Ka Nupepa Kuokoa, Volume XXXVIII, Number 5, 2 February 1900 — KA MA'I AHULAU FIVA ELEELE. [ARTICLE]

KA MA'I AHULAU FIVA ELEELE.

Ma ko makou pepa o ka la 19 o ka mahina o lanuari aku nei, ua hoike aku makou i na make o Honolulu nei i ka Ma'i Fiva Eleele mai ka Poaono mai, lanuari 13, a hoea i ka Poakolu o kekahi pule mai, oia o lanuari 17. Ma ka pepa mai hoi o ka la 26, aole a makou wahi hoike e pili ana i ke kulana ame ke ano o ka nee ana o ke "Ahulau," nolaila, ua like me {illegible} la okoa ke kowa o ka manawa e pono ai ke hoike aku makou no ua ma'i la, elike me ka hiki ia makou ke hoomakaukau. E hoomaka ana keia, mai ka la 18 mai o lanuari a hoea i ka la 31, oia aku la ka Poakolu nei. Ma ka hoike a ka Papa Ola ma ka la 27 o lanuari, ua ikeia, he 7 wale no poe i loohia i ke "Ahulau Eleele" iloko o hookahi pule e pau ana ma ia la 27 no; a ua make ia poe apau. He 3 poe Pake; 1 Hawaii; 3 lapana. Ma ia hoike nohoi, ke hui ia keia poe 7 me na poe mua he 38 i make i ke "Ahulau " ua like me 45 ka nui o ka poe i make noloko ae o na poe 45 i loaa i ka ma'i. Ma ka la 27 o Ianuari he 8 ka nui o ka poe ma'i maloko o ka halema'i "Fiva Eleele." Ma ka la Sabati mai, lanuari 28, hookahi lapana i make maloko o ka Halema'i o ke Kahua Hoomalu ma uka ae nei o Kalihi nona ka inoa o Assagura. He elua wale no la o kona kaa ma'i ana, a make oia. I ke kahaia ana o kona kino, ua ikeia ua make oia i ka "Fiva Eieele." Ma ka Poakahi, lanuari 29, aohe "ma'i" i puka hou mawaho nei, a pela nohoi maloko o na wahi hoomalu like ole. Ma ka Poalua mai, lanuari 30, aole no he ma'i i puka hou ae mawaho nei, a pela nohoi maloko o na kahua hoomalu. Ma ka Poakolu mai, lanuari 31, aole no he ma'i i puka ae mawaho nei, a maloko nohoi o na wahi hoomalu ma'i. O keia iho la ke kulana ano nui o na heluna i loohia i ke ahulau —ka heluna o ka poe i make ame ka nee ana o ka ma'i maloko o hookahi mahina me 20 la i pau aku la e hoomaka ana mai Dekemaba 12, 1899 mai, a hoea i ka la 31 o lanuari, 1900—ua like hoi ia me 51 la. Ma ka Poalua iho la i hoomanao ae ai na keiki o Kina i ko lakou la makahiki hou. He la "Kulu-waimaka" keia no ka hapanui loa o lakou. Aole hoi e like me ko na la oia ano i na wa i hala ae.