Ka Nupepa Kuokoa, Volume XXXVIII, Number 51, 22 December 1899 — KA MEA HUNA A KA KA HAKU OPIO O KAKELAMAINA KU ALOHA! PEHEA AU? [ARTICLE]

KA MEA HUNA A KA KA HAKU OPIO O KAKELAMAINA KU ALOHA! PEHEA AU?

He Moolelo Walohia i unuhiia e Hoolaleakauakukalahale ka mea nana i unuhi "KE ALOHA O KUU MAKUAHINE," Ke Aloha o Ka'u Mea i Aloha Ai." MOKUNA I. HEAHA KE KUMU O KONA MARE OLE ANA. ' 0 ——- Aia maloko o ke kulanakauhale o Ladana kekahi Loio kaulana loa nona ka inoa o loane Rusekina. He ekolu keia poe hoahanau, a he poe Loio nae wale no lakou apau. O ko lakou inoa oihana i kapaia ai lakou, a i kamaaina loa ai hoi lakou mawaena o na kanaka, oia no Na Hoahanau Rusekina. Ua make hoi he el.ua o keia poe hoahanau me ko laua male ole ana i mau wahine na laua, a nolaila, mamuli o ko laua make ana me ka hooilina ole, ua ili mai la ka waiwai apau o ko lakou mau mak.ua maluna o ko laua kaikaina i koe iho, oia hoi o loane Rusekina. Na keia poe i malama i na loaa o ka Hale o Kakelamaina, a o ka mea e noho ona nei i keia wa ma ua hale kakela nei, oia no o oiai ua make kona luaui makuakane, a leane hoi a ke Duke wahine Adeliza. Aka, ma na mea nae apau e pili ana i ka hooponopono ana ame ka nana ana i na mea apau e pili ana i ua waiwai la, aia no iloko o na lima o ke Duke-wiihine Adeliza, ka luaui makuahine o Beretarana. O keia loane Rusekina, oia ka loio nana e hooponopono ana ma ka aoao pili kanawai no na waiwai apau o ka Haku Opio o Kakelamaina, a oia nohoi ka hoa kuka o Ua Haku Opio la. Ua ili mai la maluna o Beretarana mamuli o ka make ana aku o kona makuakane na waiwai he nui. Aia ka Hale Kakeia o Ruda ma Derebisaea, ka Hale Kakela o Ruda ma Belegaravia, ke Kakela o Craig, ka Papu kahiko o Noretumabalana, ka Hale o Hatona ma Kent am§ ka Hale o Cumebera ma ka Mokupuni o Waita. He mau hoolimalima nunui ke loaa ana mailoko mai o keia jnau waiwai apau. Mawaho ae hoi o keia mau loaa makahiki nui launa ole mai, aia na mea gula, na kii hoonani, na lako hale lehulehu, ame na waiwai ame na pono hale e ae he nui maloko o keia mau hale kakela lehulehu i hoikeia ae la. A o keia mau mea apau, aia no ia maloko 0 na malama ame na kiai ana a ke Duke-wahine Adeliza. Ua manao nohoi ua Duke-wahine nei e haawi aku i keia mau mea apau ilo- [ ko o na lima o ka wahine a kana ke- | iki; aka, aohe nae ana wahine e noho | nei i keia wa. O keia noho wahine | ole ana a ua keiki nei ana, oia kekahi 1 mea nana i hoopilikia loa mai i kona | noonoo; a ua nooi loa ia aku hoi keia pilikia o kona noonoo i kona ike ana ame kona hoomaopopo ana, aole makemake iki o ua keiki nei ana e mare wahine. Aohe hoihoi iki o ua keiki nei ana i ka noho pu ana ma ke anaina a poai hoi o na wahine, aka, he a-he loa ia mai a lakou aku. O ke anaina, ka poai ame ka launa ana a na kane, oia ka mea makemake loa a ua Duke Opio nei 0 Kakelamaina. Ua lilo keia hana a ua Haku Opio nei i mea hoopilikia loa 1 ka noonoo o kona luaui makuahine. E noke mau ana nohoi i kona makuahine i ka lawe mai I kela ame keia manawa pono ana e ike ai, he poe wahine ui i ka Hale o Kakelamaina, aka, aohe no he wahi mea o ua keiki la ana, a maliu mai i nei mau nani ana i lawe mai ai. Mawaho ae hoi, o nei hana hoomaikeike nani ana e hana mau nei imua o kana keiki, e noke ana uohoi oia i ke kamailio mau aku iaia no -kona kupono loa e mare i ka wahine. "E Beretarana, he mea pono ia oe ke mare i wahine nau," wahi ana e kamaili aku ai i ua keiki nei ana, me ka olelo ana aku hoi. "O ke kanaka opio waiwai nui elike me oe, a he alii nohoi 7jO ka aina e noho wahine ole a hlki i ka make ana, he mea ia i ike ole ia maloko o ka noho ana o Pelekane nei mai kahiko loa He mea pono ia oe ke mareia i ka wahine i lawa pono loa ai ka hanohano ame ka haaheo o kou hale nei; a o ka wahine hoi au e mare aku ai, he wahint ia e kohu pono ai kou kulana alii. Ua ike no oe, mahope aku o na 'Lii Poo Kalaunu o Pelekane nei, o na'lii aku o ka

hale o ka ohana Kakelamaina, oia hoi oe. Nolaila, he alii kiekie loa oe no Pelekanenei." Aka, i kela ame keia wa ana e kamailio aku ai i ua Haku Opio nei elike ae la me keia mau olelo, aole no ua keiki la ana e'pane aku ana iaia. Aole oia e olelo aku ana iaia, aohe ona niakemake e mare i ka wahine, aole nohoi ona hai aku iaia, he makemake oia ia mea he wahine. I kekahi wa nae a kona makuahine e kamailio mai ai iaia no ka mea no e pili ana i kona mare ana, ua aka wale iho la no ia me ka pane ole ana aku no i kona luaui makuahine. I kekahi wa hoi, olelo mai la ua Duke-wahine nei imua o ua Haku Opio nei, penei: "O na daimana o ka Hale o Kakelamaina nei, ke malama hoopunahele loa nei au ia mau mea, a hiki i kuu wa e ike aku ai i kou apo ana aku i kekahi wahine koko alii o loko nei o ka aina i wahine nau a ia wa au e haawi aku ai ia mau mea iaia." Aka, o ka pane nae ana e pane aku ai i kona makuahine oia keia: "Aohe wahine o loko nei o Pelekane e kohu pono ai ko lakou mau hoohiwahiwa ana elike la me oe e mama." I kekahi wa lioi, e kamailio aku ana 1a i ua Haku Opio nei:

"E Beretarana. ina nohoi paha oe elike me kekahi poe kanaka opio e ae, ina nohoi ua pono; aka, ma ka'u lioomaopopo aku i kou ano, heaha la ka hoa like. Aole o'u makemake e noho kukule wale mai oe me ka loaa ole ana he wahi eueu a lana ae hoi o.ka manao me ka piha hoihoi. 73 hani nohoi paha oe elike me na kanaka opio e ae he nui e hana mai nei, oia hoi ko lakou haawi ana i ka lakou mau hoopili ana i nei mea he w'ahine. Pehei la e hiki ai ia'oe ke koho i kau waasno i makemake ai ina e hoomam io loa ana oe ia. oe iho mai a lakou mai? He ahiu maoli no oe mai a lakou mai. Aia nchoi o Lede Casanadera, Luravila nohoi, ka lna ole o na kaikanlahiue ui o Enelani nei, a he kaikamahine waiwai nohoi; nokeaha nohoi kou mea hoao oie e launa pu a hookamaaina loa me ia ?" Aka, aohe pane e ae a ua Haku Opio liei o Kakelaiiiaina e haawi mai ai i kona makuahine, o Ha mino aka wale aku no. Nana p.ku la hoi leona maki'.ahin? iaia a pane aku la me ka leo ano hoohuhu: "Aole paha ia o kau paiie kupono e haawi mai ai ia'u, o ka aka wale mai no. E hoike mai oe i kou man'ao maoli. Pehea?" "E mama, ua iawa ka'u inino aka ana aku ia ia oe i pane no kau ninau i hoohuoi mai nei imua o'u." Hala ae la he umi makahiki o ka 110ho wahine ole ana o ua Haku Opio nei o Kakelamaina, a iloko o keia mau makahiki he umi e noke mau ana nohoi kona makuahine i'ke koi iaia e mare oia i wahine, aka. he ole kā, ae o ua haku opio la. 0 ua Haku Opio nei, oia ka helu umikumamakolu o na Duke o Kakeiamaina. He umi makahiki o ka waiho ana o kona luaui makuakane iloko o ka luakupapau, a he umi hoi mau niakahiki hou i papahi hou aku i ka nui o na hipuu makahiki i loaa i kona luaui makuahine, a oia mau no nae kona wahine ui, ame ka hiehie o kona kulana ma na ano apau. 1 ka hoea ana mai o ua Haku Opio nei i keia kiekiena o umi makahiki o kona hoopohala wale ana i na oleio a kona makuahine, a i noke mau mai ai hoi i ka hone iaia, ua ano hoopiolokeia iho la kona noonoo. Umi makahiki 0 ka noke mau ana o kona makuahine 1 ka hoouluhua iaia e mare i ka wahine. Aohe la hao i ke koiia mai o ua luaui la ona, a ua hele maoli ia a tuauluhua; a ua hu mai la nohoi ia wa iloko ona ke aloha no kona makuahine. He mea oiaio, ua makemake loa ua Duke-wahine nei e mare kana keiki i kekahi wahine; aole ioa nae ona makema.ke iki e mare oia me kekahi o na kaikamahine a Leele Evale, oiai o kona hoa paonioni no ia ma na hana hoo- ; keiakeia ui a hanohano hoi. Mai ko iaj ua mau la opiopio mai ko laua hooinaka ana e poanioni ma keia hana, a j ua aumeume pu hoi laua no Herhi?rt j ka luaui makuakane o Beretai'ana, a J hiki wale i ka lilo ana ia Adeiiza; a | mare nohoi ua Lede Evaie nei ia Haku t Evale, ka mea i kapaia ka Barona Le. He,elua mau kaikamahine a keia wa- , hine, a hookahi hoi keikikane. Ua make hoi o Haku Evale he mau makahiki loihi i kaa hope ae, a ua pani ia aku kona hakahaka e kana keiki, :>ia o Ata. 0 ke kumu nui loa hoi i makemake ole ai ke Duke-wahine Adeliza e mare kana keiki i kekahi kaikamahino a Lede Evale, oia ka hoikeia ana maloko o na huke i paa ai na kuauhau alii o na alii apau o Pelekane o Ata, lea Haku Opio Evale, oia ka hooilina pili kokoke aku i ke Duke o Kakelamaini. Aoie makemake iki o Adeliza e komo mai na keiki a kona hoa paonioni iloko o ka waiwai o kana keiki, a ma kekahi olelo ana ae hoi, aole makemake .t hoihei iki o ua Duke-wahine nei e kuleana na keiki a kona punalua. E noke mau ana ua Duke-wahine nei i ke kamailio i kana keiki i kona piha hoowahawaha a hoihoi ole i kela oliana, a he enemi inoino loa hoi lakou nona. • 1 kokahi wa a laua i kamailio pu

ai, ua hoike aku la ua Duke-v.'ahine nei i kona manao i kana Ueiki i ka ; olelo ana: i "He keu maoli ka hoi aka mea lapuwale nui wale a maikai ole nohoi. He keu maoli no o Lede Lara a ka wahine ano e." j "Healia hoi kona ano c?" wahi a kana keiki i ninau aku ai iaia īue Ka hoomau ana aku nohoi i ka ōlelo ana. . "Ma ka'u nana' aku la, lie wahine moikai loa kela." j "Auwe, e kuu keiki, mawaena ona : wahine apau o Pelekane nei a'u i hoowahawaha loa ai, o kela ke pookōla o na wahine a'u i hoowahawaha ai. E noke mau ana nohoi oia i ka hooioi : ma ke ano e ili' aku ana kou Vai\vai ! apau maluna o kana keiki. He keu ! keia a ka wahine mahaoi. Halawai au me ia i ke ahiahi nei ma ka 1-lale o ke Kuhina o ko na Aina E, a o kona pane kikoola mai la 110 paha ia ia'u, 'E, eia paha ko keiki ke makeinake nei e hoolilo mai i kuii keiki i Duke no ka Hale o Kakelamaina. Aole i kana mai ko'u ukiuki i keia mau olelo a ua wahine la i pane mai ai ia'u. | Ua pane aku la au iaia me ka uumi ana iho o'u i ko'u huhu: "Aohe manao o ka'u keiki e hana pela." "Alaila, nokeaha la ka hoi kona mea e mare wahine ole nei i ke ia wa?" E hai aku au ia oe, aole i kana mai ka hāuoli o kuu keiki i kona ike ana i kela ame keia la, aole i mare wahine kau keiki.

"Nolaila, e Beret.arana," wahi a ua Duke-wahine nei i hoomau mai ai i ke kamailio ana imua o kana keiki, "ke ike mai la oe i na olelo hookano a kikoola a kela wahine i pane oo mai ai imua o'u, o kou makuahine nei. O ke kumu nui wale no o ka hana ana a kela wahine mahaoi elike me keia, mamuli no ia o kou mare ole ana i ka wahine elike me ka'u e koi mau nei ia oe. 0 keia hana au e hana nei. e kuii keiki ua hoolilo oe ia'u, i kou makuahine nei, i mea o-a wale ia e ka leo hookano o kekahi poe e ae. He keu maoli no kou aloha ole ia'u, e kuu keiki. Nolaila, aole anei hoi oe e ae mai ana i ka feo o kou makuahine e mare oe i wahine nau; aka, aole nae o'u makemake e mare oe me kahi o na kaikamahine a kela wahine hookano nui wale." Na keia mau olelo a kona makuahine 1 pane mai ai imua ona i hapai i ke aloha iloko o kona houpo no kona luaui makuahine,"a pane mai Ia ia: "E kuu mama aloha, e hoomanawanui iki kaua. E hooko aku ana au i kou makemake. A ka la apopo 1 ike aku ai au ia Mr. Rusekina." No keia pane a ua Haku Opio nei, ua nana aku la kona makuahine iaia me ka hoopiha loa ia ana o kona helehelena me ke pahaohao loa, a hala kekahi mau sekona, pane aku īa ia: "E ike mua aku ana oe ia Mr. Rusekina. He keu ka hoi ka mea kupanaha nui wale. Heaha iho la ke kuleana o ka loio ma ka mea e pili ana i kou hooholo ana i kou manao e mare oe i ka wahine? Owau nei o kou makuahine ka mea kuleana ia hana? Aole oka loio." Ike iho la ua Haku Opio nei i kona kuhihewa nui ma keia pane ana i lioike mai ai i kona makuahine, a ia wa i hoololi koke ae ai oia i ke ano o kana Jcamailio ana i mea e nalo ai kana mea i makemake ai e huipu oia me kona loio: "Aole no i maopopo loa ia oe, e mama, ka'u mea i makemake ai e kamailio aku ia oe, a oia hoi ke kumu o ko'u makemake ana e ike ia Mi\ Rusekina. Ua makemake au e huipu me ia i ka la apopo no kekahi hana ano nui loa a'u i makemake ai nanā e hana; a ke pau ia wahi liana o ko'u wa ia e noonoo aku ai i kau mea i hoike mai nei ia'u e mama. "Kupanaha maoli no kau hana e kuu keiki, wahi a ke Duke-wahine i pane aku ai i kana keiki. "Heaha kou ano? E olelo aku au ia oe no ko'u makemake loa e mareia oe i ka wahine i hoopauia ae ai ko'u waha-a ia ana mai e kela wahine hookano, a o kau nae e pane mai ai ia'u oia kou makemake ana e ike i ko loio, a ke pau kau hana me ia, alaila, o kou wa iho la ka ia e noonoo ai 'no ia mea he mare ana i ka wahine. Kai nohoi kamailio aku au ia oe no ka mea e pili ana ia mea he mare a o ka kaua mea ia e noonoo mua ai. o na hana pili i ka loio. Ma ke ano o kau hana e hana mai nei imua o'u e kuu keiki me he mea no e olelo okoa mai ana no oe imua o'u, aohe ou makemake e mare wahine. Ano, e hoolohe mai oe. He mea maopopo loa e hookoia ana ka olelo hookano a haakei a kela wahine. E lilo io ana no keia mau waiwai apau iaia, oia hoi, i kana keiki. Eia nae, ma ka wa e lilo io aku ai o Ruda Kakela ame na waiwai e ae apau o kuu kane i kana keiki, aole la e mo malie ana kuu uhane i ka po. Aole. Hookahi wale no mea e maha ai kuu naau, oia ko'u ike ana e hoohioloia ana keia mau hale kakela apau."

"Ua maopopo loa ia'u, e mama, ka nui o kou manao maikai ole i kela wahine no kou manao ana e lilo ana kana keiki i hooilina no kuii mau waiwai apau." "Aohe no o'u nana ia mea. O ko'u hooukiuki, a huhu iaia, aole ia o ka ninau a kaua e poonoo ai i keia wa; aka, o ka mea e pili ana i kou mare ana. Eia maloko nei o Enelani ke kali nei he ekolu mau kaikamahine ui loa nou, a eia nae oe ke hoomaunauna wale nei i ka manawa ma ka noho mahu ana elike me kau e hana nei i keia wa. He hana lokoino maopopo maoli

no keia au e hana mai nei ia'u. i kou makuahine nei." "Aole loa o'u wahi makemake iki e hooko ole i kau mea i makemake ai e mama." " O kau olelo 110 ia ia'u iloko o na makahiki lie umi a oi ae i kaahope ae nei. Olelo aku no au ia oe no Uou m:\re ana i ka wahine. aole no nae oe e pane mai ana ia'u; a fna au e hookikina aku ia oe me ka liuliu. ia wa oe e olelo mai ai ia'u, aole ou makemake e hooko ole i ka mea a'u i makemake ai. Ua makemake hoi au e mare oe. a o keia mea hoi ka'u i makemake ai e hooko mai oe. A hea la hoi? O ku'u mea e ike nei i keia wa, oia keia, aole loa e loaa ana ia'u ka hauoli i loaa i na poe makuahine he poe keiki ka lakou i hooko i ko lakou mau leo; aka. owau nei la, me ka nui o ko'u hanohano, ka waiwai i loaa mai ia'u mai kou makuakane mai, ame kuu pauleie nchoi maluna u, aole loa e loaa ana ia'u hoi maluna ou, aole loa e loaa ana ia'u lie wahi huna o ko Jakou hauoli. Eia kela poe makuahine ke hii moopuna mai nei, a owau hoi, aole loa au e hii wahi moopuna ana mai a oe mai. a hiki no paha auanei i ko'u iho ain aku iloko o ka luakupapau. Manuili o keia hana aloha ole au e kuu keiki ia'u. e kiola ana oe ia'u e komo koke aku au iloko o kuu laukupapau me ka hikiwawe loa. Nolaila. e kuu keiki, aole anei oe e aloha mai ana ia'u no keia uwe helu aku a'u i,a oe?" I kela wa huli aku la ua Duke-wahi-ne nei a nana aku la i na maka o kana keiki, oiai hoi ia e nana mai ana mo na onohi kuoo, me ka hoike pu ana «iai lioi i ke aloha nona, aīaiia, hoomau aku la no ia i kana kamailio ana iaia: "0 kuu makemake loa, oia no kuu ike ana aku ia oe, e mare ana oe i ka wahine, e Beretarana. Aole paha oe i ike iki i ka nui o ka ehaeha o kuu naau no keia nohona wahine oie ana ou. E hai aku au ia oe, e kuu keiki me ka maopopo loa, o ka mea pilikia hookahi keia o ko'u ola ana. Manao au ina paha o kou makuakane ke ola ana, a i ole, ela nohoi oia ke ola nei i keia wa, ina paha ola la ka mea nana e koi aku ia oe e mare oe i wahine nau i ola ai.ka inoa o kona Hale. Aka, ua hala e aku ia mamiia o'u, a koe hookahi iho nei au kou makuahine, a owau wahine hoi ia e koi aku nei ia oe, aole nae ou wahi mea a aiolia mai ia'u."

"Ua maopopo loa ia'u, ua hana no au i na mea apau e like me ka hiki ia'u ke hana i mea nou e hauoli ai, e mama. Aole o'u wahi hoomanao iki. lie wa kekahi a'u i liana ai i kekahi me:i e hoopilikia ia ai kou noonoo. Aole hoi o ka mea i hala kahiko, ua liala nohoi ia." "Pela io no, e Beretarana. koe nae keia mea a'u e koi mau hei ia oe. K akaaka mai ana paha oe/ia'u ke hoike aku au ia oe i ka'u mea i kuko ai nou, Oiai hoi kou alo e huli ana iluna. la kuko au ia \va e mare oe i kekahi waliine koko alii kiekie loa o Pelekane nei. a o ka'u nohoi ia e kuko nei i keia wa. Aka, i ko'u ike ana nae i kou ano, o kuu keiki, aole i kana mai ka hoohoka,ia ana o ko'u makemake. Hookahi hoi mea maopopo ia'u i keia wa e lilo io ana l:eia waiwai apau i ke keiki a kela wahine mahaoi. ' E mama, ina nohoi paha i noonoo mua ia keia mea e oe ma ka wa e ola ana o papa ina nohoi aohe olelo ana, penei no la hoi ua kanaka makua loa kau moopuna." Elike me kekahi mea i hoopuohoia mailoko mai o kekahi hiamoe kulipoiipo ana, pela i puiwa ae ai ke Duke-wa-hine, a īiana aku ia i kana keiki, a olelo aku la me ka piha pihoihoi: "I ka wa e ola ana o papa ? Pehea, 0 kou wa ka palia ia i manao ui e mare 1 ka wahine?" "Malia o ko'u wa ia i anehe ai e haawi aku i na manao ana no ia mea.lie maro ana i ka wahine, aka, he mea makehewa no nae paha ia upu ana o'u e mare i ka mea a'u i manao ai ia wa e mare." Aole i ulu iki mai na hoomanao ana iloko o ua Duke-wahine nei no kela hora weliweli ana i ku ai he alo a he alo me kana keiki no ka mea i haiia e ka hainaka lilina me kahi owili lipine. 0 ua wa la ka kana keiki e hoomahui aku ana imua ona, eia nae, ua uhi iho Ia ka poina haalele i kona noonoo apau. Poina loa iho la ia i na helehelena walohia o Naomi e nanaae ana iaia me na waimaka e hiolo ana ma kona mau papalina. Aohe wahi hoomanao iki ona 1 kela leo aloha e uwe ana imua o kana keiki me ka i ana hoi: "E kuu haku e Sana Alahana, Pehea au?" Kupouli loa iho la ia, aohe wahi lihi hoomanao iki i kela leo aloha o ua kaikamahine makua ole nei e uwalo ana iaia, e aloha aku oia iaia." O ka mea maopopo nae. aia ua Du-ke-wahine īiei ke noonoo lalau wale aia no ma ka mea e pili ana i na wahine o ke kulana kiekie i hoopa mai iaia no ua keiki la ana. Aole ona wahi hoomanao iki no Naomi. "Manao au," wahi a ua Duke-wahine ia i pane aku ai i kana keiki. "He mea makehewa ia kaua ke kainailio hou aku ma keia mea. O ka mea maopopo loa no'u nei no kou makuahine nel, oia ka iho ana aku o ko'u ohohina iloko o ka luakupapau me ka ehaeha launa ole ■o kuu puuwai nou. I kela pule aku nei ko'u lohe ana mai mai kekalii hoaloha mai o'u i ka oielo hookano ana ae o kela wahine o Lara, o kana wahi i make&ake loa ai e loaa iaia mai kana keiki mai ina e make ana oe me ka hooilina ole, oia o Huda Hale nei. Aole loa o'u makemake iki e noho oia iloko o ko'u mau rumi e noho nei, me ke ku ana ae o kona ihu iluna. maopopo no ia'u, e hana ana kela wahine hookano pela. Nani hoi ia, aole oe i aloha mai ia'u, nolaila, e ku ana no ka-maka-ia a kela wahine hookano."

Hiolo iho la na waimaka ma na papalina o ua Duke-wahine nei, a ua hoopili kaumaha loa ia hoi ka noonoo o kana keiki. Ia wa pane mai la ia: "E mama, aole loa au i moeuhane mua, peneia iho la ka nui o ka hoopilikiaia ana o kou noonoo; nolaila, e hoolohe mai oe. E hana aku ana au i na hana apau e hoopauia al kou Kaumaha ame kou pilikia. E hoomaka ana au mai keia hora aku e noonoo kuio no kahi e hooko ia ai kou makemake, e mama. E hoomama oe i kou noonoo. E hai aku hoi au ia oe. aole loa o Ruda Kakeia nei e nohoia e Lara. Aole ia, aoie hoi o kana keiki; aole nohoi o kana mau mamo aku. Aka. o keia hale ame na waiwai apau o ka ohana alii o Kakelamaina, ā ili ana no ia maiuna o ke koko ponoi o ka ohana alii o Kakelamaina. Mama, cheer up Lady Laura shali never have Roo<l Castle." (Aole i pau.)