Ka Nupepa Kuokoa, Volume XXXVIII, Number 48, 1 December 1899 — HALA O IOSIA KUA. [ARTICLE]

HALA O IOSIA KUA.

Ma ka po Poakahi nei i haalele mai ai o Mr. Josiah Kua, kekahi o na kanaka kamaaina loa ma Hawaii nei, ma kona wahi noho ma Kamoiliili, i ke 63 o kona mau makahiki. O kekahi keia o na Hawaii piha makaukau ma ka Olelo Enelani. Ua noho oia i kakauolelo na ka Ilamuku Mika Paka, a pela nohoi ma ke au mai i noho Ilamuku mai ai o Hon. J. L. Kaulukou. Ua lohe mai makou, ua noho oia i Lunahooponopono no ke Kuokoa nei i kahi wa i hala lilo loa ae nei mahope. He kumu kula oia ma ke kula Hanai o Hilo ma na la o Laimana e ola ana. Mamuli o ke kahuli ana o kekahi waapa o ka mokuahi Hawaii, ma ka la 23 aku nei o Novemaba, ma Honomu, Hilo, ua piholo aku la o David Kaai, kekahi luina o ua moku la. He maikai a he ui ka maiauia ana o ke alanui Kuakini i keia wa e na limahana o ke aupuni. E pau ana ka Ume "ekeeke lio" ana a na lepo kamehai nei o Kuakini. He aha mele hoikeike ke malamaia ana e ke Kula Kaikamahine o Kawaiahao, ma ka hora 7:30 o ke ahiahi Poaono ae nei, Dekemaba 2. Eiā ke hoolalaia nei i keia wa ke kii o ka halepaahao hol o Honolulu nei e kukulu ia aku ana ma keia mua aku. O ka Bila kikoo a kekahi Kauka 1 waiho aku ai ia Mrs. Parker, no kona lawelawe lapaau ana ia Lumaheihei Waipa, ma kona wa i haule ai i ka Ho, he $450, a ua hoole ia nae e ke kahu waiwai. Aia ma ke alahele moana e hoea aku ai i ka Poe Aina o Manila, he $1,000,000 maluna o na moku lawe koa, ma ke ano he uku ia no na koa Amerika ma ia Pae Aina. 0 ka la 29 o keia mahina aku la o Novemaba, oia ka la i hooholoia ai e ka Ahaolelo o Amerika Huipuia, ma ka M. H. 1887 e hooloihi hou ia mai ka wa e paa ai ke kuikahi Panailike no ka manawa o ehiku mukahiki. Ua lohe waie ia e hoea mai ana i Hawaii nei o Steph.en M. White o Kaleponi, kekahi o na Senatoa mua o ia mokuaina, ma keia mua kokoke iho.

Ua lilo ae nei ia F. J. Hiel, ka n\ea nona ka hale hana wai momona ma Pawaa ae nei (Sunny South) ka. aina oiieaweamahi ma Alanui Ema. Eia ke hoomakaukauia nei he buke pili hoomana e ka "Ekalesia i Hoonohonoho Hou ia" no ka mea e pili ana i ko lakou like ole me ka poe o Uta.