Ka Nupepa Kuokoa, Volume XXXVIII, Number 6, 9 February 1900 — E PONO NO E UKUIA NA HOPE-LUNA NANA. [ARTICLE]

E PONO NO E UKUIA NA HOPE-LUNA NANA.

Manao makou he mea maikai ke ukuia na hope-luna nana e lawelawe nei i ka oihana nana i na kanaka malōko j o kela ame keia hale, maloko o ka Apana o Honolulu nei, i keia mau la e hele nei. Ua hoomaopopo makou, he hana nui maoli no ka keia poe e lawelawe nei. E hele ana lakou i kela ame leeia liale iloko o ko lakou mau apana iho no ka hooko ana i ka hana i haawiia aku ma ko lakou lima. He elua manawa o ka la hookahi e hooko aku ai lakou i keia hana. I ke kakahiaka ame ke ahiahi, hookahi ae la ia la hana, a pela aku ana. A ua Hlo maoli keia hana i mea hoopilikia aku i kekahi poe o lakou. Ua hooholoia e hana wale ana keia poe me ka uku ole ia. Manao makou, he mea maikai no ke ukuia keia poe. He mau kamaa ko lakou e hele ana i ka wa malie ame | ka wa ua, oiai lakou e hookauwa ana ia lakou iho ma keia hana. He mau aahu ko lakou e pulu ana i ka hou a e eka ana hoi i ka lepo mamuli o keia hana. E hakaka pu,- a e hoopaapaa pu ana kekahi o keia poe 'me ka poe noho hale o na wahi a lakou e kipa ' aku ai no ka hooko ana i ka lakou hana. Eia nae, aole ka lakou e ukuia? E ukuia no laleou e pono ai. Heaha ka hewa,*ina e loaa ia lakou he $1.00 (hookahi dala) no ka la? He mea ia e kokua aku ai ia lakou ma ka lakou hana.