Ka Nupepa Kuokoa, Volume XXXVIII, Number 45, 10 November 1899 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

I keia la i hookohuia aku ai keia poe keonimana mahope ae nei i poe Agena Haawi Laikini Mare, oia hoi:

Me. Bishop Pahia, no ka Apana o Koolaupoko, Mokupuni o Oahu.

Mr. Geo Kamaka, no ka Apana o Koolauloa =, Mokupani o Oahu.

ALEX YOUNG,

Kuhina Kalaiaina.

Keena Kalaiaaina, Okatoba 28, 1899

2780-3t

 

Ikeia la  i hookchuia aku aio F.C. Eaton, Esq., i Agena Haawi Laikini Mare no ka Apana o Hilo, Mokupuni o Hawaii.

ALEX YOUNG,

Kuhina Kalaiaina.

Keena Kalaiaina, Okatoba 28, 1899.

2780-3t.

KaUwea Olelo Moe Moana no Ka Pakipika.

Wasintona, Okatoba 26.-Ua hoalaia na noonoo ana i keia wa mawaena o na poai o na luna aupuni, kuwaho ame kuloko nohoi, noka ninau e pili ana i ka hoohuiia ana aku o keiaaina nei me na pae aina o Pilepine ame kekahi mau wahi e ae mawaho ae oia mau mokupuna, a ua hoomaopopoia hoieia keia Aupuni ame na aupuni nui i manaoia e komo ana iloko o keia hana, ke noonoo nei i keia wa no keia kumuhana.

Eia na luna aupuni o onei nei ke hoomakaukau nei, a ke houluulu nei i na palapala aina moana i mea e hiki ai ke waihoia aku imua o ka Ahaolelo e noho maiana ma keia kau ae. Make ano nui i hoomaopopoia, eia ke ala hele akeia uwea e noe aku ai: Mai Kapalakiko ako a hoea i hawaii, 2,160 mile; mai Hawaii aku a i Wake Ailana he 2,044 mile; mai wake Ailana aku a i Guama, 1,293 mile; mai Guama aku a i a Manila, 1,250 mile.

O keia mau wahi apau e pae aku ai ka uwea olelo, aia wale no lakou apau maloko o na wahi i  noha mana ai o Amerika Huipuia nei. Aole i liuliu loa ae nei ka wa i hala, i hukiia ai ko kakou haema Wake Ailana. Ma keia holo ana a ka uwea oielo, ua hoohuiia na aina apau i kuleana ai o Amerika maloko o ka Moana Pakipika, e kekahi laina uwea olelo i a'e ole aku maluna o kekahi aina malalo o kekahi mana aupuni e aku. Mawaho ae hoi o keia mauwahi, ua manaoia e hoea loa aku ana na palena hope o keia uwea i Asia ponoi, make komohana a ma ka hikina.

E holo ana kekahi welau o keia uwea mai Manala aku a hoea i ka Mokupuni o Formosa e noho mana nei o Iapana, kahi hoi a Iapana i kukulu ai he uwea olelo mai laila aki a hoea i Iapana ponoi, a huli komohana ae la nohoi a hoea i ka Mokupuni o Fanning, kahi hoi i manaoia ai , oia kahi e hekau aku ai ka uwea Pelekane e manaoia nei e holo ae ana mai Vanakoua ae a hoea i au wahi mokupuni la, a hala loa aka hoi i Nu Kilani.

O keia hana e laweia aku ana, aole iana kekahi hui, aka, na ke Aupuni ana no Mamuli o ko ke Aupuni hana ana aku i keia hana, ua kapaeia aku na auhau kiekie a na hui kuikawa e lawelawe nei ia hana i keia wa, a he mea auanei ia e hoomahuahuaia aku ai ka holomua o ka oihana kalepa maloko o ka Paki pika, ae loaa ana hoi i ke Aupuni je loaa makahiki mahuahua.

O na Aupunio ko na Aina E i manaoia e koma pumai ana ma keia hana, oia no o Rusia, Iapana ame Beritania Nui. A he mea oiaio eia lakou ke hoike mai nei i ko lakou mau noonoo ana no keia kumuhana a ke Aupuni e manao nei e hana aku, a ua oleloia ae nohoi, he lehulehu loa na poe ku waho i  ninaninau mai i ke Aupuni no kana mea e hana aku ai ma keia, alahele.

 

Heike Nui o na Kula S@bato o Maui Hikina.

Ke hoikeia aku nei ka lohe i na Kula Sabati apau o  Maui Hikina, mai ka Waikau o Kaupo, e malamaia ana ko kakou hoike hui ma ke Sabati, la 24 o Dekemaba, M. H. 1899, maloko o ka Luakini o Wananalua, Hana. Ke makemakeia nei na Kula Sabati apau o Maui Hikina e akoakoa mai ma ia la me ka manao o ka lokahi e hapai pu ana i ka hae o ka lanakia no ka pono o ko kakou Haku lesu Karisto.

E loaa no na Haa wina maka Buke "Ka Hoahana." No ke Kula Sabati o Kaupo, haawina mai Ianuari a Maraki; Kula Sabati o Kipahulu, haawina mai Aperila a Iune; Keia Sabati o Hana, haawina mai Iulai a Sepatemaba; Kula Sabati o Keanae, haawina mai Okatoba a Dekemeba.

Ke paipai pu ia aku nei na Kahu Kula Sabti Apana apau e liuliu a hoomakaukau i ko lakou mau Kula Sabati no ka hoonee ana mai e akoakoa pu kakou ma kahi i kauoha ia.

Me ke aloha nui ia oukou,

Jas. H. S. Kaleo,

Kahu Kula Sabati Nui o Maui Hikina.

Hana, Maui Novemaba 3, 1899.

 

Mamua aku o ka Hoea ana mai o ka Naanao.

Mamua aku o ka lohe ana, ao ka moehane ana hoi o ke kana ka i hoonaauaoia, e hooia ana no ka AILA ILIKINI KIKAPU i na palapu, a e hooluolu ana, a e hoola ana hoi i na eha ame na hu'i o ke kanaka ili ulaula. Mamua o ko ke kanaka naauao lohe ana ia mea, e malama mau ana keia laau i na kana oiwi o ka aina iloko o ke ola kina maikai. A mai ka wa hoi i ike ai ke kana ka naauao ia mea, ua nui launa ole mai na ma'i i hoolaia e ia laau. Aohe laau e ae i like ka nui o na mea i hoolaia e ia elike me keia laau, nokamea o ka AILA ILIKINI KIKAPU, he laau ia no ka ouli hanau , a ke ku nei ia mana hanau e kakoo i kana mau hana ana. Aia no keia laau i kou mea kuai laau lapaau, a e loaa ana nohoi ia oe ke kii aku. E koi aku oe e loaa mai ia oe ka AILA ILIKINI KIKAPU oiaio loa. HOBRON DRUG CO., na Agena no ka Hui Laau Kikapu 

He mau la helu wale no koe, a hehi pono aku kakou i ka wa e hone hou ai kakou i ke kumu no o ka hana; a malia i keia hone ana a kakou, pau kuhi hewa mana aoao apau.

 

KUU ALOHA! PEHEA AU?

He Moolelo Walohi@, i @@@hiia e Hoolaleakauakukalakhale ka

mea @a@a i @@@hi "KE ALOHA O KUU MAKUA@@NE," "Ke Aloha o Ka'a Mea i Aloha Ai."

 

"Aole, aole oe e hele aku," wahi a ke Duke-wahine i pane mai ai. "Ehoolohe mai oe, aole i pau ka'u mea i ma kemake ai e hoi ke aku imua oi. Ua ike no oe, oia ka rumi o kuu keiki maka eheu komohana; a ma ia wahi kokoke nohoi i pili aku ai kona rumi huli palapala, kona rumi komo kapa ame ka rumi auau, a e hele aku ana nohoi o Sidonia ilaila malaio o ka'u kauoha."

Ua hele ae la ka hele helena o Miss Winta i keia wa, a aiai pu, a e ikeia aku ana ka haaluia ana o kona kino.

Ia wa pane mai la no ke Duke-wahine me ka menemene ole mai, a aloha ole mai nohoi i ke kaikamahine opio e noho aku ana imua ona me na kuluwaumaka o ka ehaeha e hiolo ana makona mau papalina:

" I kela pule aku nei ua hoouna aku la au ia Sodinia @ hele aku i ka rumi o kuu keiki ma ko kakahiaka nui loa. A i kona hoi ana mai, au lawe mai la oia i keia hainaka i hoopaaia ai kou inoa.Ua loaa keia hainaka mawaena ponoi o ka rumi, wahi a Sidonia i hai mai ai ia'u. E hai aku nohoi auia oe, malaila no au i ka po nei, aole nae au i ike i keia hainaka, mehe mea la ua hoea paha oe ilaila ma hope o kuu hoi ana mae. Nolaila, ke ninau aku nei au ia oe, pehea la i hoea ai kou hainaka maloko o ka rumi o kuu keiki i keia wa aumoe loa o kapa?"

 

Aole nohoi i pane aku ke kaikamahine opio, alaila, hoomau mai la no ua Duke-wahine nei i ke kamailio ana:

"Ke ike nei au aohe au mea e pane mai ai imua o'u. Ehoolohe hou mai oe ia'u. He elua la mahope mai hele hou aku la no kuu wahine lawelawe i ka rumi palapala o k@@ keiki, malaila i loaa ai iaia keia @@pine, kamea nohoi au i olelo mai nei @ou no keia @pine, a ua ike nohoi o Sidonia i keia lipine maluna ou. E hai aku no hoi au ia oe, owau no kekahi i hoea aku iloko o keia rumi, aole no nae au i @ke i keia owili lipine malaila. He mea maopopo loa nae, mamuli o keia mau mea ou i loaa ai maloko o na rumi o kuu keiki, ua maopopo loa kou hoea ana ilaila. Heaha la kau olelo @oakaka no keia mea?"

Aka, aole no i p@@e aku ke kaikamahine opio i keia mau olelo a ua Duke wahine nei i pane mai ai imua ona, aka o ka mea wale no i ikeia ma kona aoao, oia na waimaka e kiheahea ana ma kona mau papalina.

Me ka Uahoa la@na ole o ua Duke Wahine nei pane hou mai la no ia: " Aohe a'umae e hoike hou aku ai imua ou; aka nae, e hai aku nohoi au ia oe, aole loa e hiki ia'u ke hana i ka hana a kuu kauwa wahine i hana ai ma ka imi ana imea e ahewa loa ia ai oe, aka nae aole hiki iaia ke alo ae mai ka haawi ole ana i na kiai makaala ana i ka pono o kuu keiki, elike nohoi me ka mea a'u i kauoha aku ai iaia. Ua kiai pono loa oiaia oe @ @a ponei, a ua ike oia i kou puka ana mai mailiko mai o ka rumi o kuu keiki. Ua ike oia me kona mau maka e kaakaa ana, aole oia i ike ia oe ma ka moehane, aole. Ua ike pono no oia ia @e he maka no a he maka. Nolaila, ke koi nei au ia oe e hai mai oe ia'u i kekahi mea e hookaa wale ia aw ai keia mau mea apau au i ike mai la me kou mau maka, a lohe mai la hoi me kou p@peiao. Heaha kau hana me kuu keiki maloko o ka rumi huli palapalaona i ka wa i hia moe ai na mea apau o loko nei o ka hale? Ea, e hai mai oe ia'u, pehea la ka loihi o kou noho ana malaila?"

Mena wai maka no e hiolo ana ma na papalina o ua kai kamahine opio nei, puili e la ia i kona mau lima ma kona alo, ame ka leo haalulu i komohia ia hoi e ke aloha, aia hoi pane aku la ia imua o ke Duke-wahine:

' E aloha mai oe ia'u, aohe a'u mea e pane aku ai ia oe."

"Makemake lou au e pane mai oe ia'u. E hai mai oe i ka mea o@aio loa?"

Ua puili ae la ua kai kamahine nei i kona mau maka me kona mau lima, a pane mai la:

"Aohe a'u mea e pane aku ai imua ou e kuu haku. E manaoio mai oe i ka'u mea e hai aku nei ia oe."

I kela wa i hookani ae ai au Duke wahine nei i ka bele kahea, a i ka hoea ana mai o ke kauwa, au haawi koke aku la oia i ke kauoha e hoounaia mai o Sido nia me ka awiwi loa iloko o ka rumi.

He may  minute papa i hall ae aid hop hoe a mai ana au wahine Farani nei iloko o ka rumi a ua Duke-wahine nei e noho ana, a pela pu hoi me Miss Winta. Ma ka wa i komo mai ai au wahine Farani nei, ia wa ia i nana aku ai i ke Duke-wahine a na pu aku la nohoi ia  ia MIss Winta.

"E pani aki oe i ka puka," wahi a ke Duke-wahine i kauoha mai ai i au wahi wahine Farani nei, alaila, huli mai la ia a kamailio mai la iaia:

"Makemake au e hoike mai oe ia'u me ka lohe pu ana hoi o Miss WInta nei i na mea apau au i hoike mai ai ia'u i kakahiaka nei, a pela pu hoi me ka mea au i ike ai.

Ua olino mai la he helehelena hauoli maluna o ua wahine Farani nei, a ia wa oia i kama ilio mai ai i na mea apau  elike no me ka ke Duke-wahine i hoi ke mua mai ai ia Miss WInta. Aka penei nae na mea a ua wahine Farani nei i hoike mai ai:

"Hookahi pule i hala ae nei ua hoouna mai la kou hanohano ia;u e hele aku au i ka rumi o kuu haku opio, a i kuu hele ana aku @@a@la ike kakahiaka nui loa, ike aku la au e waiho mai ana maluna o ka papa@el keia hainaka, a he wahi no nae hoi ia e hiki ole ai ke ikeia aku keia hainaki ina he ano pupuahulu ka nana ana. I kuu lalau ana iho i au hainaka 'a ike iho la au i ka moa o Miss Winta nei maluna o ua hainaka la, a oia no kela hainaka e waiho mai la maluna o ke pakaukau. Elua hoi kakahiaka mahope mai i ko'u hele ana aku i ka rumi holi palapala o kuu haku, elike nohoi me kau kauoha ia'u e kuu haku, ia wa i loaa iho ai ia'u keia lipine. Ua pinepine loa no ko'u wa o ka ike ana i ka nakiia ana o keia lipine ma ka la lauoho o Miss Winta nei. O keia mau mea a i elua ka'u i lawe mai ai imua ou e kuu haku. O kekahi nohoi a'u i hai aku ai ia oe, e kuu haku, oia no kuu ike pono ana ia Miss WInta nei i kekahi po e hele ana mai kona rumi mai a komo iloko o ka rumi o kuu haku opio. Ua hookolo aku au mahope on a me kona ike ole ana mai hoi ia'u. I kona hiki ana ma ka puka o ka rumi huli buke o huu hakuopio ia wa oia i kike aku ai me ke kahi ano i maa oie ia'u i ka lohe ana iaia e hana ana pela, Ua komo aku la keia iloko o ka rumi, a no elua hora okoa i Lohe ai au laua nei e kamailio ana. Me he mea la paha o ka hora 2 ia o ka wanaao i ike aku ai au ia Miss Wina e hoi mai ana mailoko mai o uarumi nei me ka paa ana o kona lima i kekahi ihoiho kukui, a hoi loa aku ia oia iloko o kona rumi. O keia ka'u mau mea i hoike aku ai ia oe e kuu haku i keia kakahiaka."

"ke lohe ae la oe i keia mau olelo apau a Sidonia @ hoike mai la imua o kaua?"

Aole no i pane iki aku o Miss WInta, aka, me he mea la @ae ua oaka ae no kona mau lehelehe a puka aku la na huaolelo mai iaia aku:

"E kuu haku, e aloha mai oe ia'u."

Me ke komo ole ana iho hoi o ke aloha iloko o ke Duke-wahine no na waimaka o ka wahine opio e hiolo ana ma kona mau papalina, pane mai la no ia me ka leo oolea.'

" Aole loa au e ae aku ana i kau o lelo e hoike mai nei ia'u. e aloha aku au ia oe. O ka'u wale no e hoike aku nei imua ou, oia keia: @mua ponoi o keia wahine nana i hoike mai nei i na mea a'u i hai aku nei ia oe, a i hooia ia mai nei hoi e ia, ke ninau aku nei au ia oe, aole anei he oiaio @@@a mau mea apau? Ina no oe e pane mai ana ia'u i hookahi huaolelo, o ka pau no ia. Nolaila, e pane mai ana aneioe?"

Aka, aole no he wahi huaoleho; puai aku mai a Miss Winta aku, a hala hehahi wa loihi, ia wa i haule iho ai o Miss Winta ma kona mau kuli a pane aku la imua o ke Duke-wahine:

"Aohe no a'u mau huaolelo e pane aku ai ia oe, e kuu @aku."

O ka ia nei no ka olelo aohe ana mea e pane aku ai imua o kona haku wahine, me ka hiolo ana nohoi o kona mau waimaka, aka aole nae he maliu mai o ke Duke-wahine i ko ia nei manao, aole nohoi i hoohaliu mai kona aloha iaia nei.

Ia wa pane hou mai la au Duke-wahine nei me ka l@o e hoike mai ana au komo kuhohonu loa ka inaina ame ka huhu iloko ona:

"Ua hai aku mei au ia oe e Nao mi Winta, ua makemake au e hai mai oe iau i ka mea oiaio ioa. Ina no oe e ae mai, oia iho la no; a in a nohoi oe e hoole mai ana, maikai loa. Ua ie no oe, ua pau lele loa kuu naau maluna ou, a ua makemake maoli nohoi au ia oe, a ina oe e hoole mai ana imua ponoi nei o'u, aohe oiaio o keia mau mea apau i hoikeia aku la imua ou, alaila, e haawikoke aku no au i ka'u paulele ana i aoe, aole nohoi au e haawi i wahi lihi o kuu manaoio i na mea a kekahi kauwa i hai mai ai ia'u. Aka hoi, ina hoi e hiki ana ia oe ke hoike mai i mea e kaawale ae ai oe mai keia mea e hoohuoiia aku nei maluna ou, alaila, e hauoli loa ana no au e lohe i kau mau olelo hoike.Ua ike no oe, ua kau lana loa ka'u keiki no kona kulama  hoopono a maemae hoi, a he inoa mai kai nohoi kona mawaena o na mea apau; aka nae, ma ko'u wa i ike ai e@a oia ke halawai malu nei me oe i kapo, ua lilo keia mea i mea no'u nei, kona makuahine e kaumaha loa ai. Nolaila, hookahi a'u huaolelo i koe, oiai keia wahine e ku nei maanei, makemake au e ike i kau mea e pane mai ai imua o'u ame ia. E ae mai ana paha oe, a iole e hoole mai ana paha oe?"

Aka, aole no he ololo e ae i puka aku mai a MIss Winta aku, aka, ua olelo aku la no ia:

"E kuu haku, aohe no a'u mea e hoike aku ai ia oe, aole."

"Ano, " wahi a ke DUke-wahine i pane mai ai i ka wahnie Farani, "Ehaalele mai oe ia loko nei o ka rumi; aka, e maka ala loa nae oe, aole e puka mai kou waha aku kekahi huaolelo e pili ana i na mea i hauaia i ho la maloko nei o keia rumi. E paa loa kou waha."

Me ke ano haaheo pane mai la au wahine Farani nei i ka i ana mai:

"E kuu haku e hilinai loa oe maluna o'u, aohe au e hana aku ana i kekahi hana oia ano. Aole. E paulele mai oe maluna o' unei."

Haalele iho la ua wahi wahine Farani nei ia loko o ka rumi, koe iho la ke Duke-wahine me ka wahine opio.

Ahala kekahi wa o ko laua noho hamau ana ia wa i kamailio mai ai au Duke-wahine nei me ka olelo ana mai:

" He wahi kaikamahine opiopio loa oe i keia wa, aka, pehea la nae i komo ai iloko ou ka manao e hiki ia oe ke mare me kuu keiki. O ka mea hiki wale no ia'u ke hoomaopopo iho no ke ano maoli o keia mea au i hana ai, he hana naaupo haalele loa kau i hana ai. Ea, aole anei oe i hoao e hoowalewale i kuu keiki? Epane mai oe ia'u?"

Aka, elike no me ka mea mau, aole no i pane aku ua wahine opio la, a no ia pane ole ana aku o au wahi kaikamahine la, au hunu loa ke Duke-wahine, a ia wa oia i pane mai ai me ke oolea loa:

Ina aole oe e pane iki mai ana , alaila, e kahea aku no au i kuu keiki a e kumai no ia imua ou, a ma ia wa e ike ai au, ina paha na kuu keiki i hoopulapula i keia hana o ko olua hui pu ana, a i ole, nau ponoino paha e nei wahi kaikamahine mahaoi nui wale. He keu oe a kahi kaiakmahine hilahila ole. O ka paa iho nei ia o kou nuku, aohe wahimea a pane iki mai, me he mea la e ae okoa mai ana no oe imua o'u me ka hilahila ole he wahi kuleana iki kou maluna o kuu keiki. Haakoi maoli no kau hana e hana mai nei ia'u. He keu oe a kahi kaikamahine hookano.

"Aohe no a'u mea e hai aku ai ia oe, e kuu haku, " wahi a Miss Winta i pane aku ai."

"Aole kaauanei a ia nei mea e pane mai ai. Aia anei a ikeia oe e komo ana iloko o ka rumi o kuu keiki i ke au moe, kawa hoi i pauhia ai na mea apau i ka hiamoe, e hiki anei ia oe ke hai mai ia'u i ke kumu o kou hele ana i kahi o kuu keiki e hiamoe ana?"

Me ka uwe ana nohoi pane aku la au kaikamahine opio nei:

"Aole hiki ia'u ke hai aku iaoe, e kuu haku."

"O ke ano wale iho la no keia o kau pane ia'u mai kinohi loa mai nei. A he keu no hoi kou paakiki launa ole mai. Aole ka paha ou uhane noonoo pono a maikai nohoi.Ua ike no oe he aloha au i ka'u keiki. He mea nui loa oia ia'u. Ua oi aku ko'u aloha iaia mamua o na mea apau i lilp i mau mea i punahele loa ia'u. O ka hau oli ia o keia mau la a'u e ola nei i keia wa; nolaila, aole anei hoi oe e aloha mai ana ia'u i kona makuahine? Aole anei hoi oi hoomanao ae ke hou mai nei oe i kuu puuwai me kekahi pahi ehaeha loa?Manao anei oe no kou ui ana a wahine maikai nohoi, he kumu ia nou e hoowalewale ai oe i ka'u keiki. a hoao hoi oe e kaili aki laia mai a'u aku me ke aloha ole?  A in a o kou manao ia ea, alaila, ke hai nei au ia oe me ka oiaio loa, aole loa oe e mare iki ana me kuu keiki. Emauna ana hoi au i kuu waiwai apau i mea e akeakea ia ai kou mare ana me kuu keiki. Aohemana hookahi malalo iho o ka la e hiki e hooko okou makemake haakoi e nei wahi kaikamahine puana, a makua ole hoi. Ua ike no oe, i ole ko makou lawe ana mai ia oe a malama ia oe me makou nei i loaa ai ia oe he wahi inoa maemae ia makou no ka hana maikai a makou i hana aku ai ia oe. E hai hou aku nohoi au ia oe, ua oi aku ko'u hou aku nohou au ia oe, ua oi aku ko'u makemake e ike i kuu keiki e make e ana oia mamua o kona mare ana aku ia oe. Heaha kau wahi loaa e hiki ai i kuu keiki ke mare meoe? O ka wahine inoa ole anel elike meoe, oia iho laka wahine a makou e ae ai e mare aku ai ka makou keiki? Hele pela."

I keia wa i paa ae ai ke kaikamehine opio i kona mau maka me kona mau lima a uwe ae la @a me ka leo nui maoli. He mea oiaio au hoike mai la kela leo uwe i ka ehaena launa ole i loaa i ua kaikamahine la.

Aole no i hookanahaiia mai na noonoo ahiu o ke Duke-wahine, aka, ua hooi loa ia ae la ke oolea o na olelo a ua wahine la i pane mai ai lmua o ke kaikamahine opio:

"Aha, ua maopopo loa ia'u, aole oe i manao io maoli e ae ana kuu keiki e mare me oe, aka, ua makemake oe e hoowalewale i kuu keiki. He mea oiaio ua mannao olua he mau ui olua a i elua a ua kupono kela ame keia o olua na kahi ame kahi; nolaila mano iho la olua ua hiki ia olua ke hana elike me ko olua makemake. Pela io paha; aka, oka'u mea e hai aku nei ia oe, oia keia, ua maopop loa ia'u, aole olua i haule iloko o ka wahi, i ole wale no ko olua ike e ana ia iho nei. Aole anei ou manao pela maoli ka mea oiaio? Ina e olelo mai oe ia'u, oia io maoli iho laka mea oiaio i hanaia e olua, alaila, ua hoomama nui mai oe i kuu naau.":

Alaila, pane aku la ua kaikamahine nei imua o ua Duke-wahine nei, makaolelo ana: 'Oka mea oiaio, aohe a'u mea e pane aku ai imua ou e kuu haku. Oka'u wale no nae e nonoi aku nei ia oe e kuu haku, oia keia, e kala mai oe ia'u, a e aloha mai nohoi. He oiaio, he keiki makua ole io no au elike me kau i hoi ke mai nei la'u. Ina hoi aue kaawale aku ana mai keia wahi aki. aohe o'u home e ae e hele aku ai-aole.

Aohe o'u ohana. a aohe hoi he mau hoaloha mawaho aku o keia kaupoku hale, owau hookahi wale iho no au e noho neima keia ao. Aone makua. aohe hoi ohana. a ole nohoi he poe hoaloha. O oe Ko'a wahi hoaloha, aole nohoi oe he hoaloha    wale   no no'u, aka, he mea he hoaloha. Ua lilo oe i makua no'u. O ka'u wale no e nonoi aku nei ia oe. e kuu haku, e aloha mai oe ia'u. Ua ike nohoi oe he opiopio loa au."

"Ae hoi," wahi a ua Duke-wahine nei i pane mai ai me ka hoomau ana nohoi i ka olelo ana: @he opiopio hoi paha oe wahi au, eia nae, na hiki no nae ia oe ke hoowalewale i kuu keiki. Malia he wahi pohaku maku no oe, aka, aole ia he mea e ole ai ka puu o ko hai lae ke pa pono mai i au wahi pohaku la.

O kou hoopaakiki loa, aole ou hai iki mai ia'u i ka mea oiaio., ka mea i hoolilo ia oe i mea moino loa i kuu noonooana. Ina@a hewa oe, heaha ka hewa ina e hoike pololei mai ana oe la'u ia mea; a in a nohoi aole oe i hewa, e hai mai nohoi oe. Ua oi aku ia mamua o kou huma haalele loa ana i ka mea oiaio maoli. Ina aole oe i hewa aliila owau auanei kou hoaloha oiaio loa. He oiaio nohoi kau i olelo mai nei, owau kou makual aka pehea la hoi oe i hana mai ai ia'u eliike me keia ke ano? anwe nohoi oe, e kuu keiki, kuu luhi, ka hooilina a ka lalani alii o Mauna Sevarena, e hui ana ka au, kou makunahine nei, me oe, he alo a he alo, no ke@a hana naaupo au i hana ai."

Ma ka wa i hoopuka ae ai ua Duke-wahine nei i kela mau huaolelo hope, ua kahemai la na waimaka ma kona mau papalina. Aclai hoi ua Duke-wahine nei   e   uwe ana, ike mai la ia i ka nana ana aku o Miss Winta laia me na onohi maka aloha, me ka uwe ana nohoi, a pane mai la la :

"Aole anei hoi oe e aloha mai la'u? Hookahi huaolelo mai a oe mai, a o ka pau no ia o ko kana pilikia. Oluolu hou kou noonoo. a oluolu pu hoi ko'u nei."

Aka, o na maka aloha o ka wahine opio ke nana aku ana i na Duke-wahine nei, o ka hiolo ne o na waimaka makona mau papalina, aka aohe nae he pane leo aku.

No keia pane ole ana aku o au wahine opio nei, alaila, holoi ae la ua Duke-wahine nei i na waimaka i kiheahea iho ma kona mau papalina, apane mai la oia me ke oolea loa imua o ka wahine opio:

"Ke mau nei no kou paakiki, a nolaila ua hookikina mai kou paakiki iau'e imi aku i wahi e hiki ai ia oe ke kamaillo mai ia'u@ ka a'u i makemake au e ike, heaha lakamana a ke kanawai i haawi mai ai ia;u maluna ou."

Ia wa hookani lou ae laua Duke-wahine nei i kahi bele kahea, a hoea mai la ke kauwa, a hai mai la ua Duke-wahine nei ua makemake oia e ike i ke Duke, (oia hoi kana kane). I ka hemo ana mai o ka puka, ua haikea inoino loa ae la ha helehelena apau o Miss Winta, aka, ma kahi nae o ke komo ana mai o ke Duke o kakelamaina, ua koma mai la kahi kauwa a apne maila, au hala ke Duke i ke kulanakauhale. Alaila, huli Lou mai la au Duke-wahine nei a pane hou mai la no i ka wahine opio:

"Aole loa au au e hoohokaia ana maka mea a'u e manao nui nei. Makemake loa au e ike i ka mea oiaio mai a oe mai, oiai hoi, aole @@i iki ia oe ke hoike mai ia mea ia'u mamuli o kou makemake iho, a no kou aloha la hoi ia'u. Pehea la; he puuwai pihaku anei hoi kou, i hiki ole ai ia oe ke hoi ke mai ia'u i kekahi o keia mau huaolelo-'yes or no'-(ae, aole paha)? Nolaila, no ko'u nele ana mai a oe mai, alaila, e loaa ana ia mea mai ka waha ponoi mai o kuu keiki ka mea au i hoao ai e hoowalewale."

Ike mai la au Duke-wahine nei i ke kulou ana iho o ke poo o ka wahine opio, a mahope aea houae la iluna, nana aku la iaia, a hooho ae lahoi:

"Heaha la ka'u mea e hana ai-E kuu haku, heaha la ka'u mea e olelo aku ia oe?"

"E hai mai nohoi oe ia'u i ka mea oiaio. Okeia wale no ka'u mea i makemake ai mai a oe mai. Aole anei e hiki ia oeke hai mai ia mea ia'u?"

"Aole a'u mea o hai aku ai ia oe." wahi a ua wahine opio nei i pane aku ai no imua o kona haku.

"Alaila, e kauoha ana au i kuu keiki e hele mai oia a hoike mai i ka mea au e huna haalele loa mai nei imua o'u."

Ma ia wa, ua haule aku la ua wahine opio nei ilalo, a @a kona mau kuli, ke kukuli la oia imua o ke Duke-wahine, a ke nonoi aku @a imua o ua Duke-wahine nei, e aloha mai oia iaia. Ua kamailio aku la nohoi cia:

" E kuu haku e, ua oi kou pono, e kipaku mai oe ia'u mailoko aku nei o keia hale-e aho e hahao oe ia'u iloko o ka make; aka, mai ae oe e ike aku au i kona mau maka- aole, aole. E kuu haku, mai ae oe e ike aku au laia."

"O ka'u keia i hooholo ai," wahi a ke Duke-wahine i pane mai ai me ke kuoo oia mau. "Ina e hai mai oe ia'u i ka oiaio, elike me ka'u i koi mau ako nei ia oe, alaila, e hele aku no oe me kou hoopilikia ole @a ana; aka, in a hoi oe e hoo[aakiki ana, elike nohoi me kau i hana mau mai ai ia'u, alaila, e ku ana kuu keiki imua ou. Nolaila, e koho oe i kau mea e hana ai i keia wa. O kou hoike mai paha ia'u i ka oiaio. a i ole, o kou ku ana paha, healo no a he alo, imua o kuu keiki?"

"Aohe a'u mea e koho ai. E kokua mai no na Lani ia'u . Aohe a'u mea e koho ai. Aohe a'u mea e hoike aku ai ia oe, e kuu haku."

I kela wa i ku ae ai au DUke-wahine nei iluna, kau ae la kona lima maluna o ka bele kahea, a ka'ulua iho la, me he mea la e kali ana ia o ka pane aku a ka wahine opio; aka, hala ae la hookahi minute, ia wa hookani iho la la i ka bele. Hoea mai la k@ kauwa, a haawi aku la au Duke-wahine nei e kii aku ia Haku Sana Alabani.

(Aole i pau.)

 

Inuia e na Koa Pelekane @@@ Ag@@iea.

Ua kama aina @@@@@ @ Kap@@@@ Dennison ma Afer@@ apau ma @@@

he alihikaua oia @@@@@@@@@@@

kei kipi kaulana, oia o Oah@@@@@@ ko o ka palapala o ka la @@@@@@@1897, mai Vryburg @@@ Beebu@@@@ au kakau mai la @@@@@mamus o @@hele ana aku ma ka @@@@@@@ku nei. ua kuai iho la @@@@@@o ka LAAU OLA A KAMALENA ke Nahu. Kolera @@@@@ H@@@@laau la e inu ai ma ka w@@@@@@@@@@@@kekahi pilikia ma ki @@@@@aku nohoi au i @a laau la i k@@@ kanaka, a aua ike@a ke ola ma @@@apau i inuia ai au laau la @@@. E @@@@ana ena poe kuai laau apau O@@@@ SON SMITH & CO. Kaupalen@@ Agena no Ko Hawaii Pae A@@@@