Ka Nupepa Kuokoa, Volume XXXVIII, Number 45, 10 November 1899 — KE KUHINA WAIWAI. [ARTICLE]

KE KUHINA WAIWAI.

Mamuli o ka loaa ana mai o Ka lono ia nei no ka waiho ana mai o Kuhina Damon i kona kulana Kuhina Waiwai, ua kono hou ia r.tai la ke Aupuni e imi hou i kanaka kupono nana e hoopiha ia oihana. Eia i ke alo nei, he lehulehu loa ka poe i kupono loa no ka lawelawe ana ia oihana. Eia 110 o Mr. P. C. Jones, ame kekahi poe kamaaina e ae he nui mawaena o kakou nei. 0 ka loaa ana o kekahi kanaka makaukau ma keia oihana no ke alakai ana aku i keia hana ano nui loa o ke Aupuni, he mea ia e hoopākeleia ai ke Aupuni mai ke komo ana aku iloko o na hihia pili i ka oihatia waiwai kuloko. Ke ole makou e kuhihewa, eia ke waiho nei iloko o ka Waihona Waiwai o ke aupuni he huina dala mahuahua loa, a he hua maopopo keia i loaa mai mamua o na hoomakauii ana a Kuhina Daraon; noiaila, o ka loaa ana he kanaka nana e alakai aku i kahi e hooi ia aku ai ka holopono o na hoowaiwaiia ana o keia huina dala nui, oia ke kanaka e noho ai ma keia oihana, ina Tiae e waiho o Kuhina Damon, a i ole ia, aole koi ia e ae hou ana e lawelawe hou i keia oihana.