Ka Nupepa Kuokoa, Volume XXXVIII, Number 45, 10 November 1899 — KE KAUA MA AFERIKA. [ARTICLE]

KE KAUA MA AFERIKA.

Ua hoohauoli 'oa ia kekahi poe he lehulehu wale o Europa, a pela no paha me na wahi e ae o ka honua nei, no ka lanakila ana o ka lahui Bui maluna o kekahi mau heluna koa Pelekane kakaikahi i oni aku nei no Aferika; malalo o ke kauoha a ke Aupuni makua. He mea maopopo, aole i liKe ka Enelani hoonee kaua ana i keia lele ana' ma Aferika, me ka hoonee kaua ana a Amerika ma Cuba, i kona kaua ana iho nei me Sepania. Ua ike kakou apau ia moolelo. Aka, aole keia o ka wa kupono loa e hauoli ai ka poe kue i ka Liona Pelekane no keia poiao i kau iho maluna 0 kōna poe kanaka kakaikahi i paa pio aku la i na Bua ma Aferika Hema. Aole i hooki o Pelekane i kana nee ana no mua. Aole i punukula ka waha o ka Liona Pelekane i keia wa. Aole i make ke Aiipuni o Beritania Nui. Aka, eia no ia ke nee nei no mua, a ke aa nei oia e paio a hoea i ka anai loa ia ana o kela poe Bua. ' He mea oiaio, aia kela poe kanaka ke paio mai la no ko lakou makee i ko lakou aina makualiine. Aia lakou ke mauna mai la ia lakou iho, e ninini ana i ko lakou mau koko makamae no ke aloha i ko la'ou aina. Ua oleloia, no ke aloha hoi o Enelani i kana poe keiki no ko lakou hookaeia e na Bua 1 lele ai oia me kona ikaika apau e kaua aku i na Bua. He kaua keia mawaena o ke koko Olelo E, i kapaia nohoi i kekahi wa, lie koko Geremania. me ke koko'Pelekane.