awa, a nee aku la ma ko laua alahele lieihei. Holo like aku la laua, a hala hope mai la'ka hale ipukukui, huli ae la no ka nuku, a hemo like aku la no, a ia wa i huli like ai laua no ke kai holu o Mainpla. I ko laua lioea ana i ka boe laau "haa i ke kai" (boe ma'i apiki) ia wa i umoki aku ai kahi moku' "Gladys" i ka lele ana iluna o ohuku ale, a, oni hookalii aku la o "La Paloma," mahope, me ka ukaliia ana e ka moku "Helene." I ka hele ana a iuu ka la i ka ili kai, ua hele aina loa aku la ke-" v 'Uladys" mai kona hoa aku, oiai ua hoa nej (La>Eal(>ma) ona e hooilio ana o "Tahiti-mai-a-Leka" ka ihu. Kau pono aku la ka holo ana a "Gladys" no ka hale ipukukui o Kalaeokalaaū, e au ana i ke kai o Kaiwi. Hora 11 o ka po, kaalo ana keia me he "kaupu liehi ale" la no ka moana, ma ke alo o ua hale ipukukui nei o Kalaeokalaau. Ma ia huli, loaa iho la ia i ka pohu a lioea i ka hora 1 o ka wanaao. Aka, ua hooiho oia no Lanai, e au ana i ke kai o Kalohi i kapaia o "Alala," a mai laila mai, hoopii hou no Molokai a mai laila aku, moe i ke kai ale-kaiue o Pailolo, a pae loa aku la no ka nalu ha'i o Uo, i ka "Malu-ulu-o-Lele." Ku i Lahaina ma ka hora 10:45 o ke kakahiaka Sabati, a o ka pau ana mai no ia o ke kani ana o ka bele o ka halepule o Wainee. 0 kona hoa paio o na kai eha, aole oia i ike iki mai iaia. Paina iho la na kamahele au moana ilaila. Hoea mai la o Mr. L. A. Kakina mai luna aku o ka mokuahi Maui maluna o ka waapa, a kau ana iluna o ka moku. Mahope iho o ke kamau wahi ai ana o na hoa aukai mauka, ma Lahaina, ua huli hoi mai la ke "Gladys" no Honolulu nei. Hora 12 ponoi, haalele ia Lahaina. Aka, i ka hala ana o kekahi wa ma keia hoi ana mai a ke "Gladys," ua ikeia mai la ua "La Paloma" nei ma kahi he aneane ewalu mile mawaho mai o Lanai. 0 kahi mea kupanaha loa nae ma keia hoi ana mai a ke "Gladys," oia keia, i kona hoea ana mai i ka "boe haa i ke kai," me he mea la o ka hora 10 paha ia a oi iki, a ma kona wa i hookomo mai ai noloko nei o ke awa, ike ia mai la o "La Paloma" e kuoe ana mamua. Haalele ia aku no ia i hope, aka, i keia hoi, eia ka ua "La Palemo" mai oia mamua nei. Emoole no nae ia miki ana mai a "Gladys," loaa mai la ia, a u-kau like mai la ma ka hale ipukukui, a hoea like no laua ma ka manawa hookahi no, ke hoohalikeia me ko na wa a laua i iho ai ia Honolulu nei. 0 ka manawa holo o ke "Gladys" mai Honolulu aku nei, a hoea i Lahaina, a hoea hou i ke kuono lai o Honolulu, he 30 hora me 30 minute, me ka nana ole ia o ka hora 1 me 15 minute i hoohalaia ma Lahaina. O ka manawa holo hoi o ka "La Paloma" he 31 hora me 4a minute, ke laweia ae he 52 minute o kana apa ana ma ka boe ma Lahaina, ma ka noke ana i ka hoohuli ae, a huli ole no. He hoolaha hooko moraki ka Sarah E. Williama e puka aku nei ma ko makou pepa o keia la.