Ka Nupepa Kuokoa, Volume XXXVIII, Number 46, 17 November 1899 — HOIKE NUI O NA KULA SABATI O WAIKANE AME KANEOHE MA LUAKINI O KANEOHE, DEKEMABA 31, 1899. [ARTICLE]

HOIKE NUI O NA KULA SABATI O WAIKANE AME KANEOHE MA LUAKINI O KANEOHE, DEKEMABA 31, 1899.

0 ka haawina Kula Sabati ma Ka Hftahana, mai Okatoba a ka la 12 o Xovemaba, na ke Kula Sabati o Kaneohe, a o ka haawina mai ka la 19 o Novemaba a hiki i ka la 31 o Dekemaba, na ke Kula Sabati o Waikane. E malamaia i elua papa e kela ame keia Kula. Hookahi papa o no* Makuaka«e ame na Makua-wahine i huiia; olua papa o na opio kane ame na opio wahine. pokii kane a pokii wahine i huiia. Na kela ame keia Kula e imi i mau himeni no laua iho. E eleu ma ka hoike ana. Hoomaka ka hoike ana ma ka hora 10 a. m. E loaa ka Papa kuhikuhi hana o ka la ma ia la hoike ma Kaneohe. Kahu K. S. o na Koolau. Waiahole. Oahu, Novemaba 8, 1899.