Ka Nupepa Kuokoa, Volume XXXVIII, Number 48, 1 December 1899 — HE UKU HOAILONA PAI KOIKOI. [ARTICLE]

HE UKU HOAILONA PAI KOIKOI.

Ma ka Poalima o kela pule aku nei i waiho aku ai o Loio W. R. Kakela he palapala kuai (ma ke ano trust) no na bona dala hou o ka Hui i kapaia "Hawaiian Commercial and Sugar Company" i hiki aku ka huina hala i ka I $2,500,000. O ka uku hoailona pai i "kakiia" ai no keia palapala kuai ua hiki aku no ia i ka $7,489, a huipu hoi me ka uku auhau dute no ka oihana Kaua o Amerika Huipuia, hiki aku la ka huina i ka $8,739 ma ke dala kuike. 0 ke pookela loa paha keia o na uku hoailona pa'i Aupuni i ikeia ma ka moolelo o ia keena ma ka noho Aupuni ana o Uawaii nei. E nana ae i ka makou mau olelo hoolaha e puka aku nei ma ko makou pepa o keia la. Eia i Honolulu nei ko makou hoaloha Mr. E. Kekoa o Hilo. He maikai no kona ola, a o kona ano kulana mau nohoi. Ma keia la i hoomalolo ai ko ma- J kou poe keiki hana. E hele nui ana 1 ka hoomaikai i na hana maikai o ka , la maikai.