Ka Nupepa Kuokoa, Volume XXXVIII, Number 39, 29 September 1899 — KEIA AO, KELA AO KE KAMAHAO O NA KAMAHAO. [ARTICLE]

KEIA AO, KELA AO KE KAMAHAO O NA KAMAHAO.

Umihiia e Hooulumahiehie no KE KILOIIANA POOKELA NO KA LAIIUIIIAWAII.

No ka ninau a Mrs. Everard i ninau aku ai i ke kanaka pena kii, ua mino aka mai la ua kanaka nei, a pane mai Ia me ka mahiehie: "Aohe maopopo loa ia'u i keia wa, ka inoa a'u e manao nei e kapa aku ai i ua kii la e hanaia aku ai e a'u. Ma ko'u manao nae, he inoa kona elike me ko ia nei inoa no e heaia nei i keia wa, aka, o na hiohiona ame na helehelena nae, e oi aku ana ia i ko ia nei mau helehelena a kaua e ike nei i keia wa. E hai aku au ia oe, e kuu hoaloha maiftai, o ko ia nei leii a'u e hana aku ai, he kii ia i hiki ke oni, ke hele, ke hana i na hana apau elike me ka ia nei hana e hana nei i keia wa. E hiki ana no iaia ke kamailio, ke akaaka, a ke hauoli hoi i ka olioli i oi aku i ko ia nei hauoli omaimai wale o keia wa ke hoohalike aku. A ma ka olelo pokole ana ae, e hana aku ana au i uhane a i hauoli kona hou no ia nei." He mau olelo pohihihi loa keia a ua kanaka pena kii nei i pane mai ai imua o kuu hoaloha ame a'u. Ua hoopiha loa ia ko maua mau naau i ke pahaohao no keia kanaka. I kel-a wa, huii mai la kuu hoaloha a nana mai la ia'u me ke ano e o kona mau ano apau, me he mea la e olelo okoa maoli mai ana no oia ia'u, he kanaka pupule io maoli no paha keia leanaka a maua e launa pu nei. Aka, ia wa no, pane mai la ua kanaka nei i kuu hoa: "0 Mrs. Everard, ua ike au i ka ohu pohina e poipu nei maluna o kou uhane i keia wa, ke manao nei oe, mamuii o leo'u hoopuka ana aku nei ia oe i kela mau olelo e pili ana i ke ano o ke kii ola uhane oia nei a'u e hana aku ai, ua ulaia ia ko'u noonoo eka hehena, a o ko'u uhane hoi aia ia ma ke alahele 0 ka pupule. E hoomanao oe, e Mrs. Everard, o ke kani ana a ka piano e alakaiia ana e ke kanaka, a o ka wahine paha i hoopihaia kona uhane me ka ike mele o ka papa kiekie loa, e iilo ana ka leo mele ana e hookani ana i mea hoihoi ole i ka uhane o ka mea 1 haiki a i oolowi kona ike ma na mea kani, a kapa ae la ka uhane noonoo hapa ike o ua mea ola nei, he- hupo ka loea ike mele e hookani ana i ka melodia i ku i ka noeau ame ka ike o na anela o ke Akua. Ua loa keia ano

noonoo i puka mai la mai a oe mai, me ka noonoo o ka poe i hoomaopopo ole he hiki i ke aloha o ke Akua ke hoola i ke kanaka kino nawaliwali. a e hoohamama i ka pepeiao o ka mea 1 make. a e kahea aku iloko o ka luakupapau, a e oili mai me ka hoolohe ka mea i hoomoeia malaila. Ua hana ke Akua kanaka i keia hana ma ka honua nei, a kapa aku la na uhane laiki o ka ike laia, he pupule a he hehena. Nani ke kaa ana o ko ke ao nei iloko o ke kiowai lepo o ka naaupo!" Ma ka wa a ua kanaka nei i kamailio mai ai ia maua, ua olino ae la he malamalama ano e ma kona helehelena, a o kana olelo, ma ka'u hoomaopopo aku, he ku i ka mana, e hoopili pu ana i ko maua noonoo. Ua ike iho la maua i ka oiaio o kana mau mea i hoopuka mai ai imua o maua. Me he mea la e hoonaauao mai ana oia ia maua, he mea pono ia maua ke ike iho, o na olelo ana i olelo mai ai ia maua, aia no ia maluna o ke kahua poiuiu o ka akeakamai i lawa ole hoi ko maua mau noonoo no ka hoomaopopo ana, elike me ka liiki ole i ka mea noonoo haiki no nei mea he ike mele, ke hoomaopopo i ka ui, ka maemae ame ka hoano o na melodia e hookaniia ana e ke kanaka papa ekahi o ka ike mele, elike me Mozart ame kekahi poe loea ike mele e ae. He mea oiaio, ua hana o lesu i na hana mana ma ka honua', a ua kapaia aku oia e na ludaio he pupule, a ua piha hoi oia i ke diabolo. Ua hoopauia ko maua mau manao kuhihewa apau no ko maua hoaloha maikai. Aka, ma ia wa hookahi no nae, aia iloko o'u ke pahaohao nui no ke ano o kana mau olelo i kamailio mai ai no ke ano o ko'u kii ana e hana aku ai. He kii ia o ko'u ano apau, wahi ana, a e hiki ana ia kii o'u ke kamailio a ke hauoli elike me ka hiki ia'u ke kamailio a ke hauoli. E oni ana, e hele ana, a ma ka olelo pokole ana ae, he kii ia me ka uhane. A noonoo iho la au iloko ō'u, pehea ana la e hiki ai iaia ke hana i kii ola uhane? Oiai i puka ae ai keia hoohuoi ana iloko o'u, aia hoi, nana mai la ua kanaka nei ia'u, me ke kuoo lua ole o kona mau maka, a pane mal la: "Hana iho la ke Akua ihiihi i kii kanaka noloko mai o ka lepo, a haawi iho la Oia i kumu ola iloko ona, a ola ae la ia, oni, hele a hana aku la elike me ke alakai ana a na kanawai i hoopaaia iloko ona e kona mea nana i hana. .0 lehova, ke Akua, oia ke kumua'o a na kanaka pena, a kalai kii apau o ke ao nei. Aka, e o'u mau hoaloha, o ka ike maka ka mea nana e hoopau i ko olua kanaiua. Aka, i ka hoea ana mai o ke keiki a ke Akua i ka honua nei, a kanu ia kona kino materia iloko o ka honua materia i loaa mai ai kona kino, moe kela kii iloko o ka opu o ka honua, a i

ke 3 o ka la, hoala hou ia keia kii hoano mai ka opu mai o ka honua, wawahi ia na kaulahao o ka make, a ikea hou ia kela kii iloko o kona nani apau, e oni ana, e hele ana, e ai ana, a e kamailio ana; a ma ka wa i hoikeia aku ai keia ala hou ana mai o ua keiki la a ke Akua mai ka make mai, imua o kekahi o kona mau hoapili, hoahele, 'noa-ai-pu, a ma kahi olelo ana hoi, he haumana hoi ia nana, aia hoi, olelo mai la ka uhane haiki iloko ona, aole oia e manao, ua ala mai ke kii i make mailoko mai o ka hale-paahao o ka luakupapau. Aka, aia kona manaoio ia mea, ma ka ike maka. Ke ahewa nei kakou ia Toma no kona kuihe a kanalua ana, aka. ua like no ia me na hana a ka hapa nui o ke ao nei e hana nei. Nolaila, e hoonee aku ana au ia olua maluna o ka ike maka." I kela wa, puka mai la maua, me ka hoohauoli nui ia o ko maua mau noonoo no na olelo akamai a noeau a ua hoaloha pena kii nei a maua. No'u iho, o ka'u kanaka mua loa keia i lohe ai, e olelo ana o ke Akua, Nana i hana na mea apau, Oia ka paterona (kumu alakai) a ka poe pena kii a kalai kii 0 ke ao nei. Alakai mai la ia ia maua a hiki ma ka puka, ia wa oia i pane mai ai ia maua: "Au revoir, madame! A demain, Mademoiselle!" (Aloha oe, e maelame, Apopo, e Miss!) Ia maua i hoi mai ai, olelo mai la ko'u hoa ia'u: "Ea, aole anei ou manao, he keu kela a ke keonimana opio kupaianaha? He ano anela kekahi ano ona ma ka'u nana aku, a he ano eepa paha hoi kekahi; a i ole, ua awiliwiii like no keia mau mea elua iloko ona." "Manao au," wahi a'u i pane aku ai i ko'u hoa, "he kanaka opio kupaianaha keia. O keia ke ano kanaka i kapaia e na holona, he poe kamehai, ma ka wa e hiki ole ai i na kanaka ke hoomaopopo i ke ano nanenane o na olelo ana a keia poe. Oiai, e ohi ana keia poe i ka lakou mau huaolelo -e kamailio mai ai, mailoko mai o na hookaau ana a ka mea haku mele, a mailoko mai hoi o na moolelo Baibala. He mea oiaio nae, aole ia i like me na kanaka e ae a.kaua i ike ai." : "Ae," wahi a ko'u hoa i pane mai ai. "O kekahi mea hoi a'u i pahaohao loa ai, oia kona hiki ana e ike mai i ka mea a ko'u noonoo e upu ana. Ke hoomaopopo la no paha oe i kela wa a'u i nana mai ai ia oe?" "Ae," wahi a'u i pane aku ai i ua hoa nei o'u. "Ae. E noonoo ana au ia wa me ka hoohuoi nui ana no ka hoaloha pena kii o kaua. E manao ana no au iaia, he pupule a he hehena no ke ano o kana mau olelo i kamailio' mai ai no kana mau olelo i kamailio mai ai no ka hana i kou kii, a ola, a hele, a ai i ka ai, akaaka elike me ke kanaka, a pela wale aku. He lapuwale haalele loa kela mau ano olelo ia'u. He pupule ka hoa elike ai. Eia nae, ua ike mai la ia i ka'u noonoo ana pela, a kamailio mai ai oia no ke Akua ano lesu nohoi. O kekahi, aole o'u makemake na keia kanaka e pena 1 ko'u kii, ina no oia e nonoi mai ia'u e hana wale oia ia mea me ka uku ole." "Kai no paha he hoaloha oia nou ame Mr. Everard?" "He hoaloha io nohoi paha oia no maua, a nou nohoi; aka, ua ano e mai la ko'u noonoo no ke ano e loa o leana mau kamailio. He mea maopopo loa, ua olalauia ka noonoo o ka hoaloha pena kii 0 kakou. O kekahi olelo a'u i hoohuoi nui ai i kana pane ana mai, oia keia: "Aia ma kou helehelena, ke ike aku nei au i kekahi uhane e kiei mai ana me ka ulumahiehie." Ea, he kupanaha, he mea ikeia no ka ka uhane? O keia paha ke ano kanaka a'ū i lohe wale ai, he poe ninau uhane. Me he mea la o ka lua iho la keia o na kanaka a'u i lohe ai e kamailio ana ma na mea pili i ka uhane o ke kanaka." Aole au i pane aku i kuu hoaloha, no keia mau huaolelo ana i kamailio mai ai ia'u. Ma ia po iho, he keu ko'u hauoli. He po nani ia a pomaikai i loaa ia'u. Aohe au i ike wahi eha iki maluna o ko'u kino. Ua pau loa ka eha mai a'u aku. Maikai ko'u hiamoe ana ia po, a ao. A o ke ano nui o ka moeuhane i loaa ia'u, oia ko'u ike ana aku ia Celleni, ke kanaka pena kii kamahao, ame ke kii oka "Anela o ke Ola." Me he mea la ma ka'u ike aku i ua "Anela la o ke Ola," e aka maoli mai ana no ia ia'u, a ua piha loa ia ko'u noonoo i ka hauoli. Ke hele aku la e wela ka hao. I keia pule ae, ikeia ka "Apu Laau Kupaianaha" i hoohainuia ai ka lede opio e ke kanaka pena kii. (Aole i pau.)

Ma ka Poalua nei, i ka holo ana aku o kekahi kaa hapaumi ma ka ihona aku o Kaopuona, ua pakele kekahi kaa-pio Pake mai weluwelu liilii i ke kaa hapaumi, i ole wale no ke kalaiwa o ke kaa hapaumi e kaohi koke i kona kaa me ka hikiwawe loa. E holo mai ana ke kaa Pake mauka mai, a makai aku nei hoi ke kaa hapaumi. Ua kahea mai nei ka Aha Kuhina e akoakoa na ipoe o ka Papa Kalepa o Honolulu nei no ka noonoo ana no ka Hawaii nei mea e hoouna ai i Parisa no ko laila hoikeike nui i keia makahiki ae.