Ka Nupepa Kuokoa, Volume XXXVIII, Number 45, 10 November 1899 — Ka Uwea Olelo Moe Moana no Ka Pakipika. [ARTICLE]

Ka Uwea Olelo Moe Moana no Ka Pakipika.

WASINETONA. Okatoba 26—Ua hoalaia na noonoo ana i keia wa mawaeaa o na poai o Jia luna aupuni, kuwaho ame kuloko nohoi, no ka ninau e pili ana i ka hoohuiia ana aku o keia aina nei me na pae aina o Pilepine ame kekahi mau wahi e ae mawaho ae oia mau mokupuni, a ua hoomaopopoia hoi eia keia Aupuni ame na aupuni nui i manaoia e komo ana iloko o keia hana, ke noonoo nei i keia wa no keia kumuhana. Eia na luna aupuni o onei nei ke hoomākaukau nei, a ke houluulu nei i na palapala aina moana i mea e liiki ai ke waihoia aku īmua o ka Ahaolelo e noho mai ana ma keia kau ae. Ma ke ano nui i hoomaopopoia, eia ke alahele a keia uwea e noe aku ai: Mai Kapalakiko aku a hod(C i Hawaii, 2,160 mile; mai Hawaii aku a i Wake Ailana, he 2,044 mile; mai Wake Ailana aku a i Guama, 1.293 mile; mai Guama aku a i Manila, 1,350 mile. O keia maif wahi apau e pae aku ai ka uwea olelo, aia wale no lakou apau maloko o na wahi i noho mana ai o Amerika Huipuia nei'. Aole i liuliu loa ■ae nei ka wa'i hala, i hukiia ai ko kakou hae ma Wake Ailana. Ma keia holo ana a ka uwea olelo, ua hoohuiia na aina apau i kuleana ai o Amerika maloko o ka Moana Pakipika, e kekahi laina uwea olelo i a'e ole aku maluna o kekahi aina malalo o kekahi mana aupunl e aku. Mawaho ae hoi o keia mau wahi, ua manaoia e hoea loa aku ana na palena hope o keia uwea i Asia ponoi, ma ke komohana a ma ka hikina. E holo ana kekahi welau o keia uwea mai Manila aku a hoea i ka Mokupuni 0 Formosa e noho mana nei o lapana, kahi hoi a lapana i kukulu ai he uwea olelo mai laila aku a hoea i lapana ponoi, a huli komohana ae la nohoi a hoea i ka Mokupuni o Fanning, kalii hoi 1 manaoia ai, oia l-.ahi e hekau aku ai Ita uwea Pelekane e manaoia nei e holo ae ana mai Vanakoua ae a hoea i ua wahi mokupuni la, a hala loa aka hoi i Nu Kilani. O keia hana e lawelaweia aku ana, aole ia na kekahi hui, aka, na ke Aupuni ana no. Mamuli o ko ke Aupuni hana ana aku i keia hana, ua kapaeia aku na auhait kiekie a na hui kuikawa e lawelawe nei ia aana i keia wa, a he mea auanei ia e hoomahuahuaia aku ai ka holomua o ka oihana kalepa maJoko o ka Pakipik.i, a e ioaa ana hoi i ke Aupuni he loa.i makahiki mahuahua.

O na Aupuni o ko na Aina E i manaoia e komo pu mai ana ma keia hana, oia no o Rusia, lapana ame Beritania Nui. A he mea oiaio eia lakou lte hoike mai nei i ko lakou mau noonoo ana no keia kumuhana a ke Aupuni e manao nei e hana aku, a ua oleloia ae nohoi, he lehulehu loa na poe kuwaho i ninaninau mai i ke Aupuni no kana mea e hana aku ai ma keia. alaheie.