Ka Nupepa Kuokoa, Volume XXXVIII, Number 17, 27 April 1900 — KEIA AO, KELA AO [ARTICLE]

KEIA AO, KELA AO

Hoomau mai la nohoi kuu alakai i ke kamailio ana mai ia'u ma ia ka i ana mai: "0 kela ke alanui e hele mai ai na uhane apau e manao ana e hoea i keia wahi mai kahokulele mai o ka ehaeha, a o h ele mai hoi lakou me ka hoomanawanui iloko o na ehaeha ame na popilikia apau. Auwe ka poe e huli aku ana mai kela alahele aku, a aiiwana hele aku hoi lakou iioko o na moanakai ooloku a kupikipiki-o o ko ka honua noho ana iloko o ka hewa ame ka haumia. Ano, e ka uhane i waihoia mai malalo o ka'u kiai ana ame ame ka'u alakai ana, ano ua kokoke mai kou wa e hoi hou aku ai i ka honua. Ua kaikai ia mai oe mai ka hokuhele mai o nawaimaka, a ua ike oe i ka Poai Uwila kuwaho o kahi i kapala o ka lani. Nolaila, e ka uhane honua, ina he mea e ae kekahi au i makemake al e niuau ia'u mamua o kou hoi hou ana aku i ka honua au i hele mai ai, alaila, o ka wa keia au e ninau mai ai ia'u." A°le hoi au i pane aku iaia, hekau aku la ko'u mau maka maluna 0 ka rina uwila poepoe e niniu ana a e oaoaka ana hoi me ke alohilohi loa, a ia wa i loloku iho ai kekahi manao iloko o'u, a hoea ae la he manao e Hke me kela: Ina o ke Aloha ame ka Manaoio ka mea e kokpke aku ai ke kanaka i kona Hoola, alaila, e ike an au laia he maka no a he maka. I kela wa hoi i ike aku ai au me ke pahaohiao nui i ka mawehe ana ae o "na kukuna olinolino o ka rina uwila, a puko ae la lakou me he ahi nui iaeaa na, a ike aku la hoi au ma ia wahi a ua mau kukuna nei i puko ae ai i ke alohilohi mai o kekahi punohu ao aiai, a mailoko mai hoi o ia punohu ao aiai loa a'u e ike aku ana, ike aku la au 1 ka oili ana mai o kekahi kino kanaka i aahuia i kekahi malamalama nani loa a hele mai la Oia ma kahi a'u e ku ana Ma ia wa hookahi nohoi i ike aku ai au i kekahi poe kino kanaka he iehulehu loa e lele poai puni ae ana iiaia, a hoomanao iho la au he poe anela lakou, a 0 kino kanaka e hele mai ana ma kahi a'u e ku ana me kuu alakai, oia no kuu Hoolapanai ka mea hoi a'u i iini ai e ike me kuu maka. Ia wa i lohe aku ai au i kona kahea ana mai ia'u i ka i ana mai: "E ka Uhane mai ka honua mai a'u 1 hoopakele ai mailoko mai o ka lima 0 ka make, oiai ua iini oe e ike ia'u, no ia mea i hele mai Ia au imua ou. He oiaio ma ka ike maka ole ana e loaa ai ka manoio, aka, nou nae, e ka uhane mai ka honua mai, ma ka ike maka kou manaoio ana mai. 0 ka mea au i manaoio ole ai mamua, oia kau e mana oio nei i keia wa. No kou aloha ana mai ia'u me kou naau apau, nolaila au 1 hoea m ai la imua ou. E ka uhane honua, ua noho au ma ka honua au i hele mai ai, ua aahu au i ko laila aahu lepo, ua ike i ko laila mau wai.maka, ua hoao i ko laila awahia, a ua uhi ko laila lepo maluna o'u. E hoomanao oe, hookahi no au me ko'u Makua, owau ame ia, hookahi no maua. O k-a mea iloko o'u oia ke noho iloko o ko'u Makua, o ka mea paulele mai ia'u oia ka mea e loaa ai ke ola mau loa." I kela wa i ike aku ai au i ka hoopuniia an ae o ua Hoolapanai nei e'u e kekahi ao malamalama loa a nalowale aku ia oia mai ka'u ike ana aku. Ku iho la au me ka nune nui ana iloko iho o u no ka'u hana pono e hana ai 'a wa, nolaila, huli ae la au ia wa a uinau aku la i kuu anela alakai i ka ninau a i haawi mai ai na'u e ninau ma ka wa pono a'u e ike ana ma keia kaahele ana o'u i ka poiuiu o ka lani: "E kuu alakai," wahi a'u i pane ae ai ua alakai nei o'u, "heaha la ke omamalu nui e uhi mai ana maiuna o Jta mea nana au i hoouna mai nei ia nei? E % hai mai ia'u i ka haina no keia ninau i hiki ai ia'u ke hai aku iaia n*a ko'u wa e hoea hou aku ai i ka honua. I kela wa i nana pono mai ai kuu

alakai ia'u, a mahope pane mai la la me ka leo kuoo. "E ka uhane makau ole, ke ninau mai nei anei oe i na mea huna pohlhihi o keia mua aku? Aole anei i lawa nou ka lohe ana i ka leo o ka mea e hamau ka leo o na Aneia, aka, eia no nae ōe ke noii hou mai nei?" Me ka maka'u ole ame ke koa launa ole mai nohoi ia wa i kamailio aku ai au i ua anela la i kamailio pu mal al me a'u: "Ua ike no au he manao kiekie loa i keia a'u i ninau aku nei ia oe, aka, e hoomanao oe he honua pouli ko makou a o ko lalla poe kanaka ke hele la lakou iloko o ka pouli nui. O ka loaa ana he malamalama' mai a oe mai no ka mea .e pili ana i ko keia mua aku o ke kanaka nana au i hoouna mai nei i keia wahi, he haawi ana aku ia I ka Ike ma kahi o ka naaupo, i ka malamalama hoi ma kahi o ka pouli." I ; 'He mea oiaio ia au i hoike mai Ia e ka uhane mai ka honua mai, aka, aoie nae na'u e hoike aku ia oe La mea huna pohihihi, oiai aole owau kona lioalike ma keia aoao o ka poai lani au ame a'u e ku nei. E kahea ae oe i ka inoa o Azula, a oia auanei ka mea nana e hoike mai ia oe i ka mea au i ; makemake ai e ike." ! Ia wa i kahea ae ai au i ka iaoa o Azula, a 1 lawa no a puka ae ia inoa | mai ko'u mau lehelehe aku o kona wa

no ia i ku mai ai imua o'u, a ninau „mai la oia ia'u i ka i ana: ! "E ka uhane nawaliwali oka honua, ; heaha kau i makemake ai e hoike aku ' au ia oe mamua o kou hoi hou ana aku i kou halelewa honua?" -> , "Ua ike au," wahi a'u i pane aku al i "o oe ka hoalike o ke kanaka nana au i hoouna mai nei ia nei, a nolaila e hai mai oe ia'u, healia la ko mua aku nei oua kanaka la? E hai mai oe ia'u i keia mea i hikl ai ia'u lie hoi aku I ka hi a'u i liele mai nei a hoike aku au iaia i ko keia mua aku ona elike me kana i makemake loa ai e ike. E ae anei oe e lilo ia i kanaka e haule aku mai kau alakai ana mamuli o kou hoonele ana iaia i ka mea ana i ake ai e ike? Hookahi huaolelo mai a oe aku a o kona palekana no la," : "Ae. He mea oiaio ua ike oia i ke- ; kahi pouii nui e poipu ana ma kona alahele. He nui na wa ona i manao ai e lilo ana kana mau hooikaika ana i mea ole loa, a ua ike no ia o kona hina 'ana iloko o keia wa o kona hooikaika ana, ua like ia me kona hoihoi hou ia ana aku i hope, a hoomaka hou mai oia i kana mau hana apau mai kinohi mai. Ua a'o au i keia mea iaia, aua i ike oia i keia ohu pouli e lana hele ana mamua ona, eia nae, aole oia i hoomaopopo ia mea. A e hai aku au ia oe, i kou hoea hou ana i ka honua a hui aku oe me ke kanaka nana oe i hoouna mai nei ia nei, e hai aku oe i keia mau huaolelo. Ma ka wa e waiho ana ka make iloko o kona poholima me he waiwai makana la i haawia mai iaia, i alaila, e kaohi oia i kona lima, aole e hooko aku ia mea, nolaila, aloha oe." I I keia wa i ike aku ai au ika nalowale ana aku o Azula mai a'u aku, a ku iho la au me kuu alakai, a ia wa i ! ike iho la au i ka uhi ana mai o kekahi pouli nui maluna o'u, a ke hoomaopopo ia au i ka emi ana iho o ko'u kino uhane ilaio, a ilalo iho, a ilao loa, a o ka mea mua loa a'u i ike ai oia ko'u ike ana ae ia Heliohas e noho ana ma ko'u aoao. (Aoel i pau.)