Ka Nupepa Kuokoa, Volume XXXVIII, Number 43, 27 October 1899 — LILO KE KIAI ANA O NA PONO O NA PELEKANE MA AFERIKA HEMA IA AMERIKA HUIPUIA. [ARTICLE]

LILO KE KIAI ANA O NA PONO O NA PELEKANE MA AFERIKA HEMA IA AMERIKA HUIPUIA.

WASINETONA. Oct. 13—Ua hoikeia mai la ka lohe 1 ke Keena Kuhina, ma keia la ihe la, i ka haalele ana aku o Coningham Greene ia Pretoria, ke Kanikela Beritania ma ka Repubalika o Aferika Hema; a ua hoike pu ia mai nohoi ke kulana kaua mawaena o Beritania Nul ame ka Repubalika. Nolaila, ua haawiia aku ke kauoha pili Aupuni ia Mr. Macrum, ke Kanikela Amerika, nana e kiai a e malama i na pono o na Beritania malaila, oiai e kaua ana na Aupuni elua. Ua loaa mai keia lono i ke Keena Kuhina mai a Mr. Tower mai, ma o kekahi palapala 'la i kakauia mai. Ua aponoia na mea apau e pili ana i ka haawiia ana o ka malamaia ana o na pono Beritania i ke Kanikela Amerika. MAKAUKAU 0 KENERALA PILAR E HAAWI PIO KB liO AA WAHI DALA AKU.

MAKILA. Okatoba IS.. S:sō a. m. — Ua loaa mai ia Kenera!a Otis he mau pa2apa!a mai a Kenerala Pio de! Pilar mai. e hoike ana, ua makaukau oia e kuai mai i ka pualikaua inalalo ona. a haawi pio pu mai hoi i ua poe koa la i ca Amerika. Aole nae i maopopo ia Kenera!a Otis ka oiaio o keia kulana "oloheo" o ua Kenerala Pilipino nei. Maloko nohoi o ua palapala la, i oleloia na Kenerala Pilar, ua koi mai oia i $50,000 i ole ai oia e lele kaua mai maluna o ke kulanakauhale o Manila me kona poe koa; ina hoi e loaa aku iaia he $250,000, alaila, e haawi pio mai no ia i kona pualikoa, mahope iho o kekahi hoouka kaua "hoomeamea" wale no, oia hoi, e ki na pu a na aoao elua i ka lewa, alaila, haawi pio mai na Pilipino; a ina hoi e loaa aku iaia he $500,000, ua hiki iaia ke hookahuli koke i ke Aupuni Pilipino, a topu hoi a paa pio o Aguinaldo, Paterno ame kekahi poe alakai e ae. He mau olelo hoinoino a maikai ole kana o ke kamailio ana mai no Aguinaldo.