Ka Nupepa Kuokoa, Volume XXXVIII, Number 50, 15 December 1899 — AOHE MAU OLELO HOAKAKA MAI KA PAPA OLA MAI NO KEIA MA'I [ARTICLE]

AOHE MAU OLELO HOAKAKA MAI KA PAPA OLA MAI NO KEIA MA'I

! A hoea mai i "ke kakahiaka o ka Poaha nei, oia hoi ka lua o na kakahiaka mahope mai o ka ikeia ana wahl a na kauka, no ka hehi lau Eleele, i kapaia he Ma'i Ahulau Bubonika, aole loa makou i ike iki ua hoopuka mai ka Papa Ola he mau kuh'ikuhi, a he mau alakai e hoonaauao ana i ka lehulehu Hawaii no ke ano nui o keia Ma'i Ahulau, a pela pu hoi me na olelo alakai kupono no ka hana e pono ai ke hanaia e ka lehulehu o loko nei o ke kulanakauhale, ma ke ano lapaau, a ano hana e ae paha e loaa ai he kaohi :ma aku i ka nee mahuahua ana ak;u o ka ma'i. Aole mkou i ike heaha la ke kumu o ko ka Papa Ola hana ole ana i keia hana? Ua ike nae makou maloko o ka nupepa P. C. Advertiser o ka Poakolu nei, Dekemaba 13, he mau olelo hoakaka no ke ano o keia mai, i laweia noloko mai o ka Buke Wehewehe Ano, i kapaia "Encyclopedia Britannica," a ma ko makou hoomaopopo ana he mea waiwai nul keia i hanaia e ia Nupepa no ka pono oka lehulehu. Oka makou hoi i ake nui loa ai, oia ka loaa pono ana mai he mau hoakaka mai ka Papa Ola ponoi mai. j Aole keia oko makou wa mua loa i koi ai i keia ano hana e loaa mai ka Papa Ola mai no na alakai o keia ano. Ke hoomanao nei no makou ma ka wa i puka ai ka Ma'i Kolera i kaa ai ka hooponopono nui ia ana o ka hana kinai i ua mai la malalo o W. O. Kamika, ka Loio Kuhina ia wa, elike nohoi me Loio Kuhina Kupa e lawelawe nei i ka hana kinai i keia mai e oleloia nei he ma'i ahulau Bukonika, ua koi I ka Papa Ola ia wa no na Rula alakai J a mau olelo hoakaka kupono no ka ho- ! onaauao ana i na kanaka Hawaii ma--1 oli. | O keia mau hoakaka a makou i ike ai maloko o ka nupepa P. C. Advevtiser oia ka makou i unuhi mai ai a waiho aku no ka pomaikai o ka poe apau e heluhelu ana i ka makou nei pepa; a e ikeia ana hoi keia mau hoakaka ma kekahi wahi o ka pepa o keia la, malalo o ke poo "KA MAI AHULAU BUBOi NIKA." i hoikeia ma ka aoao ekahi.