Ka Nupepa Kuokoa, Volume XXXVIII, Number 49, 8 December 1899 — HE MOOLELO WALOHIA Ke Aloha o Kuu Makuakane Ke Aloha o ka'u Mea i Alhoa ole ai. Ke koko Alii ame ke Koko Makaainana. [ARTICLE]

HE MOOLELO WALOHIA

Ke Aloha o Kuu Makuakane

Ke Aloha o ka'u Mea i Alhoa ole ai.

Ke koko Alii ame ke Koko Makaainana.

(k'akauia e lIOOUL UMAIIIEIIIX) I keia wa i hoomaka mai ai ke ano e iloko o ka noonoo o ua lede opio nei no keia mau olelo a kona luaui makuakane, a ninau aku la ia iaia: "E Papa, e hiki' ana anei ia oe ke hai mai i keia mea? E hai aku au ia oe e Papa, ina no ua hana oe i na hewa apau ma ke ao nei, aole ia he mea e pau ai ko'u aloha iaoe, a pau hoi kuu hilinai ia oe; aka, e hooi loa ia aku no ko'u aloha nou. Ina no e huliamahi ko ke ao nei apau a ahewa mai ia oe, a hoino mai hoi, aia no kuu aloha me oe." I kela wa, nana hop aku la ia i kona makuakane, alaila, hoomau aku ia i ka oielo ana i kona luaui. "E kuu papa aloha, o ka nui o kuu, aloha, pehea la ia e pau ai? 0 ke aloha. o na kaikamahine e ae, ua ike no au ua mahele ia no ia mawaena o ko lakou mau makuahine ame leo lakou man makuakane. Aole hoi oia wale no, aka, mawaena o ko lakou mau kaikunane, na kaikuaana ame na kaikaina o lakou; a o ko'u alolia nei, aia holookoa no ia maluna ou hookahi. Nolaila, e papa, e hai mai oe ia'u i keia pilikia au e houpuupu mai nei. Ina hiki'ia'u ke ike aku ia mea me kou liai ole ana mai ia'u, ina'la ua maikai loa, eia nae, he mea pohihihi loa ia. Ua .ike nohoi au, 0 kou hai ana mai ia'u, he mea ia e hoehaehaia ai kou noonoo, aka, o ka mea wale no nae ia e hiki ai ia'u nei, kau kaikamahine, ke ike aku i ka pilikia au e uwe mai nei." Aole nao i pajie mai kona makuakane iaia, me he mea la ua auwana kona noonoo ia wa mai iaia aku, a i kela wa 1 honi iho ai kana kaikamahine iaia ma kona lae, a pane iho la ia: •'E kuu lei aloha, ua nui na manawa au i noonoo ai, pehea la ka nui o kuu hewa, eia nae aole hiki iki ia'u ke ike, a ke hoomaopopo iho ia mea. Ua heie ko'u noonoo a pohihihi. Malia i>aha e hiki mai ana ia oe ke hoomaopopo mai i keia mea a'u e kamailio aku nei ia oe ma ko'u hoike ana aku ia oe, penei: Ina ua hanauia mai kekahi kanaka ma keia ao o ka oihana imi waiwai I kana hana, alaila. e komo aku ana oia j ma ia hana. Ina hoi he oihana kahu- j napule kana i hanau ia mau ai oia, alaila, e lawelawe aku ana no oia ia hana. A ina he oihana hoopukapuka ilaīa kana o ka hanauia ana mai, alaila, aole ! no e nele ana kona lawelawe aku ia hana; aka, pehea la nae ka nenelu o ke poho ana i komo aku ai iloko oia hana, oia ka ninau nui e noonooia ai j e ua kanaka la?" "Aka, e Papa," wahi a lanatia i pane 1 aku ai i kona luaui me ka hoomau ana aku nohoi. "no kela ame keia hana maikai a ke kanaka e hana ai, aohe kaupale no ia mea. Aia nae he kaupale mawaena o ka maikai ame ka ino—j ka pono hoi ame ka hewa. Ua ike no oe, e Papa, o ka ewe ana o ka manao hana hewa i hookoia aku hoi ua hewa la, aole ia he mea e mananalo ai ka hewa i hanai'a." I Ua hamau iho la ka Ela ia wa, aole liiki iaia ke pane mai i kana kaikama- j hine, a hala he mau minute, a mahope j pane mai la ia: "Pela no, e leuu keiki. He mea oiaio no n;ve, ua hanauia mai kekahi poe i poe kanaka haku-mele —o kekahi poe hoi i poe pena kii, a ua hooko aku la lakou ia haawina i hanau puia mai ai lakou. No'u nei hoi, no kdu makua-j kane, ua hanauia mai au no ka oihana hoopukapuka waiwai, nolaila, ua konoia au e hana aku ia hana." "Heaha hoi auanei ka pilikia oia oihana, e Papa?" wahi a ke kaikamahine. Ke ike la ka Ela ia wa, aole i mao-* popo i kana kaikamahine ke ano maoli 0 kana mea i hai mai ai iaia, no ka mea e pili ana i ka oihana waiwai, a ia wa i hooikaika ae ai ia e hoike mai i ke ano o ka hana hoopukapuka waiwai ana I hai mai ai i kana kaikamahine: "Ano, e kuu keiki, e hoolohe mai oe 1 ke 'ano o nei hana a'u i hana ai. He l«ana keia no ka puka ame ke poho aku, no ka loaa mai hoi a no ka lilo aku. I kekahi wa a'u e hana ai i keia hana, e nui ana ko'u puka; a i kekahi wa hoi, nui ana ko'u poho. A mamuli o ko'u makahehi loa i keia hana, ua hoopapau loa aku la au i ka lawelawe mau ana l ua hana la. E kuu keiki e, o ke ano maoli o keia hana hoopukapuka waiwai au i hai aku la ia oe, he piliwaiwai no ia. Ua paa au kou makuakane nei iloko o keia hana. I kekahi wa e kuai nui ana au i kekahi mau mahele kuleana iloko o kekahi mau hui hoopukapuka, a paa iho la hoi kuu agena ia mau īnahele kuleana no kekahi mau la pokole wale no a kuai lilo hou aku la, a loaa mai la ia'u he mau dala mahuahua; a i kekahi wa hoi, o na mahele kuleana a'u i kuai aku ai, ua poho iho la, a ua oi aku ko'u poho ma ia hana ana mamua o ka mea I loaa mai ia'u.

He umikumamalima makahiki mahope mai, ua poho iho la au he huina dala nui loa. I mea hoi e paa ai keia huina dala a'u i lilo aku ai, a i mea nohoi e hiki ai ia'u ke lioomau aku i keia hana ua moraki aku la au i Kuremebi Hale i nei, aka, ua hahai mau no nae ka pakalaki ia'u, a ua nele au i ke dala ole. He j 10,000 paona (dala Pelekane) a'u i mo- j raki aku ai i keia hale ame na aina apau i pili i keia hale; a o keia huina dala, ua haawiia mai ia ia'u e īoane Kuluroke, kekahi kanaka kalepa waiwai nui. Aole palia oe i poina i kana keiki ia Haremano Kulurose?" Aole i pane aku o lanatia i kona luaui makuakane i kona ninau ana mai no Haremano Kulurose, aka, ua hoike ae la nae ia he helehelena hoowahawaha no ka mea nona ka inoa i hoikeia mai ai iaia. Alaila, hoomau mai la ua Ela nei i ke kamailio ana i kana kaikamahine. "Aka, aole nae hoi keia huina elala i hoopilikia mai ia'u, oia M ua hiki no ia'u ke ola ma o ko'u mau wahi loiia j makahiki i koe. Ua/manao nohoi au e ! kaa ana no ia'u keia huina dala ma ka wa e hoopomaikaiia mai ai au e kekahi ulfa laki. He elua makahiki mahope mai, ua komo aku la au iloko o kekahi | hoowalewaleia mai. Lohe ae la au, ua ua kukuluia he hui hoopukapuka eiala ! hou; a he kakaikahi ka poe e komo ana ! iloko o nei hui, a manao iho la au, he hui pomaikai keia. He hui eli dala keia ma Mekiko. Oiai au e noonoo ana i keia hui, hoea mai la kuu agena waiwai me ke kamailio pu ana me a'u no nei han?.. Noke mai la hoi neia kanaka i ka kamailio ia'u no ka pomaikai o nei hana —he nui launa ole mai ka pomaikai e loaa ana mailoko mai o keia lua eli dala. Ua punihei loa au no keia mau olelo piha waiwai a ua agena nei o'u, a hui mai la hoi me na olelo a ko'u mau hoaloha he nui, aole i kana mai ko'u paulehia loa i ka nui o ke dala e loaa mai ana ia'u. Olelo mai la kekahi poe hoaloha o'u, ina o ke kanaka e hookomo ana he 200,000 paona iloko o keia hui e loaa ana iaia he mau miliona elaia kona puka. Ua hele pu aku la au me kuu agena i Ladana, a halawai iho la nohoi me na kanaka kalepa a imi waiwai he nui o loko o ke kulanakauhale. Hoike mai la nohoi kela poe ia'u, i ko lakou manaoio he hana poho ole no ke kanaka ina e hookomo ana oia he huina dala mahuanua ma keia hana. Na keia mau olelo, ua hooholo iho la au e hookomo au i huina dala na'u iloko o kela hui eli dala ma Mekiko, nolaila, ua moraki aku la au i ko'u mau loaa e ohi ai ai mailoko mai o ko'u mau waiwai no ka manawa o ekolu makahiki, a huipu-hoi me kekani mau wahi dala e ae a'u ua piha iho la ka'u mau dala he 200,000 paona. I ke komo ana aku nei o ua mau dala nel a'u, kakali aku la au o ka loaa mai o ka pilka noloko mai o ua hui eli dala nei a makou. I ka hala ana o hookahi makahiki mahope mai, a ma ka la Karikimaka no elike me keia, aia hoi, loaa mai la ia'u ka lohe, ua haule pahu iho la ua hui nei a makou, a ua poho hoi ka'u mau da!a. O ka wa i loaa mai ai ia'u o ua lono pilikia la, oia no ka La Karisimaka elike me keia au, e kuu lei aloha, au e lohe mai nei ia'u e kamailio aku nei i ka pilikia o'u nei, o kou Papa, a pilikia pu hoi oe, e kuu lei. "Nolaila," wahi a ua Ela nei i lioo.» ho ae ai me ka leo ehaeha o ka walohia, me ka hiolo ana iho hoi o kona mau waimaka ma kona mau papalina, "e kuu lei aloha, owau nei o Maurice, kou makuakane, he kanaka ilihune au i keia la. Owau ka mea mua loa o ka lalani alii o kou mau kupuna mai ka po mai, i hapala me ka hooluu eleele o ka hilahila maluna o ka inoa alii o ko kaua hale nei. Nolaila, e kuu lei aloha, o kuu pakele mai loko mai o keia pilikia, aia no ia maluna ou, e kuiHei. He wahi aloha anei kou ia'u? A i ole, ke nana mai nei paha oe ia'u me na onohi maka o ka hoowahawaha?" "E papa, ua hana oe elike me ka hiki ia oe ke liana; aka, aia ka ulia pakalaki ma kou aoao," wahi a kana kai- * kamahine' i pane aku ai iaia. "E hoolohe hou mai oe i ke koena aku o kuu pilikia—ae—i ke koena aku o kuu hilahlla. He eono mahina mahope mai, kakau mai la ka luna nui o ua lua eli dala nei a makou ina e hoouna aku au i elima tausani paona, alaila, e hiki aua ke lioohana hou ia na hana o ua lua eli dala nei, a ma ia hope aku e ohiia ai ka puka. I kela wa, aohe a'u wahi dala e ae ma ka waihona, aole nohoi ma kekahi ano e ae, leoe wale no na dala a kou kaikunane ohana, nona ka inoa o Winihama Care. He 5000 paona ka nui o keia mau dala malalo o ka'u malama ana. Ua hookomo au i keia mau wahi dala ma na mahele banako, a e loaa ana hoi iaia he mau wahi ukupanee maikai. I kona haalele ana iho ia nei, a holo aku la ia no Inia, ua olelo hoomaoe mai la oia ia'u, ina e ike ana au i kahi e hiki ai i kana mau dala ke loaa he 10 pa-kencta ma kahi o ka 5 pa-keneta e loaa ana iaia ia wa, alaila, e hana aku au ia hana Ma ka wa i loaa mai ai ia'u ka palapala a kela luna nui o ka lua eli dala o makou, ua manao iho la au, he hana e loaa ai ka uku-pakeneta kiekie i aa dala a ua kaikunane nei ou, ina au e hookomo ana iloko o ka hui eli dala a makou, oiai, he wa pokoie wale no koe

a holo pouo ua hui uei; īiolaila, me ko'u nonoi ole ana aku i ua kaikunane nei ou, ua hoouna aku la au i keia 5,000 paona i Mekiko; aka, me ka weliweli i liai aku au ia oe, ua poho keia mau dala a kou kaikunane. Aole paha he kanaka hupo elike me a'u?" "Ke ike nei au, e Papa, ua hiki aku ka nui o kou mau aie apau i ka 215,000 paona, a ua like ia me hookahi miliona dala a oi ma ke dala Amevika. No na dala nae a Winihama Care, ua liiki no ia oe, e Papa, ke hookaa hou aku. Ua maopopo no ia'u, aole oe i manao e hoopoho ia mau dala, aole. "Aka, pehea la e hiki ai ia'u ke hookaa aku i keia mau dala? O ko'u makemake maoli ia, o ke kaa aku o keia mau dala a kou kaikunane, a pau ae keia pilikia ou; aka, pehea la e hiki ai. E.hai aku au ia oe, e kuu lei aloha, o kou luaui i keia la lie kanaka ilihune loa ia—he kanaka nele. Ae, owau nei o ka Ela hope o Kammehi Hale nei, he kanaka poino ia i keia hora. Ua morakiia ko'u mau loaa makahiki apau —ua morakiia aku e a'u keia wahi— a ua pau ko'u mau waiwai apau i ka paa i ka aie—aohe o'u wahi waihona kuonoono i koe. Eia au, kou luaui he kanaka e noho aku anii iloko o ka hale ilihune. O ce ka hoi ka mea aloha, e kuu lei, aohe ou home e noho iho ai, a e ike aku ana hoi au ia oe e hele ana mai a'u aku me he kaikamahine makua ole la, a e haawe ana hoi oe ma kou kua i ka liilahila ame ka ililiune—" ■ M-aanei hoomaha iho la ua Ela nei i ! kana olelo ana. Hiolo makawalu mai | la na waimaka ma kona mau papalina, j alaila, pane mai la ia: "E kuu lei, e kuu keiki—aole hiki j ia'u ke ola. O kuu make oia wale no ka j haawina kupono e kau mai ai maluna o'u." 1 "E Papa, mai hookMimaha oe i kou noonoo ma keia mea. No ka mea e pili ana i na dala a kuuane, manao au ua pono no kou hana ana, a o ke I poho wale ana nohoi ka hewa. E hiki ana no iaia ke hoomanawanui no kana dala, a ka wa kupono hoihoi aku no kaua." "Aka, e lanatia, ina paha ia e koi mai ana ia'u i ka Ia apopo, oia hoi, e I jaa mai he kauoha mai a iaia mai ma ka la apopo e hoihoi aku au i na paona he 5,000 ame ke ola o ia mau dala, heaha ka kou maliuakane e pane iiku ai?" I keia wa i haloiloi ae ai ma waimaka ma na maka o lanatia, nana aku la ia i kona luaui makuakane, a pane aku la: "E Papa, aole anei e hiki ia'u ke kuai aku i kuu mau komo daimana, lei daimana, na mea hoonani momi o'u, ame kekahi mau mea hoonani e ae o'u he nui? Eia nohoi na kii o loko nei o ka liale, manao au ke hui keia mau mea apau, e loaa ana no he 5,000 paona?" "O kou mau mea hoonani apau, aole i hiki aku ko lakou waiwai io i ka akahi hapaha o ko lakou waiwai io i kinohi. O na kii o ioko nei o ka hale, aole ia mau mea no kaua. Ma ka wa i mo rakiia aku ai o Karumebi Hale nei, ua lilo pu aku la.ua mau kii Ia aine na mea apau maloko nei o keia hale. E kuu keiki, he kanaka poino kou Papa i keia la e ku nei." I kela wa i uwe iho ai o lanatit. Ike iho la ia i ka pilikia o kona luaui ma-" kuakane, ame ia pu nohoi. Ike iho la ia, o ua La Karisimaka la, ka la a na poe e ae e liauoli ana, he la poino loa ia nona, he la ia i aahu ai ia ame kona makuakane i na aahu kumakena o ke kaniku no ko laua poino, alaila, huli ae la ia a ninau aku la i kona makuakane: "E Papa, heaha ka kaua mea e hana ai?" "E kuu lei, aole au i ike, i ka mea pono a'u e hana ai. O ka'u mea wale no i ike i keia wa, he kanaka ilihune au. E hoomaopopo mai oe i keia. O oe, ua hanaiia oe mai kou mau la opiopio mai, a nui oe iloko o ka nani ame ka hanohano. He mau kaa nani kou e holo ai, he mau lio hani kou e kau ai, he poe kauwa e lawelawe ana nou, he mau aahu nani kou e aahu ai, a e hana ana hoi oe elike me kou makemake apau; aka, e kuu lei aloha, heaha ia auanei kou hopena ke hoea mai ka wa e kailiia aku ai keia home mai a oe | aku, a hookuewaia aku hoi oe mai kej ia wahi aku? Auwe! ko kaua poino, e ' kuu keiki! Aloha wale no ka hoi kaua ma ka la e kipakūia aku ai Kaua mai ka hale aku o kou mau kupuna. Ma ia !a, e paa aku ai au ia oe, a e paa mai ai j hoi oe ia'u, i kou luaui nei, a hele aku kaua me na waimaka e hiolo ana ma 'ko kaua mau papalina. Aloha—aloha wale kaua! Hele aku kaua mai keia wahi aku, aohe wahi kilina hookahi ma ko kaua mau pakeke. He nele—he nele maopopo." Haikea pu ae la na helehelena o lanatia, a ninau aku la ia i kona luaui: j "E Papa, o keia iho la anei ka mea oiaio o ko kaua noho makua a keiki ana i keia wa?" I kela wa i oni ae ai ua Ela nei me ka haalulu nui ana o kona kino, a haule iho la kona mau kuli maluna o ka papahele, ma ke alo o kana kaikamahine. "E kuu lei aloha, e kala mai ana anei oe i kuu hewa a'u i hana hewa aku ai ia oe? E ae anei oe e iho aku ke oho hina o kou luaui makuakane nei iloko o ka lua kupapau me ka loaa ole ana mai o kau kala ana iaia? He mea oiaia, ua hana hewa loa aku au ia oe. Mamuli o kuu lokoino ia oe, e kuu lei alo-

lia. ua hookuu aku au ia oe ma k" alahele o kou hana ana aku me kou lima ponoi iho i mea e loaa ai kau ai ame kau i'a. E kala niai ana anei oe ia u. e kuu kaikamahine?" Kulou iho la o lanetia a honi iho la i kona makuakane, a pane iho la: ,4 E Papa, inai kamailio mai oe ia'u elike me keia. Va hana oe I keia mau mea apau au i hoike mai nei ia u. no kou pono ame ka pono hoi o'u, o kau keiki nei, aka v mamuli o ka nui o ka paka-laki i loaa inai ia oe f «a pilikia iho la oe, a pilikia pu hoi au. Imua o'u uei, o kau kaikamahine, aolie ou hewa e kuu Papa. Owau kau keiki, a. aole na'u e ahewa aku ia oe. O ka'u wale no e lioike aku ia oe, oiai ua ilihnne oe, e kuu Papa, ke kumu e loaa ai ia'u he nohon'a kuonoono, ke hele oe m'ai loko aku o keia hale, owau pu no kekahi e hele me oe. Noho oe i ka ilihune, noho pu no kaua ilaila. Na'u uo e imi i na inea e loaa ai ka kaiui wahi papaa palaoa a apana io bipi hoi. E hana no au nou ame a'u. Aole au hilahila ia mea he hana. E hana no au i na mea apau e oluolu ai oe, e kuu makua—e kuu Papa hoi. Mai nonol mai oe ia'u ia mea he kala ana. Ua makaukau loa au e auamo pu me oe i na ehaeha apau o ka nohona nele ame ka ilihune, a o ke Akua no ko kaua puuhonua." Hoi hou oe la ua Ela nei a noho iho la maluna o kona noho, a kamailio hou mai la oia i kana kaikamahine me ka leo haalulu: "I nehinei loaa mai la ia'u ka palapala mai Mekiko mai, aohe wahi waiwai o ka lua eli dala, ua poho loa na mea apau. I nehinei nohoi i loaa mai ai ia'u ka palapala a ka luna hooko kuoha waiwai o Keoni Kulurose, ka mea a'u.i aie ai i na dala he 10,000 paona, na dala hoi e paa nei o Karumebi Hale malalo o ka moraki, e hookaa aku au i keia mau elala me ka uku panee pu. Ua haawh mai nei nae lakou ia'u, iloko o ekolu maliina au e hoihoi aku ai i keia mau elala, a ke hala ia manawa, o ka lilo no ia o kela wahi malalo o ka mana o ka lunahooko kauoha o ka palapala kauoha a loane Kulurose." "Ina pela, e Papa, pa lawa loa keia manawa nou e aie aku ai i kekahi mea elala no ka hookaa ana aku i keia mau dala. "Ia wai la au e aie aku ai i keia mau dele he 10,000 paona? Aole paha he mea e haawi mai ia'u ia huina dala nui no kahi apana pepa waiwai ole a'u e haawi aku ai i ka mea a'u e noi aku al ia huina? O ka mea maopopo loa, ua lilo o Karumebi Hale nei i ke keiki a ke kanaka makaainana, oia hoi o Ha-i-emano Kulurose. O keia lilo ana aku o keia hale i kela kanaka koko alii ole, a lie kanaka hoi ia o ko kulana makaainana wale no, he me ia e puoho mai ai kou mau kupuna alii mai ka po mai. a uwe helu mai lak'ou no ka lilo una o ka hale i v malamaia ai e lakou ine ka nene ihi-kapu loa." I kela wa i kulou ilio ai ke poo o iatietia ilalo, a liuilu, aea ae la ia huii aku la ia.a nana aku la i kona makuakane, a pane aku la: "E Papa, ua maopopo ia'u na :nea e piii ana i ko kaua noho ana. He oiaio. eia kaua iloko o ka pilikia. K neie ana au i ka waiwai. e nele ana au i ka hanoliano e nele ana au i na mea apau 0 ka uohona kuonoono, aka, aole au i nele ia oe, e Papa. E like no me ka u 1 olelo mai}, aku ai ia oe, o oe hookalii lea'u mea aloha, o oe hookahi nohoi ka'u mea nui. O.kuu aloha uou, ua oi loa aku ia i keia wa. E auamo ana au me ka hoomanawanui i kou mau ehaeha apau. O ka'u mea i makemake ai e hai aku ia oe, e Papa, oia keia: Eia ia nei ka Haku Ravenakuta, ka mea au i manao ai e Papa i hoea mai oia ia nei no kona makemake ana owau kana wahine. He mea pono iaia ke ike, he wahine ilihune au, aohe a'u loaa, aohe hoi o'u waiwai. Mamuli auanei o kona ike ana i ko'u ano oiaio maoli e ku nei i keia wa, ma ke ano, he wahine au i nele i na mea apau o keia ao, e ike ai kaua, no kuu kino nei paha kana i manao ai e mare mai ia'u, a i ole, no kona manao ana paha e loaa ana he waiwai nui iaia ma o'« nei? A e hai aku a« ia oe, e Papa, ke mihl loa nei au i ka nui launa ole mai o ke dala a'u i lioomaunauna aku ai ma kela aha hulahula ame ka ahaaina o kela po aku nei. 0 hai kai hoopomaikaiia ma keia mau mea, aka, owau nei nae ame oe ke auamo ae i ka pilikia ame ke kaumaha." "E ku.u lei," wahi a ka Ela i pan«> mai ai i kana kaikamahine, "E hai mai oe ia'u, he aloha no anei oe ia Haku Ravenakuta?" "E Papa, aole o'u aloha iaia. Aohe i komo mai ia mea iloko o ko'u naau. He wahi makemake no ko'u iaia, a o ke aloha nae la, aole. Malia nae paha, aia a loihi aku ka mana noho pu ana alaila, paha komo mai ia mea he aloha iloko o'u n&na. No keia wa, e hai aku au ia oe, e Papa, aohe o'u aloha iaia." O oe no ka'u i aloha ai me kuu naau apau. (Aole i p.iu.) Ua hala aku nei o Konela Gilbert F. Little o Hilo no Wasinetona, Amerika Huipuia. I Honolulu iho nei o Lunakanawai J. W. Kalua i na la omaka mua o keia pule, a huli hoi aku la no i ka malu hekuawa o na Wai-eha.