Ka Nupepa Kuokoa, Volume XXXVIII, Number 42, 20 October 1899 — Untitled [ARTICLE]

Ma ko makou pepa o keia pule i hoea aku ai kakou i ka hopena o na "Pano no na Ninau Pili Aupuni" a ka Nupepa "Call," elike me ia i hoikeia e ka ko keia puka ana. 0 ke kumu nui o ko makou haawi ana he wahi mahuahua o ka makou pepa no keia ir?u pane (e koe ana hoi na pane a kekahi poe o makou i ike ai he lahilahi a lie mama loa ko lakou kamaainaia ana mawaena o ka lahui Hawaii nei) i mea no ia e ike lea ai, me ka maopopo pono, na kanaka Hawaii i na manao hoike a kekahi mau keiki "Mikanele" no ka mea e pili ana i ka pono koho balota no na kanaka Hawaii. Ua ikeia o na pane apau a keia poe i oleloia he poe "Mikanele," elike me Lunakanawai Frear, W. 0. Kamika, P. C. Jones, Rev. Sereno E. Bishop, W. R. Kakela, W. N. Limaikaika, W. H. Wini, Kauka Emekona ame Alani (W. F. Allen), aia no ia ma ka auwaha hookahi, e aeia no e loaa ka Pono Koho Balota i na Kanaka Hawaii. Aia nae ma ke ano e haawiia ai keia Pono Makamae i ke Kanaka Hawaii, ua mahaehae iki ko lakou noonoo ana ma ia mea. Ua' manao kekahi poe o lakou, he mea pono- ke loaa keia "Pomaikai Kivila" i na kanaka Hawaii, mamuli wale no o ka loaa ana ia lakou o ka ike ame ke akamai ma ke kamailio ame ke kakau ana i ka Olelo Beritania; a o kekahi poe hoi. aia ma ke ana waiwai e pono ai ke loaa;' aka, ma ka manao nui. ua ae lokahi keia poe "Mikanele" apau e loaa no ka Pono Koho Balota i na kanaka Hawaii. E hoolohe ia Lunakanawai Frear, ina nae hoi. e oieloia ana ia he "Mikanele." ma ka mea e pili ana i keia Pono Koho Balota. Eia kana pane: "E hookuponoia ka loaa ana o ka pono koho balota, mamuli o ka Ike ame ka Naauao." Eia hoi ka ia keiki Mikanele o AV. 0. Kamika: "Manao au, malalo o na kulana maoli j e lui nei i keia wa, ma keia mau moku-1 puni, o ka hoolilo ana i ka Waiwai ame ka Naauao i mau ana hookupono e . loaa ai ke kuleana koho balota, ua ponō ia * * * E haawi like ia no ia j Pono i na makaainana Hawaii i keiaj wa, ame na makaainana Amerika." j Eia iho ka ia "Mikanele," o P. C.j Jones ka inoa: j "Apono au i ka haawi ana i kela ame keia kanaka Hawaii maoli i ka Pono Koho Balota. E pono e loaa ia lakou na Pono apau i liaawiia i na poe e ae." A mai poina hoi i ka Rev. S. E. Bihopa mau olelo, kekahi o na "welo Mikanele" i hoino nui ia: "0 na kane apau i hanauia ma Hawaii nei. mai loko mai o kela ame keia lahui, e pono no $ loaa ka Pono Koho Balota, mamuli nohoi o na kumu alakai i loaa ai ia Pono i na ilikeokeo." Ua like no ko Kakela manao me ko keia poe ae la; pela nohoi ko Limaikaika e noho nei i Lunahooponopono no ka nupepa P. C. Advertiser. Ua kakoo ia nohoi keia mau manao o na keiki a welo a na "Mikanele" e na manao o kekahi poe e ae, elike me Paul Neumann, J. M, Horner, Henry Smith, amo kekahi poe e ae. Ina e nele ana na Hawaii i ka pono koho balota ma keia mua aku, alaila, ua hanaia kela hoonele ana mai i na Hawaii maoli i keia Pono Koho Balota, ma ke ano kue loa i ka makemake o na "welo mikanele" i hoikeia ae la. A he ahewa kuhihewa auanei ke lele kamoko wale aku ka poe ahewa "Mikanele a kuhikuhi ae na ua poe "Milkanele" nei ke kumu o ka loaa ole ana mai o keia Pono i na Hawaii. Ma keia mau mea a makou i hoike aku nei, e maopopo- ai, owai la ka poe i ku ma-ka aoao.o ka haawi ana i ka Pono Koho Balota i na Kanaka Hawaii; a owai hoi ka poe i kokua ole ia lakou no ia Pono?