Ka Nupepa Kuokoa, Volume XXXVIII, Number 5, 2 February 1900 — I Nupepa Kuokoa Puka La. [ARTICLE]

I Nupepa Kuokoa Puka La.

E Mr. Lunahooponopono e: ' Aloha oe:—Owau kekahi mea heluhelu a lawe i ka Nupepa Kuokoa mai kona hookumuia ana a hiki i keia la, ame kahi mau «upepa e ae, e laa "Ke Au Okoa," "Ka Hoku o fka Pakipika," "Ka Elele Poakolu," a 'he nui aku, a me ko lakou mau lunahooponopono pakahi; a iloko hoi o keia au o ka hoomaemae, ua oili mai nei keia mau nupepa hou, "Ke Aloha Aina," "Ka Loea Kalaiaina," "Ka Ahailono o Hawaii," "Ka Makaainana," a o "Ka Lahui Hawaii/' ka muli pokii loa o na nupepa i hoopukaia ma ka kakou olelo makuahine. O ke "Kilohana Pookelā, o ka Lahui," o J. U. Kawainui k'a lunahooponopono o ka nupepa i kona-manawa i kukulu ai 0 J. U. Kawainui i ka nupepa Ko Hawaii Pae Aina, a ha mau makahiki hoi 1 hui ai ka nupepa Kuokoa me Ko Hawaii Pae lAina, no o keia luna hooponopono, a ua maopopo i ka lahui kona koa, ikaika a wiwo ole ma na kalaiaina naauao ana no ka pono o ko kakou aina aloha, a ua 'hele aku kana mau kalai ana a na kapuai o ka ipukahale o ka noho kalaunu o Hawaii a kakou i ik« maopopo ai; a lia pii ae ka inaina, I ame ka huhu wela ma ka umauma o na hookapuhi a ke aiii, a pane maoli aku no imua o ka nohoalii no-<na i hoopukaia e ua J. U. Kawainui nei e make e pono ai. Pa'ne ia mai ine ka leo waiohia o 'ka nohoalii: "0 kana ai da ame kana i'a e ola ai kona hale." Aua mau kona paio ana be ka wiwo ole a kamo kino mai nei i ike au o keia hoololi aupuni e kakoo ana i ka pono o iko kakou aina aloha, a hiki i kona hoomaha ana i ka hopena o na mm kino ola apau. A i kona hala ana, ua paniha;kahakaia kona wahi e kekahi keiki papa 0 ko kakou aina aloha, oia no ka mea e noho lunahooponopono nei no ka nupepa Kuokoa. E ka poe e heluheiu ana i ke "Kilohana Pookela o ka Lahui," e kala mai. oukou ia'u ma keia wahi. O keia panihakahaka o J. U. Kawaiuui ma ke ano iūnahooponopono no keia nupepa. i keia mau la kakoo, e olelo ae au ma keia wahi ma na ninau kalaiaina pili kanawai no ko kakou pono pili lahui, ua ku mamao loa mai keia lunahooponoppno e noho nei 1 keia wa mai a J. U. Kawainui mai.

E Mr. Lunahooponoponō ame ka poe e heluhelu ana i na kolamu waiwai nui o ka kakou Kilohana, ua like ko kakou iini a makemake i nupepa puka la, a pehea la e hiki ai? Ena hoa heluhelu, he makahiki ano nui keia ma ka nana ana, a i keia. makahiki ko kakou ninau kanawai e hanaia mai la e ko kakou makamaka nui o Amenka' Huipuia, aia ke noke mai ia ke kaua o Beritania me na Bua, ke hana mau nei ke kaua o Amei'ika me Pilepine, ke lohe ia mai ke kaua o Rusia me lapana,' e kali wale anei ko kakou iini ake mea hou a i hookahi pule alaila ike? Alaila, o na nupepa namu puka ia ke iawe mua i na mea hou, alaila, mahope loa kakou? O ka uupepa puka, ia "Avataika" e puka ana, Buletina ahiahi puka la, e ike mua ia ana na nuhou o na Aina E, no ka uku makahiki, 10 dala, 8 dala, a pela aku; a ina hoi o ka kakou nupepa puka la, 5 dala, 6 dala, heaha ka pilikia? Aole anei ua oi aku ke dala lilo i ka ike koke ana i na mea hou ano nui o na Aina E, mamua o ka lilo ana o na dala ekolu i ka omole gini hoilikole mai i ka noho ohana ana? Ke makemake nei au, ina ua lokahi ko kakou manao ma keia, alaila, na ka lunahooponopono ia e hoakaka mai ia kakou no ka auhau, a wahi a ka nupepa i hoike mai ai la kakou no ka pilikia o keia ma'i bubonika ke kumu, pela io.no paha, aka, dole he mea hewa ko kakou waele mua i ke pulu, mamua o ka haule ana mai o ka ua. 0 ka lunahooponopono kai ike i ka nui o ka poe lawe nupepa puka pule, no ke kumukuai eh& dala no ka makahiki, a na ko kakou Mr. Lunahooponopono e hui a kuka pu me na Ona o ka nupepa, a hoopuka koke mai i ke kumukuai o ka nupepa puka la, ma keia kino no_paha, a pehea la. Puka pule no paha kahi, a puka la wale no paha? Ke makemake nei keia makapeni e piaopopo, alaila, lokahi kakou e hopu aku me ka minamina ole i ke dala no ka waiwai nui o na mea hou, a me ka hoonaauao pu mai i ka lahui no keia mua e nee nei, no ka mea, ō ka nupepa ka luna kala laula no ka pono o ko kakou aina, oiai he kulana okoa keia mamuli o ko kakou hui ana aku nei me Amei'ika, a he mea pono e loaa ka oiaio o na mea af>au, ama ka oiaio wale no. Maanei ke hooki nei au i ka'u makapeni, a na kela ame keia e kaana nona iho. HAWAII OIAIO. Maui, lanuari 19, 1900.