Ka Nupepa Kuokoa, Volume XXXVIII, Number 41, 13 October 1899 — HAUOLI IUBILE. [ARTICLE]

HAUOLI IUBILE.

(Mai ka Nupepa "Ka . Elele Hawaii" mai. Ua hoomanao ae na haku ame na paahana b ka Hui o Hakapila Ma, he paina luau Hawaii i ka Poakahi nei ma Waiakea, a i ka po ana iho hoi no na makamaka haole ma ka Hotele Hilo, he hauoli piha lukile o ke ku ana oia hui ma ka Pae Aina Hawaii nei. Ua nul no na poe i konoia i hiki ae. a he maiuhia na mea apau. Ma ka Hotele ia po, malaila ae ka hana puhiohe Hilo kahi i hoonanea ai me ka lakou mau hokeo kani. Mamuli o ka piha ana iho la o ke kanalima o na makahiki o ka hui, ua haawi makana aku la ka Hui o Hakapila Ma ma o ko lakou Luna Hoohana Nui la George Rodeik, he $500 i ka Halema'i o Hilo nei, he $250 i ka Hale Heluhelu Buke Hilō, a he $250 no hoi i ke Kula (Kindergarten) o na Keiki Liilii. Ua apo lokahiia mai keia mau makana hiwahiwa me na hoomaikai ana he nui i pahola ia mai. E uhai ia keia hui e na pomaikai he nui o keia mua aku.