Ka Nupepa Kuokoa, Volume XXXVIII, Number 8, 23 February 1900 — Untitled [ARTICLE]

Ua paa ae nei ka Alemanaka a Taramu no keia makahiki, a eia ke kuaiia nei maloko o na halekuai buke o Honolulu nei. • Ma na lono i loaa mai ia makou, ua maikai hou ka holu ana o ke kai o Kahului i keia mau Ia mai la. Aohe puka hou ae o ka Bubonika. « Ma na hoakaka manao akea a kekahi poe loea kalai Aupuni o Europa, ua ikeia, he kulana maikai ole ko na Aupuni nui o Europa ia Enelani; a o Geremania kekahi ma keia puulu. » • He nui na wa i kaa hope &e nei i ikeia ai, mamuli o ke akamai o na Kaiai Aupuni ana a na alakai o ke Aupuni o Beritania Nui i hookui pu ole ia ai oia me kekahi hakoko ikaika. ioa elike iho la me keia ana e paio nei me na Bua. • 0 ka mea e lilo ana i Kiaaina no ke Aupuni Teritori o Hawaii nei, he kanaka ia i lilo i poo nui no ka Oihana Hoōko, a, afa hoi iloko ona ka mana 0 ka hoekohu ana i na luna Aupuni Kiekie o ioko nei o ka aina, me ke aponoia ana hoi e ka Aha Senate. « Mailoko mai o ka Miliona Dala a oi ma ka Waihona o ke Aupuni, elilve me ia i ikeia ai i kela makahiki aku nei me he mea la, aole e oi aku ana mamua o $10,068 ke koena ma ka Waihona, ke pau na hoolilo Aupuni kahiko a hou iho nei i ka uku ia, ke hoea aku 1 ka la apopo; aka, aole nae he mea ia e pilikia ai ke Aupuni. • E ole ka e kala i ninauia aku ai o "Papa" McKinley no ka hiki ame'ka hiki ole ke noho ke kau Ahaolelo mau ma keia makahiki, aole nae hoi he pane mai. Loaa e mai ka pane no ka mai ahulau, a koe hoi kela. Heaha la ke kumu o keia ulolohi ana? He hana paakiki anei ka olelo ana mai—Ae; j e Ahaolelo oukou; a i oie, e hoole mai nohoi? o " He Kau mau keia no ka Ahaolelp. īna e holo pono ana keia hooneenee ana aku nei a na hoa Ahaolelo i koho ole ia e na poe koho balota o Hawaii nei, alaila, he $400 e loaa ana i kela a- ■ me keia o lakou no keia noho ana. A- J ohe hewa o keia hooneenee ana a kapuahi, oiai he wa. "Bubonika" keia. Na ka "iole" hoi kahi, a na ke kanaka hoi kahi. He hewa ia la? E hewa hoi ka mea maikai. • — Heaha la ke kumu i kaheaia ai he "Ahaolelo hokae" (rump Legisiature) aole hiki i ka Lunahoomalu o ka Hale o na Lunamakaainana ke hoakaka mai a me he mea la, aole no ia i ike. A o kekahi poe e ae hoi i ike io paha hoi., Aohe kumu kupono a lakou i hoakaka> mai ai. He lehulehu hoi na manao kohokoho i haawiia mai e ko waho nei poe, a mawaena oia mau manao, ua kaheaia ka, keia akoakoa ana no ka hopu-lima ana i na wahi koalaala uku ahaotelo. A no ia mea nae, na ka manawa e hoike mai ia mea. Iloko nae oia wa o ka pōe uiha i ka noho mehameha, e hele aku i na la e noho ai ka Hale.—P. C. Advertiser, Feberuari 22. •_ •