Ka Nupepa Kuokoa, Volume XXXVIII, Number 6, 9 February 1900 — KE ALOHA O KUU MAKUAKANE [ARTICLE]

KE ALOHA O KUU MAKUAKANE

KE ALOHA 'O KUU MAKUAKANE. MOKUNA VII. I ka hoea ana mai o ka m'alama o lulai, ua olelo aku la o lanatia i kana kane, ua hoea mai ka wa a laua e hoi aku ai i Karumabe Hale, me kona hoomau ana mai hoi i ka olelo ana: "Ke ole au e kuhihewa o kou home aku ana ia? Ke ole au e kuhihewa e lilo ana ia home hoohihi loa ia oe?" Komo iho la ka manao iloko o Kulurose, a olelo wale iho la no ia iloko ona: . "Kupanaha no ka hoi na olelo a ua wahine nei a'u i hoopuka mai la ia'u no ka mea e pili ana ia Karumabe Hale. Ua ike no ia o ko'u liome no ia e hoi aku ai ke hoea au i Enelani. Pehea la au e hoohihi ai i kekahi wahi, ina aole e loaa kekahi kumu maopopo ia'u e hana ai au pela? Aka, no Karumabe Hale, ua mareia oia ia'u ma ka inoa wale no, a ma ia wahi lihilihi kuieana wale no au e hoea aku ai ilaila. O ko'u hoohihi maoli ana iho ia laila, aole. He okoa kahi o ko'u hoohihi, eia nae, ahea la hookoia ka'u upu ana ame ka'u lia ana?" Me he mea la ua lohe ae la ia i ka hu a ka makani, a lele e wale ae la no kona hauli, me he mea la ua lohe aku ia i ka leo e pa-e ana ma kona mau pepeiao i ka i ana: "Auhea hoi? 0 kau upu ana, he wa loihi loa ia e lla ai, a āneane oe ilaila" . u / I kekahi kakahiaka, hui hou īho la 0 lanatia ame Kulurose, a ma ia wa hoi i pane mai ai o lanatia: "He mea oiaio, he aina nani o Italia nei, eia nae, aohe no he wahi elike aku me ka hpme-Kuu home aloha." Ma kekahi la mai, ua haalele aku la laua ia Italia, kau maluna o ka moku a holo mai la ma lee Kaiwaenahonua, hoea i ke Kowa o Gibaraleta, a hekau mai la ka ihu o ka moku no Dova. I ka hoea ana ilaila, kau maluna o ke kaa-ahi, hoea i Ladana. Mai laila aku hoi, hoikeia aku la ka iohe i Karumabe Hale, eia ua mau opio nei ke huli hoi aku nei. 1 ka loaa ana aku o keia lono ia Haku Care, ua puana ae la ra: "Kuu kaikamahine —Kuu hunona hoi." I kekahi la ae, hoea aku la laua no Karumabe Hale, iloko o kona uluwehiwehi apau i hoouluia ae no ka hoohiwahiwa ana no ko laua hoi ana aku. E kuku ana he mau pio-laau nunui i wiliia me na lau lipolipo o ka waokele. Aia ma ke poo o kela ame keia pio e kau ana na huapalapala, "Weleome." A ma kekahi mau wahi hoi, na huaolelo "Home Again." Ia lanalia, ua lilo keia mau hoolnwahiwa ana i mau mea na kona puuwai e hauoli loa ai, oiai nae, he mau mea hoehaeha loa ia i ko Kulurose naau. Nokamea, ua komo iho la iloko ona ka noonoo ana, i hauoli no ka hoi nei mea o ka hoi ana aku i ka hal» iloko o 'na hoohiwahiwa maikai ana elike'me ia i paholaia mai ai iaia ame. kana wahine, i ka like o ka manao o nei mea he kane a he wahine, a hookahi lioi ke leauna like ana i "Waialohia." O keia ka auanei, hihi okoa no ka manao o kana wahine me he kaunoa la e 'hihi ana i Mana; a oia nei hookahi wale iho no ia i leona manao hoolau wale aku no. Malia nae paha, aole e liuliu, a hookoia kona iini, a o kona makemake hoi. I ko laua hoea ana'ku. i ka hale, ua halawai aku la laua nei me ka Haku Care. Haawi iho la lakou i na lulu lima aloha ana, oiai no nae i honi aku ai kana kaikamahine iaia. "E kuu kaikamahine, e kuu lei aloha, mai poina oe i ka nui o ko kaua aie ia Mr. Kulurose Care. 0 ke kumu ia o ko kaua pomaikai ame ko leaua hauoli i keia wa." Ua hana hou ia o Karumabe Hale a maikai. Aona mea hoonani apau o loko o kona mau keena, he mau mea hou wale no. A o keia mau mea apau, malalo wale no ia o ko Kulurose mau lilo ponoi. Aia iloko o na hale lio, e kuku ana he mau lio hou o ka papa helu ekahi. Aia hoi maloko o na rumi like ole o loko o ua hale nei na kii pohaku, mabala, na kii pena maikai loa, ame kekahi mau mea hoonani e ae he nui. a lanatia i ike ai a hoohihi ma na aina a laua i kaahele ai ma Europa, a oia kana e ike aku nei, ua laweia mai a hoea iloko o kona hale. O keia mau mea no apau, na Kulurose no ia i kuai me kana dala i hookoia ai ka makemake o ka wahine puuwai uahoa. Ua makaikai o ,lanatia i keia mau mea apau mamuli o ka hoomaikeike ana a kona luaul makuakane iaia. 'A i P au ana o ka laua makaikai ana 1 na mea apau i hanaia e ka nui hewahewa o ke dala a Kulurose, ua huli mai la kona makuakane, a ninau mai la iaia: "Ea, aole anei kaua 1 ale nui loa l nei kanaka lokomaikai nui wale?" "E Ifapa, ina he aie ko kaua īaia, alaila, ua aie kaua iaia i hookahi wale no huaolelo mahalo. Ina haawi aku au iaia i ka mahalo ana no kana mea i hana mai ai ia kaua, ua hookaaia ko kaua aie apau." I lawa no a pau keia mau olelo a r anatia i ka pane mai i kona makuakane, o kona haalele koke iho la no īa

i Miniinr«r'"wrTr-i>"Mr' ——r~~~ —*■ iaia, a hele aku la ia e huli ia Kulurose. Ua. loaa aku la oia iaia e ku hookahi ana iloko o ka rumi i kapaia, "Ka Rumi Kakahiaka," a e nana ana hoi ia iwaho ma kekahi puka-aniani. i E hoike ana ma kona mau helehelena ke kaumaha apau. Nana aku la ia i ua kane makaainana nei ona, a komohia iho la ka noonoo iloko ona, e ihoomanao wale ana paha ua kane nei ana i kana mau hana aloha ole apau i han aku ai iaia. A ia wa i hoholo ai ka ula ohelohelo ma kona mau papalina, aka, aole nae i liuliu, mahiehie hou ae la kona mau ano apau. Hele aku la ia ma kahi a ua kane nei ana e ku mai ana, a ia wa oia i huli mai ai. a ike mai la i kona komo ana aku. Olino ae la ka hiohiona hauoli maluna ona i ka ike ana mai ia lanatia e hele okoa aku ana imua ona, a he hana hoi ia i ike mua ole ia e ia. Oiai o lanatia e hele aku ana, aia ka manao hauoli ke opuopu la iloko ona, a olelo iho la ia: "0 ka hora anei keia e hookoia ai kuu hauoli? E hele mai ana anei oia imua o'u, a olelo mai oia ia'u, ua aloha au ia oe. E hea mai ana anei oia iaia, ma ka inoa. e kuu kane, ka'u mea i aloha ai. Ua hoao au i kou aloha, a ua ike au i ka oiaio." Aka i ka hoea ana aku o lanatia a ku iho la ma kahi kokoke i kana kane pane aku la ia: "E Haremano, i hele mai la au e hoomaikai aku ia oe no ka nui o kou lokomaikai. Ke hoomaikai 'aku nei au ia oe me kuu naau apau. Ua nui loa ko Papa •hauoli no na anakana hiwahiwa au i haawi mai ai iaia. Haremano, I thank you very mueh!" O keia wale iho la no kana wahi huaolelo i makemake ai e hoike aku imua o kana kane e Jiialaai mai ana 1 kona noonoo i mau olelo o ke aloha ka mea e loaa aku iaia. Nolaila, ma kahi o ka loaa ana aku o ke aloha iaia, he "thank you" ka mea i haawi ia aku iaia. Aohe pane e ae a Kulurose i haawi mai ai i ua wahine nei ana, aka, 0 keia wale no: "Hauoli loa au i ka oluolu ana o leou manao no na mea a'u i hoolako mai ai no Karumabe Hale nei." 0 ke ano o o Kulurose 1 keia wa i kamailio mai ai, he ano laukua keokeo no ia, a o kona leo ua piha i ke o ana o ka leo o ka mea uhane e kanikau ana. "Auwe!" i hooho iho ai o lanatia iloko iho ona, "heaha la ka hoi ka makemake a nei kanaka e loaa. mai a'u aku? Heaha la kana mea i manao iho nei e lawe mai ana au iaia? E manao ana anei i i heie mai nei au e olelo aku iaia, ua aloha au iaia? He keu ka hoi keia a ke kanaka piikoi nui wale, ina oia kona manao." Aka, oiai keia mau manao e kani "o u oolomao" ana iloko ona, aia hoi, pane aku la ia: "Ua pololei loa kau mea i ka hoike ana mai la. He mea oiaio loa, ua hoohauoli loa ia au ame papa no na makana hiwahiwa apau i haawiia maA ai ia maua. Ua maopopo aku la paha ia oe ka'u haawi ana aku nei 1 ka'u mau hoomaikai ana ia oe ea?" "Ua maopopo ia mea ia'u," wahi a Kulurose i pane aku ai me ka loli ole ana ae o kona ano. "E hoi ihou aku ana au i kahi a'u i haalele honua aku nei ia papa. Aole anei hoi o oe pu kekahi e hele mai me a'u a huipu aku me ia? Aole i kana mai ka nui o kona hauoli iaia i hoike mai ai ia'u i na mea hoonani hou o Karumabe Hale nei." "Manao au, e oi loa aku ana kou hauoli mamuli o ko'u kaawale ana mai a oe mai, e lanaUa?" wahi a Kuluvoke i pane mai ai imua o kana wahine. "1 ka hora ewalu e paina ai kakou," wahi a lanatia i pane aku ai ia Kulu-i-oko, a huli ae la ia a hele aku la. 1 ka hoea ana mai o ka wa paina ahiahi. halawai hou iho la laua. A oiai lakou ma ka papaaina, e noke ana j 0 lanalia i ka hahai i kona luaui ma- j kuakane no na mea ana i ike ai ma 1 Europa, l:a nui nohoi o'na anaina hanohano i komo aku ai ia ame Mr. Kuluroke. a i ka oluolu maikai nohoi o ka huakai kaahele. Ua lilo loa keia i niau mea e hauoli loa ai oia ma ke kamailio ana. I ka pau ana ae o ka paina ana, ua kamilio mai la kana kane iaia: "Ua hauoli loa au i kau mea apau e hoike ana ia papa. Ke ike nei au, ua lilo kela huakai i hoohalaia ai e oe ona Euiropa !i imea e oluolu loa ai oe. oe. "Auwe! Aole ka paha oe i hoomaopopo, i ko'u hauoli maoli nohoi ma na wahi apau a kaua i hele ai?" "0 ka mea oiaio, aole loa au i ike i kou hauoli ana, oiai, aole no oe i hoike iki mai ia mea ia'u." "Ina pela," wahi a lanatia i pane aku ai, "ua hewa maoli ia hana ana a'u; a nolaila, e kala mai oe ia'u no ia hemahema i hanaia e a'u." "Ua maopopo ia'u, aole I lilo kela huakai au i kaahele aku nei i Europa 1 mea hololea loa i ka hauoli. Ke ole au e kuhihewa, ua hooponaloia kela huakai e nei, mamuli o ko'u hele pu ana me oe." "Aole pela., O ka mea oiaio, aole loa au i hoolilo la oe i kumu hoohihia no na hauoli i loaa ia'u ma kela huakai i hele pu ai kaua. O ko'u ano akeukeu ole aku ia oe, ame ke ano kikoola paha o ka'u mau olelo ia oe i kekahi wa, aole ia mamuli o ko'u hoowahawaha maoli ana ia oe, aka, ma ko'u ano lealea kamailio wale iho no paha ia, a i ole mamuli o ko'u makemake hoohana wale aku no hoi kekahi ia oe." E hai aku au ia oe, o ka kaua aelike kalepa waiwai i hana ai, ua manao au, ua maikai loa ia, a ina pela na olhana kalepa e ae apau e lawelawe ia mai nei, ina no ua holopono na hana me ka maikai." "E lanatia," wahi a Kulurose i pane aku ai. "E makemake mau ana nohoi oe e hoohaahaa maū mai ia'u. E olelo mau ana oo i ko kaua mare ia ana, he aelike kalepa. Aole anei ou hoomanao, aia maloko o na aelike kalepa apau i hui ai kekahi mau mea elua a oi aku paha no ka lawelawe ana, e loaa ana ka mahele like ana o na puka ame na poho i kela ame keia hoa i hoopaaia ai ma ka aelike? Ina he mau hoahui kaua ma keia aelike kalepa au e olelo mau nei, alaila, e ninau iho oe ia oe iho, heaha ka waiwai puka i loaa mai ia'u?" Ua lilo keia mau olelo hop,e a Kulurose i hoopuka aku ai i mea na lana- , tia e ike iho ai i ka oiaio maoli. Ua

haawi mai o Kuluioee iaia ame kona makuakane i kona waiwai ame kana mau hookauwa ana iaia iho ma na ano apau e loaa ai iaia ka hauoli ame ka oluolu, aka, mai a laua aku a ia Kuluroke, he ole. Aka, puai ae la no ka haaheo iloko ona, a pane mai la ia: i "Na kou makemake hookahi wale iho no i lianaia ai keia mare mawaena ou ame a'u." "Ke ae nei au ia mea, a nolaila, he mea makehewa nou ka olelo ana he aelike kalepa keia i hanaia mawaena ou ame a'u, e lede lanatia," wahi a Kuluroke. "Alaila." wahi a lanatia i olelo mai ai, "ina aole i kupono ka'u i hoike mau aku ai ia oe no ke ano i hoopaaia ai oe 1 ame a'u, a he mea hoi ia nou e hoehaehaia ai, ke olelo aku nei au ia oe, aole loa au e kamailio hou aku ma ia ano ma keia hope aku." | O keia ka wa mua loa i luli ae ai ka paakiki uahoa o ua Lede lanatia nei. i A ia wa i olelo iho ai o Kulurose iloko ona: "E lanakila ana no ka Hoomanawanui maluna o ka Haakei ame ka Haaheo. (Aole i pau.)