Ka Nupepa Kuokoa, Volume XXXVIII, Number 47, 24 November 1899 — Page 3
| This text was transcribed by: | Rhonda |
| This work is dedicated to: | George Arthur Kruse |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, NOVEMBER 24, 1899.
Hana a Lahui
E kuu hoapili hoi, @ au ke hana nei. Ke hana nei me ka hoomanawanui, @ pono nou ame a@u, a pono pu kaua. O ka hana, hana ae a po ka la, @ ka hou e kane ana ma na maka. @ka, no kou pono nae, e ke aloha e, @a ae na lu@ me na mea. @ hana no a po ka la, e kuu aloha e. @ @ mai oe, e ke aloha, @ @ nei mea he @. @ makua ou ame a u, a pono pu @.
Aole, aole, e kuu aloha hoi. E hoomanao @no oe i ka ke Akua @oha.
@ Adamu ame Ewa-
E hana laua i pono ai kahi ame kahi. @ka, me ka luhi no nae ame ka hoomanawanui.
Hana, luhi, eha a kaumaha no, Hoomanawanui no nae au, a hana no. E noho wale ae anei, a loaa mai, Ka ai, ka i’a ame ka lole, e ke aloha. Nou ame a’u, a no ka kaua mau lei @.
E hana no au a luhi- E hana me ka pauaho ole, @ana me ka hoomanawanui, @ pono nou ame a’u, pono kaua e. Aka, e kuu aloha- @ paa oe i ka pule i ke Akua, @ waeleia ae ko’u alahele. @ holo pono ka’u hana ana, @ pono nou ame a’u, pono hoi ko kaua @.
@ pule, e kuu aloha, e pule hooki ole, @ hoomanao mau ana, aia au i ke ao @.
@ hele ana me ka hoomanawanui, @ pono nou ame a’u, pono pu hoi @.
@ luhi io no, he luhi e, Aka, hoomanawanui- A hana no a po ka la, I pono nou ame a’u, i pono no kaua. @ ka wahine e- Akahele i ko ka hale, Mai uhauha aku, O nele hou kaua. A luhi i ka imi, @ mea e pono ai. Ma ka hana I kela ame Keia la Nou Ame A’u.
@OOLALEAKAUAKUKALAHALE.
@ o Honolulu
Ke ike oe i kekahi mea maikai, e hai @ no oe. Aole ia he mea e emi iho ai kona maikai. Aka, he mea ia e pono ai o hai aku. @ @ ola kou ma’i, e hai aku no oe. Oiai he nui no na popilikia e like @ ia. @ kali ana i ka mea e ola ai. @e nui loa na kikala hanenee ma Honolulu nei. @e wahi piha hana loa keia, a he mea pono i na kanaka ke hana. @e nui no hoi na popilikia no ia mea @e ma’i no na puupaa.
Ua hoomaopopo anei oukou, i ka nui @ na kanaka maluna aku o na makahiki he 40 i loohia i keia ma’i?
Mailoko ae nohoi o na poe he umi, ua loohia no he ehiku oia poe i ke anu e pilikia ai ko lakou mau puupaa.
O na puupaa ke kumu o ka pilikia, aole o ke anu. E malama pono ia lakou apau.
Ua hiki no ia oukou ke hana ia mea me ka maikai ame ka oluolu.
Aole e ulu mai na hoopailua ana.
Aia wale no na paahana a ka laau ma na puupaa.
A o kela paahana ana nae, e hikiwawe ana ia ame ka mau loa.
E hana ana na Huaale a Doan no ke Kikala Hanenee ame na Puupaa me ka hololea loa.
Ua pihi o Honolulu nei i na leo mahalo no ua mau Huaale ia.
Ua kakau mai la o Mr. H. G. Crabbe (Papai) o Alanui Nuuanu, o loko o keia kulanakauhale, he kanaka kalepa a he kakauolelo oia mamua, a i keia wa nae, he Ohi Aie kana hana: “He 60 o’u makahiki i keia wa, a ua loaa ka’u mau keiki ame na moopuna. No @a makahiki i hala ai nei, ua loaa iho la au i kekahi eha oolea loa ma ke kua. He wa pokole i hala ae nae, ua @ai aku au i na Huaale a Doan no ke Kikala Hanenee me na Puupaa ma ka @kuai Laau Lapaau o Hollister & Co@ a ike iho la au i ko’u oluolu ana mamuli o ka ai ana i ua mau Huaale @ E malama mau ana au i kekahi @ huaale i mea e pale aka ai i ka pii kou ana mai o ka ma’i, a i keia wa nae, @ohe o’u makau iki i ua ma’i kahiko la @, oiai e lilo ana na Huaale @ Doan @ ke Kikala Hanenee ame na Puupaa i mau mea e paio aku ai i ka hoonee hou ana mai a ka ma’i maluna o’u.
E kuai ia ana e na poe kuai laau @apaau apau. He 50 keneta no ke poho hookahi. He $2.50 no 6 poho. E hoo@aia aku no maloko o ke Eke Leta e Hollister Drug Co., na Agena kuai ku@aano ko Hawaii Pae Aina.
HE MOOLELO WALOHIA
NO NA
MEA HUNA POH.H. @I EKOLU
Ke Kanaka uhai holoholona opio, owai ia@ Ka Wahine opulepule, i aha ina? O Hurama ko’u inoa, Owai ia?
He na@ @ i Kaka@ia e Syicanus Cobb, Jr. ke kahi o na K@ua@a Ka@u Moolelo Kauaiana loa o ke ao nei: a i @uhiia mai hui e HOOULUMAH@E, mai ka olelo Beritania mai a i ka Olelo Hawaii, no ke Kilohana Pookela no ka Lahui Hawaii.
MOKUNA XII.
KA MEA HUNA O LOKO O KAHI PAHU LAAU OKA.
He aneane paha hookahi hora okoa i noho pu ai o Sir Oliva Mineta me Hurama iloko o ka rumi, a puka hou mai la laua mailoko mai o laila a hele ae la iloko o ka rumi hookipa, kahi hoi a Adelia e noho ana me kona luaui makuahine. Aia hoi maluna o na hiohiona apau o Sir Oliva e hoike mai ana na kukuna lamalama o ka hauoli ame ka maha o ka naau, a o Hurama hoi keia ua hele aku la ia a noho iho la ma ka aoao o ka lede opio.
Ua huli ae la ua Hurama nei a pane aku la i ka lede opio i ka i ana:
“E ka lede opio maikai, he wahi ukana ka’u i lawe mai nei i ou la, oia hoi ua kauohaia mai nei au e kekahi mea i hoopea wale ia kona inoa maikai, a e noho nei hoi ma ia ano iloko o ka halepaahao, e hele mai au imua ou a e hoike aku ia oe i kona aloha, a ua manaolana hoi oia, aole oe e haawi aku ana iaia i na hoomanao maikai ole ana, no ka hopena poino i kau iho maluna ona.”
“Alaila, o oe anei kekahi mea i ike i kekahi mea e pili ana i ka poino i kau aku maluna ona?” wahi a Adelia i ninau mai ai ia Hurama, me he mea la aole oia i hoomaopopo pono i na mea Hurama i hoike aku ai iaia.
“E ka lede maikai,” wahi a Hurama i pane aku ai, “ua ike au,aole oia i hewa iki no ke karaima i hoopea wale ia ai oia.”
Huli ae la na maka o ua Ui nei iluna, a me na waimaka e koo ana i kona mau lihilihi ia wa i pane ae ai ia, “E hoonaniia ke Akua ma na Lani kiekie loa.” Alaila, puili ae la oia i kona mau lima, a huli ae la oia I kona luaui makuahine a olelo mai la: “Ua ike no au, aole oia i hewa.”
“E ka Lele Opioi maikai,” wahi a Hurama i pane hou aku ai imua ona ma ka ninau ana aku hoi, “Heaha la ka’u mea e hoike aku ai iaia ma ka wa a’u e ike hou aku ai iaia, ma ke ano he wahi olelo paha ia e hoomama nui ia’i kona noonoo nou?”
“Ae. Ke hui hou aku oe me ia, mai hai aku oe i kekahi mea mai a’u aku. Aole, aole. Aohe a’u wahi huaolelo e hoouna aku ai iaia.”
“He oiaioanei ka’u i lohe aku la i ka Lede Opio, e olelo mai ana, aohe ana wahi huaolelo ana e haawi mai ai ia’u no ka lawe ana aku iaia?”
“Ae. O na huaolelo e haawiia ana ma ka lima o kekahi mea e ae mawaho aku ona ame a’u ponoi iho, he mau huaolelo kumakaia no ia i kekahi wa. E hele aku ana no au e ike kino iaia; a nolaila, ina e ike e aku oe iaia mamua hoi o ko’u ike ana aku iaia, alaila, e hai aku oe i keia mea. Ua lawa paha keia nona.”
Aole i kana mai ka haaheo i halana ae iloko o ka puuwai o Hurama i kona ike ana iho, he lede opio keia i haawi i kana mau paulele ana maluna o kona hoaloha opio e noho ana iloko o ka ehaeha, ame ia manao ulumahiehie e puapuai ana iloko ona, pane aku la ia i ka Lele Opio:
“Aole paha oia i manaolana mua o ka haawina keia e loaa aku ana iaia mai a oe aku.”
I ka huli ana ae o ua kaikamahine nei a nana aku i kona luaui makuakane, ike aku la ia i kekahi hiohiona ano e, a ia wa i ninau koke aku ai oia iaia i ke kumu nui oia ano e ana o kona helehelena, aka, ua pane mai la nae kona makuakane iaia ma ka luliluli ana ae o kona poo me ka puai leo ole ana mai hoi. A ia wa hoi ninau aku la no ua Lede Opio nei i ua makuakane nei ona:
“E Papa, aole anei e hiki ia’u ke hele aku e ike iaia?”
Ma ia wa hookahi no i ku ae ai oia iluna a hele aku la ma kahi a kona makuakane e ku ana, a ma ia wa hoi i pane mai ai kona makuakane iaia:
O ka’u mea e hai aku ia oe, e kuu keiki, oia keia, ua pololei loa oe i kou manao ana, aole i lawehala ka makamaka a hoaloha opio okakou; nolaila, e kuu keiki, ke haawi aku nei au ia oe i ka’u ae ana e hele aku oe e ike i ka hoaloha opio o kakou.”
Ma ia wa hooka@i no nae, ke ike aku la no o Adelia i kekahi mea ano e ma na helehelena o kona luaui makuakane, a mahope pane mai la ia:
“E ka’u kaikamahine, e kuu Adelia, aloha, o ka mea a keia keonimana i haawi mai nei na’u e malama, he hana no ia na’u, na kou luaui makuakane nei e hooko aku, ina e kailiia aku ana kou Hurama nei ola mai keia ao aku. Iloko o hookahi hora i hala ae nei ame ka hapa i hoakaka piha ia mai ai keia hana nui ia’u e ke keonimana nei, a oia mea ua pili no ia i ke kanaka opio, aka, i keia wa ma kahi o ka lilo ana o kona umauma i waihona hookahi wale iho no, no ia mea huna, ua loaa he elua mau waihona ku @aawale i keia wa no ua mea huna la, oia hoi ka umauma o ko kakou hoaloha nei, a hoaloha nohoi o ke kanaka opio, ame ko’u houpo nohoi, nolaila, ma ka wa paha e muoia ai ko ia nei oia e ka lima o ka powa elike me ia i pakele mahunehune loa ai i keia ahiahi iho la, alail, i kona haule ana iloko o ka opu o ka honuna, oia no ka nalowale loa ana o ua mea huna pohihihi la, ke ole ia mea i hoike ia ai i kekahi mea okoa, elike me a’u nei. O ka’u nae e hahai aku ai ia oe, e kuu kaikamahine, no keia po, aohe a kakou mea e hopohopo ai no ke kanaka opio.”
“E Papa, o kou makemake wale no ka’u e hooko aku ai ma keia mea, a ke haawi aku nei hoi au i ka’u mau hoomaikai ana ia oe no kou haawi ana mai ia’u i ka ae laelae ana e hele aku au e ike i ka mea nana i hoopakele i ke ola o kau kaikamahine nei. Papa, thank you very much.”
Ia wa hoi huli ae la ia a kamailio mai la ia Hurama i ka i ana mai:
“E oluolu anei oe e lawe aku i ka hoola o kuu ola nei i ka mea a’u i hai aku nei ia oe?”
Me ka hauoli pane aku la o Hurama: “Aohe mea hauoli e ae a’u e hana ai elike me ka halihali ana aku i kekahi lono e hoohauoliia ai kahi kanaka elike la hoi me ke kanaka opio e paa mai la iloko o ka halepaahao, a o ka mea hoi i hoouna mai i kona aloha ia oe.” “Aka,” wahi a Sir Oliva i pane mai ai imua o Hurama i kona ike ana mai iaia e anehe ae ana e ku iluna, “aole paha oe e hoi aku ana i keia po?”
“E hoi aku ana no au. Ua lawa loa ka malamalama o ka mahina no ka hoomaamaama ana mai i ko’u alahele. Aohe pilikia. Aka, e hoea hou mai ana no nae au ia nei i ka la apopo. Manao au i kakahiakanui loa au e hoea mai ai.”
I ka wa i ku ae ai ua kanaka uhai holoholona nei iluna, haawi ae la i kona aloha hope ia Sir Oliva, a pela hoi i kana wahine ame ka laua kaikamahine.
I ka puka ana mai o ua Hurama nei mailoko mai o ka nale, ua kamoe pololei loa mai la no kona mau kapua@ wawae no kahi i hekau ai kona wahi waapa. I kona hoea ana mai ma ia wahi, ua lekei aku la ia a kau aku la maluna o ua wahi hale lani nei ona, a ma kahi o kona hoea ana no kai o ka muliwai, ua hoohuli ae la ia i ka ihu o ua wahi waapa nei ona no uka o ka muliwai. I ka hala ana o na hora elua o kana hoe ana, ua hoea aku la ia ma kahi e pae mau ai ke kanaka opio me kona waapa. Ma keia wahi, lele aku la keia i kula, a huki aku la i kona waapa a waiho iho la ma kekahi wahi kupono, e ike ole ia ai e na maka o ka mea a o ka poe paha e maau hele ae ana ma ia wahi.
Elua paha hora okoa o ka ia nei hele ana mai kahi i waiho iho ai i kona waapa, e komo ana noi iloko o ka hihipea o ka ululaau, aia hoi, hoea aku la ia i kahi pupupu hale o Morag@ana. Ua kulu loa ke aumoe ma keia wa ana i hoea aku ai ilaila.
Hele aku la keia a pii aku la ma ke alapii ma ke alo aku nei a hoea i ka puka komo. I kona wehe ana aku nae i ka puka, aia hoi, ike iho la ia ua paaia i ke kiia. I kona ike ana i keia mae, ia wa i haalele iho ai ia ia wahi a hele aku la mahope o ka hale, ma kahi hoi ana i ike ai, oia kahi e hiamoe ai kahi wahine paele. Noke aku la ia i ke kikeke me ka ikaika loa. I ka lohe ana hoi o ua wahi wahine paele nei i keia kikeke, aole i kana mai kona makau, a no ia mea ua hookanananuha iho la ia i ke mea nana keia kikeke ana e lohe aku ana.
No ke ala ole mai o kekahi mea o loko o ka hale, ua pane okoa mai la o Hurama, ma ke kahea ana mai i ka inoa o ua wahi wahine paele nei, me ka hoike pu ana mai hoi he lono maikai kana o ka lawe ana mai no ka mea e pili ana i ke kanaka opio.
I ka lohe ana o ua wahi wahine nei i keia mau olelo, ua ala ino ae la ia iluna, komo awiwi iho la i kona wahi kapa kupono no ka hele ana aku imua o ka maka kanaka, alaila, me ka eleu loa, hele aku la ia a wehe aku la i ka puka ma ke alo, wehe ae la a hemo, me ke kahea ana aku i ke kanaka uhai holoholona e hele mai ia ma ia puka.
I ke komo ana aku hoi o Hurama, ua kani ae la ka hokio nanahe o ka piha pahaohao mai ua wahi kauwa hoopono nei, a pane maile mai la hoi ia:
“E, e akahele loa hoi oe i ke komo ana mai loko nei, o ala mai auanei hoi kuu haku-wahine. Aole i liuliu loa aku nei ka wa o kona hoi ana aku nei e hiamoe. Iloko no o kahi pahu laau no oia i noke iho nei i ka huli, elike nohoi me ka mea maa mau iaia. Aka, e hai mai oe ia’u. Pehea la kuu haku opio?”
“Aohe ona pilikia,” wahi a Hurama i pane aku ai imua o ua wahi kauwa wahine nei, me ka hoomau ana aku nohoi i ka olelo ana, “aole liuliu a hoi mai no ia i ka hale nei.”
“Den they won’t hang him?” (Alaila aole lakou e li iaia?)”
“E li iaia? Nawai hoi i hai aku ia mea ia oe? Pehea i komo ai ia noonoo iloko o kou poo?”
“E kala mai oe ia’u,” wahi a kahi wahine paele i pane mai ai, a hoomau mai la nohoi i ke kamailio ana mai: “Mamua o ka haalele ana iho o kuu haku opio ia nei, ua hoike mai la oia ia’u i na mea apau, a ma ka’u hoomaopopo aku i kana mau olelo o ka hoike ana mai ia’u, me he mea la e hai maupopo mai ana no oia ia’u, he poe kanaka manaoino kela iaia, a o keia ke kumu o ko’u ninau aku ia oe i keia ninau.”
I ka pau ana o keia mau olelo a ua wahine nei i ka pane ia mai imua o Hurama, ua hele koke aku la ia iloko o ka rumi waiho kukui ihoiho, a lawe mai la i hookahi kukui oia ano. Haawi mai la oia ua ihoiho kukui la ia Hurama me ke kuhikuhi ana mai hoi iaia i ke alapii e pii aku ai a hoea iluna, a malaila ia e hiamoe ai ia po. Haawi aku la hoi oia i ua wahi wahine paele la i kana mau hoomaikai ana, a me ka ihoiho kukui e paa ana ma kona lima ia wa pii aku la oia iluna.
I kona hoea ana aku iluna, wehe ai la keia i kona mau ili kalapu, a haule iho la ia maluna o kekahi hik@ee, a moe iho la. Eia nae aole ona makemake iki e hiar@ ia po, oiai he hana okoa loa no kana i makemake ai e nana ia po maloko o na wahi hale noho waolaau nei. I ka hoolonolono ana o ko ia nei mau pepeiao i ka nakeke mai paha o lalo, a i kona lohe ole ana i kekahi nakeke, ua ala hou ae la ia iluna lalau aku @a i kan@no kukui, a @ hou aku la ilalo. I kona hoea ana aku i ke kumu o ke ala@, ia wa i ku iki iho ai ia a hoolonolono houae la ia o ka lohe aku paha i kekahi mea e @ mai ana iloko o ka rami hookipa, kahi hoi ana e ku ana. I kona ike ana i@o, aone kekahi mea kino kanaka e hele mai ana ka pahulaau oka, ka pana hoi a Moragiana e noke mau ai i ka huli i na wa apau.
I kona hele ana aku a ma kahi e waiho ana ua pahu la, i @ @ ana aku e wehe ae i ke pani, aia hoi, ike iho la ia ua paa i ke ki ia. Nana iho la hoi ia ma ka puka ki ina pana e paa ana no ke ki ma@a@a, ike iho ia ia, aole malaila ke ki o ua pahu la. Ua kana@a iho la ia me ka ike oie ana i kana mea e hana ai ia wa.O ka @ @ @lo mai iloko ona ia wa, oia kona manao ana iho, aia no ua ki @ @ o ka rumi o Moragiana. Ia wa huli ae la ia a nana aku la i ka rumi o ua wahine la, a ia wa i hooholo iho ai oia iloko iho ona, he mea pono iaia ke hooikaika e loaa ua ki @a i hookoia ai kana mea i makemake nui ai e loaa iloko o ka pahu laau oka.
Nolaila, hele aku la ia a wehe aku la i ke pani o ka puka o ka rumi o Moragiana. Iaia hoi i komo aku ai iloko, ua huna ae la ia i ka malamalama o ka ihoiho kukui ana e paa ana mahope ona, i ole ai e papa aku kona malamalama maluna o na maka o Moragiana e hiamoe mai ana.
Ua hele huli ae la ia ma na wahi apau o loko o ua keena nei, e nana ana ma na paia apau me ke ake loa ana o kona noonoo e ike aku i ke ki o ka pahu o ka mea huna pohihihi ana i makemake ai e loaa. Ma keia huli ana a ua Hurama nei ma na wahi apau o loko o ua rumi nei, aole loa i loaa iaia ka mea a kona uhane i makemake ai e loaa. I kona nele ana ma na paia o loko o ka rumi, ua noke aku la ia i ka huli maloko o na wahi lole o Moragiana, a he ole nohoi ka loaa. Ike aku la hoi ia i kekahi wahi pahu uuku e waiho mai ana maluna o kekahi pahu aniani, lalau aku la ia a noke iho la i ua ki la. “E ke kiai, auhea la ke ki o ka ua ki la. E ke kiai, auhea la ke ki o ka pahu o ka mea huna pohihihi.” Noke iho la oia i ka huli ma na wahi apau o loko o ua keena nei, e nana ana malalo o ka moe, ma na kuono a ma kahi e hiki ana ke manaoia kahi e waihoia ai na mea oia ano, aka, aole no nae he loaa.
I keia wa i ku iho ai oia me ka noonoo pihoihoi loa, no kona nele paha ananei i ka mea a kona naau i iini nui ai.
Ku iho la oia ia wa ma ke poo o ka moe, oiai hoi kona lima i palulu mai ai i ka malamalama o ka ihoiho kukui i ole e pa aku maluna o na maka o Moragiana. A liuliu, alaila, hookuu ae la ia i ka palulu ana a kona lima, a lele aku la ia wa ka malamalama o ua ihoiho kukui la, a waiho moakaka mai la ka helehelena holookoa apau o Moragiana e moe ana me ke kulipolipo loa. Nana iho la keia i ua helehelena nei, a ia wa i hoea ae ai he mau kulu waimaka ma kona mau lihilihi maka. Hu mai ia ke aloha iloko ona no ka wahine e hiamoe ana iloko o na poipu ana a ka hiamoe, a ma ia wa i puana ae ai oia he mau hua pule, a me he mea la ia wa ua poina loa iho la ia i ka mea ana i hooikaika nui ai i na minute mamua iho, oia hoi ke ki o ka pahu o ka mea huna pohihihi.
I ka pau ana o kana puana ana ae i na huapule ia wa oia i anehe mai ai e hele, a haalele aku la hoi i kahi ana e ku ana ma ke poo o ka moe o Moragiana na, ia wa i ike aku ai ia i kekahi wahi lipine eleele e paa mai ana ma kona a-i a ma ia wa i lele e wale ae ai no kona hauli, malia aia paha ma keia wahi kaula i noopaaia ai ke ki ana i makemake loa ia e loaa. Ia wa me ka maile loa lalau aku la ia i ua wahi lipine nei a huki mai la, a i ka hemo ana mai, aia hoi, me ka hauoli nui ike iho la ia i ke ki ana i makemake ai e loaa. Aohe ana hana e ae e hana ai i mea e hemo mai ai ua ki ia mai kona wahi i hoopaaia ai, aka, o ke oki wale ae no i @a lipine la. Me keia manao iloko ona, la wa i kulou iho ai ia a ooki iho la i ka lipine, a paa mai la ia i ke ki iloko o kona lima. Ku iki iho la ia me ka piha ana o kona houpo i ke pihoihoi, me ka nana aloha ana aku no hoi o kona mau maka maluna o Moragiana, alaila, huli ae la ia a haalele aku la i kahi ana i ku iho ai, a komo hou aku la ia i ka rumi hookipa.
Waiho iho la ia i ka ihoiho kukui maluna o kekahi noho e ku ana ma ka aoao o ka pahu, oia hoi ma kekahi poo o ua pahu la. Hookomo aku la ia i ua ki la ma kona wahi i makemake ai no kana hana, aia hoi, mahope iho o kana ki ana ae me ka maile loa, i ole ai e loheia ka nakeke, ua hemo ae la ke pani o ka pahu o ka mea huna pohihihi. Ia wa uohoi o Hurama i hoomaka koke iho ai i kana hana. Ua hue ae la ia i na mea apau o loko o ka pahu a waiho ae la i waho, a hoopuupuu pono iho la nohoi ia me ka maikai ia mau mea apau. Aole loa hoi oia i huli iki i kana mea i makemake ai e loaa iloko o kekahi o keia mau mea ana i hue mai ai. Nana aku la hoi kona mau maka ma kekahi papa hao hulali e paa mai ana ma ua pani la. O keia papa hao hoi ua hoopaa ia aku ia me na kui kolu he lehulehu loa, a o kona ano apau ke nanaia aku, me he mea la oia kekahi hapa a lihi ponoi o ua pahu la, a he papa hao hoi ia no ka inoa o ka mea nona ua pahu la. I keia wa, pane ae la ia:
“E Moragiana, mamuli o ka loaa ole ana o ka mea au i noke mau ai i ka huli me ka hoomanawanui i keia ame keia la, ua manao iho la oe ua laweia aku mai a oe aku kou waiwai, aka, ma ko’u manaolana no nae, eia no ia mea ke waiho nei no me oe, a ma kahi nae i hiki ole ai ia oe ke hoomaupopo i kona wahi i waiho ai. Pehea la ka nui o na wa au i huli ai ia loko nei o keia wahi, aole nae i loaa iki ia oe ka mea a kou naau i kau nui ai.”
I ka apu ana ae o keia mau huaolelo i ka puanaia ae e ia, ua nana ae la ia ma o a maanei’o loko o ua keena la, la wa i kaomi aku @i kona manamana lima nui ma kekahi aoao o ka papa-hao e pili ana i ke pani o ka pahu. Alaila, me kekahi lima lalau iho la ia i kekahi kala kolu a unuhi ae la mailoko ae o kona poli, a ia wa i hoopili aku ai ia i ka maka o ua mea kala kolu nei a wili ae la i ke kui kolu i @ aku ai ka maka o ua mea kaia ia. @ iho o kona @ ana ae i ua kui ia a @ ia @ i ka@ ikaika @ ai ia i kekahi @ @ ua papa nao la, aia hoi, @ @ @ wahi holowaa uuku ma ka aoao o ua papa hao ia, oia @ i mahiki ma@ @ kahi i hemo ai o ke kui kona, ma ke @ he wahi apana hao ia i hiki ke @ @ho maluna o kekahi mea @.
I ka nemo ana mai o ua w@ @ waa nei, ne aneane hookahi @ @ no kona laula, a pela @ kona loa, a o kona manaonao ua uke me @apalua @. @au aku la keia me ka @lu nui o kona @a i ua wa@ @waa a @ @ke iho la ia ia loko, a ia wa i leha ae ai kona mau @ @ nana, a puana ae la oia @e mau huaolelo hoomaikai i na @ kiekie no ki nui launa ole o kona lokomaikai i kona hoopakele ana i ua wahi holowaa nei, aole i iho aku i ka lima o kekahi @ okoa aku. Mahope iho, lalau iho ia ia i ka mea e waiho ana maloko, oia hoi @ wahi apana pepa. Wehewehe ae la ia a hiki i ka manolahola poho ana ae e ua wahi pana pepa ia, oiai hoi ka malamalama o ka ihoiho kukui e hoomalamalama ana.
Me ka hauoli launa ole i heluhelu iho ai oia i ua mau huaolelo la, a i ka pau ana ua pane ae la ia: “E hoomaikai ia no ke Akua ma na l@ kiekie loa.” Alaila, opiopi iho @ @ i ua wahi apana pepa ia a hookomo iho @ @ maloko o ka pakeke @a@oko o kona kuka. Mahope iho ua hoihoi hou aku @a @a i ka@i holowaa uuku ma kona wahi mua, a hoopaa hou aku la ia i na mea apau ana i wehe mai ai, a hoi ae @a no na mea apau elike me ko ka wa mamua. Hoihoi hou iho la oia i ka ukana ana i hue mai ai mailoko mai o ka pahu, a like no me ka mua, ki hou iho la ia i ka pahu.
Hookahi mea maopopo loa, ua loaa ia Hurama ka mea huna pohihihi o loko o ka pahu laau oka, oia hoi, he wahi apana pepa. Heana la na olelo iloko o keia wahi apana pepa, aole kaua i ike, e kuu makamaka heluhelu i keia wa, aka, na ke au o ka kaua moolelo ma keia mua aku e hoike mai ia mea ia kaua.
O keia nae kahi apana pepa au e hoomanao, iho ai, e kuu makamaka heluhelu, oia kahi apana pepa au i lohe mau ai ia Moragiana e olelo mau ana he waiwai ia nona, aia hoi iloko o laila kona ola ame kona palekana. He waiwai ia i oi aku mamu o ke gula ame ke dala. He momi waiwai nui hoi ia mea iaia.
Mahope iho o ka hoihoi hou ana o Hurama i na mea apau a like me ko lakou ano mua, ua huli ae la ia a komo hou aku la iloko o ke keena o Moragiana. Hoopaa hou aku la ia i ke ki ma ka lipine e paa ana ma ka a-i o ua wahine nei, a hana iho la nohoi ia elike @e kona ano mamua. Alaila, nana hou iho la ia ma na helehelena o ua wahine la a hoi aku la oia e hiamoe no ke koena aku o ia po.
(Aole i pau)
HULUAA HOU O IAPANA IA RUSIA. LADANA, Nov. 11.- Penei ka olelo a ka mea kakau o ka Nupepa Times mai Shanghai mai: “Ke ikea pono ia aku nei ka ouli hoike no ke ala ana ae o kekahi hakoko ikaika mawaena o Rusia ame Iapana, mamuli o na hana a Iapana e hana nei ma Corea a ma na apana aina akau o Kina.”
FAHYS SILVER
E102
G. DIETZ.
HE MEA HANA WATI AKAMAI A PIHA NOEAU LOA.
Alanui Nuuanu, Hela @
Aia ma ke Alanui Nuuanu, mauka iho o ka Halekuai Pipi “Central Meat Market”
KAKELA ME KUKE
(KAUPALENAIA)
Poe Kalepa ma ke Komisina,
A He
Poe Lawelawe Kopaa
AGENA
2736-tf
Mai poina i ka nana ae i ke Kaa Heihei Wawae lua ole o ka paa, ka maikai ma ka holo ana, i keia ma na wahi kuai kaa apau.
Kalivilana Cleveland
HONOLULU BICYCLE COMPANY
209 Alanui Hotele. Telepona 909
2753-lm.
HOOLAHA KUMAU
Ka Hu Al hao me Aina o O ho
WAI A @HOPE AKU O IUNE 13, @
Manawa Holo
WAHI HOO- @(paragraph)
LULU @(paragraph)
Mai @ @(paragraph)
@ @(paragraph)
AM AM PM PM
Honolulu 7:10 9:15 3:00 @
@anana @ 9:45 @ @
Wili o Ewa @ @ @ 6:10
Waianae 9:27 10:@ 4:@ …
Waialua … 12 @ …
WAHI HOO- @(paragraph)
LULU @(paragraph)
Mai waho mai @(paragraph)
a i Honolulu) @(paragraph)
AM AM AM PM PM
Waialua … 6:12 … 2:@ …
Waianae … 7:12 10:09 3:@ …
Wili o Ewa 5:50 7:47 10:39 4:32 12:45
Wanana 6:15 8:07 11:@4 4:52 1:@
Honolulu 6:50 8:40 12:15 5:26 1:45
G. P. DENISON, Luna,
F. C. SMITH, Luna Kuai Palapala Holo
Metrolpolitan Meat Co
(Hui Kuai Pipi Metropolitan)
G. J. WALLER, (Wa@a)- Luna Nui
108 Alanui Moi
Poe Kuai a Hoolako i na Mok@
ME
Na lo Pipi, Hipa a pela’ku
E loaa mau ana na Manu ame na K@ mano i hoohu’ihu’iia iloko o ka Hau
Makepono ke Kuai i na i’o Pipi @ nei.
TELEPONA HELU @
Ka Ayer Laau Kunu
No ke Anu, Kunu. Ma’i ma ka Puu. Puu Eha. Anu ame ka Ma’i Ai Ake hoomaka hou. Aohe lua e loaa ai ka Laau Kunu a Ayer. O keia ka laau kunu kaulana loa i ikeia ka hololea o na lapaau ana maloko o ka Oihana Lapaau, a ua apono loa na Kauka lapaau ma kela ame keia wahi. E hoomaha@i ana ia i ka aai ana i ka pale lahilahi i pili aku ai ka ma’i, wawahi i ka male paakiki e kunukunu a e maneo ai ka puu, hoopau i ke kunu ana, a loaa hoi ka oluolu. Ma ke ano laau pale pilikia kokoke loa noloko o ka ohana o ka AYER LAAU KUNU ka helu ekahi. Aohe lua o keia laau no ka hoola ana i ke Kunu Ho, Kunu Kalea, Puu Eha, ame na ma’i apau o ke Ake-mama i loohia mau ai ka poe opiopio. Aohe ohana i palekana, ke ole e loaa ia lakou.
KA AYER LAAU KUNU
OIA HOI
KA AYER CHERRY PECTORAL,
I homakaukauia
DR. J. C. AYER & CO.
Lowell , Mass. , U.S.A
E makaala loa no na laau hoohalikelike kumukuai emi. Ka inoa o keia laau, oia ka AYER CHERRY PECTORAL. E ikeia ana keia inoa mawaho o ka wa-hi, a maloko nohoi o ke kino o kela ame keia omole.
Ke pookela o na laau no ka malama ana, ka hooulu ana me ka hoonani ana i ka lauoho, oia ka
Ayer Laau Hooulu Lauoho
Aole e kepia ke poo, oia na ma’i puupuu, aole hoi helelei ka lauoho. Ina maloohaha mai ka lauoho, hinawenawe a ano hina mai, alaila, @a keia laau e ho’iho’i hou ae a kona @ mua, a hooulu lupalupa ae la i ka lauoho. Ma na wahi apau, o keia Laau Hooulu Lauoho a Ayer ke pookela, a ua lilo ia i punahele a i hoapili no na lede ame na keonimana.
Ayer’s Hair Vigor
I homakaukauia e
DR. J. C. AYER, Lowell, Mass, U.S.A.
Na Medala Gula mai na Hoikeike Nui o ke A@
Hollister Drug Co. Lt.
Na Agena ma ka Paeaina Hawaii