Ka Nupepa Kuokoa, Volume XXXVIII, Number 42, 20 October 1899 — KA MAKUA KAUKA HAI. [ARTICLE]

KA MAKUA KAUKA HAI.

Aole paha hookahi hoahanau iloleo o na Ekalesia Hawaii, mai ka mokupuni mai o Hawaii a hoea i ka mokupuni o Kauai, i nele ole ka ike , a i ole ia, o ka lohe ana i ka inoa o "Kauka Hai," Kumuao o ke Kula Kahunapule o ka Pakipika Akau. Ua piha na Kula Sabati o Hawaii nei i kona inoa; a ua lilo kona inoa i mea pulama nui ia e na Kula Sabati, oiai, oia no ke kumuwai e hoopiha mau ana i na kiaha aapu huihui o ka wai o ke ola, mailoko mai 0 ka Olelo a ke Akua, a e halihaliia ana hoi e kahi Kauwa hoomanawanui nona ka inoa o "Hoahana." He oiaio, ua la kona Hoahana a paaua pu ma kela aoao o keia ola ana, ua hoomaha oia, aka, o kona mau hua i lulu ai nQ ka Pono o lesu, ma na kieke o Hoahana leo ole, ka mea i maalo aku iwaena o na Kahu Ekalesia, na lioahanau, na kumu ame na haumana o na Kula Sabati Hawaii ke mau loa nei ia mau mea. — O na hana ana i na haawina Kula Sabati, oia no ka hana i paauaia ai e ka Makua Laiana a hiki i kona hina ana iloko o ka palupalu o kona kino. Pela no o Kauka Hai i ukali aku ai ma kona meheu, ma ia kihapai hookahi no, a hoea mai la kona hopena, a kuu aku la ka luhi. "Aole oia i hooki iki i kona kakau ana i na haawina o Ka Hoahana," wahi a kana wahine i pane mai ai imua o na Rev. Timoteo, Ezera ame Kivini, ia lakou i halawai pu ai me laua ma Ware. He wa no ia e nawaliwaii ana kona kino. A ke hoomanao iho i na olelo a Rev. Ezera i hoike mai ai ma ka hapa hope o kana palapala, ma ka pepa o keia la, e ike ia ana keia leo uwe o ka uhane aloha makua: "Ke manao nei no wau, aole oukou (na Kahu Ekalesia Hawaii. L. H.) i poina nona, aka, ke hele aku nei kona mau la e komo i ka malu o ka po, oiai, ua ikaika loa ka ma'i maloko o kona kino; aole nae oia i poina ik Hawaii, a ke noi nei au e haawi i ko oukou leo pule i ka Mea Kiekie Loa." 0 kekahi wahi hana lokomaikai ana 1 hana ai no ka pono o ka olelo makuahine o ka aina i lilo i makuahine hookama nona, oia ka "Buke Piliolelo ana i hana ai, a i paiia ai hoi ma ko makou nei keena pai. He buke keia e hoakaka ana i na loina alakai no ke kamailio ame ke kakau ana i ka Olelo Hawaii me ka pololei.

He kanaka oia i piha uie na haawina oiaio o ka haipule, a he kauwa kupaa hoi na ka Haku lesu. Ua lilo ke Kula Kahunapule e ku nei i keia wa, i Kia Hoomanao poina ole no ka ikaika o kana hapai a hooholomua ana i ka ike "Tiologia" mawaena o keia laliui. O na kahunapule Hawaii e hoopiha mai nei i Ua hapanui o na Ekalesia Hawaii, he mau lamaku lakou e hoike ana ma keia Pae Aina i ka malamaiama i loaa i lakou. mai na hooponopono ana aku a Kauka Hai, mailoko aku o ka olelo a ke Akua. i malamalama ai o Hawaii Hou a o Hawaii Opio hoi. 0 ka poe opio apau e ike ana ia mau malamalama, a hahai ma ke alahele a lakou e alkai aku ai, aole auanei e ili ko lakou mau auwaa uhane ma na pukoa ame 11 a lae-aa o ka poino ma na hana pepehi uhane o ko keia ao. Aole hoi e miloia lakou iloko o na lua mimilo o ka poino mau loa. Ua kamaaina makou ia Kauka. He makua oluolu, a he keonimana. oiaio ma na ano apau. He kanaka naauao, he kumu alakai akahele, ame ka hoomnawanui. Ae—ua kuu kona luhi, ua pau kona Hoahana ana me na Hoahana Karistiano apau o Hawaii ma ke Aupuni o lesu. "E inoe oe i ka moe o ka maluhia."