Ka Nupepa Kuokoa, Volume XXXVIII, Number 43, 27 October 1899 — Hoopii Koi Poho Koikoi. [ARTICLE]

Hoopii Koi Poho Koikoi.

L'a hoopii ae uei o Wong Chan Akana. oia hoi o Akana Kalauki. imua o ka Aha Kaapuni o Oahu nei ia John F. Colburn (Keoni Kolohauai no ka huina poho o $21,000. l'a koi o Akana Kalauki e pono e loaa iaia na dala he $10,000 mai ka mea hoopiiia mai, oiai wahi a ka olelo hoopii. nia ka la lt> o keia malama io Okatoba nei) ua komo aku la ka mea hoopiiia iloko o ka halekuai ame ka hale noho o ka mea hoopii ma ke kihi o na Alanui Moi ame Alakea, me ka lima ikaika, a kipaku aku la me ka lima ikaika i ka mea hoopii ame kana wahine, a pela pu hoi me ka poe e hana ana malalo ona ma ia wahi, a papani ae la i na puka o ua liale la, me ke ki ana a paa, u hoopaaia aku 1 a maloko o ua hale la na pono aahu ame na waiwai e ae o ka mea hoopii, a no ia mea ua loaa iaia ke poho o $10,000. He huina hoi kekahi o $5,000 i koiia e ka mea hoopii, no ka hanaino ia ana o ke kino o ka mea hoopii, ma kona hopuia ana aku a kulaiia ilalo. me ka lima ikaika, a ua hoehaia kona kino ame kona mānao: He huina hou kekahi o $5,000 i koiia e ka mea hoopii, no ke kipaku ino ia ana o ka wahine a ka mea hoopii. me ka iima ikaika, mai loko aku o ka hale, a ma ka manawa nohoi e ma'i ana ua wahine la, a ua noho hoi kela wahine "ma'i" me kahi aahu lawa pono ole no kekahi wa loihi loa ma ke alo iho o ka hale i kipakuia aku ai oia mai loko akn. He liuina hoi kekahi o $1,000 i koiia aku. mamuli o ko ka mea hoopiiia paniku ana a paa na waiwai kaiepa hua ai a ka mea hoopii, he mau waiwai palolio wale hoi ia, a pela me na waiwai mea ai eae aka mea hoopii. l'a hoopoinoia hoi kekahi o keia nuiu waiwai, a ua lilo i mea ole, mamuli o ka liana a ka mea hoopiiia.