Ka Nupepa Kuokoa, Volume XXXVIII, Number 42, 20 October 1899 — HOOKUUIA O W. H. PAIN. [ARTICLE]

HOOKUUIA O W. H. PAIN.

Ma ka auwina la Poalima nei i hooloheia ai imua o Lunakanawai Pere, ke noi a ka aoao hoopii ma ka hihia a T. S. Southwick kue i ka Hui Hawaiian Tramways, no ka hoowahawaha i ke kauoha a ka Aha. O na Loio ma ka aoao hoopii, oia no o Kini, Ballou ame McClanahan, ame Castle'ame Weaver ame L. A. Kakina. Ma ka aoao hoopiiia hoi, o Paul Neumann ame F. M. Hatch. Mahope iho o ko Lunakanawai Pere hoolohe ana i ka olelo hoike a Mr. Pain, ka mea i hoopiiia, mahope iho o kona. hoohikiia ana, ua hoopuka mai la ka Aha i ka olelo hooholo, e hookuu ana i ka mea hoopiiia, oia o Mr. Pain, me ke kauoha ikaika ana mai hoi iaia, aole ia e lawelawe hana hou aku, ma ke alahao e hoohanaia nei i keia wa e ia, a malalo hoi o kana kauoha.