Ka Nupepa Kuokoa, Volume XXXVIII, Number 51, 22 December 1899 — KA ITALIA HAWAII. [ARTICLE]

KA ITALIA HAWAII.

E hoike ana kekahi nupepa puka la o "Seattle Daily Times," o ka Poalima aliiahi, Dekemaba 8, 1899, ua hoea aku ilaila (Seattle) o Mr. Robert W. Wilcox mai Kapalakiko aku, a. aia ua nolio oia maloko o lea Hotele Occidental. Maloko o keia nupepa i hoike pu ia ae ai ke kii o ua Italia Hawaii nei iloko o kona aahu koa Italia. Ma kona ninaninau ana mai e kekahi mea kakau o ua nupepa la no ke ano nui o kana huakai e hele aku ana i Wasinetona, ua pane aku la ia, penei: "Aole loa i loaa i na kanaka o Hawaii, oia hoi na Hawaii maoli, he hoike pono ia ana o ko lakou mau manao ma Wasinetona; aole loa laku i ui ia aku no ka mea e pili ana 1 ke ano o ke Aupuni a ka AhaoleloNuie manao neie haawi aku no lakou. He mea oiaio, ua hoouna mai ka Aha Kuhina o ke Aupuni Hawaii he mau wahaolelo no lakou ponoi iho nohoi, aole no keliahi poe e ae, a no ka poe hoi kekahi i pili aku ia lakou, oia hoi ka poe e ku nei he aupuni oligaresia, a o ka lakou misiona nui ia nei, pela ka makou hoomaopopo ana, ota ka hooikaika ana e hoomauia aku na luna aupuni e noho nei i keia wa, a i hoowahawaha loa ia ho\ e ka hapa nui o naī kanaak Hawaii maoli ame na Amerika. "0 kela poe wahaolelo, a o kekahi poe hoi o lakou, ua ukuia mailoko mai o ka waihona dala o ka lehulehu, i hoomaleaukauia e ka Aha Kuhina no ia hana, ame ka man ole hoi mi Wasinetona mai. He mau mānao no ko na kanaka Hawaii ma keia mea, he mau iini hoi ia i pili, i ko lakou puuwai, a i pili ole hoi i keia poe elele i kohoia maiwaena mai o ka poe kue i ko lakou mau moiwahine, aka nae, o keia poe elele/ keia poe keonimana na lakou keia misiona e hele aku nei e onou aku ia lakou iho iloko o ka Ahaolelo Nui, ma ke ano he poe wahaolelo laīeou no ke kanaka Hawaii, aole loa lakou i hooikaika e loaa ona wahaolelo mai waena mai ona kanaka Hawaii. Paulele makou i na kanaka Amerika, paulele makou i ko lākou kulana kaulike a hoōpono, a ua oi ae hoi ko makou manaoio oi ae i ka manaolana wale no, aole loa na kanaka Amerika i niakeipake iki e hoopilikia mai ia makou; a oia auanei ka hopena e hoomaopopo iho ai ka Ahaolelo Nui ame ka lahul Amerika, mg, ke ano, o ka makou mea ia e pnio aku ai."