Ka Nupepa Kuokoa, Volume XXXVIII, Number 43, 27 October 1899 — KO KE AO NEI Na Kaua ame na Lono no na Kaua. Lapalapa ke Ahi o ke Kaua ma Aferika HONENE NA AUPUNI O KE AO NEI. [ARTICLE]

KO KE AO NEI

Na Kaua ame na Lono no na Kaua.

Lapalapa ke Ahi o ke Kaua ma Aferika

HONENE NA AUPUNI O KE AO NEI.

Ma ke ku ana mai nei o ka mokuahi Australia ma ke kakahiaka Poakolu nei i loaa mai ai ia makou na mea hou ano nui loa mai "na kukulu mai o Kahiki," a e hoike ana kekahi o ia mau lono i ka olapa ana o ke ahi o ke kaua ma Aferika Hema, mawaena o Enelani ame kahi Repubalika o Transvaal, a pela nohoi me kekahi mau» lono ano nui e ae a puni ke ao nei. A no ka pomaikai hoi o ko makou poe heluhelu ke hoolaha aku nei makou i na nuhou ano nui i waeia niai e makou mailoko mai o na nupepa o ko na aina e. ONI NA PELEKANE 0 MAFEKING MALUNA O KE KAA-AHI. LADANA, Okatoba 17—0 ka lono mua loa i loaa mai no ka puoho ana o ke ahi o ke kaua, mai Pretoria mai, i hoounaia mai ma ka la 14 aku nei, oia keia: Ua loaa mai ka lono ma o kekahi kanaka hali maluna o ke kaa hehihehi wawae, i hoounaia mai ai mai Ottoshoep mai, e kokoke ana i Malmani, ma ka hora 6, e hooia ana i hooukaia he kaua hahana loa ma ka akau o Mafeking. Aia na koa Beritania maluna o kekahi kaa-ahi pale kila, a oia ka puali kiai no ka poe eniginia e hana ana i ke alahao. Aia he pu-wili maluna o ke kaa-ahi, a e noke mau ana keia pu i ke kani panai i na wa apau imua 0 na enemi. Ua hoike na aoao elua i ke koa ame ka wiwo ole ma keia hoouka kaua ana, aka, ua ikeia nae, ua lilo i mea waiwai ole na kipu raifela ana a na poe Bua maluna o ke kaa-ahi pale kila a na koa Pelekane e noho ana. He oiaio nae, ua kuemi hope mai ke kaa-ahi ma kekahi onou kaua oolea loa a na Bua 1 hoonee mai ai, aka, aole i liuliu ua hoeā hou mai la ua kaa-ahi la no mua, me ka ukaliia ana e kekahi mahele koa Pelekane maluna o na lio, a hoomaka hou ke kaua me ke oolea loa. Hoomauia no ke kaua, a mau no ka oni paa ana o na Bua ma ko lakou mau kulana me ka maikai. He umikumamalua paha poe Bua i make, aole i maopopo ka nui o ka poino ma ka aoao o na Pelekane. Ua loheia ka ikaika lua ole o na kipu ana a na aoao elua ma ka hema o Mafeking, kahi e paahana ana ka mahele koa malalo o Kenerala Cronje. Ua manao loa ia e ala mai ana he hoouka kaua hahana loa ma kahi kokoke i Ladysmith. O na koa o Alihikaua Piet Vysaia ke hoomoana la maluna o kekahi mauna e kiei aku ana ia Dundee, a mai kela kiekiena aku e hiki ai lakou ke ike mai i na nee ana a na koa Pelekane.

CAPE TOWN, Okatoba 17.—E hoike ana kekahi lono kuikawa mai Mafeking mai, ua palekana no ia wahi a hoea wale mai ka po Poaono aku nei. Ma ia wa i hoea mai ai ka puali pukaa o na Bua, eia nae, aoie i loaa ke kulana e hoohanaia mai ai ua mau pu la. E hoike ana nohoi keia mau lono, ua hoopahuia ae la e na Pelekane ka uwapo alahao kaa-ahi o Hope Town e moe ana maluna o ka muliwai Alani, i mea e keakeaia aku ai ka nee hema ana aku o na Bua. PRETORIA, Okatdba 15.—Ua loaa msi he lono i ke Aupuni, le hoomauia la no ka nee ana o ke kaua ma ka akau o Mafeking. Ua kuemi hope mai na Pelekane iloko o ke kulanakauhale, a mahope nee hou aku la lakou no mua, a make aku la he elua mau Bua a he ekolu hoi i hoehaia. Ua hoopuhili nui ia na Bua mamuli o ka loaa ole ana ia lakou o na tukuniahi nunui, a mahope nae loaa mai la ia mau pu ia lakou mai a Kenerala Cronje. LADANA, Okatoba 17— Aia na Bua ke hooikaika la i ko lakou mau kulana ma Natal, a ke kan malie la hoi lakou no ka wa a lakou e lele kaua mai ai. Aia hoi na koa o ke Aupuni Kuokoa o Alani ke manao la e nee i Cape Colony, ma ke alahele aku o Norvalspont ame Aliwalnorth, a he mau wahi keia elua e ku ana i ka pilikia maoli i keia poe, ina he mau pukhniahi ka lakou e nee pu aku ai. Ua hoomaopopoia, oka pualikoa Pelekane wale no i hoonohoia ma Aliwalnorth, he mahele nuku ia o na koa Roiala Berkshire. LADYSMITH, (Natal), Okatoba 17. —Eia na Bua ke hoomaha nei, a ke hoomakaukau nei hoi no ko lakou nee hoopiml ana aku ia Dundee. Aka, aole no nae e loihi loa aku kahi a lakou e nee aku ai a halawai pu aku lakou me na koa kaua lio Pelekane, ka poe na lakou e kiai kuwaho la ke kulanakauhale. Aole no nae i manaoia e hahana ana .ke kaua ma keia wahi ma keia mua aku ,koe wale no kekahi mau kaua ki hakahaka. Ua haalele iho na wahine ame na keiki ia Dundee.

LADANA, Okatoba 17, 3 a. m.—(Lono telegarama kuikawa i ke "Tribune" o Kikako). —Hookahi hoouka kaua nui me elua mau hoouka kihakahaka i ikeia iloko o 24 hora ma na oehu kaua nia Transvaal. He mea maopopo loa, ua hooukala kekahi kaua ikaika loa ma kahi kokoke i Mafekin& aole nae i maopopo loa ka nui o na make ame na

poino ma na aoao elua mamuli o ka maikai ole o na lawe olelo ana a ka uwaaa. O ka lono maopopo i loaa mai. oia ka lele kaua ana aku o na Bua no na manawa ekoiu maluna o ke kuīana'nauhale e kiaiia ana e Konela Baden Powell ame kona poe koa wiwo ole he 600 ka nui. E hoike ana .hoi kekahi lono, ua make 300 poe Bua. a he 18 poe Pelekane. a ma kekahi lono e ae, ua hoemi ia iho na poino o na aoao elua. Ua kukalaia ke Kanawai Koa ma Mafeking, Vryburg. Taungs. Barkly Komohana, Kimberley ame Herbert. Ua papa loa ia ka lehulehu, aole e launa pu a haawi i na ieokua ana i na enemi. Ua loaa mai he lono kuikawa mai Pretoria mai, ua wawahiia ae la e na Bua ke alahao o ītechuanaland ma ka po Poalima, mai Lobatsi a Arvogelkop. E hoike ana ka mea kakau o ka nupepa "Standard" mai Dundee mai, ua loaa mai la i na Bua na pu-kuniahi mai Newcastle mai, a, aia lakoy ke wawahi la i ke alahao o Ingagane i mea e hoea ole mai ai ke kaa-ahi pale kila ma ia wahi. E hoike ana ka mea kakau o ka nupepa "Daily Mail" mai Glencoe mai, ua hoike ae o Kenerala Sir Wiliam Symons, he 3000 wale no ka nui o na poe Bua maluna o na lio ma ka akau aku o Ladysmith, he poe hele wawae. He kulana lapuwale ko na lio o ka poe Bua. KOKUA KA POE GEREMANIA I NA POE BUA. PORT SAID, Okatoba 17.—Eia ka | mokuahi Geremania "Kaiser," i holo mai ai mai Hamburg mai, ke hoolele nei i kona ukana ma ka nuku o ke Alawai o Sueza, he 4,000 ka nui o na pu no ke Aupuni Transvaal. Ua' hanaia keia hana i mea e hiki ole ai i na jno« kukaua Beritania maloko o ke Kai Ula ke hopu pio iho. Ua manaoia e hoihoi hou ia aku «na keia mau lako kaua i Hamburg maluna aku o ka mokuahi Herzog e hoea mai ana no oonei.

Ua hoomakakiuia ka mokuahi "Kaiser" e ka moku kaua Pelekane "Thetis" ma ke Kaiwaenahonua. I keia kakahiaka, komo aku la ka mokukaua "Thetis" ma ke alawai oki. Ua laulaha ae ka lono, he lehulehu loa na Aliikoa Geremania maluna o ka mokuahi "Kaiser" e holo ana no Transvaal. ONI NA LAHUI BASUTOS AME ZULU 0 AFERIKA. LADANA, Okatoba 17.—E hoike ana kekahi lono telegarama mai Ladysmith mai, ua ala ae ka lahui Basutos e kue aku i ke Aupuni Alani Kuokoa a ua manaoia nohoi e lele kaua aku ana o Usibepu, ke Alii o na Zulu."